専注力不足及過度活躍症(ADHD)兒童家長站

wendy_ho

回復 Maryahwan 的帖子

我囝囝之前都有食西藥,又係食完之後脾氣好差,瞓唔到覺,而家停了

karenson

各位媽媽好:

我的感受同大家(當媽、Anna、小彬女 & 露絲)一樣，兒子快將10歲了, 他都係長期食藥(他食Methylphenidate)是由政府醫生開的, 返學食一粒, Lunch食一粒, 但可能真係長期食, 已習慣適應了, 作用不大! 所以今個月去見醫生, 希望有進一步治療喇及想了解仔仔既心理狀況>.<

容許我再描述多次情況, 讓你們知道仔仔的情況是否已到嚴重情況! 一樣上堂唔留心, 騷擾同學, 日日被老師寫手冊(欠交功課、欠帶書)，但仔仔有做好功課但又唔交, 手冊唔寫, 補習老師對佢好好, 上網搵埋手冊要做功課去教佢, 問有咩功課、知唔知點做、放左響邊? 樣樣都話唔知, 教他做功課就遊白雲, 發脾氣! 連補習老師都唔明為何? 社交方面=>對同學, 佢有日竟然話唔要同學, 唔需要朋友, 想喊咁講, 問佢咩事, 當然又係唔答(係咪隻藥影響到人際關係?), 樣樣唔知唔答, 想help都help唔到.

飲食方面: 嚴重偏食, 食飯一定要有汁/湯"魯"飯, 同仔仔解釋過好多次, 唔一定餐餐有汁, 佢唔聽唔理, 無~竟然可以only食白飯便算! 淨食魚, 但唔要見到有血管絲或其他配料, 有既~唔食或扮趺左落table, 雞肉、豬肉、牛肉, 都係要迫先食一兩舊>.< 係咪又係藥物令佢咁呢? 我唯有比"加營素"及煲多d湯比佢飲, 希望補充返!  

究竟點樣先可以好返呢? 我要點做? 真係好大壓力(唔可太惡去鬧, 但惡又驚反效果,先生亦知我辛苦, 但有時都會為e個問題而小吵幾句咀)!
e幾日又要為見老師, 商討留班問題而煩惱, 又驚唔比留班, 其實係唔想轉校(新環境對佢有影響), 但唔留班免強升班, 仔仔根本完全跟唔上, 照升只諗影響更大(功課壓力、老師比既壓力)

謝謝各位與我分享

余寶媽咪

atomoxoxetine呢種藥好嗎?

當媽

好一段時間沒出現了！
當仔，都中五了！
成績依然很爛，但感覺他不斷在轉變，而這些變是正面而樂觀，我也很欣慰，可能，,人成長了，在情、在理上開始悟到些道理吧！
大家，別放棄！

mic823

我仔都食咗半年Ritalin,食咗真係定咗，專心咗，明顯成績進步咗好多。佢又無咩副作用，失眠，無胃口。不過星期六，日我都唔俾佢食藥，諗住等佢可以釋放下啲活躍嘅能量，就係咁，星期六，日身邊好似多咗隻鳥同猴子咁，係咁講，係咁跳，總之就唔洗等。
請問你哋小朋友唔食藥嗰日係咪咁架?

珀珀,慧慧媽

hopefaith 發表於 12-12-4 22:12
阿女8歲讀小三, 係11月尾做了評估, 係ADHD, 心理學家幫我寫了封轉介信去瑪麗醫院, 請問我需要先打電話預約 ...

唔好意思,想問下你係邊度評估架??
可否pm資料給我呀

anna_gigi

各位媽咪
你地好! 好耐冇上來傾計, 我個仔已經21歲啦!, 雖然讀唔到大學, 但搵到佢理想志向,室內設計, 終於搵到一份理想工可以番到朝9晚6, 我都心願了!, 所以大家不要放棄, 始終有光明在前面等著你地!

anna_gigi

回復 hopefaith 的帖子

女孩與男孩過度活躍症是有所不同, 女孩比男孩低於2至3倍.

anna_gigi

回復 當媽 的帖子

Hi 當媽, 你好像
你囝囝應該唔使食藥啦!
如真是讀書不成, 睇下佢將來興趣發展來行這條人生的路.

veroshea

你們好,
我仔仔今年8歲, 半年前評估佢係ADHD, 主要係專注力問題, 多甩溜同唔合作, 佢既成績好似過山車咁大起大落, 但平時係屋企唔算曵, 不過由於佢唔合作情況攪到我經常收到學校投訴電話, 佢可以考試完全唔做卷.

醫生早前開了RITALIN俾佢, 我仲未開始食, 食藥真係一個好大既關口...最怕係佢倚賴左, 第時會越食越多, 或停藥會比現在更差.  而且佢本身都唔肥...點算好, 到底係咪真係值得試呢?

ANNAFRIEND

gogoweb 發表於 11-5-15 01:32
囝囝今年9歲, 三年級, 一直以嚟都係活躍型, 但學習上無問題, 測驗考試多8-90幾分, 錯都係一啲唔小心既嘢.   ...

我可以話比你聽, 我情況同你一樣. 我睇果個醫生又係只同我面談, 叫我小朋友自己玩, 從旁觀察她. 再同佢傾幾句. 就話佢智力冇問題. 只係輕微專注力不足. 但係所有資料係我比佢, 我小朋友係女仔, 佢選擇玩車仔而唔揀睇書, 入房後又話佢冇坐低過, 又唔揀書睇. 我女較男仔頭, 鍾意男仔玩意, 見到車仔要玩有咩出奇, 係咪一定女仔就一定要坐定定喜歡睇書. 仲有玩玩具車仔唔係應該在地上推住黎玩, 唔通坐定定玩車仔咩. 就等於去到公園, 個細路唔坐低而去玩秋千溜滑梯就有過動活躍. 真係比佢吹脹. 我知我小朋友係有專注力問題, 但都不是嚴重, 默書考試測驗都能完成. 而且成績不差. 我只希望醫生能提供課程去引導小朋友, 而唔係係又開藥, 唔係又開藥, 完全有欠專業操手. 總之聽到你話專注力不足有理冇理都叫小朋友食藥. 我睇返之前大多家長的小朋友食完藥都出現副作用, 停藥更加大件事. 我真係懷疑所謂的心理醫生係咪只懂靠藥物去幫助小朋友. 我相信藥物係幫助到出現嚴重問題的小朋友, 但只屬輕微的也須要吃藥嗎? 我真係信唔過佢地. 所以我勸你攪清楚小朋友問題係咪差到要食藥. 我絕唔會隨便比我小朋友食藥羅.

ANNAFRIEND

BY THE WAY, 果個甘既醫生係小童XX會介紹, 一千一次. 我就唔會再搵呢間野介紹啦. 不知所謂

2bbma

ANNAFRIEND 發表於 12-12-21 13:20
我可以話比你聽, 我情況同你一樣. 我睇果個醫生又係只同我面談, 叫我小朋友自己玩, 從旁觀察她. 再同佢傾幾 ...

annafriend

我個情況一樣， 我仔仔7歲，佢唔係頑皮，但係老師話佢唔專心，成績又大起大落，建議帶佢去評估

去睇咗個精神科，同父母傾咗十多分鐘(小朋友係出面等)，跟住叫小朋友入去唔夠5分鐘(父母係出面等)，就話佢有ADHD，跟住就叫佢食Ratiline，一啲都唔專業

我係政府排梗期，但係又有排等，e+ 都唔知點算

又驚佢學業跟唔到，又唔想咁草率要佢食藥

max00mini

max00mini

原帖由 anna_gigi 於 12-12-07 發表
各位媽咪
你地好! 好耐冇上來傾計, 我個仔已經21歲啦!, 雖然讀唔到大學, 但搵到佢理想志向,室內設計, 終於 ...

anna_gigi

回復 max00mini 的帖子

Hi Max00mini

Thank you 你掌聲. 日後多多聯絡.

Anna _gigi

ANNAFRIEND

回復 2bbma 的帖子

我打算去協康再做評估, 因有朋友的小朋友都在那裡做評估. 十分專業而且醫生十分有HEART. 但小朋友就考試, 所以我未有時間去聯絡. 跟學校老師傾過, 她也說我小朋友有好大進步, 她也認為我小朋友是不用吃藥那類. 老師也提到我小朋友對互動形式課堂投入度大, 很專注. 但上堂只聽老師講解時就變得不專注. 她似乎對冇份參與的事情完全冇興趣. 唉!

學牌父母

回復 ANNAFRIEND 的帖子



太好啦, 希望你搵到一間啱你小朋友啦!