救世軍樂民幼兒園家長會

lavender

hei hei都玩得好開心，成日問返舊纜車(綠色o個架)仲咩唔開~~問佢最鍾意坐咩車，佢話纜車同電車喎~~

佢都記得尋日坐邊架車先跟住邊架車，又係問我仲咩唔坐船~~

尋日，9點幾見佢開始有d失常，知佢開始樓眼瞓，未捉佢瞓覺la，佢仲話唔想瞓，後尾比我迫佢上床，上到床，唔c 3min就瞓咗lu~~

HelloKitty

HI 各位mammy,

我已經upload左交通一日遊d相係妍靜相簿到, 得閒上去look look啦

朱朱仔

[size=x-large]硏靜,

[size=x-large]~生日快樂,身體健康,快高長大~

[size=x-large]今日喺麥當勞開生日會,開唔開心呢 ?係咪收到好多禮物呀: ?

[size=x-large]多謝你請晉晉同細佬嚟參加你個"4歲生日會" ,happy birthday!

   

HelloKitty

hi 各位mama,

妍靜今日非常之甘開心, 因為佢有甘多同學仔同佢一齊慶祝, 我諗佢一定非常難忘, 仲要多謝你地d禮物呀.

你地今日去公園放仔好唔好玩, 最衰我地無黎, 我諗你地一定好開心啦,

不過今日游水就唔係好夠喉, 不如下個星期日我地一齊去何文田游呀?

lavender

妍靜,

我祝你生日快樂， 身體健康， 笑口常開~~

lavender

我地尋日再去公園放仔， 佢地玩到'tin'晒咁濟，個個大汗夾細汗，皓皓好勁，跟住佢地係咁走黎走去，我諗佢地一定好開心~~

不過，我估唔到朱仔正原來都好百厭下架喎，見佢係麥當當到係咁係麥當奴叔叔度爬上爬落，平時見佢都好靜下架o麻~~

HelloKitty

晉媽,

如果你地星期日join埋一齊去游水, 一係就去何文田, 一係就斧山道啦, 因為將軍澳真係唔係甘方便架

各位, 我已將生日會的相upload上網, 得閒上去睇啦

朱朱仔

靜媽,
我暫時星期日都得,不過你上晝定下晝?你知我幾點起身架la   ,不過唔怕,如果真係上晝,我就早d瞓law,同埋就嚟開學,都要將佢2個瞓覺d時間調整過,嚟緊細佬都要返,更加要早d抖~   

仲有邊位媽咪參加呢個"何文田游水日"呀?

熹媽,
你睇番靜媽d生日會相時,就影到隻朱仔成日想爬上麥當勞叔叔個頭度,幾大膽
晉晉同細佬去完公園後,件衫臭到飛起,"叔"到聞到都想嘔,佢地去到我阿婆到,仲不知幾咁精神,玩"捉衣欣"跑嚟跑去,晉晉仲玩到流鼻血(撞到),番到屋企就開始攰,真係個個都玩到[size=large]"癲"哂~

我今日又約埋承承去踢波,佢地d精力真係用極都唔完,玩完又玩,不過就嚟開學,玩多幾日又要開始新一年lu~

HelloKitty

晉媽,
我都係諗住下晝先去架, 因為上晝多數都要去下街市買下野甘.

星期日去完公園仲去左你阿婆(係唔係叫泰婆)玩, 甘好精力添?

朱朱仔

各位mammy,
唉,好攰呀,今日又同班小朋友去左游水,呢幾日簡直玩到身心疲累,星期一踢波,星期二遊樂場,星期三游水,我就攰到飛起,佢地就happy到飛起,聽日又去交通工具日,帶佢2個同表姐仔去坐船船+叮叮+開蓬巴士
講起遊樂場,噚日真係嬲到飛起  ~
我帶佢3個去紅磡個室內遊樂場玩,我都成6點先去,特登避左d最多人嘅時段,但係皓皓都係俾一個好"naughty"嘅小朋友打    , ,事源係表姐仔同晉晉整到皓皓喊,佢瞓左喺地下大聲喊,跟住就有個男仔走埋去皓皓度,扯佢頭髮+踩佢+打佢,跟住我即刻走過去"喝住佢"NO,STOP..."佢個工人就同我講SORRY,我就抱開細佬,細佬就好慘同我講"佢打我,搣我頭髮... ",我諗諗下,都好嬲,走去叫個小朋友過去同細佬講對唔住,我都控制住d火,好有禮貌請佢去,佢個工人都當冇事坐埋一邊,佢初初都唔肯,跟住我再叫多幾次先肯過去say sorry,佢d態度仲.......唉 .........
之後諗番應該同佢工人講,番去屋企要report 俾佢阿mum聽,佢個仔打人,如果唔係,佢下次又會咁樣打人,激死我la,今日去斧山道泳池又係,有d幾大個嘅男仔罷住d野玩,晉晉走埋去佢地就鬧晉晉,仲用粗口,跟住咪同佢地辨論law, 而家d小朋友同後生仔真係.....   :tongue:     我都係第一次遇到呢d情況,咁激....唉,算la,小心小心

HelloKitty

晉媽,

你同3個小朋友都玩得好盡興喎, 不過唔緊要啦, 天日都返學lu.

皓皓真係慘比人蝦, 乜家陣d細佬仔真係好無家教喎, 而且仲得你一個大人添, 唔好甘嬲啦, 好彩皓皓都無咩事.

今日好好天, 希望你地玩得開心d.

cctc

晉媽,你真係好勁,尋日游完水就去遊樂場,今日就去交通工具日(話時話係邊樹黎架),係呢,你唔係約埋承媽一斉去嘅咩.
皓皓同晉晉都比小朋友"蝦",真係唔好彩喇, 唯有下次小心啲喇,係喇,聽日就返學喇,今日要佢地早啲訓呀

lavender

皓皓咁慘比人蝦, 個位小朋友真係.....    , 晉晉又比人用粗口對待, e+ 有d細路真係....    , 比著我都會慶到火屎丫~~

尋日, 我都開始放假, 同hei 去咗買熨斗, 跟住去tea, 到4點幾5點同佢去swimming, 再跟住dinner就join返老公一齊去食飯lu~~

天日, 9月1日新學期開始, 希望大家小朋友返學都開心la~~

hei又轉新環境, 希望佢一切順利，上校車唔好 la~

oncidium

Hello靜媽,我係玟芯爸呀!你o地係唔係打算星期日去何文田游水呀,好可惜我今早和玟芯上公園玩時發現泳池貼出通告,9月1日起泳池維修2個月! 真係唔明,泳季還未結束,咁早就關門,大家要到何文田玩水(室外嬉水池)就要等明年喇!
http://www.lcsd.gov.hk/beach/b5/swim-opening-kl.php

皓皓比人蝦,反映出而家有d細路真係好暴力ga!希望佢唔好有陰影留低啦!

承承媽媽

Hi, 芯爸~~

歡迎你喎~~!

晉媽,
俾我都火喇~~!如果係我,我一定會叫個工人即刻打電話俾佢個mum,由我同佢o既阿mum講,因為好多時未必係阿爸阿媽唔教,只係工人唔會講,d阿爸阿媽又無問,所以俾我實反面,叫佢即call!

朱朱仔

承媽,德媽,熹媽,靜媽,芯玥爸爸,

今日假期最後一日,聽日就9月1,個假期好快就過哂,呢個假期非常之充實,冇浪費到個假期,日日都有活動,我就攰到飛起,不過我就嚟就要搵工做,都冇得抖lu~
熹媽,
係咪好緊張呀?聽日就返新學校,咩都係新嘅,熹熹全部要重新適度,希望佢好快就攪掂la~
我預計晉晉聽日返學都有可能會眼濕濕,因為課室新,老師新,同學新,我聽朝起到身都會同佢返學校 ,今日都玩到好攰,而家就準備瞓覺lu
芯玥爸爸,
係呀,我都check左,原來何文田9月起大維修,要整2個月,我打去問,佢話本應每年4,5月就會進行每年一次維修,因今年年頭冇整,所以delay到9月先整,真係....攪到冇得去tim,或者我地會去斧山道,但係我上次去,好多人,不過佢地都玩得好happy,睇下仲有邊個會報名"星期日游水"la~

HelloKitty

芯爸,

歡迎您, 估唔到你都會join我地呢個topic喎,
係呀, 我地都知, 所以星期日會轉移去斧山道游.

x 媽,
您今日唔係同晉媽去交通遊咩, 好唔好玩呀,
明天開學啦, 希望所有小朋友都順順利利

HelloKitty

各位,

  

你地的小朋友今日返學返成點呀?阿靜就幾好喎, 不過就唔係幾夠瞓   

xx 有無返學呀, 我今朝去到學校都唔見佢嘅, x 媽梗係好忙, 呢2日都唔見你上msn

晉媽,
星期一輪到皓皓啦, 你緊唔緊張呀, 今朝我好似納到你老公個樣喎, 仲有星期日我諗住1點零鐘去游水, 你得唔得呀?

lavender

聽你地講大家d小朋友都冇咩問題, 真係開心la~


hei hei今日表現好好, 第一次坐校車好開心同我bye bye, 跟住我call返校車保姆, 佢話hei hei好乖好定, 話見佢都好開心, 又識跟住d小朋友落坐~~到放學時, 佢又好開心咁落坐, 我諗佢一定好鍾意坐校車~
到夜晚老師call我, 話hei hei ok, 係靜d, 但叫佢出黎講野都肯講, 又話叫親佢, 佢都微微嘴咁笑喎, 仲話佢食野瞓覺都唔使理佢, 佢自己可以攪掂晒~~
咁我都暫時安心d, 希望之後hei hei一路咁叻叻la~

HelloKitty

HEI HEI 真係好叻喎    ,果然大個仔, 甘你都唔使擔心啦

hei hei 繼續努力呀

細佬今朝睇完e生, 有d發, 夜晚仲有d燒添, 真係唔安樂 :cry:  :cry: