家有自閉傾向的小朋友......

承承媽媽

marie,

如果你想買oxford reading tree,其實去'箱無'同'大種'都有,不過佢地賣o個套係香港o既oxford印,改咗少少,最初o個幾個level都會一樣,聽聞唔知第五定第六個level,hk oxford o個套就改過d tense,因為香港d細路無咁早學past tense.青田o個套就原裝英國版,不過就無cd聽.

另外上次我去開旺角o既榆林,見到有一套3本thomas o既圖書,好似一套45左右(特價),有兩套,我都買咗,我睇過,都唔係深o既~~每頁都係一句o架咋!

jennyho

各位：

實在太耐無上黎啦，因為個仔病左，斷斷續續都幾個月啦，而且９９又成日比壓力我，心情真係幾差架，不過而家好番好多了，可能有好消息既關係罷．

轉轉折折，我個仔係今年八月，可以係佢而家番緊個間幼兒園度讀ｉ位啦，希望佢可以適應到啦！

另外，想問下各位，而家我個仔係恊康上緊單對單既綜合訓練，同埋痙攣恊會既言語（就完），唔知係開學之後，仲需唔需要上呢兩種訓練呢？


承媽：

你係咪講過呢度有，唔記得係兩個定三個小朋友，都係在樂富個間痙攣恊會度上言語治療既，而且仲係同一個姑娘添，咁個姑娘係咪姓李架？我個仔個個就係啦，但我就覺得麻麻地！

HeiMarie

承媽,

我今曰去

12312

Jennyho:
承ma, & 我 & 另一mama 的小朋友的樂富 st 已經被調去另一中心, 新 黎st 因只上了一堂, 祥情暫未知夾吾夾. (新 st, 舊st 都不是姓"李")

jennyho

12312,

其實唔知係我自己唔識野丫又或者心急,痙攣恊會個度,一共係要上九堂,而家都上左七堂,但我覺得每一堂都係差唔多,只不過係用既玩具唔同罷了,每一次都係問你要唔要呀?擺唔擺呀?入唔入呀?切唔切呀(生果)?禁唔禁呀?等等(我個仔係識講以上既字),基本上每一堂也是一樣,而且又連續兩三堂,都係囉個飯煲出黎,叫佢切完d食物放入個煲度煮,唔好話要上堂個個丫,就連我都覺得悶呀,同我係恊康上個兩堂,實在差得大遠刺.所以上埋呢兩堂,我都係轉去第二間好了,咁就$4100啦,連埋評估!

              

Chr336

Hi承承媽,
承承有冇返学啞?星期三只有璟熙和令一個同学返学,今天老師打電話比我話那個同学中招,我擔心熙熙有事,又唔知比唔比佢返学?

                                                                  

承承媽媽

chr336,

我就覺得都唔擔心得咁多~~咪留意吓阿仔d手腳有無出皮膚紅疹/水泡,口有無生飛滋喇~!同埋阿Q d講句,如果係中咗,依家都潛伏緊啦!你留意吓熙熙呢兩日如何啦!
下個禮拜一我一定俾承少返學o架喇~~!因為佢都停咗太耐課,佢同我都有d頂唔住大家啦!

承承媽媽

jennyho,

所以我都同好多人講過,st同小朋友,甚至家長夾唔夾,都好睇大家o既互動.老實講,承少當初都係要唔要/講:俾/切唔切......都差不多學咗5-6堂,仲要我日日都嚮屋企用佢最like o既o野去引佢講,佢至有少少明顯o既進步.(未計承少當時已經返咗半年全日制o既幼兒園)
不過如果語言發展明顯遲咗o既仔,上言語治療,又真係要耐d至攪得好d,因為佢開聲之前,最重要係佢明唔明語言所表達的意思.
如果你覺得st教你仔仔同一樣o野教咗很多節,你可以問她為何要上這麼久?你作為家長,如果有甚麼不明白的,我都覺得你不妨向治療師查詢,好過一味靠估呀~~!因為我都試過有一次不太認同st某一論點,我亦向她提出討論,以致大家都能有更好的互動,大家都可以找到教小朋友的更好方法.至於連續幾次都教相似的東西,我想是st可能覺得仔仔的表示未夠清晰,所以多做幾次,希望他能鞏固所學到的呢!因為承少呢期都學緊向別人借工具,借到我都幾悶,但事實上要佢開聲問人借o野又真係唔易,所以都無辦法.(承少呢期o既training task係希望佢主動問人借o野---最難係要佢主動問,所以堂st要幾悶有幾悶~~)
可能你已經決定不再繼續痙攣的st服務,我亦覺得無可厚非,但到入 i 位的時候,我就覺得你需要學一學多些發問,不論是對於老師或治療師.因為你向她們查詢,至少她們會知道你不明白甚麼,你不問,她們就會以為你明白的了.

承承媽媽

marie,

整乜你打d字,有d居然唔見咗,攪到睇你d o野,到喉唔到肺.
好似你話去青田,買咗ORT level2,3之外,都唔知你買咗乜色......真係睇到     

你阿仔學校個ot係唔係林姑娘呀?
承少學校o個個,我就見過兩次,第一同第二次佢都俾到好多advice俾我,又教我點同承少玩,都幾好o架!
阿Q d都要o架啦!好似承少咁,佢都無上ot training o架!我都係諗我可以煩少樣o野嚟自我安慰o架!

你問吓chr336,佢真係煩晒3t,我估佢如果阿仔做少一t佢都願.

承承媽媽

各位,

呢兩日開始見番伯伯,高唔高興呀?有無出街玩呢?

承少呢3日都幾好節目呀~~!     
禮拜四---我同承少同埋同學仔去咗何文田體育館個遊戲室,玩咗2個鐘,d細路不知幾興奮.
禮拜五---老公放假,同我一齊帶仔去睇骨科(睇承少對腳),之後見出晒太陽,於是即刻同承少食飯,之後返屋企拎泳衣去何文田個泳池玩水,今次承少無再呱呱叫啦!不過佢最初都好怕條滑梯,俾我捉住佢一齊溜咗幾次,佢至好d,不過都唔係咁夠膽玩.就係咁玩吓玩吓,就玩咗2個幾鐘喇~~!跟手返嫲嫲屋企食飯......
禮拜六---承少一早起身見到伯伯,就同我講:可以去海洋公園搭吊車喇~~!    見佢咁興奮,於是我都唔好意思推佢,自己一條友帶佢去海洋公園搭吊車,睇水母,坐吓滑浪飛船,12點幾走人.(怕下午太曬,曬到我出雀班就唔好喇~~!)   

HeiMarie

承媽,

我用手寫板,有時d字係英文腦出唔到!
我買o既係ort 3&4 至真, 但發覺深

Chr336

各位,
承承媽講得好啱,如果可以做小一0樣我都話好,因我要返工,每個星期耍做PT,ST而兩個星期就做OT,宜家每個星期仲要去油麻地見姑娘,你地話死未

承承媽媽

Chr336,

八卦見你問阿生爸爸點可以令阿仔個頭唔怕水,我呢樹答你:至少你嚮屋企用花洒幫佢洗頭時佢都無反抗,你至再問呢條問題啦!
再者,因為我以前有個學生都係游泳教練,我有問過佢:d細路幾時至適合學游水?佢話:最好起碼有5-6歲,因為講o野佢聽佢會聽得明,同埋會無咁怕水,太細俾佢去學,佢地跟本都仲係怕水,次次變咗親子泳班,只會係浪費金錢,不如你得閒帶佢去玩吓水,等佢玩到唔怕至再學就會好d.

承承媽媽

marie,

咁我阿仔學校o個個,同俊熙學校o個個ot唔係同一個啦!

oh~~!另外,你有無報到 i 位o個d講座呀?
我報咗6月20日嚮中央屠豬管o個個思維解讀,因為承少依家嚮痙攣o個邊個st教緊呢方面o既o野,所以我都去八吓係咩o野料先......

乜背肌又同講o野有關咩?    咁等我又幫承少做吓先~~!

jennyho

承媽：

其實我都有同個ｓｔ講過架，我話其實亞仔係明白，同識得講出佢所教既單字，但講完之後，佢比我既感覺係，好似我係度challenge佢咁，我又唔想攪到咁（薑），所以咪咁囉，另外唔知係ｉ位係咪都有齊三師架？

hinhinmummy

承承媽媽 寫道:
Chr336,

八卦見你問阿生爸爸點可以令阿仔個頭唔怕水,我呢樹答你:至少你嚮屋企用花洒幫佢洗頭時佢都無反抗,你至再問呢條問題啦!
再者,因為我以前有個學生都係游泳教練,我有問過佢:d細路幾時至適合學游水?佢話:最好起碼有5-6歲,因為講o野佢聽佢會聽得明,同埋會無咁怕水,太細俾佢去學,佢地跟本都仲係怕水,次次變咗親子泳班,只會係浪費金錢,不如你得閒帶佢去玩吓水,等佢玩到唔怕至再學就會好d.

承媽

說話又吾係甘講呀, 你吾見d 鬼佬鬼婆, 係佢地d 仔女bb仔的時侯, 就丟佢地d仔落水咩? 因為bb係母體的時侯, 10個月都係水中生活, 佢地習慣左, 如果越細個比佢地學游水, 就算吾係真係學識, 都起碼吾會驚水先, 越大個學, 越怕水

我個女3歲半定4歲的時侯, 已經係南華會學游水啦, 甘可能單對單啦, 佢學得好快wor, 學左大半年, 已經識游蛙式, 識的定義係無任何輔助, 可以係大池游到呢d先叫識

再學多半年, 識自由式tim啦, 吾係一定要等5-6先開始學, 好看個小朋友 & 個教練教得好吾好

承承媽媽

軒媽,

如果照你所講,即係軒軒依家都學識埋游水啦!好叻仔喎!!!      承少最近呢次去泳池玩水,仲要係嚮唔到屁股咁高o既水玩吓玩吓至扮吓游水咋!你阿軒軒跟邊個教練呀?可以令佢咁乖,肯聽話又唔會怕水咁厲害,最緊要係你都唔使跟埋落水,不如介紹吓俾我同chr336都好呀~~!我地兩個仔都4歲啦!要學就要快喇~~!

chr336,

咁可能因為你嚮'史單福'跟class太多人,太多雜聲,影響到璟熙o既情緒呀!或者你學軒媽所講,搵個別教授,甚至叫軒媽介紹佢個女o既教練俾你囉!    諗吓,個教練仲可以身兼pt添,都唔錯喎.抵呀!肯定無一堂pt咁貴添呀~~!

hinhinmummy

承媽

錯wor, 我無比軒軒學swimming wor....................

連講野都未講得好, 我又點會攪甘多野呀 我係講個女者

承承媽媽

呢頁沉到就嚟到底......詐詐帝拖番上嚟先~~~

各位幾好嗎?
各位 i 位家長,又就嚟係拎學校o既評估報告啦~~!緊唔緊張呀?
另外承少學校o既st 已經同佢進行學期尾o既評估,你地做未呀?我都幾擔心承少st個report,因為呢瓣佢最差......     

marie,天,

你地有無叫仔用上次講青田套書仔講故事呀?
我次次教承少講新故事,都教到嘔血,尤其有d我地覺得無難度o既說話,唔知點解佢講極都講唔到......
上次教佢講:......成地都係水......教咗兩個禮拜
今晚教佢講:爸爸放咗工返屋企......佢一時講返咗工,一時又講放咗.......教到我嘔晒血
另一句教咗好耐o既:大o既鞋,同細o既鞋,都o係鞋櫃裡面瞓覺喇.......又係教死我.......教到我'唉唉'聲呀~~~   

tin_tin

承媽,

我呢期超忙呀~~ 日日OT, 星仔又大病, 冇做training好耐啦~~     

早排佢唔多like故事書仔, 一叫佢講佢就話: 媽媽講啦! 我講完再叫佢講佢就bin咀& then 話好tired 啦. 所以我同佢玩排sequence card, matching card 和 what's wrong card. 轉