家有自閉傾向的小朋友......

HeiMarie

承媽,

俊熙呢排都少講故事, 自從買

承承媽媽

what's wrong card ....... 承少學校有做,老師都好滿意佢o既表現,所以我無同佢做......
不過今日見學校個ot,ot都俾非常正面同好o既評語俾承少,不過就話承少o既左右手協調麻麻地,所以要教佢剪紙.......

至於上次轉介承少去睇骨科,醫生話每年同佢check一次,睇吓佢會唔會大d,自己會生得好d......不過都轉介咗佢去做鞋墊,不過都要8月31至去,睇吓到時整鞋墊定腳套先~~(我就希望係腳套喇~~)

承承媽媽

marie,

我都有想同承少去旅行,不過承爸唔係好願郁,要睇日子,再加上佢又已經做好爸爸,個個月拎3日半day假同承少上學校o既st,所以佢如果一句話拎唔到假去旅行,我都無聲出......(另一個原因係無錢    )

夜片......承少仍未可以甩,就算佢臨瞓有去廁所,半夜都一定要叫佢起身(其實係抱佢去廁所)痾一次,如果唔係都會漏(已經用goodnite片)唉~~~!

依家你地d仔幾點瞓呀?
我因為想承少嚮學校o既晏覺瞓得好d,所以依家一早7:30就叫佢起身,夜晚佢又成日11點幾12點至瞓,真係俾佢激c呀~~

12312

等我上黎又講下,
話說baba 今日生日, 我買了個生日雪糕旦糕要擺落雪櫃, 阿仔見到就話要開雪櫃食旦糕,而且在唱生日歌的時候, 就由阿仔一人獨唱"生日歌" , 在樓下餐听食晚飯, 阿仔還跟"菲律賓另歌手唱歌, 當然只能跟手幾句"亨音"
呢排阿仔能自己獨唱"太陽伯伯, 太陽伯伯,你在邊到, 你在邊到, 快d出來, 快d出來, 卡卡笑, 哈哈笑" (工人姐姐教的)

HeiMarie

承媽,
俊熙都要12點同3/4點去1次! 否則實濕床, e+佢話唔yap片啦! 5舒服wor 慳d片!

通常俊熙知醒更 7點左右起床, 10點左右zzzz

daddy 次次請假同承少做st   

cmaxx

想問下S位的ST 訓練是不是每周只有一次?
謝謝

onalwong

hello 承承媽媽,
我係曦曦爸爸.呀仔剛剛係10號係政府診所(Kwun Tong)做完評估,confirmed佢有自閉症,12號係協康上左一堂(青蔥計劃),呀仔連"比比"都唔識(呀仔22個月喇),    可否分享或者教吓我,點樣plan呀仔日常的訓練,又由什麼開始呢?賓賓照顧呀仔係咪會差D?我倆公婆都唔知點解呀仔會有自閉症    我地應該點面對和點做呢? 可否help me??? thanks

HeiMarie

onalwong,

22個月做

承承媽媽

onalwong,

咁阿仔係spectrum定係confirm自閉症呀?如果佢依家得22個月,除非好serious,如果唔係,醫生多數會話佢係傾向......不過阿仔仲細,想當年我個仔29個月去做評估時都係未識'俾'......   
菲傭湊仔係咪會差d......或者咁講,一般自閉症小朋友有幾方面o既問題要面對:語言發展多數傾向遲緩;情緒問題;常規問題,有部份更加有大肌或小肌發展的問題......如果照顧小朋友身邊的人全都是用單一語言,對於有語言發展障礙的小朋友會有幫助,因為不需要適應兩種語言,再加上有自閉傾向的小朋友對於語言運用及理解一般比正常小朋友弱,如果同時兩種語言就對他們更不容易.
而情緒問題亦是一個很大的問題,如果你仔仔發脾氣扔東西/咬人/打人時,你讓賓賓如何處理(特別只有她單對單照顧他時)?我自己個人覺得這方面的管教,除非是父母和老師,否則其他人很難可以處理的,因為作為管教者,不能因為小朋友有自閉傾向,就任由他發脾氣,而且對a仔來說,使他發脾氣的事多得不得了,就好像你不帶他行他指定的路線,不帶他乘坐他指定的交通工具,甚至著鞋襪不是由右腳著先......都可以是引發他們的脾氣的誘因,試想如果你做賓賓的話,你都恐怕會息事寧人,但我們所學的,是不可以順著他們的偏執去,    若是這樣......究竟尺度如何?
至於如何plan阿仔的日常訓練......,如果評估中心的醫生俾你揀早期訓練或兼收位,我就主張你排入兼收位的全日制幼兒園.因為全日制的幼兒園有很規律的生活,'限時限刻'對自閉傾向的小朋友同類很重要,因為這樣他們會有比較大的安全感.你可以請教一下其他家長,你住的一區附近有沒有兼收位做得較有口碑的幼兒園.承少現在的日常訓練,最主要是針對他最弱的一環來做,就好似他現在很有興趣睇圖書,但他的表達能力十分弱,於是我就選一些很簡單的圖書教他講故事.我個仔未上過幼訓,所以我不能給你任何評價(因為有讚有彈),但你不妨留意一下仔仔上幼訓時,幼兒工作員如何引導他,你在家中也要舉一反三,用他最喜歡的東西去吸引他,做出你要求他做的動作或表示.另外有一點很重要的,有時你不明白治療師為什麼要做訓練的要求,下課後你一定要問清楚治療師要求,因為家長要明白訓練的目標和原因,回家才可以舉一反三的幫助小朋友訓練.就如你所講'俾',承少當初學'俾',都不是一開始就學講'俾',治療師用同一套玩具,先教他學講'波波',之後學伸出手來打開手板,因為治療師說有些表達,他不但要學識語言表達,更要同時學識身體語言的表達,當他學識伸出手板做出'俾'的動作時,他再學講'俾'的.
如果你仔仔在九月未有入讀任何全日制的幼兒園,我覺得你不妨可以繼續參加青葱的幼訓.另外要幫他找的,就一定要語言治療,因為語言治療是幫助他學習理解與表達的.如果有任何一間全日制幼兒園肯收你仔仔的話,最好九月足兩歲就讓他入學.

承承媽媽

onalwong,

至於仔仔點解有自閉傾向......依家有部份講法話係遺傳有影響,所以我成日話阿仔見言語治療師時我地好賺o架,因為治療師做training做兩個(阿仔同阿爸)  :  :  : joking only
依家都未有report可以講詳細解釋點解會有自閉傾向,但向積極面去睇,起碼你地知道仔仔在哪方面有發展障礙,你們可以向哪方面找尋幫助.我們常說:生養教育孩子不會沒困難的,不是現在的困難,就可能是另一種問題,就好像我有朋友的兒子沒有自閉傾向,卻有血癌,另一個朋友的兒子就脾臟過大,另一個朋友的兒子有一個腎臟只有10%功用,終身就靠另一個得90%功能的腎.......又或者從小乖巧聽話,卻到了十二三歲就反叛得不得了,罵又不聽,勸也不受的也有......所以我自己常存一種心態,就是我盡我能盡的力去幫助他,不論是時間或是金錢,趁他現在還細,仍肯受父母影響的時候去幫助他.

nonomama

承承媽媽及各位媽媽,
  我經常看這版吸收你們的經驗和意見, 看到你們可以互相支持和分享, 雖然我初到貴境, 但很感到你們一定很明白我的心情.
  我最近有一個疑問, 我亞仔現在21個, 依家做左兩個月幼訓 (仍等緊政府做評估), 其實佢進步左好多, 例如, 眼神接觸多左, 識得眼,口,鼻..開始會搵其他小朋友玩, 不過他要人地坐低, 坐低後又只有自己玩, 但又唔比人走), 另外, 當我奴鬧佢做錯野時, 佢就笑    點解呢 ?? 你們可否幫幫我呀 !!

nonomama

gigi2

When you scold the kid, the kid gives a smile return that it might be:

1) the kid really does not understand the emotions, which is, he does not know you are scolding him.

2) the kid undestands that you are scolding him but he wants to cheer you up or round the case by a smile.  He wants you to forgive him and let the things go.

When my girl was small, the teachers told me she was the case (1) but  I did not think so.  Later on, the teachers also find that she is the case (2) and sometimes she will deliberate to challenge their bottom lines.

As what you said, your son got improvement in all areas that you already are on the right track to help him.  Keep Up!!

llcathy2004

各位媽咪,想問有自閉傾向經訓練後會唔會無左呢個傾向架?
健康院醫生懷疑我2歲囝囝有自閉傾向,要排評估,我好擔心,又認識唔多.佢語言理解溝通能力得18個月,由於佢唔理人講野唔聽指示少望人,佢而家都係講啲單字，醫生話佢講果啲多數係動詞同物品唔叫人名，似乎鍾意物件多過鍾意人.
不過我啲屋企人都話覺得佢唔似自閉症?其實我都唔係好覺,但比醫生咁講,我諗諗下呢樣又似係果樣又好中咁...（脾氣大,難以入睡,唔鍾意人掂佢,佢最大問題係唔應人，叫佢當聽唔到咁，點樣可以訓練佢望/應人呢?）
佢落公園好鍾意追住啲小朋友一齊玩,人地做咩佢又做咩.佢鍾意我地注意佢,由其是佢學緊電視啲人嘅動作表情時/跳舞時.佢好蠱惑,想食我地啲野時/激嬲我地時會對住我地笑同整啲古怪表情出黎.佢好識睇人眉頭眼額同揀人黎蝦(婆婆最縱佢,佢對住婆婆就最扭計).
你地覺得佢係自閉傾向嘅機會大嗎?  
:cry:

pearlypig

其實我地係界定唔到佢唔係自卑証，　我個女兒３歲幾４歲個陣見過藍田尢得兒童智研中心，　都話女兒無自閉傾向或自閉症，只是話佢有語言障礙及發展遲緩，　只是建議佢讀普通幼稚園及輪侯早期訓練．　到有位做早期訓練大約做咗９個月再去藍田尢得兒童智研中心，佢test 咗就話佢係border line. 可以継續讀普通幼稚園或輪侯I位，　等咗一年有位了便入讀I位．　但都未發覺佢係自閉症，　到小一自行收生後教統局做小一學前評估，　個臨床心理學家見咗我個女兒，　發覺佢有ｄ特別，　跟住再約時間見佢，　佢話懷疑女兒有自閉症，　再幫我轉介去瑪麗見兒童精神病科醫生，個醫生確診話我個女兒有自閉症．　現在已見過精神科醫生兩次了．　　
我建議你都要盡早帶囝囝見醫生．

hinhinmummy

其實係吾係自閉症傾向, 都吾緊要, 目前最重要的係, 針對佢的弱點, 去加強訓練

如果想個小朋友對你叫佢有反應, 你拿d佢最鍾意的食物/玩具, 你叫佢個名, 佢轉頭望你, or應你, 自比佢

當然, 初時佢一定無反應, 甘你搵佢daddy, 當你叫小朋友名時, daddy就將個小朋友個頭轉向你, 甘你就比食物/玩具佢, 久而久之, 佢會知道, 原來應人有野食/玩具, 甘就會有反應

llcathy2004

hinhinmummy,唔該晒,我會用你個方法教佢,希望得啦.
pearlypig,好多謝你嘅分享,咁我真係有排擔心啦. :cry:
我應該會同佢見下醫生(唔等政府啦),諗緊見邊種.好似好多收費唔同,千幾至幾千都有,唔知點揀呢?

hinhinmummy

llcathy2004

你自己搵醫生做評估, 要小心d, 因為如果不幸地小朋友真係有自閉症傾向的話, 要排政府的service, 吾係所有醫生的report都有效, 可以去排隊, 好似早期訓練 or i位甘

我建議你, 不如去左協康做左評估先, 看下有乜野弱項, 可以一邊等政府醫生做評估, 一邊做training

因為我都試過去養和做評估, 都好貴, 成萬元, 如果可以行返轉頭, 我寧願拿果1萬元去做training

岩岩有人pm我, 話我介紹的醫生吾係甘好, 所以delete左...........

稚言治語

其實除了醫生，也可以找臨床心理學家或教育心理學家做評估。據我所知，有部分私人執業的心理學家會替小朋友填form 2，讓家長自行拿到社署找社工排早期訓練/I位/S位等服務。

llcathy2004 寫道:
我應該會同佢見下醫生(唔等政府啦),諗緊見邊種.好似好多收費唔同,千幾至幾千都有,唔知點揀呢?

稚言治語

據一些研究顯示，輕微的自閉症或亞氏保加症在早期沒有明顯徵狀。在小學階段才"發現"並不罕見，也並不一定是尤德的醫生疏忽所致。

pearlypig 寫道:
我個女兒３歲幾４歲個陣見過藍田尢得兒童智研中心，　都話女兒無自閉傾向或自閉症，只是話佢有語言障礙及發展遲緩，....
個醫生確診話我個女兒有自閉症．

稚言治語

自閉症是一個spectrum disorder，顧名思義，就好像光譜一樣。你有沒有試過從光譜中分辨紅色和橙色？有的話，你可能會同意，要找出明顯的分界線幾乎是不可能的。

同樣，自閉症的"徵狀"因人而異。而且要診斷是否自閉症，看的是quality而不是quantity，即並不是因為某些行為出現了(例如：鸚鵡式學舌)，或者沒有出現某些行為(例如：別人叫他名字，他不會回應)而決定(出現與否屬quantity)，而是要看這些行為的質素。所以，必須經由有經驗的專家，透過長時間的觀察和使用有效的評估工具才能診斷。

llcathy2004 寫道:
你地覺得佢係自閉傾向嘅機會大嗎?