英華小學家長

SandyKL

Mayc, Easy媽咪,

到時小朋友一齊玩，我可能多數都會帶小小妹理個百厭星去。

HoHomama,

唔洗客氣，我幫唔到妳咩手添。
  

HoHomama

Easy媽咪,
再次多谢你張報紙.   

Easy媽咪,csk,
我地個三個仔昨晚玩得好高興bor, 但是就唔同o的女仔玩。  :-|  :-|

Mayc,Easy媽咪, Sandy,
我都帶埋Anson 個怕羞細佬去, 睇吓到時佢肯唔肯一起玩。
  

SandyKL

Easy媽咪:

我地一家除咗小小妹外，擒日去咗西貢水浪窩露營，瞓得唔好，但d仔玩得好開心，擒晚冇星星睇添，我極度疲憊，真係老啦，要揹住個大背囊只係行咗約20分鐘已經好累啦。

HoHomama,

我老公唔贊成我帶個女去，不過我自己好想帶佢去同d小朋友玩吓，我會極力游說佢，聽日帶埋小小妹去見識吓間男校，大家聽日見!

Easy媽咪

Hohomama
妳唔好咁客氣啦!   
我地d仔當晚真係玩得好開心呀!   
今晚又玩過...yeah!     

sandy
嘩!!!妳都勁喎去露營     ,比我就一定死都似!我行幾步都叫help架   仲要好似妳地咁樣就一定唔掂呀,我老公就得咋~都係等佢地自己去好lo!
  

Easy媽咪

Hohomama
妳真係太客氣喇...仲送左份禮物比我細仔    多謝妳呀!

琴晚我大仔玩到成個人濕哂呀    佢好似被人困左好耐...而家放監咁呀....   

今日佢地一定玩得好開心啦...今朝我送仔返到學校...見到d小朋友比d聖誕card老師,d老師好忙咁收呀!!!嘻
我地1c班今日party交換禮物!

SandyKL

Easy媽咪:

我去完露營，成個人有d散散地，好倦，不過好開心，我地都係參加我老公公司內一個歷險會去，成棚人去安全好多，唔洗驚俾人綁係樹上。我兩個仔好輕奮，問幾時又去，相信如果今季再有類似活動，都會再報名

好彩有妳報料咋，我地好衝忙咁買咗兩份禮物俾兩個仔番學，我個細仔交換咗一架玩具車，而大仔就收到一盒朱古力。

今個假期都好忙，又要做聖誕假功課，又要預備考試。

Easy媽咪

相信charles果日食盆菜玩得大顛喇~~佢琴晚病左喇~~仲燒到102度幾....唉~~!

sandy
我仔抽禮物抽到支槍呀!
反而我好讚成做聖誕功課呀~因為我地日頭返工,叫佢早上做功課,到晚上咪同佢溫習下lo!咁樣咪唔會唔記得老師教過d咩!咪仲好啦!   

SandyKL

Easy媽咪:

我覺得果晚盆菜宴唔多夠食，好彩有飯頂肚啫，我地一家真係幾大胃王。過濾性病毒即係感冒菌都會令小朋友發燒，如果冇其他病徵，都會好快好，如果唔係帶病過聖誕節，認真慘慘。

我冇話唔贊成做聖誕功課，自己以前細時都係例牌要做架啦，但我同我老公都要返工，大仔識得自動自覺做，佢已開咗工啦，而二佬今日全日玩多過做功課，真係俾佢激死!我自己中學時最唔鍾意就係聖誕節，因為我間中學年年一放完聖誕節冇幾日，就要考試，所以聖誕節多數要留係屋企溫習，依家又有d重溫當年感覺。

Dear all moms,

Merry Christmas and Happy New Year!!!   

csk

Easy媽咪

Charles好番D未？幸好不用上堂可以休息。這兩天我搵到張單再通知幾多錢。

SandyKL

那晚的盤菜有我坐那圍剩1/4左右，可能我們多細路，他們一食完就走晒去玩。想問你們去wild camp要唔要帶羽絨睡袋？因為阿仔下星期去露營，我又未試過，有甚麼事要注意？

各位媽咪

祝聖誕快樂。icubeschool 開始了，快D叫小朋友做，順便當溫習！

Easy媽咪

csk
真係煩了妳!咁妳一找到就通知我啦!thanks! :  :
charles都唔知仲嘜野~~只係發燒咋...完全冇其他野!所以我前2日都係比佢食d退燒藥咋....今朝起身仲未燒...等一陣我再打個電話比佢睇下有冇事...冼唔冼去醫生到睇睇!我自己就唔係好想同佢去睇醫生,因為去得果到都有病人,又唔知咩病,大家坐定定等睇醫生時,d病菌就四周圍咁走喇,小病都可能變大病呀~所以都係睇下佢仲有冇發燒再決定!   

sandy
果晚盆菜~我奶奶舉哂手指話食咁多盆菜中最正le個喎~我都覺得好好味呀!果晚想番起好似謝師宴咁呀~我請左個仔琴老師同英文作文補習老師一齊食呀!
charles佢話已經做哂d聖誕功課,只係唔識一樣留番我教佢做喎~好彩le個仔都係自動波,唔冼我太勞氣咋!   

嘻..好長氣咁呀~~sorry!

祝各位~
聖誕快樂!

(((感謝天父保守我們一家有平安有喜樂!)))

csk

Easy媽咪

Please check pm.

SandyKL

csk,

我地帶普通睡袋咋，香港冬天天氣都唔太凍，而且小朋友好易出汗，我帶咗暖水袋及暖手器去，但我熱到醒咗，所以唔需要帶咁重型裝備去。

反而真係好多蚊，我地一紥好個營，大大隻蚊係咁飛入個營，我地即點起兩餅蚊香軀蚊，又噴蚊怕水係手腳，咁就冇蚊，但第二日我地冇噴蚊怕水係身，番到屋企發覺我二仔塊面咬咗幾撻，所以一定要帶蚊怕水，如果有人可幫佢，仲要帶定蚊香添，著淺色衫冇咁惹蚊。

仲有一朝一晚氣溫比較低，日頭真係好熱，所以著一件薄棉T-shirt，面加一件厚少少嘅褸就ok，千其唔好帶咁多厚衫去，得個拎架咋。

HoHomama

Sandy,
我真係好佩服你，有三個小朋友，又可以跳舞（希望無記錯)仲可以去野營。如果我仲有這樣的精力和勇氣就好了。我後生時都好玩得，行過Trail walker (37hr )，outward-bound   , 去過o的好tough的地方像Nepal, India, Egypt。現在祇想去舒服的....   

Easy媽，
小意思…你給我的可是我的無價寶。

各位媽咪，

[size=large]Merry Christmas !!!

csk

SandyKL

­唔該晒！阿仔31/12,1-2/1跟童軍去野營，我掙扎了很久是否應該讓他去。一來擔心他論盡，二來近考試，但想到唔去露營也未必全時間溫習，不如給他一個目標，早些做功課和讀書。

請問暖手器和暖蛋有甚麼分別？他不會帶暖水袋，我見街有些hot pad，薄薄一塊可以貼在衣服，你有沒有試過？多謝你提醒要多噴蚊怕水，我也會叫他帶多D蚊貼。我有個羽絨睡袋，但係幾大個，放入背囊佔晒空位，如果帶普通睡袋得，就方便了！再次多謝你的貼士！

HoHomama

你而家都仲係好玩得呀！

SandyKL

HoHomama,

妳真係好記性，我有跳舞，已經跳咗11年舞，唔可以唔跳，我陀住細女都跳到個肚7個月先停，生完佢之後，停咗一輪，覺得個人好倦，於是跳番舞，咁個人先精神d，人，真係好需要運動。

去野營所有一切打點都由我老公負責，所以我都好嘆!

我都行過Trail Walker，用咗一日時間由西貢出發，行到去飛鵝山嘅基維爾營，係果度扎營瞓咗一晚，第二日因為掛起8號風球，所以行唔完全程，但都有張證書。妳真係好野，行畢到全程，咁妳一定有證書啦。

我亦曾經參加類似outward bound嘅活動，一樣要solo，妳果時有冇solo?我記得果時係春天，之前果日行山都有成18、19度，但去solo果日，突然間跌到得12度，好彩有參加者帶咗d垃圾膠袋去救我一命。咁妳參加陸上定海上outward bound?

至於尼泊爾、埃及及印度，我冇去過，果時我讀緊書，要平，所以專去大陸，最記得83年用咗$1700，2個女仔自由行去咗21日北京及華東、黃山，慳到無可再慳，出咗嚟做野反而好逸惡勞，去d好舒服嘅地方，妳講理3個地方，等我d仔女大哂先去啦。

SandyKL

csk,

唔好咁客氣!

去野營係一個好好嘅體驗，真係絕對唔需要羽絨睡袋，而暖手器即係暖蛋，只係外表包裝唔同，都係細細一個工具。我知妳講hot pad係咩，我都有帶去及用hot pad(妳睇吓我幾怕凍!)，帶定都好，但d小朋友坐唔定架，走嚟走去，唔同大人，佢地冇我地咁怕凍。

我自己冇去露營成10幾年，發覺依家d營已經唔同我個年代，好保暖又防水。

csk

SandyKL

唔該晒你！Aaron今次去飛鵝山露營，我想是你提到那一個。我已買了兩樽蚊怕水和一盒蚊貼，hot pad過兩天才買。我還要買睡袋、地席。他還會試戶外煮食，要帶蛋和洋蔥，聽落幾好玩。

SandyKL

csk,

以我模糊記憶，成個飛鵝山應該係得基維爾營可以搭營，如果真係我講果度，我記得果度有一個小小廚房，出面有條水喉，咁食野都方便D，唔洗行到冇雷公咁遠去打水，不過我唔記得係唔係開放俾所有人，因為我地當年係一班有組織人士，果度唔知係唔係禁區。

最記得到飛鵝山營地前，我地摸黑行獅子山，雖然企係果度望夜景好靚，但已冇心情欣賞，當時我地成隊人食哂所有糧食，得番一罐甜品罐頭，係獅子山上，一隊人7、8個，就係食理一罐罐頭，肚餓到差D行唔到，好慘但係好深刻嘅感受，我地最後係9點幾先到營地，去到即煮公仔麵，仲好味過鮑魚!

csk

SandyKL

我找到張通告，真係基維爾營。今晚去買了地席、睡袋，個睡袋Aaron都唔係收得幾好，這幾晚惟有加緊練習。過兩天仲話轉冷，真有點擔心。我想問如果半夜去廁所會不會很麻煩，是不是晚上一定要少飲水？如果沖涼有沒有熱水？他的睡袋可支持攝氏5度至25度，是否需要加張薄被保暖，還是穿多件衫、褲好一點？我會買些hot pad給他放睡袋取暖，想起要捱凍又無啖好食，我都替他慘！

你好勁呀！我只去過宿營，野營太克苦了。我已同阿仔講定，樣樣要自己做好，無人服侍，仲要快手！

SandyKL

csk,

我以前去露營，係冇屋型廁所，只可以匿埋淋花，最近去果次係水浪窩，有個乾廁，即係一間屋仔要痞又冇水洗手果隻，男仔去廁所仲易過女仔，理方面唔洗擔心。

依家係冬天，咁佢去幾多日?如果去一日，唔需要沖涼啦，我當年行咗成日，因為係夏天，所以唔沖涼唔得，但一入夜加上係山上，都幾寒架，我著住件泳衣用條水喉沖，真係好似新馬仔首歌咁:「冷得我騰騰震呀!」

帶多張薄被，佢又要拎多一樣野，對佢嚟講幾重架。

你個營有冇一張四方尼龍蓆?理一張可以放係營頂防風，封住d入氣口，好保暖吓架，我認為妳可買多幾個hot pat俾佢放係睡袋入面，因為著多一件衫褲瞓會好辛苦。

今個星期尾氣溫會跌到得11度，所以夜晚會凍，但小朋友身子較熱，佢地唔多怕凍，我見我d仔夜晚直頭唔琴被。去露營滋味唔多好受，我成晚都瞓得唔好，就算有墊，都覺得個地好硬，但係成班人柴娃娃，都幾開心架，對於瞓慣高床軟枕，好似我咁，係一種好好體驗嚟架。 :