啓思小學附屬幼稚園(牛津道)

IRON

我媽都好唔明我, 一返學就少左家庭聚會, 有時我心諗, 我地細個您地都無理我, 識唔識都自己搞掂, 一陣成績唔好又話我唔勤力.

原帖由 wawa 於 09-11-19 12:19 發表
真係唔知點解, 而家o的細路返學好似我地返學咁,仲緊張過佢地. 佢地放假就真係我地放假, 好relax.

wawa

你屋企人話, 我就學校話, 記得上年一年級, 個老師就問我,你有無同仔仔温書, 睇佢應該可拿更高成績喎! 你話自己唔比壓力,學校都比.

原帖由 IRON 於 09-11-19 17:26 發表
我媽都好唔明我, 一返學就少左家庭聚會, 有時我心諗, 我地細個您地都無理我, 識唔識都自己搞掂, 一陣成績唔好又話我唔勤力.

IRON

hi wawa,

今日休息, 我叫左我媽過黎睇仔仔游水, 之後就去飲茶, 總算又聚會, 費事俾佢成日話我.

返黎又開工, 下星期有英測同中默, 放3日仲有好多功課, 我同仔仔講, 想星期日去玩, 就要呢2日搞掂.

IRON

今日又回暖, 真係好啦~~今朝著冬季校服返學, 好彩一早買定黑鞋, 之前果對又唔岩啦.

又到聖誕, 我地既聚會睇怕又年復一年囉~~

kayiu626

c law,我真係無乜同阿女溫書...
test & dict 都係叫佢自己溫...
好慚愧...成日5響屋企...

wawa

Kayiu

我都同仔仔講, 叫佢以後自己温書, 因為真係唔可以成日依靠我提佢幾時要即測, 幾時要默書, 呢o的野要等佢地負責下, 如果唔係大咗仲係咁,就真係唔係好掂, 不過佢地要讀書時我地就一定唔可以有其他節目啦.

原帖由 kayiu626 於 09-11-23 11:33 發表
c law,我真係無乜同阿女溫書...
test & dict 都係叫佢自己溫...
好慚愧...成日5響屋企...

IRON

hi kayiu,

睇到妳信息, 不過今日阿仔要游水, 所以一放學就拿拿林閃啦, 都見妳唔到. 星期三要中默, 好彩今日係學校已做晒功課, 而家溫習中, 一陣要食好野, 游7點半.

妳女自己搞得掂咪好囉, 始終妳要返工, 老公要求都唔會太高啦, 我唔同呀, 業績要呈報架, 好大壓力!

原帖由 kayiu626 於 09-11-23 11:33 發表
c law,我真係無乜同阿女溫書...
test & dict 都係叫佢自己溫...
好慚愧...成日5響屋企...

IRON

尋日游水既朋友仔媽咪問我關於啓中, 我都唔係好知, 之前話可簡本地會考或IB, 但有人同我講根本無得簡, 行左IB都無讀本地課程, 點考?! 不過聽聞有小朋友本身考入去時英文ORAL唔係好掂, 但2個月後就非常OK, 因同學間對話都係英文國語.

有無人有多D資料??

wawa

行IB 課程就不用考會考, 不過到你仔仔讀啟中時都不用考會考, 一試就入U, 所以而家知道到將來都不一樣.

原帖由 IRON 於 09-11-24 08:41 發表
尋日游水既朋友仔媽咪問我關於啓中, 我都唔係好知, 之前話可簡本地會考或IB, 但有人同我講根本無得簡, 行左IB都無讀本地課程, 點考?! 不過聽聞有小朋友本身考入去時英文ORAL唔係好掂, 但2個月後就非常OK, 因同學間對 ...

IRON

今日暖返好多, 我仔仔唔肯著校服, 要求著運動服, 佢話好多同學都係日日著, 我話咁我買左校服黑鞋咪好浪費, 終於著左短袖衫+風褸.

hi LA,

尋晚終於搞到幾點?? 妳仔叻好多, 今日我問返我仔, 佢終於講左歌名, 真係同妳仔講既咁上下音, 另我問係咪老師簡, 佢仲話唔係, 係自己舉手, 咁我問係咪好多人舉手, 而老師簡邊幾個, 佢話係, 我話咁即係老師簡啦, 如果唔係所有舉手既都可以去啦, 佢先話哦, 死未, 佢連呢d咁簡單既都分辨唔到!

IRON

今朝阿仔又話要著運動服, 我話唔得, 死死氣著校服, 不過我知佢心諗, 點解人地得佢唔得, 而家仲係我管轄範圍, 唔知幾時唔聽.

LA

IRON,
As i told u earlier, sports uniform is my son's hot topic. He would count who wear on which day, which non PE day he want to wear and his excuse. I hv asked him, so i do not need to buy ordinary unifrom anymore?

Every night as usual lar. Very little chance to go to bed b4 10:30pm for whatever reason.

原帖由 IRON 於 09-11-25 09:39 發表
今日暖返好多, 我仔仔唔肯著校服, 要求著運動服, 佢話好多同學都係日日著, 我話咁我買左校服黑鞋咪好浪費, 終於著左短袖衫+風褸.
hi LA,
尋晚終於搞到幾點?? 妳仔叻好多, 今日我問返我仔, 佢終於講左歌名, 真係同 ...

BallBallMaMa

IRON/LA,

佢地真係好鍾意著運動衫GAR, 因為著運動衫先可以落操場跑 ?!

wawa

Iron

我唸你仔仔都係比你操控多一兩年咋. 我唸上到中學乜都自己話事tim.
我唸佢都就快高過你了.

原帖由 IRON 於 09-11-26 09:57 發表
今朝阿仔又話要著運動服, 我話唔得, 死死氣著校服, 不過我知佢心諗, 點解人地得佢唔得, 而家仲係我管轄範圍, 唔知幾時唔聽.

IRON

hi wawa,

haha......我都覺佢今年"岩蠶繞口"左好多, 而家仲係仰我鼻息, 知道老竇搵$, 阿媽話事; 又好彩學校無小賣部, 所以我仲未俾零用$佢.

尋日返黎講, 佢玩開個網上game, 有同學去7仔入$升級, 佢又要, 我話唔俾, 如果佢有零用, 分分鐘入左$我都未知.

wawa

我都覺得學校無小賣部的好處, 同埋小三以下係唔比自己放學, 如果佢明年到小四可能會叫你比佢自己放學返屋企唔駛你接了.
我仔仔上星期先叫佢daddy 同佢開個戶口, 但比我阻止了. 我話遲些先.

原帖由 IRON 於 09-11-26 14:05 發表
hi wawa,

haha......我都覺佢今年"岩蠶繞口"左好多, 而家仲係仰我鼻息, 知道老竇搵$, 阿媽話事; 又好彩學校無小賣部, 所以我仲未俾零用$佢.

尋日返黎講, 佢玩開個網上game, 有同學去7仔入$升級, 佢又要, 我話唔俾 ...

IRON

班主任好細心哦, 岩岩打黎問仔仔呢排情緒如何, 我話自從改左例(3次無交先罸)後, 仔仔心情放鬆晒, 做完功課後每執一樣就剔手冊, 再check大日曆要拎咩, 因有時d功課唔係第2日交, 可能成個星期後先交, 我俾左個大日曆佢寫低, 咁就實記得啦.

班主任仲做左d紙仔, "三好"尋尋尋, 做到既就有老師既讚賞說話, 今日仔仔拎左張返黎, 我而家先知"三好"係存好心, 說好話, 做好事, 我都無時間睇宮心計.

wawa

Iron

我仔仔由小一開始就係叫佢做完一樣功課就mark 個”tick”係手冊度代表做完, 而家已成為習慣了.
佢如果無做功課老師都係係抄家課o個版寫下未做, 就唔係mark 係前面話欠交的. 因為三次欠交就會記缺點的.

你知道嗎,我由上年開始就無睇電視啦, 真係無時間. 其實你想睇可錄起等佢返了學睇,又或者上網睇.

原帖由 IRON 於 09-11-26 16:56 發表
班主任好細心哦, 岩岩打黎問仔仔呢排情緒如何, 我話自從改左例(3次無交先罸)後, 仔仔心情放鬆晒, 做完功課後每執一樣就剔手冊, 再check大日曆要拎咩, 因有時d功課唔係第2日交, 可能成個星期後先交, 我俾左個大日曆佢 ...

IRON

hi wawa,

仔仔以前係做好晒功課, 睇住手冊仲樣再check一次放入功課袋, 一向都唔會唔記得做功課, 只係間中拎漏左野, 唔係今日派明日交果d, 但前排搞到神經緊張後反而仲出錯.

朝早做完野會入tvb.com睇返尋晚既劇集, 不過都係夠時間睇一套, 我追開富貴門.

wawa

好似讀任何學校都會有壓力的.
咁功課多唔多呀?
我仔仔日日都有10-11樣功課做, project 就小啦.
無乜野係一星期後要交.

原帖由 IRON 於 09-11-27 09:54 發表
hi wawa,

仔仔以前係做好晒功課, 睇住手冊仲樣再check一次放入功課袋, 一向都唔會唔記得做功課, 只係間中拎漏左野, 唔係今日派明日交果d, 但前排搞到神經緊張後反而仲出錯.

朝早做完野會入tvb.com睇返尋晚既劇集,  ...