救世軍樂民幼兒園家長會

朱朱仔

靜媽,
你又咁夜上嚟,阿靜今日放學點呀?我見佢都冇野,坐喺櫈仔度等校車~細佬做咩無端端發燒,佢係咪發骨節定係出牙仔呢?俾多d水佢飲呀 ~
我今朝返學,留到9:15am都唔見博博返,但係放學又見到佢,可能佢又係好似承承咁
基本上,新開學班小朋友都冇咩野,係得1,2個同學仔~
我預計晉晉會眼濕濕,點知咩都冇,仲好乖,拜拜我,不過,我4:30pm去到學校,佢竟然仲食緊茶點,唉,都話佢食野超慢,問番吳老師,佢話午飯又唔係食最慢,係茶點遲左食,但係都冇理由食到4:30呀,仔,食塊果jam麵包,唉~
熹熹,
好叻仔wor ,冇喊過,梗係la,有麥坤坐,佢梗係happy la,熹媽,仲要諗多d綽頭,先安撫到佢上校巴~
聽朝要返學上堂,聽日見~   

承承媽媽

熹媽,

見熹熹咁叻,你都安樂d啦!

晉媽,
你又估錯啦......!我同承少今日唔知醒起身,不過博博就唔係,博博應該係校車遲咗到學校啫~!不過我見架校車又真係幾遲吓~~!我同承少返咗學換埋鞋擺埋豬包洗埋手,送埋佢入課室至見佢地架校車d細路返......!

lavender

靜媽,

細佬發好微燒咋, 如果係微燒唔使擔心喎, 可能真係發骨節呢, hei e前有排都成日咁架, 發完又高多d, 所以佢咁c高~~唔好咁擔心la~

晉媽,

   我都估唔到自己作得就作, 話校車係閃電王校車, 哈哈....
不過, 到o個日起身到校車黎, 都驚佢突然間大 唔肯上車架,佢e前又未坐過校車, 個人又細膽喎, 好彩一切順利~~放學時仲問我仲咩放學架唔係閃電王黎ga(同早上唔同), 但佢又冇咩野, 笑笑口好開心~

HelloKitty

細佬有少少咳, 睇完e生食左藥就發燒, e+又咳多左, 都唔知點解, 不過尋日e生話佢輕微傷風之麻, 所以都唔知因乜事發燒呀   

HelloKitty

各位媽咪,

雖然開左學, 不過都問下你地啦,
我有朋友入左部姓名貼紙機, 如果大LOT訂可以平D.
大的可印2行$25/72個, 小的$15/100個
大的公仔有叮噹,SNOOPY, SANRIO,
細的公仔有軍曹,小豆豆,哈姆大朗,
如果你地想印可以PM比我, 印好我可以帶返學校比你地

HelloKitty

各位MAMI
你地星期五有無得閒DINNER呀

朱朱仔

靜媽,熹媽,德媽,博媽,承媽,

唉,我呢幾日都上唔到mm,因為實在太忙了,今日細佬返學,家長開始要離校,我就幫手睇小朋友,到食飯都留o係學校,當攪掂哂d小朋友放學後,我同承媽食午飯,嬸嬸仲開張床俾細佬試下瞓唔瞓,佢都肯上床,不過我食完飯後佢都係冇瞓度,跟住就返屋企一齊午睡lu,瞓醒又要落街買餸接晉晉,真係
不過我又覺得好充實,做左好多野咁,聽日至下星期應該都要返學校,我聽日join唔到打邊邊la,你地"滾"得開心d la~
同埋熹媽,星期六熹熹返唔返跆拳 我都未知學完跆拳會去邊,你睇下點,聽晚再call你~
德媽,手眼協調真係要今日派聽日交架,所以每日返到屋企都要check書包,有冇功課做,同埋你有冇睇佢地本幼兒語文同easy reader呀,d英文越嚟越深,仲有好多,我都要勤d同晉晉溫英文先得,因為佢上年o個d都唔係好得... 呀,你個台灣遊點呀?有冇旅行社confirm呀?

HelloKitty

晉媽,
呢幾日真係辛苦你啦, 今日收到校曆, 有提到9/13高低班去參觀牛掤, 但係我地無收到通告, 唔知妍靜個班有無得去呢?
x 媽, 今晚都話要去溫習, 我都好擔心妍靜唔知跟唔跟到, 不過我每日都有叫佢做線條練習同寫copybook, 希望對佢有幫助啦

EF

Hi all mama
I 'disappear' this whole week and never know what happened in school (I was not at home)! I do not know there is home work????

Ching ma, I am interested in the 'labelling machine', will call you later.  Pok Pok do not have any writing or copy book every day, is it a home work from school or it is your asignment to Ching ching?

busy pok ma

HelloKitty

X媽,德媽, hei 媽, 卓穎媽,

真係唔好意思食食下要早退, 原來阿靜真係好倦, 我以為佢覺得悶, 點知返到屋企食完中藥, 洗完面刷埋牙就瞓左la.

por 媽,
妍靜每日d練習都係我比佢架, 不過原來佢每日都有功課架, 不過係學校已經完成晒lu.
至於por por個班, 佢地話只係第一個星期有家課, 之後都係跟番以前甘每個星期五先有功課囉.
乜你成個星期都唔係屋企?你出左trip呀?

朱朱仔

你地打邊邊好happy呢?仲有卓穎媽tim,係咪帶埋成班小朋友呀,佢地開唔開心呢?
博媽,
你終於上嚟la,係咪好忙呀?博博架校車轉左架29座同埋係紅色,佢話俾我聽架,同埋佢話細佬而家3個月,都好乖,冇喊 照咁睇佢都好錫細佬wor~
靜媽,
今朝見到daddy湊阿靜返學,佢又特登揸車車佢返學校咁好呀,我今日唔記得打去真鐸問,聽日會記得~
講到功課,今日(星期五)就派左4本,3本要做,手眼協調(2頁)+兒童數學(2頁)+幼兒語文學(1頁)+easy reader(溫番a,e,i,o,u),老師話下個星期仲要開始寫字,呢個禮拜都算多功課,相比n2時一星期派一次功課,就真係多左,我諗嚟緊d功課會再多d or開始寫中文字,真係要同晉晉修心養性,唔好俾佢玩咁多先得,最緊要溫番d英文,承承就勁,所有英文中文都識哂,晉晉仲係"爭"d,唉...
學校派通告話有水豆,不過我2個都唔怕,因為佢地已經出哂,其實早出仲好,不過o個陣時晉晉同皓皓都係冬天出,著住d厚衫 都"拗"唔到,幾好~
下星期去牛棚,晉晉問我o個度有冇牛牛同羊羊?我諗應該冇,你地有冇人去過呀?我地低班10月去旅行,仲要係去濕地,正~
   

HelloKitty

晉媽,德媽,
你地尋日報名應該順利. 尋日靜爸因為可以唔c 加班, 所以可以陪我地去真鐸, 而我尋日都唔得閒陪你地報名, 真係唔好意思   
不過尋日真係好忙, 又要上試堂, 又要聽講座, 又要參觀校舍, 又要同d老c傾計, 最後我地玩到5:00幾先走

低班10月去濕地公園, 今次阿靜唔知有無得去呢, 有無人可以話比我知呀   

自從暑假開始我日日都要阿靜做練習, 已經成為習慣lu, 所以就算學校無功課做, 阿靜都會叫我比d練習佢, 所以我諗現時佢仲應該ok, 不過e+開始星期日我就唔會比佢做練習lu, 等佢有得休息下, 其實阿靜每日都有功課, 不過已經係學校全部完成晒lu

EF

dear ching ma
where are you and other mama going to?(試堂, 聽講座, 參觀校舍??)

I did not go to any trip - but arranged a workshop/meeting in the hotel in Tin Shui Wai. I stayed there for 3 nights - 0係香港出差呀! I was a tour guide as well - brought some colleagues to the peak at night! -  very tired.

朱朱仔

德媽,博媽,...
我地班今日派左本"中文臨摹薄",本薄裡面有好多生字,應該就係佢今年要學寫嘅生字,今日就寫個"十"字,老師話每一版第一行就用嚟寫筆順,跟住就喺學校寫一行,剩左o個2行可以叫小朋友喺屋企寫埋去,(寫唔寫都得),又係今日派聽日交,我再睇睇後面d字,都有好多,土,工,人,小,...哥,洗,草,花,哥,哭....最好你地睇住佢地寫,教埋佢地筆順,唔好亂寫~
後日有得去牛棚參觀,博媽仲去tim~
博媽,
上個星期日我地去左真鐸小學(斧山道),o個日學校開放日同埋嘉年華,有單車踩,又有試堂,我同德媽都冇帶小朋友,係硏靜有試堂,佢英文仲好勁tim,我同德媽去最大嘅目的係報名,我地(熹熹,德德,晉晉)報左個畫班,你估幾$....$20/4堂,仲要有証書,出席率75%仲退番$20俾你,係咪好抵呢,都係多得靜媽話我聽咋,如果唔係都搵唔到咁平,下星期日都要再去報名,有第2期,我地就諗住今次報電子琴 你有冇興趣?

HelloKitty

晉媽,

阿靜都有派果本部, 不過我地唔知道是否要寫埋另外個2行, 而尋晚阿靜又好倦, 所以無寫到今日就交左lu,   

等我一陣打返學校叫老c退返比我地做番先.

博媽,
係呀, 真鐸學校連續3個星期日都有open day, 有興趣呢2個星期日都可以去睇下架, 地址係斧山道171號

朱朱仔

靜媽,
o個2行做唔做都得架,有時間就做埋law,不過你可以習慣叫阿靜如果有中文寫,就放學後自己返到屋企寫埋o個2行去,寫得叻又cup印仔law,寫唔靚就由得佢,總之o個2行唔洗勞氣~
熹媽,
今晚做<逃>,咁你就早d食完飯,執埋屋,攪掂熹熹,快d坐o係電視睇la~仲有,你咪話有冬季校服,請問你有幾多套and搵唔搵到?因為細佬有通告訂冬季校服,睇下要買幾多套先,唔該哂~
德媽,博媽,聽日學校見~
唔知承媽去唔去呢?

lavender

晉媽,

haha.....唔c你提我已經係22:10攪掂咗hei hei瞓覺，e+仲有幾分鐘，就有得見型男lu~~呵呵.....   

冬季服就要搵下先，但5知d碼啱5啱皓皓，晉晉就可能啱著，我諗冇2套啱晉晉，都應該有一套啱架la，但我要搵下，你比d時間我，星期六覆你得5得~~

我要去睇prison break la~

HelloKitty

x 媽,
我今個星期六11:00左右應該可以返學校幫手喎, 不過唔知會唔會晏左D呢, 到時我再打電話比你呀.

晉媽,
你地今日去唔成牛掤真係可惜啦, 知唔知會唔會補去呀

承承媽媽

晉媽,

承少應該有一套冬季校服啱皓皓著,我留番俾你啦!
好唔好?

朱朱仔

唉,開部電腦開左成個半鐘,一開就hang機,梗係我隻佬又唔知install左d咩,仲諗住5:30番到屋企,可以同靜媽mm,而家先開到  
今日返左學後先嚟掛3號風球,天文台又話唔會改掛3號, 今日真係超大雨,其實應該紅雨or黑雨先啱,天文台今次有冇俾人 呢?
今日我地個"牛棚遊"取消左,最慘係德媽,德爸,博媽都放假,諗住可以番學校幫手,點之天公不做美,老師話會改期,我問晉晉知唔知幾時先補番去牛棚,佢話"星期二去番", 到時德媽都唔o係hk,冇得去~

熹媽,
你自己個仔d相都唔upload,就upload哂Michael Scofield d相,呢度有2個website,唔知你有冇睇過~
http://www.fox.com/prisonbreak/
http://www.prisonbreak.cn/main/
d冬季校服唔趕架,你得閒先摷下衣櫃搵la,如果唔啱皓皓我都就訂過俾佢,唔緊要架,唔該你就真~
承媽,
你又有套冬季校服俾我呀,承承唔啱?唔啱先好俾我,真係 下次先俾我la
靜媽,
今日見到阿靜放學時,著哂hello kitty雨縷同hello kitty水鞋,粉紅色,好"KAWAI" ,我話佢"好靚呀",佢就may may咀笑