一呂現家長 / potential 家長會

Homama2004

想瘦一兩磅好難, 肥幾磅易過借火
裙好靚, 你幫衬過嗎? 唔知質地如何?

>>我最容易肥係大肶&hip,最容易瘦係"腰"(幾奇!!)很難買褲....jshopper就有一些褲係fit晒我這些體形的,連褲長都有3個size,買回來不用改短......
>>幫襯過2-3次,1個星期左右由特快專遞送從日本送到你的地址.買過牛仔褲+T恤+底衫褲給她們,所有的質地一流(要注意係大都係中國制<-朋友話在日本都好難買到日本制喎!!),底衫褲特別值得推介,佢哋已經不願意穿以前那些.....   

[img align=right]http://www.jshoppers.com/imgshop/801-2006-D/pb/467705pb01_80106D.jpg[/img]

[img align=right]http://www.jshoppers.com/imgshop/801-2006-D/pb/467703pb01_80106D.jpg[/img]

我平時多數趁出面减價至3-4折先幫阿女買衫.
>>我都係,連自己啲都係...
我在jshopper買過一件衫16x,在馬鞍山新港城商場見過有得賣3xx.....    當堂好開心.....

alicetong

大家早晨！
Homama,
個網d衫都好靚呀...特別係d套裝裙,最緊要係搞清楚d size
0者...但係唔著上身有時又未必知好唔好睇..都有少少風險..如果T恤就可能無問題囉....

Candy,
我0個朝都無上網,所以睇唔到妳搵我添...

Homama2004

套裝裙
>套裝裙我都唔敢買,一來如Alice所講,著上身不知好不好看,二來現在很少要出席公事上要穿套裝的場合,因有其他同事做,所以買來都不會穿.
因以往有買開日本碼的衫,所以都知那些適合自已穿的.....

上星期五到呂中聽升中講座,原來這場係特別開比兩間呂小的學生....而我哋學校的黃校長+趙副校都有出席,由頭坐到落尾,認真比面和關心啲學生....   

candytl

我嘅身型買衫一定要試, 冇得試幾抵都唔敢買. 我公司對面係時裝批發場, 一到季尾, 減價好勁, 我同事幾乎日日一袋兩袋咁買翻來, 因冇得試, 我也只得個"恨"字, 試過幾次件衫睇落好靚, 買返去穿上身就完全唔同晒款咁, 我好難買衫的.

homama,

可以講你聽回來呂中的情况嗎?

candytl

底衫褲>>>>阿女的多數去花園街, 深水埗街邊檔買國産貨, 我同老公的多數係西田減價時買.

claudiaho

一來如Alice所講,著上身不知好不好看
>>我之前都睇過呢個Web site, 的確幾靚, 但係我唔係標準身材, d衫褲總係要改dd, 特別是褲, 所以冇得試我係唔會買 (T shirt 除外)

上星期五到呂中聽升中講座,原來這場係特別開比兩間呂小的學生....
>>係咪好踴躍呀? 有冇什麼得著呀 ?

上次我咪話阿仔被邀去做花仔, 上星期六就係大日子, 個日分別有三個花仔, 兩個花女, 男女男女男o甘出場, 佢排第三, 我個日已經用盡所有板斧去哄他, 點知當音樂一起, 第一個男仔就縮沙唔行, 第二個女仔就照去, 到阿仔….. 佢竟然唔肯行, 重差d哭起來, 而第四同第五個就順利完成, 最後呢兩個逃兵就相相走到樓下個playground玩 (church樓下係一間幼稚園) , 係咪比佢激死........

candytl

佢竟然唔肯行, 重差d哭起來, 而第四同第五個就順利完成, 最後呢兩個逃兵就相相走到樓下個playground玩 >>>>>>        笑c我    , 唔怕, 仲有兩個接力完成 , 小朋友真係不受控.

alicetong

我都一樣呀...買衣服慳自己唔慳仔女...自己睇0岩咩盡量等減價時候買...仔女內衣褲多在西田買..

聖誕節減價又係入貨好時機.....耐唔中都買樣野獎賞下自己
0既？哈哈,唔通等老左著都無型咩...

claudiaho
妳平時著0既套裝衫褲都幾靚呀？多在甚麼地方買呀....
※到阿仔….. 佢竟然唔肯行, 重差d哭起來, 係咪比佢激死........※
小朋友就係咁..最真最自然,真情流露...哈哈！講真現場氣氛又莊重又嚴謹..小朋友真係未必習慣架....

Homama2004

對不起!!公私兩忙呀!!又要偷雞做囡囡的個人檔案給校長寫推薦信,公司這裡又忙到死,到現在才可以上來傾一陣…勸你們現在開始做仔仔囡囡的個人檔案,我已是每年咁加上去,現在都做到死死下…如一次過打一定做死…    個頭好"大"...12月28日要交表....

係咪好踴躍呀? 有冇什麼得著呀 ?
>>普通踴躍啦! 兩間小學加埋只坐滿半個禮堂.我都覺得奇怪!!聽啲家長講可能好”勁”的學生又不會選佢,會考出面好top的中學,”差”的又想自己一定入不到沒有來…

感覺:鄭校長係我聽咁多場中一家長會present得最好最清晰的一位,印象分大增  …

他提及今次教統局想得很周到,因恐防學校會"估"到家長是首/次選那間學校,張張表格連的針孔(撕頁用途)都會係一樣,咁學校就"估"不到...佢話以往選一校時,會收到約400份表格,會面試300人左右,收40人.今年因可以選兩校估計會收6-700份表格,會用兩整天面試3-400人,收60人   交表都唔知有無得面試...過往係全收band 1學生."勁"!!! 在學校訂的明報中學概覽,沙田好似係得幾間最top的英中才會收100%band 1學生....而呂中就係其中一間.

我同老公講,相信學校啲老師一定會叫妹妹試出面的中學,但入到呂中我都已好滿足…

當然有得著的.如知道新改制下的高中課程核心課程:中+英+數+通識係一定要讀足六年,不像現在預科可以選文科/理科,心想"死囉"     ,大囡啲數一向不太好,現在要讀足六年喎…….如要讀上去就一定攪好啲個底…

佢竟然唔肯行, 重差d哭起來, 而第四同第五個就順利完成, 最後呢兩個逃兵就相相走到樓下個playground玩
>>>>想起個場面,真係好好笑!!!      

claudiaho

聖誕節減價又係入貨好時機.....耐唔中都買樣野獎賞下自己
0既？哈哈,唔通等老左著都無型咩...
>>係呀, 做得o甘辛苦, 係要久唔久獎賞下自己先至開心ga

妳平時著0既套裝衫褲都幾靚呀？多在甚麼地方買呀....
>>冇定ga, 東拉西雜, 見到arm就買, Baleno 同Giodano都得, 套裝就多數係Suzuya, Vertical Club, Mastina 之類買, 都係等佢減價先掃貨

alicetong

Homama,
※勸你們現在開始做仔仔囡囡的個人檔案,我已是每年咁加上去,現在都做到死死下…如一次過打一定做死…   個頭好"大"...12月28日要交表....※
請問〝仔仔囡囡的個人檔案〞有無咩格式可以參詳下架..??
又怎樣每年加上去...???
妳忙妳的..留待妳有時間先教下我地呀....???


   (我咩都無預備過喎...?    )

alicetong

claudiaho,
好耐無去過新城市0拿..大部份人都話無以前好行？買晒高價貨...妳有無留意到妳所講0既鋪頭減價未..??記得話我聽去〝襯〞下喎...??
    

做左人阿媽...就只有等佢減價先掃貨..想當年諗都唔駛諗..哈哈！真係今時唔同往日囉...???

Homama2004

Baleno 同Giodano都得,
>我比較喜歡後者.有次去完迪士尼,因太多人好早走去了東薈城,那裡原來係outlet,Giordano的迪士尼T恤差不多係半價

套裝就多數係Suzuya, Vertical Club, Mastina 之類買, 都係等佢減價先掃貨
Vertical Club<<在沙田連城上那間的sales好好人,點試都不會黑面(現在好似減緊價)....以前喜歡在HMV側的opa買衫,但這店搬到連城後啲sales換晒,就不喜歡去了.以前有一位胖胖的經理,好好人會介紹啲適合你的衫,又不會迫你買...但現在只有"黑面"....

就只有等佢減價先掃貨..想當年諗都唔駛諗..哈哈！真係今時唔同往日囉...???
>>我都係....以前換季不用等減價便買....現在係唔得閒到要上網買....   

Homama2004

Alice,
請問〝仔仔囡囡的個人檔案〞有無咩格式可以參詳下架..??

>這間學校http://www.kfps.edu.hk/有個format可以跟的. 等我做好家姐電郵給你參考啦!! 絕密檔案呀!!!

現在去新城市真係無嘢行,名店林立....唯一是我這等"平民"有購買力去的西田又在裝修期內左一間右一間都唔知點行......睇衫就只有連城可以行下

candytl

現在去新城市真係無嘢行,名店林立....唯一是我這等"平民"有購買力去的西田又在裝修期內左一間右一間都唔知點行.>>>>>我都係咁話. 多咗好多名牌店, 過間citysuper我平時見冇乜人行, 靜"英英", 個場就超級大囉, 哈哈, 沙田區唔係九龍塘呀!

claudiaho

好耐無去過新城市0拿..大部份人都話無以前好行？買晒高價貨...
>>係呀, 得個睇字, 如果齋睇

alicetong

Homama,
請check PM.....

Homama2004

Alice, 已checkPM...謝謝你&candy呀!!

Candy,入citysuper多係得過睇字....最記得係見過一個正方體的西瓜賣成千圓.....我們只在那裡買過香料(用來洒上意粉上),面包...而日本豆腐都可以賣3X一袋仔,富貴得很喎!!  

昨晚同老公話考小一&中學,為了列印個人資料檔案給學校,不知要用上幾多紙喎!!地球又少多少棵樹.....

你們贊成升中試嗎???我認為用升中試成績來判斷自己小朋友的升中命運,好過用師兄師姐考中一分班試成績

我當年係考學能測驗試的,猶記得小學操我們做了一箱生果箱咁多的練習,真係唔知學到甚麼.....

candytl

HOMAMA,

你們贊成升中試嗎???我認為用升中試成績來判斷自己小朋友的升中命運,好過用師兄師姐考中一分班試成績 >>>>>其實每一個試都各有利弊, 有升中試, 家長學校免不了日操夜操, 用師兄師姐考中一分班試成績來决定升中, 可能某程度上將操練减到最低. 我宜加最不滿係P3, P6個學能評估試, 話就話唔影響BANDING, 但學校邊唔操丫. 結果受苦嘅又係班小朋友.

入citysuper多係得過睇字>>>>>我都係, 又睇下佢開得幾耐. 我唔係黑心, 平時路過裡面真係好静.

Homama2004

其實每一個試都各有利弊, 有升中試, 家長學校免不了日操夜操, 用師兄師姐考中一分班試成績來决定升中, 可能某程度上將操練减到最低. 我宜加最不滿係P3, P6個學能評估試, 話就話唔影響BANDING, 但學校邊唔操丫. 結果受苦嘅又係班小朋友.
>>話就話唔影響BANDING,但你信唔信???聽啲媽咪講教處會因學科測驗來"調整"呈分的成績,BCA有晒數據,啲學校為自己為學生都一樣要操.....如要操的話,不如由自己小朋友成績來決定好了.....

昨晚同啲媽咪傾計,講自己考完到現在才識驚.原來這兩次呈分試的重要性真係緊要得咁厲害    ...好似已決定了前途咁.....現在可以選兩校就更要緊,個個都希望頭個round可以被心儀學校收咗(雖然我哋唔知收咗!!)

但在識得的媽咪中,其中兩個的小朋友今次考得不理想,一個就科科C,一個就數不合格,英文B,中文C,佢哋兩個媽媽現在個頭比我還"大".....真慘!!    聽親佢哋電話都係長嗟短嘆