有冇p1(2006) 家長,請進

NKW

冇錯, WORKSHEET都咁多張, 又A4又A5, GE, SE, GW, GR, Step, Grammar Notes, Comprehension, WB.......
好頭痛呀........

chloetam

各位, 下星期考試期間, 是否祇帶筆盒及顏色筆便可,
謝謝!!

ak25

chloetam>>你是否應該問問zoey/菲媽佢

maggkiki

想問

chloetam

maggkiki,
係呀, 今次同上次測驗一樣, 都會讀埋題目比佢地聽架, 放心喇! 考試將到, 大家努力呀!

maggkiki

Thanks chloetam.

咁都冇咁驚.  因為始終都仲未認得太多字, 如果冇得讀, 到時都唔知問咩就幣傢伙喇

Zoey

chloetam 寫道:
各位, 下星期考試期間, 是否祇帶筆盒及顏色筆便可,
謝謝!!

我通常都會帶個背囊仔, 放筆袋 (包括最少 5, 6 支鉛筆, 擦膠最少兩個, 顏色筆, 間尺), 考數學會帶定白紙 (even 用唔用得著), 水, 家課冊, 功課袋, 有時阿女會要求帶埋某本書, 咁我都會帶埋, 雖然佢多數唔會睇, 但可能佢會覺得安心 d           .

ak25

ZOEY>>唔該你.

Joanne2004

真係要進入作戰狀態la!好在都無物功課做,可以溫書嘞    加油!加油!

Zoey

哎呀, 唔好攪到 d 氣氛咁緊張, take it easy ma                      . . . . .

ak25

無法啦, 我

chloetam

Zoey,
Thank you so much!

今次考試, 其實都有d緊張, 不過, 都盡可能以平常心去
面對, 因我都不想比自己同個囡太大壓力, 各位, 都係
個句,大家盡力而為, 繼續努力吧!

Zoey

chloetam,

明白明白, 我都係攪下氣氛, 等大家唔好咁緊張       , 考試總比測驗好, 因為可用既時間較多 (今年學校連星期三也安排放早   :    ), 大家一起努力呢          !

Joanne2004

Zoey,

我都覺得考試比測驗好,時間較多.今年學校連星期三也安排放早,真是好安排呀!    

chloetam

講開星期三放早, 我都好鍾意學校呢個安排, 可以多點時間用, 唔錯...唔錯....

carayan

我都同意，而且考試仲隔開咗一個週末，一來時間好使d，而小朋友亦唔使咁大壓力。
講開之前民小咪3測3考o既，我諗咁d時間咪比而家仲緊好多，如果今年都係咁我都唔之點算，今年班小朋友上課時間已長咗，放學後做功課，又要上每日一編，有時仲要做讀書報告，加上有時準備下默書，實際上都無乜時間玩吓放鬆吓，有時諗下諗下都覺得好可憐！    以我都成日提住自已唔好比咁多壓力佢，放鬆放鬆........   

hoho1230

係呀！我都鍾意考試隔開

carayan

hoho1230:
亞仔病咗，咁要多d休息吓，明天天氣會轉次冷，要小心d身體 ，至於考試温習可以每日分段比佢温，好似我阿囝咁坐唔定，所以約温45分鐘，就要比佢休息吓，如果唔係佢都係記唔到，浪費我O地D心機！ 咁你又無放一兩日假陪吓囝囝？  

NKW

hoho1230,
亞仔D燒退咗未呀，比佢飲多D暖水吖，早上如果凍可以比個暖包佢暖吓隻手仔來坐校車吧．我女上星期四開始咳，星期五晚嗱嗱林同佢睇醫生，星期六日狀態嫲嫲咁溫習，又唔可以狂質佢，由佢記得幾多得幾多啦．
係喇，呢幾日考試都應該著校服就可以囉可？

hoho1230

多謝關心. 天氣凍了,真係要小心d.  唉! 考試先轉冷, 搞到個人唔多願郁咁 , 氣死人.

囝囝昨天下午好d, 但到晚上又再發燒, 燒吓退吓咁, 鬼咩, 亞仔食藥好似同佢打交咁, 成日擾擾攘攘, 明明夠鐘食藥就拖到過晒鐘, 我諗咁樣會令病情好得慢d囉, 所以昨晚見佢都無乜精神 , 唔敢逼佢溫習囉, 俾佢早d 睡, 幸好今天考中文科, 問題應該不大. 但明天考英文了, 我今天放假, 等佢放學回來睡一會就希望佢精神番d ,可以同佢溫吓, 咁短時間相信唔會識飛, 但都唔好差得咁離譜.

NKW, 考試呢幾日應該係著校服啦!