04年9月入讀小一家長請進！

Vin

hello各位~~我好耐冇入嚟呢度喇~
唉~我個女咪又係一樣咁大懵~~
呢排都有試過唔見咗工作紙呀~
尋日又漏咗支擦膠筆喺學校,都唔知今日有冇搵得返~
佢又係有時好冇記性~有時問佢發生過啲乜嘢~
唔知佢真係冇記性定唔想講~成日都淨係識答:唔記得/唔知/冇喇~~:evil:

carollam310,
你都唔好咁忟喇~~最緊要女女快啲好返呀~
我個女有時都會成日俾人撞到,有時我都會覺得嬲~
但係諗深一層,女女本身都有責任架~
因為我女女成日行路都唔帶眼~就算我同佢一齊出街~
我都要成日提醒佢:睇路呀/睇住呀..
而且撞到你女女嘅人佢都唔會係存心想令你女女受傷,係咪?
以後多啲提醒佢行路要小心,
見到有啲亂咁衝或者玩得好癲嘅人就要保持距離~

karencircle

LULU-MAK,
好彩今星期無堂，諗著等weekend先，所以未買。

LULU-MAK 寫道:
karencircle,

甘未知之前, 你有無買返本書呀?

Edithma

好多謝各位媽咪關心!我囡囡昨天總於退燒,同出院! 今日我比著囡囡返學, 希望她無事! 好長時無返學! 囡囡系2月14日因肚痛+高燒入院! 頭几日囡囡平均1小時嘔一次,吃咩嘔咩!肚痛到大哭大叫,成日要人抱! 無法進食! E生話有可能是肓腸炎, 嚇死我! 好彩結果唔是! 真系多謝上天! 不過到宜家總未知系咩原因  :evil: ! 我昨天忘著同E生要病假證明:evil: 下星期一總要返E院覆診!  

CHUCHU

carollam310,

女女隻眼冇事就好啦.呵返吓!

肥仔媽咪,

一二年級時時都發生尼d事,我聽過唔少啦.
因為高年級個頭高過低年級個頭好多,佢地向前沖,唔向下望,咁就會發生,所以好多小學都張初小同高小分開小息囉.

carollam310

阿女話我知佢一行出課室門口就比個男仔面對面撞到.仲有一個女仔跌低添.係我個女面對面撞到比較嚴重o羅~阿女話個男仔一句對唔住都冇呀. :evil: 班主任凈係叫佢小心D咋
我個女之前都唔見過本英文書.我買左本新既之後佢又搵得返.話當作業交左比老師喎 :evil: .搞到依家有兩本英文書. :wink:

Vin

Edithma,
祝你女女早日康復~

通常痾嘔呢啲都係病菌作怪架喇,
提醒你女女多啲注重個人衛生~
仲有記得唔好周圍亂咁摸~

Vin

carollam310,
呢啲涉及其他班級學生嘅事件,我諗應該搵訓導主任處理~
以前有一次,我個女話朝早完咗早會準備上課室時,
有個2年級嘅人特登走埋去撞跌咗佢~
我知道之後叫個女去同訓導主任講呢件事,
而訓導主任都好樂意去了解同處理~

Astrid

cheung,

會唔會係車輪菌呀 .... 呢隻菌好勁o架 !!!

肥仔媽咪

CHUCHU 寫道:
肥仔媽咪,

一二年級時時都發生尼d事,我聽過唔少啦.
因為高年級個頭高過低年級個頭好多,佢地向前沖,唔向下望,咁就會發生,所以好多小學都張初小同高小分開小息囉.

好彩我個仔間學校都係分開的.


Edithma,

咁快比佢返學呀? 而家啲天氣又咁差, 你真要留意住佢噃!

會唔會係車輪菌呀 .... 呢隻菌好勁o架 !!!

Astrid,

又有新品種, 連啲蟻都咁'近', 就黎係佢地嘅世界!

麟媽媽

carollam310,

細路仔好多時都係咁論盡的，我仔上次同你囡囡一樣，仲要係比個4年班的風紀哥哥撞親！我個又係四眼仔，一撞完個眼鏡”餚”晒唔在講，最慘係鼻樑那兩粒膠撞埋眼邊，我仔痛到呱呱叫！好在無傷到眼咋！事原係班房門一出便是個轉角位，當時剛放學，那兒是個blind spot……

carollam310 寫道:
阿女話我知佢一行出課室門口就比個男仔面對面撞到.仲有一個女仔跌低添.係我個女面對面撞到比較嚴重o羅~阿女話個男仔一句對唔住都冇呀. :evil: 班主任凈係叫佢小心D咋
我個女之前都唔見過本英文書.我買左本新既之後佢又搵得返.話當作業交左比老師喎 :evil: .搞到依家有兩本英文書. :wink:

evelyn317

Astrid

"車輪菌"係乜東東 指教一下。

車輪包我就食過。

我個女

fp

Edithma,
你要保重身體,仲要照顧兩個女!

我個仔終於拆了石膏 ,不過個晚立刻發燒:cry:,唔知是否在醫院傳染,昨天仲燒到103度幾,今天無燒,可以返學!不過囝囝在屋企無跳跳紮,訓在梳化上休息,就知佢好唔妥,好少在家唔願玩呀!

肥仔媽咪,
你個囝的運動日,

LULU-MAK

個囡下星期開始小考, 到依家我都未開始溫書, 我都對依D咩小考, 大考, 小測......(依D咁名稱)存有'恐具'

肥仔媽咪

evelyn317,

嘩! 你個囡有四大護法照咁利害!


fp,

你個仔拆完石膏又發燒都幾勞心喎, 呢排好似Astrid話嗰隻輪狀病毒都幾利害, 大家真要小心.  我囝應該選了跑步可能太多人選所以安排咗佢跳遠囉!

麟媽媽

咁快又小考？！下學期開始左無耐，教左幾多野？而家D細路仔咁多次咩評估、測驗、考試真辛苦。我仔學校是每個學期一測一考的，你地好似多D咁既？
另外下學期開始中文背默了，不過都唔錯，佢自己默我只負責對，哈哈！我懶得就懶呢！

LULU-MAK 寫道:
個囡下星期開始小考, 到依家我都未開始溫書, 我都對依D咩小考, 大考, 小測......(依D咁名稱)存有'恐具'

carollam310

我個女下星期就第二次考試喇~~呢個星期都仲有評估同默書.D普通話,體育.音樂.會話都係呢個星期考添...真係幾辛苦架

Astrid

"車輪菌"呢個名, 我都係聽人講咋 .... 我聽 d 阿媽講 ... 同腸胃炎差唔多症狀, 不過就嚴仲好多 .... 有 d 人會一日痾廿幾次 ... 又係咁嘔 ....

Astrid

星期六個日終於拎左成績表啦 ..... 平均分有 93.x ....

不過, 佢 d 中默同英默明顯咁退左步 ....  :-|  :-|  :-|

LULU-MAK

全年(唔理大考並小考)總共3次考試, 其他的小測, 我都理唔到咁多.
今個星期, 有中,英默書, 數學測驗 ~~呢D一定要同佢溫
普通話,體育,音樂考試 ~~剩係叫個囡讀普通話比我聽, 係咁E指個字, 叫佢話比我聽係第幾聲, 便算OK! 體育同音樂就考天份啦!

katiema

evelyn317,
你女轉數都好快, 咁快諗定點對策   

Edithma,
take care

fp,
小心睇實, 小朋友唔知危險

我女學校在下學期開始至今, 中默一次, 將近7 March test eng,  考試就未有咁快, 不過都要開始叫佢回魂, 放假放到心 & 人(魂飛魄散)touch wood.