進攻小一：名校大鑊飯下無奈轉直資

ABC-DAD

judy 發表於 17-5-5 14:47
我家三個孩子小學都讀私校，阿大入讀時，學費只是15000左右一年。因學費平得出奇，我成日稱之為cheap che ...

Judy 你阿大小學時15000一年都話平得出奇，幾多年前？生活指數都唔一樣。唔計錢，因為似乎你大把，但係你嘅選擇主要係因為水準一流，係無？
私校可以量入為出，官津校點花錢，我唔去評啦。

shadeslayer

Vanadium 發表於 17-5-6 00:01
http://www.com.cuhk.edu.hk/ubeat_past/011247/47edu.htm

值得重溫歷史。聖保羅男女2002年轉直資，成為第 ...

我知, 唔講自由市場競爭力, 講共產嗎。所有政府資源一定要全港市民平均機會嗎。你講過好多次。  我都提議過你到北韓, 享受真正教育共產。

Vanadium

judy 發表於 17-5-5 14:47
直資真正之好處，不在於能收費、能請多啲教師；而是在於冇咗鐵飯碗，易執，迫使其要俾心機經營。依家家長迷信錢多好辦事，收得少錢的學校反而被人睇低，直資學校錢多得不得了，如果不是兢兢業業的經營，實容易造成鋪張浪費，學生耳濡目染，不是好形象。

所以我話自由市場既觀念，而深入呢度既民心，在各項事情，都以為因為自由市場發生。

我最唔明點解 1) 直資=無左鐵飯碗; 2) 唔係直資就=有鐵飯碗? 3) 無左鐵飯碗就=教育水平提升?

我睇住幾間學校因縮班殺校而面臨被殺，教師飯碗危在旦夕，但好似都無點提升到教育質素。如果鐵飯碗同教育質素好大關係，咁依家D合約老師表現一定最一流，但奇怪多所百年名校，都係由一班鐵飯碗之老師建立校譽。仲有...真係鐵飯碗之官立中學，反而唔少做到band 1，甚至如皇仁般超級名校。

再講.....咩津校既老師係鐵飯碗既咩? 直資學校又成日炒人?

以我所理解，香港做教師呢行有心人絕對比無心人多，一個無心既教師，根本唔使學校炒，同事同學生都會迫到你跳樓或令你自動引退。然而，我會認同香港有能既老師的確未必好多，呢個係市場因素，叻既人太多去左做其他工。

教師呢行唔係個個受得住，特別叻果班，如果做過教師一定會明白。

其實香港學校質素問題，最大歸因.....我經歷話比我聽，係個辦學團體。辦學團體先係真正管理間學校，校長係佢請，老師都係佢請，若個辦學團體班校董無心管理，學校一定係差。細心留意下，就會發現其實有D辦學團體，學校大部份都好好，相反有D就好差。

要知道....學校做得差，最唔受影響既，就係果D無心或無力辦學既團體既校監校董，佢地一D都唔使上身!

有時唔使下下推去咩市場原則，細心留意下香港既學校特色，其實仲多發現。

ANChan59

ABC-DAD 發表於 17-5-5 23:16
你咁引言，我會誤會你話口不對心/扮唔明嘅係指我喎
講正經事實我係見到津校改變緊，過幾年會有共產 ...

You know I am not talk about you for the 1st paragraph.

We went through aided and DSS schools for our kids, we can see the difference of those education easily.

ABC-DAD

ANChan59 發表於 17-5-6 00:43
You know I am not talk about you for the 1st paragraph.

We went through aided and DSS schools for ...

你知我講笑啦。最近阿細回港提過下在英國讀broading  school 嘅體會，對香港old school僵化嘅教育思維繫, 實在不吐不快。讀萬卷書，不如行萬理路。好想香港嘅電視，制作一啲探討包括先進/落後嘅外國教育嘅節目，參考一下人地成功又重視嘅地方，貧乏但積極進取嘅一面，學下點去欣賞教育帶來的真正價值係邊。

ANChan59

ABC-DAD 發表於 17-5-6 01:02
你知我講笑啦。最近阿細回港提過下在英國讀broading  school 嘅體會，對香港old school僵化嘅教育思維繫,  ...

唉，N年前可已經不斷安排兒子出去不同國度看看，上不同課程，開開眼界，他就會學而後知不足！

自己亦參與部分大學課程的審批及參與改善工作，見到中學的教育產物，再見到大學的教育產物，誰會區泥於考唔考小三TSA。因爲我講的產物是經過了小三，小六，中三的階段！

如果教育是栽培社會二十年、三十年、或五十年的人材。我們的教育是否有前瞻性？是否有創新性？我們都知道答案的！

cow

香港學生大部份去英國讀中學都係讀私立學校。英國公立學校應有較多問題。所以不能單單用英國私校跟香港官津校比較。

ABC-DAD

Vanadium 發表於 17-5-6 00:01
http://www.com.cuhk.edu.hk/ubeat_past/011247/47edu.htm

值得重溫歷史。聖保羅男女2002年轉直資，成為第 ...

我聽足四十幾分鐘啦，人地對自資就無你咁，帶有色眼鏡做人。你講2010審計報告以經牽強，2002年預計三分一目標學生可有全費減免，那反映左學校有財務上的承擔，清貧家長有自己考慮，你少係度橫生枝節啦，如果收左合資格減免嘅家庭而巧立名目拒諸門外就話啫，Coed 嘅減免計在網上寫得好清楚。唔知你有咩個人原因硬要將貴族學校標籤強加於人。你咁着眼比對學生家境，是你個人偏好啫，SPCC收生不看家庭背景，學校位處港島中西區，派位會有利誰，還在未知之數喎，學位所限，現有收生方法，網頁有清晰交待，不贅。最矛盾係你之前重講緊如果係私校就無問題喎，你不如再諗諗先，你想針對直資制度定針對SPCC先？直資唔係得SPCC。
方便參考直接貼你條link內文睇，

教改出路 惟有直資﹖ 　　回歸後，教育政策方向仍未明朗，傳統名校包括聖保羅男女中學、拔萃男書院和曾於九一年申請直資失敗的聖保羅書院都在過去半年相繼提出轉辦直資的申請，而德望學校（中學部）也決定於明年向教署提出申請。 　　聖保羅男女中學校長潘鎮球指出，升中派位的學生級別由五個組別縮減為三個組別後，即使同一級別的學生，質素也很參差，令學校難以收取優質的學生，而只有轉辦直資，學校才能握緊收生自主權。 　　他認為在資源有限，必須將學生分類，因為現時老師的工作量已很大，無法兼顧不同程度的學生，最終可能只照顧到中層的學生。「那時『有教無類』就變成『不知所謂』。」潘鎮球說。 　　本年十一月，拔萃男書院校長張灼祥在校董會提出加入直資計劃，他和潘鎮球不約而同地指出─�「惟有改制，才可確保學生質素，保留學校的傳統文化。」張灼祥也同意在「有教無類」的原則下，也要做到「因材施教」。 　　不過，香港中文大學教育學院課程與教學學系主任黃顯華則認為，名校不應借直資賦予的自由度來選擇學生。他認為，站在教育前線，學校不應該將學生作出任何形式的分類，而且學生的心智發展快慢不一，過早分類會造成不公平的現象。 　　雖然各界人士如今仍對直資有很多意見，但其實直資計劃早於一九九一年已經設立。 　 直資並非新事 　　聖保羅書院校長夏永豪表示，九一年直資計劃的推出，是因為當時香港教育太單一化，不像外國公立和私立學校的教學模式那樣百花齊放﹕「香港的私校被認為是次一等的學校，無法引起學校間的競爭，於是教學方式始終難有突破。」夏永豪又道﹕「政府為了提高教育的自由度，但又不希望改變政府資助的形式，令學校變成牟利機構，於是就想出直資計劃。」 　　當時受邀請轉辦直資的中學包括聖保羅書院和拔萃男書院等六所。不過，夏永豪表示，直資還有很多資助上的問題。根據計劃，政府會承擔大型維修的費用，但如果要維修數個小型斜坡，由於各個工程花費不大，所以並不屬政府負責範圍，但實際上數個工程所需費用卻是一個大數目，這些財政上的問題，令其他學校卻步。結果，當年只有聖保羅書院提出申請。 　　可是，當年因為一票之差，立法局投票否決了聖保羅書院的申請，其後負責官員楊啟彥等先後離去，加上教育改革的各種問題，聖保羅書院轉辦直資的計劃只得暫時擱置。 　 學費高昂 成貴族學校 　　直資學校最受爭議的是學費昂貴。聖保羅男女中學轉為直資中學後，中一至中五的學費為每年四萬八千元，預科則為六萬元，比每年四萬二千一百元的大學學費還要貴。 　　潘太的兒子就讀於聖保羅小學，她表示:「有個別學生家長因擔心聖保羅學費貴而放棄遞交小一入學申請表。」她繼續說﹕「學費偏高，可能會令貧窮的學生卻步，如果學校能把學費定在四萬元以下會好一些。」 　　潘鎮球也承認部分家長投訴學費過高，但他表示學校在轉直資的同時，會根據學生經濟狀況，提供減免學費計劃，預計讓不少於百分之三十的學生獲得全免資助，其餘學生有六成減免一半學費，並保證在未來三年內不會加學費，潘鎮球肯定地說﹕「我們不會成為貴族學校。」 　　張灼祥也表示，即使轉直資，校方仍會堅持給各個階層的學生有入讀的機會，繼續爭取更多獎學金，幫助更多經濟上有困難的同學，希望反對聲音會因此減少。 　　但也有現行直資的學校費用不算太貴，例如培僑中學中一至中三的學費為每月二百八十元，中四以上約每月一千元。校長葉祖賢認為除了因為得校友會校董會支持辦直資之外，善用資源也非常重要。 　 教師恐「鐵飯碗」不保 　　教師反對是轉直資的其中一個阻力，因為轉直資後，教師數目、薪酬及僱用方式都會有一定的轉變。聖保羅書院新設年終酬金，獎賞所有任教滿一學年的老師。夏永豪說﹕「只要老師不要在一個學年內請六個月假就可得到這份獎勵。」 　　拔萃男書院和聖保羅男女中學教師的公積金在轉直資後也會維持現狀，讓教師安心。但仍有老師擔心，學校一旦收生不足，教師就可能「鐵飯碗」不保。 　　在聖保羅男女中學任教經濟科的李頌楷說﹕「我支持學校轉直資，因為學校可以有更多發展空間。不過有得必有失，學校自負盈虧，老師入息可能不如津中時穩定。工作方面的改變亦屬未知之數。」 　　津貼中學議會主席許俊炎說﹕「收生不足會直接影響學校的財政運作，學校有隨時關閉的可能。」 　　不過，有意轉直資的兩位校長對收生方面充滿信心。張灼祥校長透露，現在轉直資的條件比以往優厚﹕在轉直資的首五年過渡期內，資助額會維持不變﹔效果未如理想，甚至財政出現困難的直資中學，可以在過渡期間申請轉回津貼中學，資助數目也不會比津中少﹔涉校教師也可保留公積金等。當然，兩位校長都不願意開「倒頭車」。 　　幾位受訪校長，包括補助學校議會主席陳璐茜均認為直資令教育界百花齊放，是一件好事。 　　雖然直資給予學校收生及運作上較大自由度，張灼祥卻坦言﹕「轉辦直資不是改善教育的最好解決辦法，只是比津中的情況好一些。」他認為現時的師生比例還要再改善，才能算達到理想。

夏永豪校長認為，名校就是那些有歷史傳統，並得到巿民認同的學校。 潘鎮球校長相信直資制度給予較大自由度，學校更能實行教學理想。 張灼祥校長認為因才施教不等如精英制。

akys

其實微調升中收生方法可以令官津學校好過啲，估計港華等亦不會轉直資，按校長所說係擔心收生質素，會令學校跌入B2， 不能全開英文班。
雖然係直資用家，但對現時自行收生方法幾反感，收咗又唔講得，啲暗示又要估，一廂情願嘅話會死得好慘。現時政策非常傾斜直資。一個B1 A生如果同時可以揀SPCC，QC，LSC，DBS，LW，未必會一面倒揀直資。其次直資乜Band都可以全英授課，過多十幾二十年，優勢會越來越明顯。
什麼有教無類，收B3出B1係自欺欺人，固然有少部份例外，不過正常來說，一間好小學嘅級頭並不是浪得虛名嘅，嗰啲記憶力，領悟力非努力可以填補。攞到幾個呢類學生省靚個DSE招牌將來收生都好啲。

ABC-DAD

應該調節嘅就心平氣和坐低傾下。
攪教育工作嘅人，心胸應該寬廣，正面啲去處事。

ABC-DAD

直資有直資嘅路，或者有一日要走完。

但普及教育要改善質素，先係重點。

judy

我最唔明點解 1) 直資=無左鐵飯碗; 2) 唔係直資就=有鐵飯碗? 3) 無左鐵飯碗就=教育水平提升?
我睇住幾間學校因縮班殺校而面臨被殺，教師飯碗危在旦夕，但好似都無點提升到教育質素。如果鐵飯碗同教育質素好大關係，咁依家D合約老師表現一定最一流，但奇怪多所百年名校，都係由一班鐵飯碗之老師建立校譽。仲有...真係鐵飯碗之官立中學，反而唔少做到band 1，甚至如皇仁般超級名校

學生減少了，的确有收不到學生的學校被殺，但教師人數減少了嗎？最多咪少咗幾個正校長，但我敢打賭，這幾年來，主任級、副校一定多咗。唔通一間容納24班每班35人左右的學校，收生得6班每班少於20人，仲keep住相同配制的校長、主任、校工、教師。就算這是公家錢，教育界也面紅吧！在此情形下，學卷制不是更合理嗎？

我没有說過香港没有名校，反而，我常說和其他地區比，香港教育一流。我想，香港之成功，是政府和家庭不惜工本，以優厚的工資，聘請優秀的教師。可惜，一些教育界人士，不知甚麽原因，出於政治？出於争取更多利益？將教師職業包装得酸臭冲天，的确可恨。

以孩子的cheap cheap 私校來說，教師的薪金福利無可能和津校比吧！但facebook見到，教師的生活不知幾陽光。

我以前曾打趣說過，政府重視公援多過教育：點解，公授用"學卷制"，你試吓問综援户，問佢地仲唔仲意到政府指定嘅飯堂解决三餐，定係攞錢(學卷制)。我估综援户喜歡攞錢多啲。

judy

但對現時自行收生方法幾反感，收咗又唔講得，啲暗示又要估，一廂情願嘅話會死得好慘。現時政策非常傾斜直資。一個B1 A生如果同時可以揀SPCC，QC，LSC，DBS，LW，未必會一面倒揀直資。

其實己唔係暗示，學校通過送校章，介绍章程等等。有家長同我講聽到學校努力咁用幾分鐘用第二啲詞句表達"我收咗你啦"幾個字，都想笑。

我歡迎津校用更明嘅暗示。

judy

Judy 你阿大小學時15000一年都話平得出奇，幾多年前？生活指數都唔一樣。唔計錢，因為似乎你大把，但係你嘅選擇主要係因為水準一流，係無？

因三個孩子故，我常比人認為大把。阿大到樓下跑步，有阿太問阿大讀咩學校、有幾兄弟姐妹、平時參加甚麼活動等等，忍不住讚嘆：嘩，你爸媽係唔係掙好多錢！

同同事吃飯，講起子女開支，佢見我又冇補習、又自己煮飯(少出街吃飯)，認不住話我: 你有入冇出，咩剩大吧！

不過，大唔大把自己知。

akys

回覆 judy 的帖子

暗示明示都未係真，到時唔收都冇佢符。點解唔公平啲同時間收生？小學都得中學乜理據唔得？而且暗示明示代表教育界要冒上違反手則，陽奉陰違等陋習。

judy

暗示明示都未係真，到時唔收都冇佢符。點解唔公平啲同時間收生？小學都得中學乜理據唔得？而且暗示明示代表教育界要冒上違反手則，陽奉陰違等陋習。

呢啲係實情。冇信在手，難免忐忑。

akys

回覆 judy 的帖子

朋友孩子舊年收到暗示，唔去直資。决定後上嚟EK，見到啲家長話冇可能，學校係作育英才嘅地方，唔會咁做，應該自己理解錯咗，攪到佢兩公婆擔憂了幾個月，驚害咗個仔，最後當然係happy ending 啦，但何苦要家長受苦呢！哈哈，揀免費中學吖嗱，受幾個月苦先好做人上人。

Stillgood2

akys 發表於 17-5-6 11:08
回覆 judy 的帖子

朋友孩子舊年收到暗示，唔去直資。决定後上嚟EK，見到啲家長話冇可能，學校係作育英才嘅 ...

好似銀行排隊等餐懵。唔做Prestige, Supreme 客，等耐d，應該的。

20120808

直資學校由幾佰至七八仟都有，公共教育政策是否因为有這政策而傾科有能者，也要看直資學校的數量，量多質才變是最幾本的質量指引。

反对直资者不能只用金钱衡量教育，基層家長同样需要有選擇教育政策的權利。有些直資標榜少功課及英文語言環境，以及愉快学习等都是家長的考量。

20120808

一刀切取消直資政策，同样是剝奪基層家長的選擇權。

人人有受教育的權利是客觀標凖，但是人人有受[優質]教育的權利不是客观標凖，因為[優質]兩字不能是客观標凖，因所謂[優質]是相對的。反直資者還認為愈高學費愈優質,反對者用自己的狹義價值觀衝量教育，一廂情願地套这个狹義價值觀帽子于基層市民。

在這个價值觀下，一切免费官津學校(名官津除外),皆因免费而變成非優質教育。