09/10 K1家長

noelyip

我有俾彤彤番學呀！尋日打風佢無得番學，到左下午一點幾佢已經頂唔住話好悶呀！要去街街呀～！

stephanielum

我都有比亞女返學, 現在H1N1周圍到係, 我覺得跟本就避免唔到咁多, 就算出街都有機會傳染到, 只不過返學感染係會高d囉, 所以要同小朋友講時常清潔雙手, 保持充足睡眠, 食多d維他命c食物, 適當運動, 身體強壯d感染機會都少d啦! 聽講遲下踏入冬天感染H1N1仲會更多, 到時又點算呢!

stephanielum

澄澄坐邊張枱架? 迦琳同彤彤同懿琳都坐門口星星枱, 聽我女講話有星星枱, 彩虹枱, 太陽枱同月亮枱, 你地知唔知係咪呀, 唔知佢講係咪真呢

原帖由 josesinmicki 於 09-9-15 18:54 發表
我囡囡10月尾出世,係屋企就乜都講,一出到街見到其他人就會企係我隻腳後面,驚到死.迦琳6月出世,但係好似好大個咁,佢好叻女呀.唔知迦琳幾時會同我囡囡認識呢?
我決定今個星期都唔比囡囡返學住,你地又點呢?

...

pandacat_bb

hello，我對仔女讀K2同K3，入黎搭下咀，我大女又係叫彤彤喎

我都同意李主任咁講，對鞋太大小朋友行得唔舒服，不過啱啱好其實都唔舒服，因為囡囡腳面厚，所以我通常預大少少，再加小童鞋墊(永安有得買小童鞋墊有尺碼分)，咁就good fit，到咁上下時間，對腳大咗啲，唔要鞋墊對鞋仲可以繼續著，對鞋著兩個星期就唔啱，我都"鄧"你肉痛

原帖由 noelyip 於 09-9-15 15:25 發表


嗚嗚...我其實係有帶彤彤去鞋嫁！

話說就係因為開家長會果日，老師講左話唔好買太大，因為只係夏季校服合用，所以我就係臨番學前既星期日帶埋彤彤去旺角先施買，點知旺角只得十一號同九號，我已經同佢試左兩次，都覺得太大，有成 ...

noelyip

原帖由 pandacat_bb 於 09-9-16 13:47 發表
hello，我對仔女讀K2同K3，入黎搭下咀，我大女又係叫彤彤喎

我都同意李主任咁講，對鞋太大小朋友行得唔舒服，不過啱啱好其實都唔舒服，因為囡囡腳面厚，所以我通常預大少少，再加小童鞋墊(永安有得買小童鞋墊有尺碼分)，咁就good fit， ...

多謝妳既寶貴建議，吸收左今次既教訓之後，咁我下次都識得去買個鞋墊先啦！

PS 歡迎妳有時間入黎搭吓咀噃！　^_^

noelyip

原帖由 stephanielum 於 09-9-16 11:11 發表
澄澄坐邊張枱架? 迦琳同彤彤同懿琳都坐門口星星枱, 聽我女講話有星星枱, 彩虹枱, 太陽枱同月亮枱, 你地知唔知係咪呀, 唔知佢講係咪真呢



...

琳琳幅相好大個女咁呀！而且仲幾好肉地咁喎！

琳琳講說話同表達能力真係好叻！仲肯講咁多學校既野俾妳聽添！真係乖乖！彤彤只係放學至肯同姐姐講少少有關學校既野嫁咋，到我放工番去問佢，佢只係講一句半句，再問就故意講東講西，九唔答八，激c   

stephanielum

琳琳細個時仲好肉地 , 尢其是佢對飛毛腿, 又粗又短, 真係講你都唔信, 不過現在大個拉高咗好睇好多, 宜家都算係少少肥, 有肉地個隻啦!   

我位大少姐都係睇心情, 有時心情靚一見到我放工返嚟就不停講學校d野, 有時唔like 問多句都唔想講, 咁我通常就攞佢like 食既野嚟引佢囉, 佢食緊就乜都答~~真係吹脹  

原帖由 noelyip 於 09-9-16 14:58 發表


琳琳幅相好大個女咁呀！而且仲幾好肉地咁喎！

琳琳講說話同表達能力真係好叻！仲肯講咁多學校既野俾妳聽添！真係乖乖！彤彤只係放學至肯同姐姐講少少有關學校既野嫁咋，到我放工番去問佢，佢只係講一句半句，再問就故意講 ...

josesinmicki

我都唔知呀,因為囡囡係插班,我都未入過個班房(8/9第一天返學),不過我問佢你坐邊張台,佢一時同我講坐月亮,一時話坐星星,所以我都唔知呀.等我得閒問下老師先..
今朝打電話回學校請假,老師話仁班有三個請假(計埋我個囡),都唔算好嚴重,我囡囡仲有少少鼻水呀,所以我會請埋今個星期假先比佢返啦...
我想問下,怎樣整張相上黎,每次上載時,都話張相過大..

原帖由 stephanielum 於 09-9-16 11:11 發表
澄澄坐邊張枱架? 迦琳同彤彤同懿琳都坐門口星星枱, 聽我女講話有星星枱, 彩虹枱, 太陽枱同月亮枱, 你地知唔知係咪呀, 唔知佢講係咪真呢



...

[ 本帖最後由 josesinmicki 於 09-9-16 21:15 編輯 ]

noelyip

原帖由 stephanielum 於 09-9-16 17:15 發表
琳琳細個時仲好肉地 , 尢其是佢對飛毛腿, 又粗又短, 真係講你都唔信, 不過現在大個拉高咗好睇好多, 宜家都算係少少肥, 有肉地個隻啦!   

我位大少姐都係睇心情, 有時心情靚一見到我放工返嚟就不停講學校d野 ...

哈哈哈！琳琳好可愛，好典型既女仔性格，鐘意食野鐘意講野....   

彤彤無論性格同外型都似十足佢爹Di，最鐘意跑黎跑去完全唔覺得攰咁既！最怕食野，除左雪榚、薯片同生日蛋榚之外，樣樣野食都無咩興趣咁....

彤彤喱兩日放學番黎我地問佢食左咩茶點，佢答話老師唔俾佢食．唔知係未俾老師罰佢呢？

noelyip

原帖由 josesinmicki 於 09-9-16 21:10 發表
我都唔知呀,因為囡囡係插班,我都未入過個班房(8/9第一天返學),不過我問佢你坐邊張台,佢一時同我講坐月亮,一時話坐星星,所以我都唔知呀.等我得閒問下老師先..
今朝打電話回學校請假,老師話仁班有三個請假(計埋我個囡) ...

我都整左好耐至整度幅相上黎，我諗我唔識教妳，Stephanielum麻煩妳幫吓佢啦！我都想學吓　

stephanielum

咁等澄澄好番先番學啦, 昨日老師派咗本語文補充簿, 教咗個人字, 仲有少少練習做, 下星期番學應該會派番比你, 到時你留意吓啦!

我整將相時會將佢縮細先, 後再放上去, 不過我依將相都攪咗好多次, 次次上載完成再保存頭像後, 係電腦下面條bar就出現版面錯誤, 所以未能更新相片, 咁我打算放棄唔理佢, 點知星期一將相又無端端放咗上去喎!   

我諗你要先將相縮細先, 先可嘗試放上去. 至於個縮細相片既software係朋友幫我安裝的, 但bk 都有教你點樣將張相縮細先放上, 但我現在又找唔到係邊度整, 一係你找下, 如果找唔到, 一係你將張相email 比我, 我縮細好再email 比你放上去啦!

原帖由 josesinmicki 於 09-9-16 21:10 發表
我都唔知呀,因為囡囡係插班,我都未入過個班房(8/9第一天返學),不過我問佢你坐邊張台,佢一時同我講坐月亮,一時話坐星星,所以我都唔知呀.等我得閒問下老師先..
今朝打電話回學校請假,老師話仁班有三個請假(計埋我個囡) ...

stephanielum

小朋友最鐘意就係雪榚、薯片、汽水同糖, 我個女對食生日蛋榚就麻麻地, 不過佢鐘意生日蛋榚, 因為可以對住唱生日歌同吹爉燭

彤彤咁攪笑話老師唔比茶點佢食  係咪佢自己唔食咋, 唔通真係百厭比老師罰~~~~

原帖由 noelyip 於 09-9-17 09:54 發表

哈哈哈！琳琳好可愛，好典型既女仔性格，鐘意食野鐘意講野....   

彤彤無論性格同外型都似十足佢爹Di，最鐘意
跑黎跑去完全唔覺得攰咁既！最怕食野，除左雪榚、薯片同生日蛋榚之外，樣樣野食都無咩興趣咁....mouth:" />

...

stephanielum

我覺得係bk有d問題, 以前都係一整就可放相上去, 現在要攪好耐先得.

我都想教澄澄媽咪, 可惜我都係半桶水 , 如果佢真係縮細唔到張相, 佢e比我等我幫佢攪細佢先再放上去囉!

原帖由 noelyip 於 09-9-17 09:57 發表


我都整左好耐至整度幅相上黎，我諗我唔識教妳，Stephanielum麻煩妳幫吓佢啦！我都想學吓　

candyckathybb

大家好,今個星期我無比kathy返學,因為佢抵抗力比較差,想問問各位媽咪知唔知今個星期,學校開始正式教學未呢?

stephanielum

Kathy 媽咪 : 昨日老師派咗本語文補充簿, chop咗印教咗個人字, 叫我地同小朋友多d練習, 仲有少少練習做, 同埋有本兒歌書chop咗已授印, 下星期番學老師應該會派番比你做, 到時你留意吓啦!

原帖由 candyckathybb 於 09-9-17 13:06 發表
大家好,今個星期我無比kathy返學,因為佢抵抗力比較差,想問問各位媽咪知唔知今個星期,學校開始正式教學未呢?

noelyip

琳琳媽咪:

我上次同妳既情況差唔多，幅相又係上載完成兼再保存頭像後, 雖然出左條bar話頭像已經保存，但又見唔到有改，我又係諗住放棄既時候，下次入黎又成功喎！好古怪！聽妳咁講，我諗真係bk既問題，等我又再試下先

noelyip

原帖由 stephanielum 於 09-9-17 11:49 發表
小朋友最鐘意就係雪榚、薯片、汽水同糖, 我個女對食生日蛋榚就麻麻地, 不過佢鐘意生日蛋榚, 因為可以對住唱生日歌同吹爉燭

彤彤咁攪笑話老師唔比茶點佢食  係咪佢自己唔食咋, 唔通真係百厭比老 ...

放學我叫姐姐問左老師啦，原來彤彤唔知點解老師叫佢出去攞茶點既時候無出去，（可能掛住玩啩），之後老師就等所有小朋友攞完後再叫佢，結果佢就唔開心，覺得老師唔叫佢，搞到好唔開心，真係俾佢笑c!  

noelyip

我無用度BK個縮細相片既software，我係唯有用我放上blog度既縮細相片咋！

noelyip

果本語文補充簿，妳地係未會貼D相片或畫個人係上面呀！？

同埋果本兒歌書雖然我見度有chop左印印，但我都唔識唱茶點歌同goodbye song，咁點一齊唱呀？

josesinmicki

唔該曬彤彤媽媽同琳琳媽媽,終於可以放張相上黎啦,
今日澄澄已經好番啦,不過我都係比佢休息多一日,星期一先再返學,
澄澄同彤彤都好似,只係鍾意食零食,飯就食得最慢,所以個身無乜肉,(不過由細到大都未肥過).我奶奶話我兩公婆都係瘦,生個囡點會肥呀.但係睇見D小朋友肥dd,真係好得意,
好似琳琳咁有D肉幾好睇,琳琳平時食乜架,每日飲幾多次奶呀?等我做個參考先得.