多謝

DD仔

Sing13 發表於 23-2-24 10:40
估計心中有氣，一早決定魚死網破。
小朋友身體受傷，仲要貪學校名氣咩？
...

個仔又唔係傷殘，喺呢件事上亦要負部份責任，但家長仍然搞場大龍鳳，試問其他同級學校收到風，邊間肯/敢收佢？

11922645co

回覆 DD仔 的帖子

咁就唔知, 但聽佢同班同學講受傷既同學, 抗議果日到而家仲正常返學, 無聽到話會轉校。
我就唔太肯定事發時係咩情況, 但據講係星期五發生, 之後星期一都正常返到學...

DD仔

11922645co 發表於 23-2-24 10:54
回覆 DD仔 的帖子

咁就唔知, 但聽佢同班同學講受傷既同學, 抗議果日到而家仲正常返學, 無聽到話會轉校。

咁就要睇吓佢父母係咪可以咁厚面皮，搞單咁嘅嘢仍然若無其事，又睇吓學校有乜嘢觀感了。
呢個世界有好多嘢，唔係浮面俾大家睇到嘅…..

DD仔

Sing13 發表於 23-2-24 11:11
去到依一步，學校怕家長多過家長怕學校。
我認為學校欺凌一件都嫌多，作為家長，小朋友讀書都唔想同「惡人 ...

我認為SJC呢單嘢唔係欺凌，而係欠債爭執，起初口角，繼而動武，債仔唔夠人打而受傷 （動手就係錯！）。雙方都有責任，令人受傷的14歲已受罰，受傷的12歲亦已經冇事。
但DBS嗰單，就應該係欺凌了。

ckcleung

段估債仔吾會惡到先打人。先郁手又打到入廠，正義迴廊，都應該判債主有罪。

PTL_L

Sing13 發表於 23-2-24 11:30
襲擊又好，欺凌又好，出手之時預左有機會俾人踢出校，唔好到時又話俾次機會。
叫第間中學俾機會你啦，武館 ...

適用於所有年齡層？

PTL_L

ckcleung 發表於 23-2-24 11:39
段估債仔吾會惡到先打人。先郁手又打到入廠，正義迴廊，都應該判債主有罪。
...

重點已經唔係債主有冇罪？因為已判有罪及已罰，只係債仔父母氣唔順，一定要趕債主出校啫。

DD仔

ckcleung 發表於 23-2-24 11:39
段估債仔吾會惡到先打人。先郁手又打到入廠，正義迴廊，都應該判債主有罪。
...

假設係債主推一推債仔，債仔反擊，債主擋下，再抽擊一吓，債仔受傷？
呢啲至叫做打架。
DBS嗰單就係被打。

DD仔

PTL_L 發表於 23-2-24 11:44
重點已經唔係債主有冇罪？因為已判有罪及已罰，只係債仔父母氣唔順，一定要趕債主出校啫。 ...

可能債仔父母覺得可以刑事起訴，因為債主已經超過11歲，最差可以入男童院

ckcleung

回覆 DD仔 的帖子

單野得佢兩個知實情。第三者只能推理。十二歲受傷，係債仔，家長wear爛面去學校控訴。表面上十二歲係受害者

DD仔

ckcleung 發表於 23-2-24 11:50
回覆 DD仔 的帖子

單野得佢兩個知實情。第三者只能推理。十二歲受傷，係債仔，家長wear爛面去學校控訴。表 ...

其實債仔家長唔駛理學校點樣罰㗎，自己報案，警方認為可以開file處理，就自然會做嘢，佢哋駛乜喺學校門口搞大龍鳳呢？

DD仔

Sing13 發表於 23-2-24 11:52
家長是叫校長下臺。
校長話已經進入司法程序。

警司警戒，即係話警方都唔落charge啦，個家長喺度嘈乜嘢呢？學校又罰債主了。即係話警方唔控告，就死都要學校將債主踢出校？

PTL_L

ckcleung 發表於 23-2-24 11:50
回覆 DD仔 的帖子

單野得佢兩個知實情。第三者只能推理。十二歲受傷，係債仔，家長wear爛面去學校控訴。表 ...

其實呢啲事情，都唔係第一次發生，相信band 1-band 3學校都會有，band 3學校應該會更多，但不同在於，而家啲家長太怪獸喇，自己小朋友一定唔可以受傷害，人地小朋友就人地既事，記得以前老師成日教「老吾老以及人之老 幼吾幼以及人之幼」而家唔會有呢隻歌仔唱喇，最緊要自己唔可以蝕底。

PTL_L

Sing13 發表於 23-2-24 11:52
家長是叫校長下臺。
校長話已經進入司法程序。

咁作為一個成熟既成年人，仲走去拉橫額，影響自己小朋友學校？咁咪交俾司法部門處理囉！