救世軍樂民幼兒園家長會

cctc

晉媽,亞德都幾鍾意唱歌架,佢連啲廣告歌都唱埋,依家好似有一個廣告買冷氣機嘅,唱幾句日文字嘅呢,最後就話:"咁樣就多啲返屋企,happy together"果個,每次一出如果佢係房都會出番廳睇架,甚至乎劇集啲歌佢都有唱如果識唱果啲
承媽,睇黎博爸真係好驚我地班嘩鬼到訪,驚我地去掃場
不過又係嘅,會嚇親小b

TMMA

Thank you 承承媽媽

承承媽媽

Dear all,

6月23日有無決定去邊呀?

晉媽,

d底衫同褲仔,我已經放咗嚮阿晉o既書包櫃,自己去拎喇~~!

承承媽媽

各位,

呢兩日開始見番伯伯,高唔高興呀?有無出街玩呢?

承少呢3日都幾好節目呀~~!     
禮拜四---我同承少同埋晉媽終於去咗何文田體育館個遊戲室,玩咗2個鐘,d細路不知幾興奮.
禮拜五---老公放假,同我一齊帶仔去睇骨科(睇承少對腳),之後見出晒太陽,於是即刻同承少食飯,之後返屋企拎泳衣去何文田個泳池玩水,今次承少無再呱呱叫啦!不過佢最初都好怕條滑梯,俾我捉住佢一齊溜咗幾次,佢至好d,不過都唔係咁夠膽玩.就係咁玩吓玩吓,就玩咗2個幾鐘喇~~!跟手返嫲嫲屋企食飯......
禮拜六---承少一早起身見到伯伯,就同我講:可以去海洋公園搭吊車喇~~!    見佢咁興奮,於是我都唔好意思推佢,自己一條友帶佢去海洋公園搭吊車,睇水母,坐吓滑浪飛船,12點幾走人.(怕下午太曬,曬到我出雀班就唔好喇~~!)   

EF

各位
我終於都叫做坐完個月.但係其間耐唔耐我都有出0左街:去健康院啦都去0左六次、睇完西醫又去睇中醫啦(因為番屋企開頭自己有D感冒,要清0左D感冒先可以補)...亞細佬又痴身,半夜起幾次身又唔定時,我差D頂唔順呀,真係覺得年紀大囉! ...睇世界杯?梗係冇啦,我情願有覺目訓!
我多謝各位0既關心..(hei ma, shing ma, tak ma, ching ma, etc..).本來你0地proposed 6月23日來,但係已經嚇親博爸.真係唔好意思..不如係今個暑假搵一日來我度丫...又或者睇0下去邊樹玩丫?

博嗎

lavender

博媽,

你睇下邊日方便就約我地上去黎屋企玩lu~
細佬改咗名未呀~
個樣似唔似博博架?

仲有野想問下你，check pm~

EF

Hei ma & 各位
如果係0係7、8月份0既weekend, I prefer Sunday afternoon.  如果係0係8月份0既weekday(e.g. 幼兒園假期), 基本上邊日都需要預先請假(你地預先話我知就得0架)

細佬改咗名啦! 叫俊俊.佢8、9成似博博啦, 不過細佬似係惡D.

Pls check pm~

朱朱仔

博媽,承媽,德媽,熹媽...
我今日已經買左飛,總共9張, H6-H14 (中間成行包哂)
日期: 15/07/2006 (星期六)
時間: 09:40am 開場
地點: 旺角朗豪坊UA

博媽,因為我見到博博書包掛左個"反斗車王"鎖匙扣,佢話daddy送俾佢,我問佢想唔想睇套戲,佢話想,所以先請承媽打電話約埋博博一齊睇,我都知你而家好忙la,身體好番d未呀?其實,博博過左1米高未?如果未過應該可以唔洗買戲飛,你要2張,係咪1張for你or姐姐呀?
星期六見la...

lavender

博媽,

咁我地傾掂後, 再同你講邊日去你屋企玩la~

晉媽,

晉晉同細佬笑到個樣一模一樣~
唔該晒你幫我地買定飛~
thanks~~

EF

晉媽 & 承媽,唔該晒!  唉,博博未過1米高呀    果2張飛係比博博and博爸0既,博博實話要自己佔一個座位 (同d同學仔一樣自己坐).果朝我同細佬要留守大本營呀.有人來探細b呀.你地睇得開心d啦!  

咦?又係博博,承承,德德,熹熹呢四個時時一齊玩,會唔會係"四人幫"0既新組合呢? 呀.唔係, 仲有晉晉. 會唔會:博博,承承,德德 and 晉晉先至係呢? ......一笑   

朱朱仔

博媽,
好彩我地係睇早場,都係$30一張飛,我以為你又去or姐姐都去,先所以要買2張飛,唔緊要啦,如果你要一張,咁我要law,因為我都係買左一張,晉晉around 105cm,我諗住博下入唔入得 ,之前佢都唔洗買飛,你唔要我先要啦,佢反而鍾意坐我大脾睇,高d嘛,不過唔緊要,UA戲院係有小朋友櫈,佢地自己坐都夠高的,聽日再約實星期六時間地點啦,拜!

熹媽,
UA朗豪坊除左有個胡迪公仔外,仲多左隻好大隻嘅加菲貓毛公仔,到時阿熹見到實好開心,可以早D去同佢影相。

EF

晉媽, 唔緊要, 我本來都係預0左買2張飛.況且戲院有小朋友櫈,博博一定話要自己坐. 佢平時去茶樓都唔要坐BB櫈, 佢鍾意扮大人。 自從做哥哥之後, 佢話自己係哥哥, 唔係BB/細佬(有時姐姐叫慣0左佢做bb)----有一早上,姐姐同佢落樓番學時,佢見到'實Q'姨姨叫佢細佬(細路),就縐晒眉頭,佢同姐姐講佢好唔開心,因為佢唔鍾意人地叫佢做'細佬',佢唔係細佬,佢係哥哥0黎0架,佢仲叫姐姐話比'實Q'姨姨聽佢係哥哥添.比佢激C.

朱朱仔

博媽,
博博真係好鬼得意同老積,咩都識講,佢番屋企有冇話要抱細佬,因為佢O係學校見晉晉抱起細佬,佢跟住又話要"番屋企抱下細佬"   
聽日約博爸9:25am朗豪坊UA正門等(即地下西武化妝品部隔離)
博博知唔知聽日睇戲呢?佢開唔開心呢?
好la,聽日見博博la,下次先去你屋企見細佬俊俊la,byebye

朱朱仔

咁多位媽咪,
今日湊仔放學時,老師都問我"你地係咪聽日睇反斗車王"呀?咁我問老師點解你知嘅,原來係博博定晉晉定承承話俾老師聽(我估係博博講),同埋d同學仔一齊去睇戲,跟住我問熹熹,聽日我地睇咩戲,佢話"反斗車王"跟住佢就好開心咁走左。   

頭先tvb做左個節目叫<阿笨與阿占>,係講個隻猩猩帶住隻狗去街街or買野o個個日本video,晉晉同細佬笑到飛起,加埋d配音都好攪笑,下個禮拜都有得做(好似7:00pm做),你地睇下la...

cctc

博媽,果日見到博博佢真係好鬼得意,可能我好小見小朋友著格仔恤衫,上面又扣小兩位鈕喎,又帶埋個眼鏡,成個縮水經理咁,好鬼盞鬼,講野又老積,佢同亞德都係車迷,一見賣車嘅商舗就好似磁石咁攝左埋去,各自去搵自己嘅心頭好,好彩佢地都好乖,只不過係睇下啫,不會叫大人買 ,係呢,你地果度有冇會所架?

EF

我地果度有會所架, as far as I know there is a room for kids to play...there are some cars, etc. similar to yours. (size, and no. of cars.etc .) open to all residents. no need to book.  博博 sometimes ask us to bring him there after dinner. If you are referring to a separate room for private use, let me have a check today if there is such facility and how to book. maybe we could arrange a gathering there

朱朱仔

博媽,
晉晉同埋d同學仔一齊睇戲勁開心,不過博博睇到後期,都少少想走咁,佢初初都肯自己坐,但後來就要daddy抱住,佢有時睇睇下都同晉晉嘻嘻哈哈,個個小朋友都好開心,等下次再去你個度一齊玩呀!

EF

德媽, 我check過會所, 果度有個比小朋友玩0既playroom(similar to yours, 有車車玩+1個超小型滑梯), 不用book, 但each 住客只可多帶3名客人入內, I could only bring max 9 pax including children.
另外,個會所有function room 可以& 需要book, room size could occupy for 20-30pax with simple furniture - chair and tables only(usually used for party). 每位客人收$5,另加小小房租.如果知道大概有幾多人會來, 我可以預先book定.
報告完畢

cctc

博媽
多謝你詳盡嘅資料,原來只可帶9個小朋友去會所玩,我諗都o.k.嘅,至於function room就遲啲先覆你有冇咁嘅需要,因要錢麻,係呢,時間方面係咪大概8月呀,等埋靜媽返黎再商量下先