除咗為了考小一，識字係咪咁好？

BBKDWLAM

以前的填鴨式係有時間比隻鴨填飽後四圍走走透下氣。宜家養鴨係廿四小時要佢食自助餐，表面上好似有得㨂食咩，可以㨂啱胃口、最有益同快吸收的嚟食，但實際上係啃唔落都要繼續啃，總之全日飽肚。每隔幾年就要上公正磅，靚鴨只論磅數，不問質素。

siumicmic

Soundervolt 發表於 17-8-24 13:03
本帖最後由 Soundervolt 於 17-8-24 13:04 編輯

填鴨式教育 就係只求背誦、抄寫標準答案，不求甚解…… ...

不過話分兩頭，依家啲功課好多時小朋友都未必可以獨自完成(尤其初小)，如果父母晏放工，小朋友等父母返嚟教就會攪到好夜，父母可能都無可奈何要外判跟功課呢part，
有啲甚至可能係屋企無人在放學後至父母放工時睇住小朋友，咁功課輔導班就變咗半托兒性質

我大女小學時搭校車有個同站落車嘅低年班同學就係咁，
個校車站對正一間補習社，佢一落車行三步就入咗去，

我哋都覺得佢辛苦，返完一日學，我個女落咗車就開開心心同我去tea吓講吓學校嘅事，
佢就直入補習社，戥佢有啲淒涼

starrymama

回覆 Soundervolt 的帖子

我見d人小一除左功課/ 專科班外, 重揾人上門補中文/ 英文文法, 我真係認爆腦都諗唔到小一有咩文法要上門補?
個個都80幾90幾分, 但講句英都唔敢唔識, 我都唔明到底補緊咩?

starrymama

BBKDWLAM 發表於 17-8-24 13:51
以前的填鴨式係有時間比隻鴨填飽後四圍走走透下氣。宜家養鴨係廿四小時要佢食自助餐，表面上好似有得㨂食咩 ...

講到好似鵝肝個d鵝咁

starrymama

回覆 siumicmic 的帖子

全中, d功課根本冇可能係小朋友可以自己完成, 好多家長又要返工, 所以唯有去補習班.
我女好彩肯做, 識幾多做幾多先, 否則小一剛開學時真係會好痛苦.

starrymama

回覆 mcl203 的帖子

應該唔係, 大家都係傾計咁講, 佢地都話好多初小成績好係操出來, 初小成績唔好, 都唔使咁緊張住, 打好個底先最重要.我諗緊係米真.

mcl203

starrymama 發表於 17-8-24 14:25
回覆 mcl203 的帖子

應該唔係, 大家都係傾計咁講, 佢地都話好多初小成績好係操出來, 初小成績唔好, 都唔使 ...

用我小朋友6年小學經驗...P1成績好既...多數P6仲見到佢地
P1成績一般...P6都係差唔多
P1打好過底...似乎...保持到成績既機會率較高
佢小學係坊間有D公認係輕鬆學習既...少功課唔谷既...而我小朋友亦考試前唔會用太多時間温書
亦絕少係自修堂做功課...只會睇其他書...佢自稱上堂係專心聽書...唔使點刻意去溫
所以...無操卷下...大意分係失得比前列學生高既...但都仲算係好既一批 ~~~

starrymama

回覆 Soundervolt 的帖子

" 我相信冇乜學校每年開學就叫家長去報補習及功課班應付學校課程啩 "

唔係啦, 真係第一個個老師. 真係唔少學校的都有老師一開學就會叫人去補習.
以我為例, 我女由英文人轉做中文人, 一開學中文評估得2x, 中文老師已即時叫我去補習, 個時只係10月頭.


我冇理, 堅持自己敎, 同時亦唔操唔谷佢. 因為佢本身中文底好弱, 學校又出名中文課程偏深, 我怕操同谷只會引起佢更反感, 去補習社又辛苦.

我自己慢慢睇多d書, 一步一步黎, 同佢打返個好底.
年尾有返7x分, 閱讀理解啱晒, 老師問返我轉頭點敎.

starrymama

回覆 mcl203 的帖子

我自己覺得初小好個d, 高小都會係好. 所以唔明點解d人咁講

mcl203

starrymama 發表於 17-8-24 14:42
回覆 mcl203 的帖子

我自己覺得初小好個d, 高小都會係好. 所以唔明點解d人咁講 ...

初小係好...唔一定係好...亦見有D同學仔父母初小期望好高...去到中小已落後
成績最好最穩定既一批...往往係最主動學習既...多方位表現較佳
P1家長日班主任有講...P1高分唔奇...P3 D分會難攞...成績亦會拉開 ~~~

starrymama

回覆 mcl203 的帖子

Thanks.我諗我要體會下先明, 因為我見d人小一已谷到咁而d小朋友又咁受得谷, 冇理由上到高小會比佢差

scgift

starrymama 發表於 17-8-24 10:21
回覆 Soundervolt 的帖子

學校同補習社的人都同我講, 好多人去到高小就唔掂.

我做過到校小學功輔班導師，教過小一至小四。初小，特別係小一，課程內容比較簡單直接，我所見係識字多夠專心既考前列級位置/識字多但唔夠專心既考中游位置/識字少既專唔專心都只能在下游位置。到小四，學生之間既識字量應沒有太大差距，但課程開始需要多啲理解能力。呢個時候，本身底子好又專心小心既，如果理解能力都唔錯既咪繼續可以考到前列位置。如果底子好但理解力麻麻地，考試就好難考到前列位置，但都可以keep到中游。本身底子弱既點谷都好難谷得起。

個人覺得最重要既還是要認到字，唔好諗住小一測考會讀卷就覺得問題不大。因為如果小朋友識字少，平時連課本或功課題目都睇唔明，咁就嚴重影響學習興趣及進度。識字少，一般唔願意多閱讀，自然閱讀理解+數學文字題都會有困難，成績又點會好。

BBKDWLAM

覺得係培養學習興趣同方法的問題。

死谷=努力背誦學校的課本知識(如花大量時間串字同默書)
打底=努力學習好語言(如睇有興趣的課外書，學英文拼音)

如兩小朋友資質相若，長遠的成效如下：
初小：打底<死谷
中小：打底=死谷
高小：打底>死谷
中學以後：打底>>死谷

starrymama

回覆 scgift 的帖子

我個間小一下學期己冇讀了.

scgift

siumicmic 發表於 17-8-24 14:05
不過話分兩頭，依家啲功課好多時小朋友都未必可以獨自完成(尤其初小)，如果父母晏放工，小朋友等父母返嚟教 ...

如果只係講緊一般津小，冇特別教快教深既話，就算小一都有唔少人可以獨自完成功課。前提係小朋友識字量夠，能自行睇得明題目。我反而唔明點解啲人成日話而家啲功課係家長做。需要幫手既，有好多可能性，可能係唔識字睇唔明/上堂唔專心所以唔識做/唔專注唔想做功課…

scgift

phoebewong123 發表於 17-8-24 11:35
如果你真的咁擔心，應該去找專業人士幫。有社交班同個別治療的。你太擔心，你個女都feel 到的。而且，佢如 ...

多謝關心，我曾多次問過阿女學校校長主任老師，佢地不約而同地話阿女喺學校好正常，叫我唔好諗太多，都唔使評估，更加唔好叫我女去上咩社交班。所以我用我自己既方式去幫佢，還好最近開始見到明顯改善了，我會繼續努力。

starrymama

回覆 scgift 的帖子

就係因為唔識字啦, 小一開學, 識幾多字? 除非父母暑假時先同小朋友做一次先, 所以小一開學係最辛苦的過渡期. 有d小朋友係好抗拒.
去到期中期尾會好好多, 但始終要父母返去對功課, 冇可能100% 啱晒.

starrymama

回覆 IloveJJ 的帖子

其實都唔知點為知敎快, 有些小一期未中文考試重考緊作句, 重要只係作半句.
我個個就己經去到作文 (一段三四句個種), 但問人又話邊間邊間都係咁.

scgift

starrymama 發表於 17-8-24 15:44
回覆 scgift 的帖子

就係因為唔識字啦, 小一開學, 識幾多字? 除非父母暑假時先同小朋友做一次先, 所以小一 ...

我既學生當中，小一有部份可以識到9成以上既字，有部份則好似文盲咁。識幾多字，好視乎在幼稚園階段有冇閱讀習慣，家長小孩付出左幾多。當然，有啲小朋友本身視覺功能幾好，認字就容易啲，但最主要都係要付出才有收獲。