07年入讀蘇淅的家長們得閒入來睇下(升K2啦！)

婕婕媽

原文章由 十月媽咪 於 07-12-11 15:57 發表
wingtam,
但係而家D小朋友唔係淨係顧住讀書默書測驗考試, 佢地仲要應付好多瓣數架喎, 若然仲係咁多功課, 邊有時間做咁多野喎!

咁我地個時讀半日...功課一定係屋企做

依家有d係學校做...一定會快d

同埋好睇俾唔俾心机去做..我見以前有d同學好快手ga...係我呢d散慢先咁夜

See

十月媽咪,

你誤會左啦！我話安心的意思是因為畯畯不是同我住，我每日只有30-45分鐘見到畯畯，如果多功課我就真係驚婆婆會辛苦。而我又不想每日放工送去都只是問功課做好未？呢句說話。
不過是否做慣功課就會對上小學有好處？咁又未必！我隔離屋個細女剛上小一，佢之前讀的幼稚園都係出名多功課(我實際見過真係好多)但上到小學一樣追唔上，經常久功課。反而同幼稚園升上去的姐姐就無問題。所以我覺得呢方面好睇個小朋友。
至於程度方面，其實都唔算低啦！有d幼稚園讀完K3都未識A-Z的，果d就真係嚇親我！不過對於我地父母來說，都總希望仔女學得到越深越好啦！
不過我就無打算比畯畯上蘇小，因為我唔想再交學費了 希望到時家庭許可我就轉PT Job。因為我打算比畯畯上的''基灣''都係一間嚴及多功課的學校，如果讀得到我想多d時間陪仔仔一齊努力呢！
以前讀設計時，老師話''對抗壓力的就好方法就是對多些壓力！''咁我都覺得對，但就正如我地認為做''多d功課就會習慣到做多功課一樣''我又是在認同與不認同之間。不過我就寧願在我放假有時間時另外比功課畯畯做，都好過學校比得多功課。因為唔洗趕住交

ypoons

十月媽咪,

點解有左學卷之後課程會淺左?

原文章由 十月媽咪 於 07-12-11 14:43 發表
wingtam,
我上星期問小一d小朋友拎過d課文, 功課, 作業等等唻睇, 再對比番阿女而家響K2學緊既野...我真係... 我問佢地, 你地真係明晒D書講乜野? 佢地個個都話明架喎! 不過個個都 ...

十月媽咪

see,
原來係驚婆婆辛苦! 明白晒!

我都明白做功課係咪自動自覺, 除左睇學校&父母點train之外, 都仲要好睇小朋友本身係咪自動自覺既類型! 係既...老師&父母都唔駛點勞氣, 多多功課默書測驗考試都無問題, 小朋友都可以自動&輕鬆咁去完成; 相反, 真係...唉...嘔幾筒血都搞唔掂!

不過蘇浙既功課亦著實係少得可憐兼過份, 普通簡單連線都要K1至開始有, 仲要一星期至做一次, 以呢個進度, 其實真係大墮後! 邊個小朋友唔想放學返唻就係玩玩玩, 但由一開始就畀佢覺得原來讀書就係玩, 放鬆得太多, 將來要收番緊, 其實都係一個問題唻! (不過當然又係要視乎小朋友既學習態度)

由於蘇小都算係我地既目標之一, 眼見而家幼稚園要做既, 同將來小一開始要做既, 相距咁大, 就確實係有點兒擔心啫!

原文章由 See 於 07-12-11 20:50 發表
十月媽咪,

你誤會左啦！我話安心的意思是因為畯畯不是同我住，我每日只有30-45分鐘見到畯畯，如果多功課我就真係驚婆婆會辛苦。而我又不想每日放工送去都只是問功課做好未？呢句說話。
不過是否做慣功課就會對上小學有好處？ ...

十月媽咪

ypoons,
開學初期, 學校派左本唔知乜野書畀家長, 好似係講學券制下, 幼稚園既生活要點點點愉快之類的! 唔知係咪咁, 學校為左唔畀咁大壓力小朋友, 成個課程都淺左, 仲cut晒默書添!

早兩星期既評估週, 以往係有考試範圍的, 但今年就無左! 咁我問老師會唔會派考試範圍, 老師好隱晦咁話: 而家有學券, 學校唔會派考試範圍架喇! 不過都唔駛太擔心唔知考乜既, 我地都係考番佢地平時學過既野啫! (即係講左等於無講, 我夠知考番平時既野啦, 但平時教左咁多野, 咁即係考乜野至得架!)

基於無考試範圍, 阿女今年既評估週, 我用既策略同上年一樣, 就係任得佢自由發揮, 佢識就識, 唔識就見家長果陣等老師話番畀我知佢有乜野唔識! 呢種評估方法, 表面上好似好輕鬆自在 (因為唔駛專登同佢溫習), 但實際上就令我好無安全感, 好似好唔實在咁, 同埋更加唔清楚老師用乜野標準去評核小朋友響評估週時既表現!:cry:

原文章由 ypoons 於 07-12-11 23:22 發表
十月媽咪,

點解有左學卷之後課程會淺左?

婕婕媽

十月媽

我記得...我細個讀幼稚園(唔係蘇幼).....都冇乜功課...K2時都係..一日寫英文、一日寫中文...十几隻字一版

但就有考試, 就係認下字同填顏色.......

到K3..就有默書.........

唔好太擔心LA

[ 本文章最後由 婕婕媽 於 07-12-12 10:47 編輯 ]

十月媽咪

婕婕媽,
我明既, 其實都唔輪到我擔心, 女大女世界, 佢自有佢自己既造化...就算幫佢安排左我認為最好既路, 佢都可能要行番一條佢認為最適合自己既路的! 而家我既心態係, 總之響佢小時候我地盡過力栽培佢, 將來佢係鳳係蟲, 就睇佢自己!

原文章由 婕婕媽 於 07-12-12 10:43 發表
十月媽

我記得...我細個讀幼稚園(唔係蘇幼).....都冇乜功課...K2時都係..一日寫英文、一日寫中文...十几隻字一版

但就有考試, 就係認下字同填顏色.......

到K3..就有默書.........

唔好太擔心LA ...

婕婕媽

原文章由 十月媽咪 於 07-12-12 10:50 發表
婕婕媽,
我明既, 其實都唔輪到我擔心, 女大女世界, 佢自有佢自己既造化...就算幫佢安排左我認為最好既路, 佢都可能要行番一條佢認為最適合自己既路的! 而家我既心態係, 總之響佢小時候我地盡過力栽培佢, 將來佢係鳳 ...

係GA.....

机會, 我地一定會俾同營造...但珍唔珍惜真係好睇佢地自己

asman

see,

我都係唔會升蘇小呀,但對香港區既小學知既有限,基灣小學好嗎?我只聽人講過軒尼詩小學同北角小學喳,但其實都仲未去了解過,我會遲左嗎...hehe

原文章由 See 於 07-12-11 20:50 發表
十月媽咪,

你誤會左啦！我話安心的意思是因為畯畯不是同我住，我每日只有30-45分鐘見到畯畯，如果多功課我就真係驚婆婆會辛苦。而我又不想每日放工送去都只是問功課做好未？呢句說話。
不過是否做慣功課就會對上小學有好處？ ...

See

asman,
如果只係睇升中派位，東區來講基灣(愛蝶灣)小學係最好，有80-89%入band one,剩下的是band two。不過一般評語是多功課同嚴格。而灣仔軒尼詩好似話頭10名就可直入皇仁。不過因為基灣在我家對面，所以我絕對會首選佢。不過如果畯畯表現唔係死讀到書又坐唔定，我可能會選太古小學，因為呢間學校新又有錢，活動教學做得好，入去讀的人好小轉校。

原文章由 asman 於 07-12-12 13:16 發表
see,

我都係唔會升蘇小呀,但對香港區既小學知既有限,基灣小學好嗎?我只聽人講過軒尼詩小學同北角小學喳,但其實都仲未去了解過,我會遲左嗎...hehe

...

wendywoo72

See

你係唔係住愛蝶灣, 我住呢到 ,我對孖仔出年在kcs讀k1. 你個仔讀k?

原文章由 See 於 07-12-12 15:36 發表
asman,
如果只係睇升中派位，東區來講基灣(愛蝶灣)小學係最好，有80-89%入band one,剩下的是band two。不過一般評語是多功課同嚴格。而灣仔軒尼詩好似話頭10名就可直入皇仁。不過因為基灣在我家對面，所以我絕對會首選佢。 ...

paltiBB

請問基灣係咪有2間??

mimi1102

請問你地知唔知道蘇幼除左派蘇小之外, 最多派邊間呀 ?

我上過佢地個網, 但係只係講中學geh 派位, 响web site geh 邊度可以見度呀 ? thanks !

原文章由 paltiBB 於 07-12-12 18:21 發表
請問基灣係咪有2間??

See

wendywoo72,

係呀！我住在愛蝶灣 ！我呢邊經常撞到一對孖仔好得意的，星期六會去循道上playgroup，唔知會否是你呢？ 因為果對孖仔細過我仔仔，之前我仔上灣仔循道學英文經常同車。

原文章由 wendywoo72 於 07-12-12 16:32 發表
See

你係唔係住愛蝶灣, 我住呢到 ,我對孖仔出年在kcs讀k1. 你個仔讀k?

See

paltiBB,

係呀！西灣河是舊校，愛蝶灣是新校！兩間都唔錯的。

原文章由 paltiBB 於 07-12-12 18:21 發表
請問基灣係咪有2間??

十月媽咪

mimi1102,
幼稚園係無派位架喎! 幼稚園升小學, 係睇運氣 (政府大抽獎) or 計分 (例如有冇兄弟姊妹分, 有冇宗教分之類); 又或者靠"實力" & 小朋友臨場表現 (考私立小學or直資小學)! 所以蘇幼係無你想要既資料架喎!

原文章由 mimi1102 於 07-12-12 18:29 發表
請問你地知唔知道蘇幼除左派蘇小之外, 最多派邊間呀 ?

我上過佢地個網, 但係只係講中學geh 派位, 响web site geh 邊度可以見度呀 ? thanks !

mimi1102

十月媽咪,

係呀 ? 其實我到依家都仲未明小學派位係搞咩鬼, 但係我見到寶血同聖大都有依方面geh 資料, 所以我想參考下...謝謝你的回覆.

原文章由 十月媽咪 於 07-12-12 22:26 發表
mimi1102,
幼稚園係無派位架喎! 幼稚園升小學, 係睇運氣 (政府大抽獎) or 計分 (例如有冇兄弟姊妹分, 有冇宗教分之類); 又或者靠"實力" & 小朋友臨場表現 (考私立小學or直資小學)! 所以蘇幼係無你想要既資料架喎!

...

十月媽咪

佢地果d資料, 應該唔係講緊幼稚園升小學派位派成點, 因為幼稚園升小學唔係派位的, 而係要考(直資or私校), 又或者要參加政府派位, 而呢個派位, 唔係好似小學升中學咁計成績唻派, 而係睇下父母係咪舊生啦, 有冇家姐阿哥響度讀啦, 有冇宗教信仰啦之類唻計, 如果夠分, 咁頭round就較易派到心儀小學, 如果好似我女果d, 乜分都無, 就只好等k3六月果陣參加政府既大抽獎, 而呢個大抽獎, 都唔係計幼稚園成績, 而係靠運氣的!

至於果d幼稚園既資料, 亦不能盡信, 因為假設果個小朋友有家姐阿哥讀緊某名校, 咁其實呢個小朋友都基本上入硬果間名校架喇, 咁係咪呢個小朋友特別叻, 所以考到呢間名校呢? 又或者係咪呢間幼稚園特別勁, 教到d小朋友可以考到呢間名校呢? 未必囉!

唔知你明唔明我講乜呢? 唔明我得閒再解釋你聽, 而家有d眼瞓, 要早抖先喇!

原文章由 mimi1102 於 07-12-12 23:25 發表
十月媽咪,

係呀 ? 其實我到依家都仲未明小學派位係搞咩鬼, 但係我見到寶血同聖大都有依方面geh 資料, 所以我想參考下...謝謝你的回覆.

wendywoo72

See

係呀, 我對孖仔每個星期六會去循道上playgroup,有可能係我對孖B , 依家上Miss Clare 個班 ( Native English Playgroup) 不過12月+1月會返下午2:15. 你個仔仔依家有無去循道. 我今日去KCS交留位費, 孖仔會讀下午班,你仔仔讀上午OR下午班.

原文章由 See 於 07-12-12 21:46 發表
wendywoo72,

係呀！我住在愛蝶灣 ！我呢邊經常撞到一對孖仔好得意的，星期六會去循道上playgroup，唔知會否是你呢？ 因為果對孖仔細過我仔仔，之前我仔上灣仔循道學英文經常同車。
...

mimi1102

十月媽咪,

哈哈 ~ 唔好意思 ..咁夜都要你回覆我 ...

我依家明勒 ..因為我見好多人揀聖大, 都係因為比佢geh小學派位吸引, 包括我在來 ..依家雖然聖大唔收我個女, 但係都有仲蘇浙同寶血兩個offer, 所以我想比較一下, 邊間可以入到好geh 小學機會會大d ..:

原文章由 十月媽咪 於 07-12-13 00:22 發表
佢地果d資料, 應該唔係講緊幼稚園升小學派位派成點, 因為幼稚園升小學唔係派位的, 而係要考(直資or私校), 又或者要參加政府派位, 而呢個派位, 唔係好似小學升中學咁計成績唻派, 而係睇下父母係咪舊生啦, 有冇家姐阿 ...