英華小學家長

Easy媽咪

*Amy*
oic.....嘻...我記得喇~~原來妳同d仔仔返左黎呀~~妳地返左黎幾耐呀~~仔仔而家係邊樹讀書呀!
我2個仔仔都ok啦!大仔上小學都好乖,成個哥哥咁教細佬呀!細佬今年9月讀k1喇!細佬而家讀緊bb班呀~~佢個身形唔似讀bb班,因為佢都成40磅,仲好高呀! :    

ambrose

我有一個問題: 7 月份番 10日學, 校車是否交一半車資? 因為好貴:＄７００

AKLAMY

Thanks for your advice and the main reason we will put our kids to study in HK is to learn Chinese and Chinese culture. 我好讚成你既講法, 我想我既小朋友讀d "全人發展" 既學校, 我唔會同佢地報讀一些只係注重academic 發展既學校, 我心目中都有幾所小學, 而 ICQM (音樂小學) 為 first priority. 不過唔知到時收唔收佢地, ICQM 既 staff 相當friendly 同體貼, 每次都祥盡回複我既emails...所以我對呢所學校情有獨鐘呢!

Easy媽咪,
我地未返HK 架, 我仔而家4 歲, 女女2 歲, 我想早d 睇下HK 個educational system, 到時唔使咁傍煌呀! HK 個educational system 都幾complicated 呀! 我要慢慢去消化! 我仔仔今年9, 10 月讀小一 (呢邊係5 歲開始入小一的), 所以第時返HK 應該要重讀一年, 因為HK 係6 yrs old 入小一....

SandyKL

*Amy*,

現在全球皆望著中國發展，本世紀之經濟由中國大陸推動，所以可以講到廣東話或普通話，很重要，就算唔識寫中國字，都需要認讀到，對於將來小朋友之發展有非常大之幫助。

無論你兒子將來能否入讀英華，以上是我心底話，祝你能替兒子選到一條正確平坦知識大道。

HoHomama

各位，
有無收到「特別上課時間表」呀，係唔係下星期要8:00 am 就要回到學校呀？但是校車只說早放又無話要早上車    ？

SandyKL

HoHomama 寫道:
各位，
有無收到「特別上課時間表」呀，係唔係下星期要8:00 am 就要回到學校呀？但是校車只說早放又無話要早上車    ？

HoHomama,

我收到個時間表，早上8:00開始係閱讀，我問咗我大仔，佢話係早咗上堂，但校車上車時間冇變，我都見到校車姨姨俾我地一張黃色貼小通知，佢淨係寫落車改咗嘅時間，而冇寫下車時間有改，相信要佢地8:00番到學校。

Dear all,

你地有冇收到棵秋海棠?我兩個仔每人一棵，都唔記得邊個打邊棵，一棵有花出，另一棵仲未出花。

HoHomama

SandyKL 寫道:
Dear all,

你地有冇收到棵秋海棠?我兩個仔每人一棵，都唔記得邊個打邊棵，一棵有花出，另一棵仲未出花。

有呀，而家有5吋高，有幾朵好靚的粉紅色花。最大個兩朵已經跌左。

csk

Sandy, HoHomama

阿仔棵秋海棠是白色花，我今朝才換大盤，雖然得三塊葉，都有花出。請問幾時交回學校？

有沒有覺得考完試後好輕鬆，上星期放學後仲可以去街玩。今個星期更開心，只返半日！

SandyKL

HoHomama & csk,

睇離你地果棵茁壯d喎，我阿仔果棵係淡紫色花，擒日化咗做泥囉，依家除咗不斷長葉之外，都係葉，唔見有花生出嚟。

要換盤架?我仍然擺佢地係舊居，可能係咁，花花唔肯見人。見通告講係2月頭，相信要交時，d仔會呱呱叫架啦。

csk

Sandy

棵花要換盤才會長大。我好懶，買了花泥和花盤成個月，想起要就快要交番學校，先會急忙換盤。我同阿仔講定，如果交完功課記住帶棵花回來，我唔想年年都買花盤了。那棵花也很弱，希望可捱到2月頭！

SandyKL

csk,

可以帶番棵花番嚟架?我舊年都唔知幾記掛棵花，雖然唔靚，但對咗咁耐，又用咗咁多心機，施肥、移嚟移去追太陽等，以為交完番去有得攞番，點知問阿仔，佢話冇得攞番，我真係有d唔捨得及失落，所以我今年都唔放咁多心機落去，費時又唔捨得。

HoHomama

SandyKL, csk,
幾啦 ，有十幾塊葉，一棵大的，兩棵好細的。
舊年仔仔派花時請左假去參加我畢業典禮，拿不到，所以今年特別珍惜，日日拿出來曬太陽，而家都有不捨得。我打算幫佢分個細棵的出來留在家裡繼續養。

考完試好輕鬆呀，上個禮拜帶兩個兒子去看太陽能汽車比賽，今個禮拜又去踏單車，踢球，好開心。

Easy媽咪

我仔果盆花開左3朵花喇!嘜要轉盆架~~好啦~~等一陣走去買個靚盆先!
唉~~好彩大仔考完試咋...我細仔入左醫院呀~~發左4日燒見佢幾陰公呀!琴晚好好多...只係發低燒一次...姑娘冇比佢食藥...今日出報告...希望佢冇嘜野出院就好啦! :cry:

ambrose

各位媽咪, 我仔仔盆花謝咗, 點算? :cry:

aileen

Hi Ambrose,
Me too! 我仔仔盆花謝咗!
Besides, regarding the other topic, no need to be angry and don't reply.
Son is our son - believe ourselves
Fact is the fact - no need to argue

SandyKL

HoHomama,

絕對放心去玩，星期日無牽無掛帶佢地係屋企樓下踏單車，之前仲周圍轉咗好多個圈去買野，31號就開始下學期啦，可以玩埋理個星期咋。

Easy媽:

希望Alfred快d出院，就嚟新年，可以大玩特玩。 :

Embrose, aileen

會唔會係缺水?仲要唔好俾太陽直接曬佢?可以試吓施肥，睇吓救唔救得番。

csk

Easy媽咪

細佬出得院未？星期六聽你說只是發燒，希望他快些好番！

Sandy

我想是你囝囝上年盤花太靚，有些是被挑選去花展，所以無得帶回家。阿仔完全無理棵花，就算死了也唔知。

HoHomama

太陽能汽車展覽係邊處舉辦？下年如果知幾時有，可以通知一聲，我們想去見識下。

ambrose, aileen

我識有D同學棵花也是一早謝了。原來海棠葉沾到水會謝，我因為阿仔帶回家幾日無淋水，反而可以生長。

Easy媽咪

csk & Sandy
細佬好慘呀~~佢而家入左隔離病房,因為佢上呼吸道感染(即係我地叫"大感冒"),因為會野到比其他病人,所以個房似d私家房得佢一個咋....見到佢咁就悶喇...姑娘好好人...拿左部電視機比佢睇...唔冼佢咁悶喎!  

Charles收到張獎狀呀~~佢全班考第5呀! 全級第1同第2名都係1C班呀~~校長仲點左名話1C班全級最乖呀~~係 le d 時候比d 開心野我睇都安心lo!

ambrose

我個仔無獎狀, 請問幾多名先有? 其實幾多名唔緊要, 我最想知佢識幾多同埋錯什麼題目, 下次小心d. 另可否買另一盫花?

Easy媽咪

ambrose
全班5名內會給予獎狀表示鼓勵,而全級也是"3名"or"5名"內給獎狀,每科成績全級最好頭3名也會有獎狀,而各班之名次要留待星期六家長日老師會講掛?
如果想睇個仔錯d咩..咁就要寫信去學校要求對卷!
但我唔會咁做呀~~我會在星期六問老師答錯什麼!下次要小心錯類似問題作答!