英華小學家長

csk

Ambrose

我兒子換了新的英文老師，對我來說是一件從未想到的好事。對之前的老師，我覺得兒子上課與不上課分別不大，因為不期望他從她身上學到甚麼。之前以為要捱多半年，現在反有新的期待。每間學校也有好或不好的老師，現在新招聘英文老師的質素有目共睹，有時有轉變才有轉機。我很認同林校長的方向和眼光，大家一同努力吧！

SandyKL

Dear all,

星期一記住要帶番盆秋海棠文學校，我阿仔果兩盆冇花，希望交咗會回番俾我，我已經換咗盆，雖然冇花，但係出咗好多葉，睇得我好舒服。

HoHomama

我地個盆，分左兩個baby出來，如果有盆可以分三個。而家盆盆都有開花，阿媽連大baby個盆最壯，星期一交，兩個baby秋海棠就留在家裡慢慢養 。

唉，最近公私兩忙，竟然到九點才記得今晚英華有個音樂表演    錯過左添    你們有沒有去看呀？

SandyKL

HoHomama,

見你咁寫，好壯喎，你有冇落肥料?我都好鍾意理種花，收黎自己養都唔錯，佢開d花又靚。

你都知道有個音樂會，我完全唔知添。係勒，我已決定由下月起，唔再俾我大仔去學小提琴，佢真係太懶啦，成日唔練琴，而且功課緊迫，冇時間再兼顧小提琴，今個星期五，佢要作一首10句英詩，仲一定要包括5句句子有"sh"結尾之字，好難作，因為有"sh"尾之字，本身互相都唔多押韻，只有fish及wish較為押韻。我從未作過英詩，今次都係第一次，更遑論一個三年級小朋友。

HoHomama

SandyKL,
肥料係新年前拆o的baby秋海棠時先開始落。我想我o的秋海棠壯是因為一拿回來便換了大盆和成日有陽光曬。

沒聽過我個仔話要作英詩Bor，聽日問下佢，多謝報料。作英詩，我從來都沒作過，真係唔識    。佢個班星期五要Dictate Aladdin Charpter 1. 個本書對佢來講好深，有好多字要串。我都覺得學琴同學業再加運動好難兼顧，尤其是他做事總是慢條斯理的。今年上學期已放棄了小網，游泳也是半放棄，平均一個月游兩次。至於小提琴同鋼琴就不想放棄，他喜歡，而且有我自已沒有的一點天份。折衷的方法是要求低一些，進度慢一點。只要維持到他的興趣，繼續學，最多是浪費錢。運動，停了，暑假再玩還可繼續。我怕學音樂，停了就從此停了。

Easy媽咪

hohoma & sandy
我仔今日交左盆花喇...盆花總共開左5朵花...但比細佬採左一朵花...所以得番4朵花咋....不過d花好細朵咋...

我今早見到有個小朋友d花開得好多仲好大盆...我知一定唔係學校比果d呀...因為d花都唔同顏色...冇理由咁大盆潻?嘻...嘻...佢應該分開兩盆就差不多啦...佢咁樣係人都知...佢係買架啦!!!   

csk

各位媽咪

阿仔今日都交了盤花回校，不過花花已過了最燦爛的時候，只剩下幾朵開始謝的花！希望選不上的快點發還，我分了一棵花苗等轉盤。

Sandy

小三開始作詩是好事，最緊要老師有指引，你可以去圖書館借D童詩的書參考。昨天遇到一位家長，才知道現在中學的中文、中史都注重理解，和我們以前考試的方式不同。例如考中史會出一段兩個人物的對話，從而問你的感想和對歷史的理解。有時我覺得自己和阿仔好像同學，他學的東西我小時候也未接觸過。你仲好，教識阿哥，細佬、妹妹都用得著

HoHomama

Sandy,
話口未完，今日就收到英詩作業了。不過，他的題目容易好多，係"at"尾。我就真係由小學到大學都未作過詩，中英文詩都未！見到佢個作業，就隨口講了句：「作詩？咁難gat？點作呀？」點知，佢竟然好得戚咁話：「好易姊，I have a cat and it jumps into a hat .... 又mat 又bat」我諗學校教過o的範文。原來作詩又唔係太難，只是我們大想得太serious 了。仔仔做這份功課做得特別興奮(唔知是否因為我話唔識)，重教我要首先找多些"at"尾的字，再拼埋一齊。

看完他那篇有點牽強的"詩"，我又幫你唸了以下"sh"的字:
fish, wish,dish,flash,crash,childish,push,wash, brush,rush,English, British,fresh,cash,dash,ash…都估唔到唸唸下都幾多

SandyKL

HoHomama, Easy媽 & csk,

嘻嘻，我記得係度講，又唔記得提佢地要帶番學校，佢地未交，老師話可以聽日交喎，我得一盆開過一朵花，謝咗之後都冇再開勒。

Eay媽，會唔會係有唔同顏色?因為真係可能個個唔同色，學校都係大批拎番黎，我阿仔之前開果朵都同Hohomama個盆唔同色。

HoHomama,

我個仔都係要默Aladdin Charpter 1，之前要做作句，其中一字”despair”，我個仔依書畫葫蘆，但少許改動，My mother died.  My father is in despair. 將father變mother，真係俾佢玩死。D字真係好深，我迫我仔全部查字典，佢成課書寫解釋寫到黑麻麻。

我覺得既然學制要佢地上到中一時，全校要有85%英文要達標，所以見佢懶練琴，亦唔覺得佢有特別音樂天份，所以停咗佢，俾佢專注學習書本上知識算勒，如果物識到有好老師再俾佢學番。

Csk,

係呀，依家考試唔再著重死背，我老公有1個外甥及1個姪女讀緊中五，佢地問d野需要有自己獨立見解及常識，例如中史有題目問古代用之飲酒之觴，頂部一邊飲酒，另一邊則有一卷曲向內之部份，有甚麼用?另又會問如果你是X朝之皇帝，你會如何做?所以理解真係好重要。

我有諗過上網摷，但佢有規限，要有其中5句有”sh”結尾，相信都幾難摷，所以我寧願自己作，相信仲快過搵，但麻麻地押韻，又唔可以太深奧喎，要因番佢嘅程度，唔係考學生，根本係考家長，如果家長唔識英文，咁點作呢?唔明。

csk

HoHomama

你好犀利，想到這麼多sh尾的字，我加一個finish，希望Sandy 囝囝首詩早日完成。

Sandy

現在中學考試咁難，我很好奇這些內容老師會教，還是靠自己多看書？

HoHomama

CSK,
你唔好咁講啦 。因為同仔仔一起看書，做功課，我
o的英文都進步好多。我自已做學生時從來不主動看英文課外書，所以英文是我最差一科。可以同仔仔一起進步，感覺好開心 。

Sandy,
我又加多一個Radish，係最近同仔仔做新年個份功課學的，為左寫蘿蔔糕找出來的。      

HoHomama

SandyKL 寫道:
我個仔都係要默Aladdin Charpter 1，之前要做作句，其中一字”despair”，我個仔依書畫葫蘆，但少許改動，My mother died.  My father is in despair. 將father變mother，真係俾佢玩死。D字真係好深，我迫我仔全部查字典，佢成課書寫解釋寫到黑麻麻。

你個仔好搞野    。不過亦好cost effective, 又識變通。

SandyKL

HoHomama,

佢地英文老師都俾咗幾個字佢地---fish,dish,wish,wash幾個，其餘自己要自己諗，我都同你一樣，首先諗哂有sh尾嘅字，根住再拼湊，我用咗fish, dash,wish,polish& finish，內容大意話自己係一條在大海生活的魚，喜歡四處衝，最大希望係食好多食物，突然見到一閃爍的食物，因為一時貪念，於是我成為人類美味的大餐，就咁玩完。但淨睇理5個字，聽落雖然都係sh結尾，但我硬係覺得唔太押韻囉。

“at”係響音，聽起上黎好過”sh”做結尾。你真係摷到好多”sh”結尾嘅字，唔該哂。你好有心機，你阿仔都好叻，求其都講到咁多個。

csk,

老師俾咗少量字彙，相信都有指引嘅，而阿仔俾我嘅指引就係---「阿媽，你諗諗啦，用哂果幾個字咪得囉。」 我自己開頭有d盲摸摸嘅感覺，都係依住老師俾d提示，而順手拈花，再加多幾個自己諗嘅字。

多謝哂，我星期日痛苦經營，星期一交咗勒，係我處女作。
  

Easy媽咪

嘻...le排學校都好風平浪靜呀~~~

我參加左星期六家長義工呀...所以妳地有咩問題想我去表達...可以幫妳地去反應呀!

另外我找左一個姐姐仔系加拿大長大,講流利英語,主要陪charles玩遊戲呀!透過遊戲中學習英語一定好好多,個姐姐仔唔係教英文,但勝在夠開朗...同小朋友可以一齊玩...好過我le個呀媽唔識點用英文同佢溝通呀!     

JP

[quote]
SandyKL 寫道:
HoHomama,

佢地英文老師都俾

Easy媽咪

jp,
家長義工妳只要參加先...寫低妳要返長短周先工作...佢地會安排架!

Charles會係3月3日比賽喇...我都有d緊張...佢就一d反應都冇呀!!!比佢激死!
請問冼唔冼請假呀???我唔知冼唔冼同老師講一聲要早走呀???
祝Peter今次比賽能夠凱旋而歸呀!   

JP

Easy媽咪 寫道:
jp,
家長義工妳只要參加先...寫低妳要返長短周先工作...佢地會安排架!

Charles會係3月3日比賽喇...我都有d緊張...佢就一d反應都冇呀!!!比佢激死!
請問冼唔冼請假呀???我唔知冼唔冼同老師講一聲要早走呀???
祝Peter今次比賽能夠凱旋而歸呀!   

Easy媽咪:
Thanks very much!我祝Charles今次金榜題名,進入三甲!

Next Monday morning 我會打電話去校務處請半日假。

尋日學完琴,徐sir問我地星期一幾點響邊樹比賽,話得閑去睇下wor!Peter見到阿sir在場可能驚多幾分添!   

csk

JP

Aaron也是星期一(28/2)下午比賽，我剛才打電話返學校，校務處職員說需要寫請假信或用手冊請假，內容包括參加項目、日期、時間和地點。我也許明天請假，以免唔記得。

JP

csk,

Thanks for your information!

祝Aaron今年violin比賽更上一層樓---win the champion!     

csk

JP

星期一上小提琴，阿Sir叫Aaron盡力去比賽，能將平日的水準表現出來，他已為他感到自豪。他說得獎不是自己能控制，因為對手、評判和評判當時的狀態也是未知之數，有當然開心，無亦不要介懷。唔同考試，憑他的經驗預測你可得到甚麼Grade。今次首歌好難，已夾了一次琴，阿Sir覺得可以，下星期日再夾琴和上堂，星期一下午他還特地去文化中心替他的小提琴調音，阿Sir真係好好！

James 和 Peter 都加油，我睇好佢地  :wink: