發展遲緩B媽媽(part 1)

ChingMan1002

好開心呀囡而家終於肯放手行幾步,真係開心到雲,不敢相信眼前所見到既一切. 而家佢仲成日想行,要大人拖住佢周圍行,唔知關唔關返左學事呢,金錢上既付出總算有d回報. 大家努力呀.

urme1997

原帖由 ChingMan1002 於 09-10-8 09:27 發表
好開心呀囡而家終於肯放手行幾步,真係開心到雲,不敢相信眼前所見到既一切. 而家佢仲成日想行,要大人拖住佢周圍行,唔知關唔關返左學事呢,金錢上既付出總算有d回報. 大家努力呀. ...

恭喜晒, 你囡囡依家幾大呀? 我囡囡2歲仲未識行

hkgqueenie

我也期待我的女(現在18 個月大仍未識行), 可以肯放手行幾步


大家努力呀.

原帖由 ChingMan1002 於 09-10-8 09:27 發表
好開心呀囡而家終於肯放手行幾步,真係開心到雲,不敢相信眼前所見到既一切. 而家佢仲成日想行,要大人拖住佢周圍行,唔知關唔關返左學事呢,金錢上既付出總算有d回報. 大家努力呀. ...

nokia6300

你女女幾大呀?我仔都未肯行呢,但引佢行就可以幾步,不過唔係好穩,真係好心急呀!!

大家加油呀^^

slh

原帖由 nokia6300 於 09-10-8 23:24 發表
你女女幾大呀?我仔都未肯行呢,但引佢行就可以幾步,不過唔係好穩,真係好心急呀!!

大家加油呀^^

你地就好啦~ 我囡囡2歲9個月都未識行 又唔行爬 (定係唔識爬?) 不過PT哥哥話呀囡帶咗腳托, 行起黎的姿勢正確咗 , 少咗腳板向內側(當然係扶住野行), 叫我地多D拖佢行, 練多D~ 我都唔知佢幾時至識 (想) 自己行???

hkgqueenie

slh:
我個女, 同你個女情況差不多, 唔識爬, 腳板向內側(右腳嚴重一點),
16 個月大時 CAC PT 姑娘話做腳托比佢行路, 但醫院PT 姑娘話唔駛住
現在18 個月大, 隻右腳板仍向內側, 不知可時才識行,

原帖由 slh 於 09-10-8 23:54 發表


你地就好啦~ 我囡囡2歲9個月都未識行 又唔行爬 (定係唔識爬?) 不過PT哥哥話呀囡帶咗腳托, 行起黎的姿勢正確咗 , 少咗腳板向內側(當然係扶住野行), 叫我地多D拖佢行, 練多D~ 我都唔知佢幾時至識 (想) 自己行??? ...

nokia6300

我仔係足一歲先爬ka,爬左一段時間開始係床仔扶住起身,扶左一排開始係床仔行,咁我就開始同佢去公園玩,初初唔郁ka,但慢慢一步一步就開始扶住行,actually 佢而家都唔會free hand 自己起身ka,但扶野就可以,咁而家晚晚食完飯都去公園玩,都間唔中肯由一間屋仔去另一間,大約3-4步啦,佢對腳仔都唔係好夠力ka,行起時唔係好穩ka,我又train佢係滑梯跪住爬上去,同埋行樓梯,返屋企時又早一層出lift行樓梯上去,因我pt話阿仔大比同hip位用力唔夠,一定要train多d,就快d行穩lor,而佢腳仔都有內側問題,都幾嚴重,我只係dr.kong買左對鞋仔,d cusion位好d比佢,可能太細未可以用腳托,不過以上幾樣加埋,阿仔係進步左好多ka,而家單手同佢行都比之前好好多啦,所以你地加油呀,阿仔阿女好快會跑呢^^

Torres

原帖由 nokia6300 於 09-10-9 23:17 發表
我仔係足一歲先爬ka,爬左一段時間開始係床仔扶住起身,扶左一排開始係床仔行,咁我就開始同佢去公園玩,初初唔郁ka,但慢慢一步一步就開始扶住行,actually 佢而家都唔會free hand 自己起身ka,但扶野就可以,咁而家晚晚食 ...

nokia6300,

聽到你囝囝行得好咗, 好"鄧"你開心, 而我阿仔返咗幾日學都有少少進步, 比心機, 一起加油!

nokia6300

多謝你的 reply 呀!

今日阿仔開始自己會放手行幾步呀!!開心死我同baba呀,因平時係我引佢先行ka,今日自己走去 toilet搵我呀,雖然好似醉老佬咁,但好開心呀!!

所以小朋友真係日日都會進步呀!我地大家既心血唔會白費ka,我時時提自已,比多一點愛同耐性,一定有收成ka!!

加油加油呀 mami ^^
blessings!

ChingMan1002

我囡啱啱兩歲喇. 大家努力呀!

anlywan

請問各位媽咪如懷疑子女有學習遲緩應去那里做評估呢?

nokia6300

i went to STEP to had the assement for my son who is now just 18-mth, it costs $2500 and STEP will then help to apply for services fm gov't

actually i asked for asseement fm gov't (health clinic) but they didnt offer me until the end of this year, in order not to waste the golden time for bb, so many of us will go to private organisations for the assement

[ 本帖最後由 nokia6300 於 09-10-12 19:00 編輯 ]

slh

我個囡的case有少許不同, 因為佢係單眼b及有嚴重的視障....  
上星期五同老師商量佢黎緊呢個學期的學習目標時, 都有同老師提及學行的問題, 老師同pt說其實呀囡自從1月返咗學後, 見佢d手腳仔開始有力, 但好似用力時手腳/身体唔係好協調, 所以行起上黎有d亂, 叫我地多d同佢模仿行路時的動作, 仲要口頭提示, 叫佢一步一步慢慢行, 唔好跳吓跳吓.........
至於腳板向內側的問題, pt話佢着了腳托時已經改善了好多, 不過都想佢着多d同耐d, 等佢習慣行路的正確姿勢至唔洗着.
有陣時我覺得理所當然的事情/動作, 對發展遲緩b來講係要不斷重複去做去練習去試, 先至學得識~ 真有點無奈~

valmom

slh,

有時覺得無奈, 不過, 有時覺得呢D就係生命... 係我地視呢D能力太理所當然.. 依家小朋友既學習令我地可以重新慢慢去睇番成長每一步, 令我地更珍惜小朋友每日既進步.

阿女每一個既小進步對我同我老公黎講都係一個驚喜, 我地依家學識珍惜呢D我地以為必然既野

slh

Hi valmom,

你囡囡返咗學後有冇進步呀?

我上星期都同老師講. 有時湊呀囡都有d壓力同好擔心, 雖然佢9月放完暑假, 返學後明顯是比放暑假時好 (尤其是情緒方面, 冇咁容易發脾氣or 哭) 但進度都比較慢, 明顯比同齡落後......我估都有成年度!! 我擔心佢會追唔返, 因為佢宜家都成2歲幾, 到年尾就3歲, 又未識行, 講野有差.... 只係識講單字同詞語/明詞, 完全唔識講句子, 淨係聽人講野叫做好少少,  好多時都有反應同有答我地. 不過只限於一d簡單的對答,好似 "有呀", "冇呀", '柯尿", "柯唔唔", 柯咗,食咗, 知道, 唔要, 我食, 比我等.......
不過老師話見過不少遲緩的小朋友, 佢話好多入學時3/4歲, 嘜都唔識, 莫講話追返同齡, 連小小嘅自理可以話係完全唔掂, 不過當佢地不斷地接受適當訓練, 到入小學時又唔係差得好緊要........
希望呀囡係老師講嗰類型啦~

valmom

slh

你囡囡都已經好叻叻喇~~ 你囡囡講講個D.. 我個女好多都唔係好識.. 佢知我地講咩 (有時), 不過要佢自己表達呢, 就唔係成日得, 唔算係識... 不過, 我地已經好開心, 因為佢依家會用手指指D野, 會明顯表示到俾我地知佢係知我地講緊咩, 叫緊邊個, 我地開心定唔開心.

我個心當然好想佢可以係小學之前跟番大隊, 不過, 亦明白有D野真係勉強唔到. 只係希望佢自理方面好D. 其他學習方面惟有自己第日辛苦D同佢做多D重複既練習, 亦俾D時間佢吸收同表達..

曾經聽過一位職業治療師講, 發展遲緩既小朋友就係因為大腦既一D網絡發展唔夠多, 所以有時D訊息要遲D先接受到同俾到反應. 我成日都會記住呢句說話, 所以有D野我會真係重複幾次, 同等佢一陣, 睇下佢係咪吸收緊.. 有時真係既.. 教佢既野, 或者叫佢做既野, 佢係會遲1-5分鐘先有反應. 我會讚佢叻, 然後同佢講下次我地再快少少.. 有時我會刻意提早多D叫佢做野 (例如講拜拜), 等佢有時間消化到, 係適當既時候就真係做拜拜既動作.. 係其他唔識佢既人眼中就唔覺得問題, 而且會讚佢, 咁對佢似乎有D鼓勵既作用.. 不過, 當然唔係樣樣情況岩用..

[ 本帖最後由 valmom 於 09-10-14 22:30 編輯 ]

nokia6300

hi valmon,

你講得好岩呀,我仔18月大,教左好耐先可以揮手byebye,不過真係wor..次次都係d ee叔叔走左先bye,但奇又奇在只係byebye會慢d,如叫佢拍拍手,又可以立即做wor,所以而家叫佢byebye,我都會早d叫,同埋佢一學到一d動作,我係時時叫佢做,如我仔呢排會點虫虫,我又係咁叫佢點,希望佢對呢個動作熟d,但間中都有surprise ka,如阿仔而家都唔揸奶樽ka,但我次次都捉佢手仔揸住,點知有一次食完支奶,剩番dd,佢自己揸住放入口wor,haha.....我地真係加油呀...bb會進步ka ^^

slh

好開心, 呀囡呢個星期介片已經有好明顯的進步 (其實只係小小改善, 不過老師話要多d鼓勵, 等佢有多d信心.... 我地就越來越有呀Q精神???).  

話說上星期尾有一日老師帶佢去小童厠所柯尿尿, 呀囡不知幾開心, 覺得好新奇, 不但好合作咁柯尿尿, 仲好快咁柯埋便便.  之後老師仲叫我地係屋企同佢試吓, 跟住我地拿拿淋買咗個小朋友用的厠所板比佢, 佢不知幾鍾意, 而家我地同佢去, 佢一坐落去, 唔洗幾秒就攪掂~ 不知慳返幾多時間(尤其朝早).  

不過佢仍然係唔會主動講要去柯尿, 到而家都要我地問or帶佢柯,  不過佢就好似控制得好咗, 唔會柯完好快又要柯, 有時係好似識儲埋一次柯多d, 今個星期賴濕的次數比之前少, 連埋搭車返學放學都好似係賴咗3/4次.....希望可以keep 住有進步及可在冬天前成功啦~

valmom

slh,

好叻叻喎真係~~~

slh

天氣開始轉涼, 上星期下午同呀囡去泳池, 游完上水都有的涷, 今個星期可能再涷d, 所以可能游唔倒水......

想問吓唔知邊道有公眾暖水池or有暖池嘅私人泳班上?  而私人泳班收唔收我地d發展遲緩嘅小朋友?  

p.s. 我地住沙田~