番禺會所華仁小學

happy5

ms99:

1.學校出咗通告,17/11正式換季啦.記得星期六帶校褸(麟媽媽話去年麟仔星期六沒穿校褸,比老師寫手冊喎)我地都唔明學校為何梗性規定星期六一定要著校褸 唔通好熱都著咩??

2.數學平台
   我都入唔到,可能學校未入票吧!等多一兩日啦!

3.舉中指問題
   阿仔番來都有問我地,但我好認真同佢講係粗口黎嫁,爹媽唔 喜歡你做呀!佢後來慢慢少問咗啦.另外阿仔話仲有一個同車哥哥同佢講:<你過往食咗我d野,要比錢嫁喎!>我答:<你同哥哥講,如果要收錢就星期六同我媽咪收啦!>講完之後好似未見有下聞噃 但我長週接仔放學搭校車時一定會問吓個哥哥仔係咪真係要收錢先!

麟媽媽

中指問題要正面回答吖！
舊年都有發生係亞仔身上。
話說同車的三個小一生(包括麟仔)，
由高年班哥哥教舉”中指”。
其中一個好天真對住公公做，
咁個媽咪向老師反映。
之後我如實告知亞仔係粗口，
另外再教埋佢其他粗口手勢，
因為佢知道了，便會知道唔可以做，
唔知呢，就比人點左做埋都唔知。
係男校會接觸到好多唔好既野，
避免接觸解決唔到問題，
是要教導小朋友自己能分辨對錯，
識做而自決做定唔做才是根治方法。
其實男人大個左唔講粗口我唔信喇，
但我識我老公20年有多未聽過佢講一句粗口，
佢咁斯文唔講？好難喇！我諗佢成班同學一齊會講的，
最主要係睇場合、睇對象嘛。

ms99

Woh! 每個年代嘅小朋友經歷都差不多，麟媽媽可否預告一吓還有什麼要注意呢?

今次 "中指" 事件，仔仔都明白係粗口，我哋無好特別再解釋落去，因為轉頭佢又唔記得咗，咁無謂刻意專題教導，等有機會先隨機教啦。  話時話我哋成個family都算是斯文人，好少有粗俗說話的，最粗可能係婆婆鍾意講 "痴線"，但都被仔仔認定為 "粗口"，唔准佢再講。

我有聽過朋友講，華仁仔到二、三年級時開始講色情嘢，仲會作歌仔唱，當時我仲笑住話"唔係嘛"，而家我都有啲擔心嘞。

如果再有曳嘢發生，大家記得上嚟舉報，等大家有個準備同齊心滅罪。

麟媽媽

唔好講我地D小朋友呢個年代，
我老公那個年代已經會係咁喇！
成班男仔一齊，頑皮會有的，
講吓d衰野在所難免，
我都覺得個仔要知，就算色情野都係，
都要知但要有Self discipline，
人家講你又係咪要講埋一份呢？

早兩日我好安慰，因為我覺得亞仔真係識諗。
話說上次亞仔測驗中文唔好，同車的同班同學笑佢，
仲四圍同人講我個仔幾多分，考得差，
又笑佢考成咁仲有得去Disneyland？！
我仔唔開心同我講下次一定要好D。
咁派番數學同常識，今次亞仔考得幾好，
反而笑佢嗰個同學得五十幾分。
我問佢咁你有無笑番佢？
亞仔答︰「我真係好想笑佢，佢上次笑我我唔開心。
但我最後都無笑佢，因為笑人唔啱，佢驚媽咪鬧，
我同佢講唔怕喇，下次要比心機D考好D，
媽咪唔會鬧你的。」
我聽完好感動，亞仔好大量吖！
佢身邊雖然有人做D唔啱既野，
但只要佢識分錯與對，唔怕人會影響佢，
可能佢可以影響番人地呢。

睡公主

麟媽媽 寫道:
唔好講我地D小朋友呢個年代，
我老公那個年代已經會係咁喇！
成班男仔一齊，頑皮會有的，
講吓d衰野在所難免，
我都覺得個仔要知，就算色情野都係，
都要知但要有Self discipline，
人家講你又係咪要講埋一份呢？

早兩日我好安慰，因為我覺得亞仔真係識諗。
話說上次亞仔測驗中文唔好，同車的同班同學笑佢，
仲四圍同人講我個仔幾多分，考得差，
又笑佢考成咁仲有得去Disneyland？！
我仔唔開心同我講下次一定要好D。
咁派番數學同常識，今次亞仔考得幾好，
反而笑佢嗰個同學得五十幾分。
我問佢咁你有無笑番佢？
亞仔答︰「我真係好想笑佢，佢上次笑我我唔開心。
但我最後都無笑佢，因為笑人唔啱，佢驚媽咪鬧，
我同佢講唔怕喇，下次要比心機D考好D，
媽咪唔會鬧你的。」
我聽完好感動，亞仔好大量吖！
佢身邊雖然有人做D唔啱既野，
但只要佢識分錯與對，唔怕人會影響佢，
可能佢可以影響番人地呢。

麟媽媽,

你講得好啱，小朋友最緊要係識得分辨是非，
好似阿仔有次叫我俾錢佢帶返學校買嘢食，
佢話好多同學都喺後樓梯落去都冇事發生，佢都想，
我就話校規話唔准，如果你做你就即是犯校規，
人哋做係人哋既事，唔通明知錯都做，
你話打刧殺人啱唔啱，夠有人去做，唔通你又做喎，
佢即刻話佢知道唔啱既事係唔會做，
如果唔知就會嚟問吓爸媽先。

上次麟仔喺車站俾啲同學仔笑，
亞仔返嚟都有講，佢話麟仔好似唔開心，
我問佢有唔份參與笑人，
佢話冇呀！佢淨係講俾大家聽佢有幾多分，
佢仲問分數有乜好笑，每個人都有架啦！
最緊要係有認真温書，（因為我係咁同佢講）
如果係佢俾人笑（無論任何事）都會好唔開心，所以佢唔會做喎（希望佢真係做得到）。
仲話如果下次佢攞得低分咗，咪輪到佢俾人笑，佢話唔制。（算佢識諗）

睡公主

又有料報：

由明天開始不過我唔知為期幾耐，喺維記有個大型書節。

今個星期日，飛行服務隊喺東涌有個開放日，表演時間係十二時、二時及四時，免費入場，小朋友記住帶出世紙或身份證明文件副本，因為要做禁區紙喎！

麟媽媽

睡公主，

我都唔知個仔比人笑架！
係另一個家長睇唔過眼，
佢話過嗰個同學仔之後話我知的。
呢個小朋友呢成日都多多咀架喇，
不過佢有時又同亞仔好好咁既。
我都知亞仔會唔開心，
但測驗成績是佢自己取得既，
好定唔好都要自己承受喎。
考得唔好咪等佢唔開心吓囉，
今次考得好佢咪可以開心番囉。
不過亞仔中國語文真係差D，
我都唔知點攪好….
今次中文(一)真係好難，
所以我都無咩鬧個仔喇，
我知有個考10名內既都肥左佬，
好多人都考得唔好…..     

felix喵喵

睡公主 寫道:
又有料報：

由明天開始不過我唔知為期幾耐，喺維記有個大型書節。

這個叫 "渣打書展05";
地點: 維多利亞公園 手球場
日期:11月19-27日,
時間:每日由中午至晚上9時, 星期日由中午至晚上10時,
入場費10 (晚上8時後唔洗錢入場或65歲以上, 3歲以下)

將會有展覽及開幕禮講座(19/11, 3:00pm)
for detail information : www.bookfestival.hk

特別新聞報導完畢.....do.do.......do.do.do......do

ms99

正呀!  麟仔態度好正確，係佢身上見到耶穌嘅美善。


睡公主：我都想去星期日機場嘅function,但要返工...

聽日唔駛揹校褸嘛 ?!  

easiness

sweetsweetmom,

今天我打給梁老師, 她說已check自己既櫃, 但是無發現阿仔本功作紙(她說她很小心處理小一學生既功課簿, 所以唔見既機會好微, 但是亦有機會是其他同學攞左), 因為這本功作紙是無得買的, 她會幫阿仔影番一本, 然後叫佢攞番屋企補做!

sweetsweetmom

easiness,
也好，老師總算体恤学生。但我估計，若是其他同學攞左,

ms99

easiness,

你的班主任老師實在太好了，都係嗰句，好..羨..慕..呀))))

SINDY-MOTHER

Dear easiness,
Don't worry! Last month my son also lost the G.E. book. Miss Ho tell me sure not in her table.  Then we find in the home all the place can not find also advise Miss Ho.  Miss Ho give one new book and all worksheet tell my son do one more time.  After two day the old G.E. book come back.  You think the book in where????  Miss Ho table keep togeter with reader book.

easiness 寫道:
sweetsweetmom,

今天我打給梁老師, 她說已check自己既櫃, 但是無發現阿仔本功作紙(她說她很小心處理小一學生既功課簿, 所以唔見既機會好微, 但是亦有機會是其他同學攞左), 因為這本功作紙是無得買的, 她會幫阿仔影番一本, 然後叫佢攞番屋企補做!

easiness

sweetsweetmom, ms99 & SINDY-MOTHER,

昨晚我見阿仔書包有本功作紙, 阿仔話老師找到, 所以派番俾佢!  

easiness

sweetsweetmom,

Pls check PM!

felix喵喵

easiness 寫道:
sweetsweetmom, ms99 & SINDY-MOTHER,

昨晚我見阿仔書包有本功作紙, 阿仔話老師找到, 所以派番俾佢!  

easiness
哈..哈..你話攪鬼唔攪鬼...喵喵....

現在我對此情況也不會太勞氣了, 相反,
我會較信任呀仔啊,
d書本/功課簿 原來會不受控制的...自己玩失蹤...
冇理由因為這些小事, 傷害一家人的感情.

大家也放鬆d吧 ! 我地的華仁小王子很叻啊.....
他們得6, 7歲喳....喵喵.....
比起我7歲時....食個薯仔咁........ :-|

totoro

請問知不知小一收生可不可以上綱CHECK? thanks

happy5

Easiness:

請check pm 及把內容pm 給睡公主,因我忘了copy給她.謝謝!!

SINDY-MOTHER

YES, I AGREE.

felix喵喵 寫道:
[quote]
easiness 寫道:
sweetsweetmom, ms99 & SINDY-MOTHER,

昨晚我見阿仔書包有本功作紙, 阿仔話老師找到, 所以派番俾佢!  

easiness
哈..哈..你話攪鬼唔攪鬼...喵喵....

現在我對此情況也不會太勞氣了, 相反,
我會較信任呀仔啊,
d書本/功課簿 原來會不受控制的...自己玩失蹤...
冇理由因為這些小事, 傷害一家人的感情.

大家也放鬆d吧 ! 我地的華仁小王子很叻啊.....
他們得6, 7歲喳....喵喵.....
比起我7歲時....食個薯仔咁........ :-|
[/quote]

SINDY-MOTHER

can not!

totoro 寫道:
請問知不知小一收生可不可以上綱CHECK? thanks

;