家有自閉傾向的小朋友......

llcathy2004

我仔聽日去協康做評估啦...

Marcus媽

hi llcathy2004,
唔好意思呀!我想問多d，因為我見你小朋友都得個2歲，我小朋友都係2.5歲，都係仲未識講0野,  我知道有自閉傾向的小朋友一般都有溝通上的問題，所以連一般的會話也有困難，但是他們也會聽，我問過教育心理學家，佢話小朋友3歲前不懂說話都不是出奇的事，不停走動也是自閉傾向小朋友的特徵，我仔仔有時都係咁，我都有去健康院，但姑娘都冇話仔仔有自閉傾向，可唔可以講其他d特徵俾我聽。
  

llcathy2004

marcus ma,我阿仔最大問題係唔理/睬人,有時叫佢佢望都唔望下,仲有佢好固執/大脾氣.
各位媽咪,我阿仔尋日做完心理評估,姑娘話佢幾方面(溝通/與人相處/固執行為)都有少少問題,但無確定係咪自閉症(只話智力無問題),亦可能因佢言語所限影響到發展溝通/相處能力,希望言語治療可改善呢兩方面問題.但固執行為佢就比較明顯,做幼兒訓練/番學都會有幫助.另外平時要同佢玩多啲互動嘅遊戲,增加佢同人溝通嘅動機.呢點我試過,但佢唔肯同我玩我都唔知點做?

承承媽媽

llcathy2004,

想問吓你仔仔係唔係會去油塘o個邊做評估?
我個仔當年入n1,喊足一個月,仲要指定一個老師抱佢,另一個都唔得,喊一陣就攬住自己個水壺安慰自己,仲會自己走嚟走去,不過兩個月後就好d啦!唔再走嚟走去.
你講話同佢玩,呢家o野唔易講,一要投其所好,二要適切插入,三要持之以恆......呢d係基本功......不過唔知你明唔明......

承承媽媽

marie,

唔同你講電話都唔知原來承少同熙熙係同一個st.....
唔制呀~~~我唔要又轉st呀~~       
好頭痛呀~~~!!!!!     

fionshum

承媽,
請問你知唔知, 邊度搵(搜尋)有言語治療師o既小學,
昨天, 學校個言語治療師話今年教統局撥款給普通小學
請言語治療師, 不過未必間間請得到, 佢叫我最好搵 d
己經有言語治療師的學校, 佢話教統局個網有得睇,
但我搵唔到.
我九月要揀小學了. 真係好想搵到呢d資料.

llcathy2004

承承媽媽,係呀，不過唔知等到幾時！我報左言語治療同幼兒訓練，但佢咁固執，唔知肯唔肯坐定做言語治療呢？啱啱星期五佢第一次自己上堂，我同佢講你自己係度玩啦，要聽老師話，媽媽走啦，放學係出面等你．佢無比反應（佢仲未識應�答我），咁老師就叫我走．佢只係番一個鐘，所以我地係附近等，過左一陣我地見到佢走左出黎，就到學校門口比老師捉住，發晒脾氣係咁喊同跳．．．唉，第一日番學就逃走啦．．．到放學我入去接佢係喊緊嘅，老師話佢有收過聲嘅，但放學咩書包又喊番．我估佢喊得好勁，之前佢氣管敏感傷風咳，呢兩日已經好番，但放左學又咳過．至於互動，惟有再試啦．
:cry:  :cry:

承承媽媽

llcathy2004,

其實佢地初初返學有時會發吓脾氣都係一件好事,起碼佢留意到佢身處o既地方同人都有唔同咗......慢慢嚟啦!

marie, tin, 各位,

事實證明我個仔真係對放假非常之唔適合.
話說承少學校19號正式開始放暑假,o個日下午我地同佢出門口準備返教會,因為我要鎖門,所以佢同老豆行先,點知佢唔拖住爸爸落樓梯,又唔扶住扶手,自己又差錯腳,於是碌咗落樓梯跌穿咗個'後尾枕',當時我即刻叫佢老豆拎條毛巾出嚟幫佢壓住傷口止血,即刻上番屋企,好在2-3分鐘後都止到血.....
今日承少就留家休息(怕且會休幾日添......)不過可能係因為爸爸睇住佢o既原故,佢今日又跌瘀咗自己隻大脾喇~~~!唉!

承承媽媽

fionshum,

呢樣我唔係咁清楚......
如果你想知,不如你打去你心儀o既學校問吓囉!
佢地都會好樂意答啩~~     

HeiMarie

承媽: 陰公lor, 承承無事麻?! 比我實手足無措 有無睇e生?
19號果曰 俊熙就病病地, 成朝咳, 中午無胃口又嘔, 見佢5多妥就拿拿林的佢返屋企訓, 傍晚仲有d燒, 好彩訓到第朝又ok, 仲玩足成曰鬼打咁精神 至怕佢放假至

CarmenBeta

llcathy2004 & all mami,

hello, 各位媽咪, 我囝囝現時23個月, 被CAC評估語言能力只得3 - 6個月(1個單音都未識講, 有時說bb話/唔唔聲/尖叫), 自閉傾向就不確定, 因為他還細, 我想問妳們囝囝有無以下的特徵:

- 時常尖叫
- 搖床
- 自轉
- 坐唔定, 時常走來走去
- 喜歡摸牆
- 喜歡望電視上轉動的字幕
- 專注某事情時就唔應人
- 但有眼神接觸, 喜歡較大的小朋友
- 活潑開朗, 很小哭

雖然CAC話未確定, 但我都覺得他有小小, 10月囝囝會返明愛特殊學校, 我覺得很lucky, 因明愛只收1個自費學生, $2500/半日, $5000/全日, 囝囝返半日, 當初都考慮了很久, 返特殊學校會不會太早label他有問題, 但我又覺得普通幼兒園唔識得處理我囝囝的情況, 只會認為他頑皮, 況且特殊學校師生比例1對7, 照顧會好些, 這裹有無返緊s位媽咪分享小朋友在校情況, 返得開心嗎? 語言自理各方面有沒有進步?
thank you

llcathy2004

有無以下的特徵:

- 時常尖叫(no)
- 搖床 (no)
- 自轉(no)
- 坐唔定, 時常走來走去(yes)
- 喜歡摸牆(no)
- 喜歡望電視上轉動的字幕(not sure)
- 專注某事情時就唔應人(yesyesyes)
- 但有眼神接觸, 喜歡較大的小朋友(yes,but fair eye contact)
- 活潑開朗, 很小哭(yes except losing temper)

adayclee

我都擔心阿仔適應力........佢有mild AF, 已返了一年K1, 一直很適應......但9月份讀'I'位要轉校讀K2, 他不喜歡.....我間中已安排佢星期六返新校園半天暫托，我每次帶他返新校園時他都會扭計及不願返，去到校園門口，佢會哭及不願離開我。不過老師說他在校園的生活很平靜及跟大隊，只是離開我時頭十分鐘會哭。
現在距離他開學只有一星期，很擔心如何說明他返新學校。

babytszkin

carmenbeta,我想問下您個間明愛係邊架?可以比個電話我嗎~thx

babytszkin

唔好意思呀,我想問下大家知唔知邊到有d特殊學校返全日或半日但價錢係無咁貴的學校~~我問個協康要成$7000幾一個月(好貴 )

CarmenBeta

babytszkin,

hello, 我嗰間在屯門, 叫明愛樂興幼兒中心, tel:2460 9603. 妳揾張主任, 她很好人, 一定幫到妳! 妳住邊區? 是否輪緊s位? 妳可以問吓其他特殊中心可唔可以自費俾小朋友早d入學, 因為我覺得如果小朋友有語言和專注力方面的問題, 一般幼兒園是很難handle, 不如早d俾他入s位, 打好基礎,  希望他能早d出來讀普通幼稚園好過啦!

babytszkin

多謝CARMEN,我住九龍灣架,無錯我都係等緊S位我會打去問下D知料架喇~~THX

HeiMarie

承媽,
承少好翻未?暑假有乜攪作?

今日ch 第一日暑假, 去學校攪

承承媽媽

Marie,

有乜攪作?上個禮拜五約咗承少o既幾個同學仔一齊整番日交通工具一日遊,玩到散晒咁滯.......全日行程:
10點搭隧巴過海去金鐘
行去纜車站搭纜車上山頂
嚮山頂環山徑行咗個零鐘之後食lunch
食完搭纜車落山,再搭無頂巴士落中環
去到中環搭叮叮去畚箕灣,再由畚箕灣搭番叮叮去中環,再去天星搭船過海,之後就散場.

到我食完飯返到屋企時......沖完涼我已經開始覺得有d暈......睇怕都證明咗......我開老喇~~    

cholebb

CarmenBeta,

唔好意思呀, 我想問 "CAC" 係 mud 野機構黎架 係咪可以評估下小朋友既發展. 因為我擔心囡囡有 d 語言問題....

佢 e+ 23個月, 只係識講單音字, 仲會講 bb 話, 同佢講野唔鐘意望住人, 只會間中肯望我一陣, 別人叫佢佢唔理人.

已經有人覺得囡囡奇怪, 叫我同佢去 check 下. 但老公反對, 佢覺得囡囡 ok, 只係發展遲 d, 因為囡囡由 bb 至 e+, 佢返身, 爬, 企, 行, 講單音字.... 都比其他 bb 慢.

我好 worry 呀, 唔知點算好. :cry: