大個囝!大個囡!升班喇~~九龍禮賢幼稚園k2

glory

禧媽媽
下晝打過返去, 又開始午睡
見佢除了微燒之外, 無乜特別野, 食埋今日退燒水睇下退唔退到燒, 唔得先帶佢睇醫生, 因好怕要佢食消炎藥
嘻嘻....我淨係記得9:30到校, 好似都係禮堂, 去到學校一定有老師接待

岩岩姐姐打比我, 樂樂又燒高左, 今晚都係要睇醫生lu

Allie

Thanks!  等我一陣上去睇下先!

家長會係9.30-10.30 在禮堂 : 快快樂樂學寫字
之後10.45-12.00 在班房分享.

GLORY, 小朋友發燒最好都係睇左醫生先, CONFIRM有無發炎之類呀馬.  無發燒反而可以比D 藥佢食下睇下點!  希望佢快D 好返啦!

glory

allie
係既, 一陣帶佢睇醫生至得, Thanks!

禧媽媽

glory, allie
明天"家長會"見  


glory
希望樂樂快d好番!!

其實我都好怕比"抗生素"佢食  :cry:
但係我記得醫生講過, 如果平時打針反應或小冒感, 只會係微燒, 但如果高燒的話, 就係有地方發炎, 所以禧禧一發燒到10X, 我就知佢係"喉嚨發炎"  :cry:

yykid

Glory,

Forgot to ask if Lok Lok is getting better?

glory

禧媽媽
家長會果見唔到你添....
樂樂呢兩日無燒, 只是仲有些少咳和痰, 可能食了抗生素都算好得幾快
9/6有遊藝表演我地又要放假啦, 我地真係幾忙   

yykid
好彩....樂樂今次都算快好番, 謝謝你

禧媽媽

禧媽媽

glory
係呀, 你見唔到我, 因為果日公司臨時有要事做, 所以咪去唔到"家長會"囉 :cry: 係咪教"寫字"呀??

樂樂好番就好 lu  

09/6 遊藝表演 ~~ 係每班d小朋友都表演呀 ??
15/6 玩水 ~~ 又要出動囉, 真係忙c  

上星期我同禧禧講, 15/06 學校有得玩水呀, 佢跟住問番我, 點解老師冇講, 係咪老師同你講架 ??  

glory

禧媽媽
唔怪之得見唔到你啦....
家長會主要係話比爸爸媽媽知, 有心理準備低班每日要寫字, 同埋比個信息小朋友知做功課係佢地既責任, 唔好倚懶我地, 坐同執筆姿勢要正確, 建議唔好太早比幼身既鉛筆佢地寫字, 要用粗三角筆, 因為小朋友寫過幼身鉛筆可能唔想用番粗三角筆, 寫字時可放些輕音樂和切勿打擾他們, 小朋友在校寫字時老師會播些音樂(無歌詞等他們可以專心).... 好似係咁上下
另外原來七月要比車費架, 我仲以為免費添 是按比例交, 在六月頭一次過交
玩水~~嘻嘻, 話比禧禧知探子回報
我同樂樂講15號有得玩水, 佢即時問我去唔去呀  

禧媽媽

glory
雖然我冇去到, 但係好在你話番我知咋, 好詳細.  感激  
其實我都覺得粗筆舒服過幼筆(當然唔好太粗啦).
你都幾利害啵, 連7月車費按比例都知   佩服佩服.
樂樂問你去唔去, 可能佢以為好似"學游水"咁, 親子堂  

禧媽媽

glory
其實好快又1年啦, 就快升班了  
我記得上年呢個時間, 好期待等開學.

9月果陣, 樂樂係低望班, 而禧禧已經係低勇班  

glory

禧媽媽
   親子班   
哈哈, 唔係我利害, 係主任同我地講架, 不過個日聽聽下都遊雲, 只係記得重點, 唔使客氣
收工lu, 明天見

Allie

Allie

我有去家長會呀!  不過唔見你地!

我地幼愛班個分班交流就利害囉!  竟然在一片眼淚之下結束!  首先是李老師說明年不一定會跟我們升班, 佢好唔捨得, 所以流了眼淚!  之後有家長分享說想同園長講要求李老師跟小朋友一齊升上低愛班, 講講下又淚流滿面! 埸面好感人呀!  我見到另外d 家長都抹眼淚(當然包括我啦 !)  而原來有d 熱心家長重準備了求情信要求園長讓李老師何老師跟我們升班, 並請到埸家長聯署簽名!

禧媽媽

glory
都係姐, thanks  
明天見

禧媽媽

allie
場面真係感人, 而且咁團結, 希望園長可以網開一面啦 !!
聽你咁講, 係咪即刻原本, 班主任可以一齊升班呀??

baby2046

Allie,

係呀, 果日真的好感動呀? 妳有冇簽名呀? 封信當天已交給園長了, 她叫我們唔好太大期望, 因為現在都未安排分班的事, 要配合好多事情, 兩位都唔得, 都希望1位得啦, 不過唯有順其自然啦! 不過真係有D好唔捨得。 我想問妳小朋友叫咩名呀, 我做過家長義工, 睇下有冇同佢合作過。

Allie

baby2046,

你係咪就係draft 封信果位媽咪呀?  我果日趕住走又等唔到封信傳過來, 所以無簽呀!  其實我覺得如果係一位老師同佢地一齊升班會最好.  可以讓小朋友接觸不同的老師, 而同時小朋友又較有安全感!  而我聽過一d 媽咪講, 幼稚園通常將最溫柔最細心的老師放到幼兒班的.  而隨住佢地年紀一路大, 低同高班老師會比較嚴格同要求高一點的.  這是為了要他們適應上了小一之後的生活呀!  

不過正如當日一位家長講禮賢有個別老師係無咁好的, 所以我都有點擔心, 不知下年的老師怎樣!

我小朋友叫林子軒呀!  你識他嗎? 他是西瓜組的!  你小朋友呢?  是那一組呀?  你就好啦, 可以做家長義工!  我d 假期都用哂係我兩個仔女d 學校活動了, 實在不能再請假了!

glory

禧媽媽
樂樂近排都有提自己會去低望班, 係xxx號班房, 唔知係咪老師有時都會同佢地講定呢
一年真係好快過, 記得舊年樂樂由後備生取錄時我真係好開心, 隨之就開始擔心~~佢咁細個坐校車會點??適唔適應學校??結果不到一年後既小朋友竟然會是成長得咁快咁好  

allie
場面真係好感人呀, 何老師同李老師真係好愛錫小朋友, 真是不單止小朋友唔捨得, 連我地做家長都好唔捨得, 如果可以其中一位老師一齊升上去就好lu, 小朋友一定會更有安全感

Allie

禧媽媽,

我真係估唔到家長會會咁呀!  人地唔知以為我地係畢業班tim呀!

你地昨日有無收到專題研習報告呀!  我搵唔到阿仔個名呀!  不過阿仔就話佢係火車組!  

睇到佢地d 相, 真係後悔果日無請假去睇佢地件作品了!