發展遲緩B媽媽(part 1)

fatpam

Hi  Valmom,

請問點解你小朋友咁快排到S位(2歲半)?好想知道。

我小朋友排做評估見醫生都由1歲幾等到2歲幾，先再排緊E位，又要等一年以上。

Wansum

urme1997, Valmom
你好, 我囡囡同你差不多, 現等緊入s位,
(只有一歲智齡)
另每星期到醫院物理治療一次 (因已兩歲仍走路不穩)。
請問可否分享一下作為同路人的心得.
因對於囡囡將來既發展仍一片迷茫!

原帖由 urme1997 於 10-7-23 16:22 發表



我囡囡未入s位時, 係醫院做開物理治療, 你社工有無幫你排呀? 依家除左s位, 私人係協康上個別訓練 + 私人st(各一星期一堂)

valmom

我囡囡差唔多10個月度陣去排見CAC, 因為佢情況嚴重既, 當時黎講... 所以由健康院去醫院排左2個月, 由健康院同期排去CAC就半年, 一去醫院, 排左1個月見PT, 排2個月見OT.. 當時PT同OT一見阿女第一句都係話.. 做咩咁遲先帶佢黎... 可以想像當時佢地覺得阿女個問題既嚴重程度... 連傷殘津貼都一批就批4年...

阿囡1歲4個月開始排S位同E位, 排左一年, 2歲8個月開始返S位. 其實只要早D發現小朋友有問題, 早D社工幫你排 (尤其排, 咁會早D有位) (排到S位都未有E位)

我個陣只係揀要咩區, 冇揀咩學校, 所以邊間有位就去邊間... 我都唔算排得快.

好多mami都聽我講過, 個陣阿女政府個個星期見PT, 隔3-4星期見OT, 自己再同佢搵私人PT, 再報協康會D PLAYGROUP同青蔥計劃單對單既OT訓練. 到佢1歲9個月多D, 我察覺到佢講野好似有問題 (佢流好多好多口水, 同埋連爸爸媽媽D音都好少有...), 所以搵左個私人ST.. 一星期一次...

阿女其實2歲7個月先識行. 佢去個學校見老師辦入學手續個陣佢都未識行... 返學個日就識喇.. 不過個陣好唔穩陣.. 依家1年喇.. 跌少左.. 不過都係行得怪怪咁... 主要問題係佢盤骨重係唔夠穩...

阿女依家都3歲7個幾8個月喇.. 重係成個2歲小朋友咁... 不過我只求佢每日都有D進步~~~

好似今日咁, 佢識自己話要食魚柳包, 我同我老公已經開心到不得了....

有時要調節一下自己對小朋友既期望, 對事情既睇法, 咁成件事就可以變得興鬆D, 人都開心D... 大人開心, 小朋友感受得到, 佢都會開心D...

我同老公係阿女面前, 小小事都大笑一餐, 對住佢好多事都笑既, 所以佢好開心. 佢心情好, 學野都好D~~~

大家一齊加油喇~~~

[ 本帖最後由 valmom 於 10-7-26 23:22 編輯 ]

urme1997

原帖由 Wansum 於 10-7-26 17:56 發表
urme1997, Valmom
你好, 我囡囡同你差不多, 現等緊入s位,
(只有一歲智齡)
另每星期到醫院物理治療一次 (因已兩歲仍走路不穩)。
請問可否分享一下作為同路人的心得.
因對於囡囡將來既發展仍一片迷茫!

...

wansum
咁你囡囡係咪排s位呀?我未入學時, 每晚食完飯都會帶囡囡出街行下, 帶佢行下d斜路

urme1997

原帖由 fatpam 於 10-7-25 23:22 發表
Hi  Valmom,

請問點解你小朋友咁快排到S位(2歲半)?好想知道。

我小朋友排做評估見醫生都由1歲幾等到2歲幾，先再排緊E位，又要等一年以上。

我同valmon差不多情況, 囡囡1歲4個月排s位, 無排e位, 我都係揀地區, 邊到有位就去邊, 排到2歲就入學.

Wansum

Hello, Valmon,
多謝你分享囡囡既點點滴滴.
我有看過這裡所有post, 大約知道你囡囡之前既情況(好像有段時間甚至懷疑有退化跡象).
高興知道之後既發展都尚算滿意.
其實可以為我囡囡做既, 我都做哂.
pt, ot, 幼兒導師, 私人s位, 另類療法......
雖然進步中, 但更像一個大bb.
時常發夢她幾年後會一切正常.
如果可以早點知道, !?

Wansum

Hi, Urme1997
我阿囡二月起排s位及e位, 現讀私人s位.
我都常常陪佢落公園玩, 最難忘有一次有個小朋友同我我講「佢唔識行, 唔可以係依道玩架!」我都好想佢識行, 佢已經好比心機練習,
我回答這個小朋友:「佢有媽咪陪住, 去邊到玩都得.」
我七月起先排到政府pt, 姑娘講到情況好差.
從她那裡才學會行斜路有用.
距離正常行路, 還有很漫長既路.

valmom

我阿女其實係因為我同我老公初初冇為意... 遲左2個月去健康院見醫生..
阿女既私家PT話阿女既問題, 其實早係佢大概3個月個陣做檢查係可以發現到既... (當然係D有經驗既人先睇到有問題)... 而我地成1歲先帶阿女去搵佢..

不過, 無論早左定遲左, 最緊要都係面對現實. 畀適當既訓練小朋友~~~

我其實都唔期望幾年後阿女係完全跟上大隊... 只係希望差異唔係好大.. 佢可以同人溝通得到, 可以照顧到自己就得喇... 始終佢起點比人慢, 唔可能完全同一般既小朋友比...

自我安慰既時候就諗下龜兔賽跑個故事. 希望阿女可以堅持進步落去~~~ 終有到終點既一天~~~

urme1997

原帖由 Wansum 於 10-7-27 21:21 發表
Hi, Urme1997
我阿囡二月起排s位及e位, 現讀私人s位.
我都常常陪佢落公園玩, 最難忘有一次有個小朋友同我我講「佢唔識行, 唔可以係依道玩架!」我都好想佢識行, 佢已經好比心機練習,
我回答這個小朋友:「佢有媽咪陪住 ...

起初行斜路係我先生叫, 佢覺得行斜路對腳可以用力, 當場唔係行好斜果D, 之後係政府PT都有叫囡囡行斜板架, 唔好介意別人講什麼, 一心努力幫囡囡多D練習

youvanvan

totally agree!  add oil all moms!!

原帖由 valmom 於 10-7-27 23:41 發表
我阿女其實係因為我同我老公初初冇為意... 遲左2個月去健康院見醫生..
阿女既私家PT話阿女既問題, 其實早係佢大概3個月個陣做檢查係可以發現到既... (當然係D有經驗既人先睇到有問題)... 而我地成1歲先帶阿女去搵佢 ...

youvanvan

請問大家有冇聽過 pekip?  好唔好架?

1092967470

各位媽咪,我26個月b都係發展遲緩,等我都加入傾下,個心情應該好些,當初要我接受亞b遲緩真係喊到我死下死下,
仲記得當日係條街到無目標咁行咗成晚,想起都覺得自己痴線.
而家bb等緊E位,9月會返n1, 希望到時會進展好些.

tissue0522

其實大家要明白小朋友發展遲緩係因為腦部發展慢的問題，要做多啲刺激腦部發展的運動先致可以令小朋友追得上，香港所有I位, E位同, S位都都只係幫小朋友做功能改善的治療，同埋每一年可以從S位走番出主流小學的小朋友最多都只係得1個，所以唔好諗住政府的TRAINING會可以幫你小朋友變番做正常小朋友!

kennistong

Dear all

我好耐冇上來了, 我囝囝初初都係評左global delay. 當時average 係慢左9個月.

佢係2歲開始返ｉ位依家係3歲8個月拉, 4月既時俟, 返左CAC 做評估, 佢依家既智能係大約與同齡一致, 而語言理解就慢左4-5個月, 語言表違係慢左8-9個月, 其實大家都知CAC 既standard 係好低, 不過, 我見佢已經有進步, 我已經好開心!! 當然, 囝囝唔係單單靠I 位既資源, 我另外仲有搵d 私人既 training 比佢, 我相信對佢係有幫助既, 都係果句, 做多幾多, 咪幾多, 佢係一個海綿, 吸到有幾多, 我地唔知, 更加唔知佢會幾時做返出來, 但希望在明天. 努力呀!

urme1997

原帖由 tissue0522 於 10-8-3 10:09 發表
其實大家要明白小朋友發展遲緩係因為腦部發展慢的問題，要做多啲刺激腦部發展的運動先致可以令小朋友追得上，香港所有I位, E位同, S位都都只係幫小朋友做功能改善的治療，同埋每一年可以從S位走番出主流小學的小朋友最多都 ...

當然唔可以單靠政府啦, 每年一個S位走出主流???? 我唔係好信喎

may0128

Hi 各位,

此版由2008年開始已經討論, 請問各位留過言的朋友, 現在你們的子女進展如何呀, 可否分享一下

tissue0522

原帖由 urme1997 於 10-8-4 10:20 發表


當然唔可以單靠政府啦, 每年一個S位走出主流???? 我唔係好信喎

我意思每間s分校得一個...
因為我入學果陣問過學校!

urme1997

原帖由 tissue0522 於 10-8-5 10:06 發表


我意思每間s分校得一個...
因為我入學果陣問過學校!

哦.....我都問下學校先

valmom

S位一年得一個去主流學校.. 係指讀足3-4年S位, 讀到6歲既學生? 係過往既平均數據???
相信學校應該冇quota呢樣野. 入唔入到主流其實係睇小朋友既能力, 唔通有能力既小朋友都要佢入去非主流小學???

如果講銜接既, 的確S位一定同主流小學有距離, 銜接上係有D困難.

有老師建議過小朋友係入主流小學之前應該要係I位幼稚園讀兩年, 主要都係適應番主流學校既上課模式同課程.