無offer 既媽媽千其唔好灰心！

Adiezz

同意，班校長講既嘢係門面嘢

而家名校重視學生視野和soft skills，好既面試班唔會只練技巧，必要上足一年以上

學術趁勢係會考深咗，因為間間名校既學術都提升緊，去配合番中學部既要求

f00130

明明個post 係鼓勵未有offer的人 點之淪為鼓催面試班/讀名私幼嘅平台
同意條條大路通羅馬 現在未做到 努力啲囉 前面總有機會 可能係黎緊的其他面試 又或叩門 又或插班 但機會是留給有準備的人 總之認清自己的不足 對症下藥 繼續努力呀！

oskmshbo

我覺得想讀有要求的學校係要一早準備，咁樣臨時想去考，除非小朋友係天才型，超 presentable

northernstar123

f00130 發表於 23-11-9 17:41
明明個post 係鼓勵未有offer的人 點之淪為鼓催面試班/讀名私幼嘅平台
同意條條大路通羅馬 現在未做 ...

係私幼有優勢，但都係卷幼只要畀心機一定也得。

lot888

f00130 發表於 23-11-9 17:41
明明個post 係鼓勵未有offer的人 點之淪為鼓催面試班/讀名私幼嘅平台
同意條條大路通羅馬 現在未做 ...

我都覺得有D似教育局打手落場，大力做淡，制造恐慌，等家長衝去直，私小。習慣這種新派教學模式後继續選升直，私中。咁就做到用者自付，由於升官津人數減小，就可先殺中學，後殺小學，最後成功張教育經費交給家長。其間D面試班就大開特開，生劏家長，制造經濟。家長，香港GDP需要你。

Lightwriter

f00130 發表於 23-11-9 17:41
明明個post 係鼓勵未有offer的人 點之淪為鼓催面試班/讀名私幼嘅平台
同意條條大路通羅馬 現在未做 ...

君不見讀券會後悔，讀私少後悔？

同埋睇下target 咩學校啦，如果想讀樓下個間津小，讀happy 券幼無問題呀。但呢度講緊考直私，正路就當然搭私幼啦。到呢家都未有offer/ 預計考得差ge，review 下過去咩step行錯好正常。有機會唔係讀咩學校既問題，係屋企未發力既問題，鼓勵之餘都要探討，先夠全面，下次先有得進步ma.

Lightwriter

lot888 發表於 23-11-9 22:46
我都覺得有D似教育局打手落場，大力做淡，制造恐慌，等家長衝去直，私小。習慣這種新派教學模式後继續選升 ...

想太多了。教育局call國家隊入場剷平我地班港孩已經唔使玩啦。

lot888

回覆 Lightwriter 的帖子

我見D家長咁大壓力，所以亂噏下，轉個方向，同大家減減壓，绝冇想太多。

Lightwriter

lot888 發表於 23-11-9 23:17
回覆 Lightwriter 的帖子

我見D家長咁大壓力，所以亂噏下，轉個方向，同大家減減壓，绝冇想太多。 ...

呢家好多神校未叫糊，offer又未到手既moment 的確令人辛苦，even 小朋友都會感受壓力，問家長自己有無書讀。

到12月差不多出晒大部分offer就見(emoji)光了。

Orhome

回覆 terrenandtania 的帖子

好認同，尤其第四點，其實考直私學術要求有，但唔算高，反而點樣係幾千人中突出到自己，比老師見到最重要，而呢樣嘢對無上過面試班又比較內向型小朋友，係好輸蝕。我大嗰個早幾年考完，我最大感受係呢個遊戲小朋友性格同運氣主導大部分，同小朋友能力掛鈎度真係唔高，識人資優都一樣零offer，可能性格有影響。不過話雖如此，我細嗰個將來再考，我都係唔會報面試班，一來佢嗰年出生率低（都係運氣一種），二來有經驗後心態有變，唔會再有邊啲學校非讀不可嘅諗法，會視為一個配對遊戲，將來條路仲好長，小朋友嘅可能性係無限大，無必要呢一刻就出盡力去糾纏。
但作為過來人好明白，仲係條路努力梗嘅一定都焦急中，好難聽入耳，唯有祝大家好運，同埋係過程中有好嘅體會。

Zoezone

Lightwriter 發表於 23-11-9 23:10
想太多了。教育局call國家隊入場剷平我地班港孩已經唔使玩啦。

剷緊啦！

你睇吓今年面試排隊時
身邊緊有家長係國語人

tummypooh

回覆 Zoezone 的帖子

其實係得疫情個兩年冇，以往年年都唔少

Zoezone

tummypooh 發表於 23-11-10 09:58
回覆 Zoezone 的帖子

其實係得疫情個兩年冇，以往年年都唔少

我大女係疫情前玩呢個遊戲
細仔係今年玩

今年真係多左好多專才
真係比以往多

snakesnake2013

Zoezone 發表於 23-11-10 10:03
我大女係疫情前玩呢個遊戲
細仔係今年玩

所以我一定揾粵教中，普敎中太多專才，我覺得壓力太大！

chanki483

jerrytko 發表於 23-11-4 07:07
我個人覺得讀卷幼同名幼好似分別吾太大，我大女讀 ST cat 係超名幼啦，咪又係一個 offer 都仲未有，最重要 ...

咁你女d同學仔有冇offer呀，講真st cat有成幾百個學生，真係好難個個有心儀offer

lot888

Orhome 發表於 23-11-10 09:24
回覆 terrenandtania 的帖子

好認同，尤其第四點，其實考直私學術要求有，但唔算高，反而點樣係幾千人中突 ...

家長公然話唔報面試班，之前班打手師兄努力搭個雞棚，制造恐慌，唸住食大茶飯點算？家長要為損失既GDP負責。講吓笑啫，我反而欣賞家長嘅清醒，明白面式班對入讀私，直小冇特別關係。如小朋友比較內斂，不善表達，你想通過面試班改变小朋友自帶本性，或小朋友喜歡自我探索，自我學習，你又想通過面試班塞一D佢完全無法明白的東西，來應付面试，佢係非常痛苦，最後唔成功，咁就家長同小朋友一齊痛苦。我本人最讚成順勢而行，小朋友性格適合邊個方向，就朝那方向進發，必事半工倍。家長要相信自己產品，家長有自信，凡事舉重若輕，小朋友處事亦能處之泰然，反之亦然。

f00130

Lightwriter 發表於 23-11-9 23:08
君不見讀券會後悔，讀私少後悔？

同埋睇下target 咩學校啦，如果想讀樓下個間津小，讀happy 券幼無問題呀 ...

我意思係對一些目前未有offer 的家長來講 去探討讀咩幼稚園有乜意義 唔通可以由頭來過重新選擇嗎其實身邊亦不乏讀那些so call 熱門名幼，又上面試班但考唔到心儀的學校 但考到一些對佢哋來說算「次等」的直私 咁俾咗出去嘅錢到底值唔值就見人見智 有些考到理想的學校的就歸功於間學校/面試班 實際上有幾成係本身家長發功或小朋友本身又邊個會知
我自己就覺得讀邊間幼稚園或面試班係其次，不及小朋友本身性格、學術根基來得重要 就個人經歷來講，讀券幼，身邊同班的家長係唔會討論考直私這話題，因此係唔清楚大海入面學生學術程度係點先為之夠 可以做的 就係有早些準備 資料搜集 同小朋友大量閱讀 跟進學術（但冇上面試班） 及透過不同的活動增加小朋友的社交力和自信心
如果之後考慮叩門或插班 就更加着重學術 家長要清楚了解小朋友弱項 跟進要到位先有成效的，加油！

PTL_L

Lightwriter 發表於 23-11-9 23:08
君不見讀券會後悔，讀私少後悔？

同埋睇下target 咩學校啦，如果想讀樓下個間津小，讀happy 券幼無問題呀 ...

都未必，因小朋友而異
我兩個，一個券一個私，到最後兩個都入到算有啲啲名氣嘅band 1中學，讀券果個到而家都係成績前列，私幼果個仍然要鞭策，所以讀書係關人事多過學校事。不過，確實讀私幼果個升小時offer或second in明顯比券幼果個多，但學習路好長，老土講句，只要培養到小朋友有好嘅學習或閱讀習慣，條條大路通羅馬。

利申：零參加面試班。

寶力加

其實直私都好多級數，有D真係搶人讀，5萬蚊學費（未計雜費，校車費）唔係個個想俾

terrenandtania

lot888 發表於 23-11-10 13:30
家長公然話唔報面試班，之前班打手師兄努力搭個雞棚，制造恐慌，唸住食大茶飯點算？家長要為損失既GDP負責 ...

你話自己講笑但sorry我覺得好offended，真心分享自己情況俾你話係打手搭雞棚

不過我承認個post尋求安慰我嘅回應唔適合，我只係見到有家長話咁讀私定券冇分別我先想話分享自己情況俾其他人參考