是否沒有報讀名幼（eg. 學之園）小一面試去唔到熱門名校？

杏仁豆腐

Greylay 發表於 23-3-22 09:37
所以樓主，無論什麼原因都好，唔好為自己決定覺得guilty, 條條大路通羅馬，小朋友只是剛起步，大把發光
...

聽到你講, 我真係好有共鳴
我嘅情況同你差唔多，兩個小朋友都係超細b， 喺學校永遠都係全級最細嗰個。 名幼直頭冇得申請，除非repeat一年， 所以我哋只係屋村券幼。

好同意你從小養成做完功課先可以做其他嘢嘅習慣， 早睡早起真係要堅守，因為有精神上堂先可以容易吸收 (我哋仲誇張, 幼稚園同初小階段八點半就要瞓覺)， 課外活動只係學樂器同打羽毛球。

考小一，神校真係冇能力考到，但有幸三私收咗( 不過上到小學真係超過大半班都係嗰幾間名幼上嚟)， 六年小學生涯都係keep住早睡早起，生活規律嘅習慣，到升中時，四女直同spcc都正取。

兩個小朋友都係一直自己跟， 直至F.4先 去啲補習天王度補習。 自問唔係谷既家長 ，不過我係嚴格嘅， 小學時功課一定要晚飯前做完，不能隔夜; presentation 就算唔計分， 我都要求佢哋認真去做， 因為態度認真呢個training係好重要， 上到中學我已經完全放晒手，so far 學業同課外活動表現都託賴。

fmf903

PeppaMami 發表於 23-3-18 17:34
今年我嘅小朋友面試效果不如人意，係咪當初決定唔去學術型幼稚園是一個錯誤嘅決定呢？
我見到好多名幼畢業 ...

樓主熱門學校是指那間？

Greylay

杏仁豆腐 發表於 23-3-27 14:12
聽到你講, 我真係好有共鳴
我嘅情況同你差唔多，兩個小朋友都係超細b， 喺學校永遠都係全級最細 ...

Wow ! 我覺得我地好似copy 咗你地嘅經歷咁，真係差唔多一模一樣。只係你小朋友同我小朋友各自揀
咗唔同嘅中學。相信佢哋都為自己揀咗最合適嗰間 。同你一樣，我現在已經都係不需要跟阿女學業，因為中學太多嘢，即使想跟都跟唔嚟。
Btw, 我同你想法一致，我哋都係keep 住唔外補。我地都認為到咗中學，如果阿女有需要，佢自己會自動提出外補要求。我估計佢好大機會同你女兒一樣，到S4 ，會自動要求同埋啲同學出去搵專補公開試啲名師攪掂。

所以樓主，向前看，無論你小朋友最後情歸何處，佢自有自己適合嘅路。嘗試從小站在－個「輔助」小朋友嘅角色instead of 「主導」，多觀察佢嘅需要，適時才出手協助，對小朋友自律自主學習嘅成長和父母們嘅透氣空間都有正面幫助。加油加油！

wongkayue

早一兩年，拍片zoom in可能都會睇下讀咩幼稚園做考慮。如果依家正堂覆哂課，回覆實體面試就真係睇小朋友實力多。

nnchung

多多宝 發表於 23-3-19 17:00
熱門學校本身競爭都大，名幼亦唔係個個都可以去到，亦都唔係間間可以入到。如果你只報了熱門學校（eg over ...

你都幾串wo, 我絕對唔認同嗰個家長去唔到2nd in, 係教學上問題， 你所講正常學術， 喺你眼中咩叫正常呢， 呢一刻唔ok , 亦唔代表家長同小朋友有問題， 一生人學習階段咁漫長， 實有低潮期， 咁快否定對方教學方式， 你未免講野太自大左d.

PeppaMami

回覆 fmf903 的帖子

我啲可以報嘅差唔多都報左，係拍片嘅都可以去到下一round，但係次次都係實體面試時就止步。其實經過大家不同角度嘅討論，我反而放低左，小一面試失利，都係好事來嘅，只要我自己清楚小朋友嘅能力，相信佢，走好每一步，一定唔會差。

多多宝

nnchung 發表於 23-3-28 12:43
你都幾串wo, 我絕對唔認同嗰個家長去唔到2nd in, 係教學上問題， 你所講正常學術， 喺你眼中咩叫正常呢，  ...

既然玩考直私遊戲，正常學術當然是指正常學校會考的中英數，中英認讀，20以內加減法，重組句子，圖片描述，呢d大路野咯。如果想考到直私，又花左時間去教小朋友，但係如果最後小朋友掌握唔到，反思一下自己又有何問題呢？我都會經常根據小朋友的吸收情況調整我教她的方法，這個不是否定，是探索。我只是好心分享，不是想抨擊樓主。

nnchung

多多宝 發表於 23-3-28 20:00
既然玩考直私遊戲，正常學術當然是指正常學校會考的中英數，中英認讀，20以內加減法，重組句子，圖片描述 ...

認真講我唔覺得呢d 係正常學術， 其實考小學根本就唔需要考到咁， 佢考唔到， 唔代表嗰個家長教法同埋小朋友問題， 你可以講參與考私小， 就要面對呢d 學術， 但我就絕對唔認同佢教法有問題。 同埋俾小朋友依家識哂呢d , 答得好好又如何， 佢大左一樣識得加減。

fwstides

nnchung 發表於 23-3-28 22:45
認真講我唔覺得呢d 係正常學術， 其實考小學根本就唔需要考到咁， 佢考唔到， 唔代表嗰個家長教法同埋小朋 ...

呢啲嘢小一都會教…名幼提早教為考小，跟住當咗呢啲係基本。事實呢啲嘢的確唔難，劵幼家長有心提早教小朋友都會識，唔識都可以操到識，但有部份家長認為的確無必要，背後亦當然有其原因。別以為小朋友5-6歲識呢啲有幾優秀，考小多offer便自以為家長教得好，劵幼家長/小朋友就係雜牌軍。其實只是岩直私口味，物以類聚而已。

考直私，教極小朋友都唔識呢啲學術，可以係方法問題，但其實簡單啲，會唔會係小朋友嗰個年紀根本未吸收到

fmf903

nnchung 發表於 23-3-28 12:43
你都幾串wo, 我絕對唔認同嗰個家長去唔到2nd in, 係教學上問題， 你所講正常學術， 喺你眼中咩叫正常呢，  ...

無可否認1st in 是揀學術過關的學生，考小真係是鬥叻，做唔到最前500-1000人好難有second in. 未必是教學上出問題，只係超班的人真係好多，自己小朋友會比下去。
家長可能以為80分已經入到下一關，誰知勁多人過90分….無辦法，遊戲就係咁玩。

nnchung

但唔好忘記， 漫漫長路， 依家俾你考到又如何， 即使考到名小又如何？ (emoji)‍♂️

fwstides

fmf903 發表於 23-3-28 23:15
無可否認1st in 是揀學術過關的學生，考小真係是鬥叻，做唔到最前500-1000人好難有second in. 未必是教學 ...

所以大家幼稚園階段就鬥操學術
直私遊戲就係咁玩
認同呢套的自然會落力玩
唔認同就食花生

kimlam953

PeppaMami 發表於 23-3-18 17:34
想知道果啲係名幼畢業然後去到名小嘅小朋友宜家是否學習開心？成績是否都好？

唔係，時移世易，太多私幼或者私幼父母偏重英文，大部分升小後中文都讀得好吃力
相反，卷幼或父母一早重視中文嘅overall 讀得更好

當然，讀書其實更重要嘅係動機，培養到小朋友有動機去學習去研究，比起入讀咩學校更重要。呢啲都係要靠父母多過靠學校。

Driftwoodv

kimlam953 發表於 23-3-29 00:27
唔係，時移世易，太多私幼或者私幼父母偏重英文，大部分升小後中文都讀得好吃力
相反，卷幼或父母一早重視 ...

完全同意培養學習動機最重要。
現時AI已經發展得好快，如果小朋友會自發學習乜野知識都可以搵到 ( 例如用CHAT GPT)。香港課程根本落後歐美很多，只重成績不重視小朋友整體發展。

nnchung

Driftwoodv 發表於 23-3-29 09:34
完全同意培養學習動機最重要。
現時AI已經發展得好快，如果小朋友會自發學習乜野知識都可以搵到 ( 例如用CH ...

絕對係， 死操爛操只會令佢地失去 學習興趣， 呢個世代係應該培養佢地適應力同自學能力多d

PTL_L

PeppaMami 發表於 23-3-18 17:34
今年我嘅小朋友面試效果不如人意，係咪當初決定唔去學術型幼稚園是一個錯誤嘅決定呢？
我見到好多名幼畢業 ...

分享小小經驗，幼稚園對我嚟講，已有一段時間喇，但我兩個，一個係卷幼考小零操練，阿媽零跟進，所以零offer（合理），最後搞珠入地區津，小朋友學習能力算高，好快彈出嚟，再幫佢插名津小，升中去名津中。有咗大既經驗，細既入名私幼，但都係零操練，零跟進面試，但差唔多每間直私都有second in,順利入英私小，今年亦升中，小學階段亦有變化。

兩個小朋友，大既雖然讀卷幼，零直私offer,但直到快高中，成績級頭/前仍然由幼稚園起keep到而家，細既雖然讀私幼，但成績飄忽不定，平平穩穩咁，仍需努力！想表達係，向前看，升小啫，終點起大學，有能力既小朋友唔會因為讀邊類學校就會落後，能力較弱既小朋友亦唔會因為讀邊類學校而保持到升小時優勢。


不過睇到一啲情況係，所謂名幼入到名小既，好多時係超大仔，即所謂年尾出世（早一年9-12月），repeat一年駁入名小，另外，呢類家長好aggressive,返兩間幼稚園或上午返學，下午外補，唔會出聲講㗎，當自己果個日日午睡時，人地已經進補緊，自己問下心，想唔想自己小朋友咁呢？

nnchung

PTL_L 發表於 23-3-29 12:51
分享小小經驗，幼稚園對我嚟講，已有一段時間喇，但我兩個，一個係卷幼考小零操練，阿媽零跟進，所以零off ...

放心， 好多家長都唔會明

nnchung

PTL_L 發表於 23-3-29 12:51
分享小小經驗，幼稚園對我嚟講，已有一段時間喇，但我兩個，一個係卷幼考小零操練，阿媽零跟進，所以零off ...

其實我覺得終點都唔係大學，係出來社會做野先見真章

PTL_L

nnchung 發表於 23-3-29 13:26
其實我覺得終點都唔係大學，係出來社會做野先見真章

咁又另一樣講法喇，個個死爭爛爭入名校，睇中既就係dse 成績同入u 所謂有幾多人入神校，香港神校嚟嚟去去都係果兩三科，多啲都冇，如果小朋友係叻，去邊都跑得出，但我絕對唔會歸功哂學校，學校2成，家庭小朋友能力 5成 ，家庭back up 3成，以個人睇法，學校既幫忙唔會比小朋友自身能力同家庭支援多，其實一句講哂「靠自己」！
但以中學嚟講，學校既氛圍、舊生間既bonding 確實係影響出嚟社會做事既能力同表現，所以成日都講駛咩理人點講，邊間邊間好？最緊要啱自己小朋友就得喇，幼稚園果3年，俾佢哋輕鬆啲啦，漫漫學習長路呀！

Greylay

PTL_L 發表於 23-3-29 12:51
分享小小經驗，幼稚園對我嚟講，已有一段時間喇，但我兩個，一個係卷幼考小零操練，阿媽零跟進，所以零off ...

午睡對幼稚園的小朋友係好寶貴嘅「進補」來的。對小朋友學習好大幫助。