發展遲緩B媽媽(part 1)

weiwai

我也咁唸, 留番s位好d

原帖由 cecilau 於 11-3-15 17:00 發表
睇到你個女的case, 我好想回應一下, 希望你唔好覺得我多事. 個個亞媽當然想個女追到再讀主流啦, 但在你女女的情況, 仲delay 多於一年, 我覺得留在s 位係最好, 因為有3T 的服務, 可以密集式咁追, 如果你想出去讀E 位  ...

weiwai

congratulations !

原帖由 urme1997 於 11-3-16 16:47 發表
各位媽咪
我囡囡都成功由S位轉出去E位啦, 大家加油呀!

weiwai

好攰架......個大人

原帖由 Capricorn2521 於 11-3-17 22:48 發表
希望係一個好嘅開始啦。但係e位真係吾係人人可以... 尤其要返工嘅家長，要工人或老人家帶，始終都隔咗一層.....

weiwai

我地都過緊呢d日子, 真係好攰. 好似今日咁, 9am出門口, 夜晚6:30pm先返屋企

原帖由 valmom 於 11-3-16 22:57 發表
我都想係全職媽媽呀.. 不過我其實係要返工... 依家日日放工趕返屋企, 一係係屋企training, 一係帶佢出去train... 星期六又一早起身, 又係去training... 阿女經常呢度去個度去... 去training....阿女已經習慣佢係好多呢d既training要早.. 佢當係去玩.. 所以佢就唔辛苦.. 我就恨不得一日有48小時... 不過咁多治療其實都係相輔相成, 互補不足.. ...

weiwai

你女女好似我女當初情况, 我女都係整體發展遲緩

原帖由 lelemama 於 11-3-19 04:07 發表
Hi 大家好, 用了幾日臨瞓時間追睇番之前嘅post, 睇到眼淚喊濕幾次枕頭, 因為有所共鳴, 見到大家為自己的心肝寶貝不斷努力, 真係好感動!

之前真係對發展遲緩毫無認識, 而且最初, 我也以為亞女只是語言發展遲, 但當阿 ...

slh

呢幾日真係好辛苦！又好擔心，因為上個星期日發現呀囡視力差咗好多，又唔望野，好似睇唔到野，凈係對光有反應，攪到全家都好擔心。
剛在過咗嗰個星期五帶了她返e院打藥水入只眼同checking ，但e生話應該好過上個次checking，佢都唔知點解， 點算？我有問佢是否呀女的情況差咗同埋是否視網膜脫落的情況嚴重咗， 佢話唔係！ 想問有冇小朋友有類似的情況?如果真係視網膜脫落，有咩可以幫到手？

urme1997

多謝!
大家都要努力呀 ^^

valmom

有冇上網睇下外國有冇類近既case?

tissue0522

Slh,

如果你小朋友眼睛結構上無問題，但睇野睇得唔好，而醫生又講唔到比你聽點解，你試下問醫生會唔會係大腦性視障！

methy

屋企有好既老人家or姐姐support 對在職媽媽真係好重要,我都有諗過唔做野,但無收入真係比唔起樣樣都好似"倒水"價既訓練。我怕無返工我仲會諗亂野,為無$而唔開心。

valmom

你講得岩呀~
返工就犧牲左同小朋友相處既時間, 有好多野都要假手於人... 唔返工又怕自己圈子縮窄之後, 心理上太大壓力, 平衡唔到, 又會為$$煩d... 真係做同唔做都煩....

sanriokitty

我第一次的入來這個topic, 因為也是時候去安排了, 阿女出世後已經因為心臟問題同埋腦部一組神經無左一直係政府睇, 一出世連食奶都唔得, e+8個月了, 一直不停係政府覆診睇心臟科同腦內科, 3月個已經去左做評估, 排緊早期訓練既學校, 最近一次見腦內科評定為2-3個月的肌肉發展, 頭都未抬得起, 莫講話坐, 每星期去醫院做physio, 最近2公婆至討論她的未來, 把擔心拿出來面對, 接受就是第一天那個不負責任的姑娘同我老公講佢係低能架果一刻已經接受了, 因為一直至我有左5-6個月才開始發現個胎有啲數值比正常標準高開始, 我很想哭, 也真的哭了很多次, 但默默地在醫院住了2個月等她出來一同努力, 那時心情很差, 又回不了家, 也照顧不了兒子, 天天老公收工趕來為我打氣, 我無奈地等醫生回覆我究竟有什么問題, 最後出生了才是第二個挑戰的開始, 捱到今天我覺得自己很強, 其實各位媽媽都很強, 在這裡可以說出自己的感受, 大家都有同樣的困難, 相互扶持真的很重要, 我每次force女兒做運動, 她很不滿不給她躺下來, 但是如來要站起來真的不易, 邊寫又邊想哭起來.

weiwai

或者考慮去私+check 下

原帖由 slh 於 11-3-28 00:00 發表
呢幾日真係好辛苦！又好擔心，因為上個星期日發現呀囡視力差咗好多，又唔望野，好似睇唔到野，凈係對光有反應，攪到全家都好擔心。
剛在過咗嗰個星期五帶了她返e院打藥水入只眼同checking ，但e生話應該好過上個次checking，佢都唔知 ...

slh

.

原帖由 weiwai 於 11-3-30 10:07 發表
或者考慮去私+check 下

星期一覆診時有同政府e生提過我地擔心的問題, 也同佢講過我地在網check 到的資料, 佢都話如果我地有其他的concern, 可以找私家再check~  不過之前我地問過做兒科/眼科的朋友, 而家睇呀囡的e生已經出名細心及好好~ 所以都唔知點好~

不過呢兩星期學校都有幫手睇緊d呀囡的情況, 但老師話係差咗, 不過又唔係差得咁緊要.....

sohpinkss

我囡囡早產, 27W6D出細了
佢發展真係幾遲緩下
而家都18個月了, 就唔識轉身
唉......
過幾日同佢去方心淑見負責人
唔知點呢~~~

sohpinkss

原帖由 沖廁 於 11-4-5 00:38 發表
咁有冇做治療呀?
方心淑係咩來呀?

有做啊..
佢而家1個星期做1次
我日日都幫佢做運動拉筋
但我覺得進展都係比較慢, 唉

方心淑引導式教育中心
係專門收一D腦受損既小朋友
今日帶左囡囡去
佢話5月會答覆我今年度會唔會收

youvanvan

大家好, 我番黎喇, 記唔記得我?

我個女而家27個月大喇, s 位剛剛通知我收左, 原本我係想放棄個 s 位讀主流既 nursery 架, 其實路德會都收左我個女.

因為我個女有去開協康會番 playgroup, 有一日個姑娘打比我同我傾我個女既情況, 佢話我個女好需要一 d 比較 intensive 既 training, 最好係全日制既 s 位, 我同佢講我唔打算比我個女讀 s 位, 因為已經有幼稚園既 nursery 班收左佢 (我仲得得戚戚咁:-p), 佢同我解釋左好耐, 我先明白原來o係過去呢年幾以黎我都係呃緊自己, 諗住個女可以 catchup 到,  呢個都係其中一個原因我冇再上 bb kingdom 呢個 forum, 因為我唔想面對. 再者, 麻麻婆婆同好多親戚都叫我唔好比個女讀 s 位, 可能因為佢地唔想面對現實啦, 所以我其實已經冇再諗 s 位 e 位既野架喇.

咁啱就o係協康會姑娘同我傾電話之後幾日, 我突然收到封信話派左我個女去耀能喎, 我個心都仲係好忐忑, 但諗番姑娘同我傾既一番說話, 我就重新考慮過.

今日同 s 位一個中心主任傾過, 佢同我講叫我諗下佢現時最需要什麼先, 應該係追番慢左既部分, 而唔係咩 social skills 同唱遊班, 我終於都明白晒, 我會帶埋個女先去參觀下中心, 睇下其他小朋友上堂, 應該八月左右會入學, 希望我唔好再浪費我個女既時間, 希望佢快 d catchup 到, 到時真真正正可以讀番主流幼稚園啦!

大家加油呀!

youvanvan

我想補充, 我覺得呢度好多家長都好勇敢, 為小朋友做左好多野, 我要向大家學習!