返左2星期學之園。。。

忌廉烏冬

多謝咁多位既回覆同PM，有支持，也有評擊，但無論係支持定批評，我都好好咀嚼同思考，
唔讀都讀左，會抱正面心態，加上呢個階段對小朋友發展好重要，會繼續加強家庭教育。

出此POST唔係要公審唔係要抺黑，只係想就我眼見作出討論，因為好多野我未必睇到，所以先要開POST問大家齊齊討論一下，如果我睇到就覺得係事實，咁我也不需要開POST問大家啦，對嗎？

有人話我之前都係話其他學校唔好，係呀，之前TUTORXXXX PLAYGROUP老師麻麻，好彩出左POST，然後有家長PM同校另一老師俾我，叫我轉班，咁我之後轉左另一班，係3個好好既老師，不過我無講之嘛，好彩出左果個POST囉。
至於N班，最後亦有幸入左間好有愛既學校，因為問題已解決，所以也沒有出POST講，
然而餘下果間兒童xx，就真係中左伏兼我唔係唯一一個，所以一定要講以便大家有個心理準備，

討論區對我黎講，都係對D事情有疑惑，所以先提出討論，
既然之後返既課堂同學校都返得開心，又洗乜再開POST提出討論呢，

回覆番校車嬸嬸果件事，我非常明白校車一條隊普通接送一條隊，我所提出既，係嬸嬸推開普通隊然後攝自己果隊入去，有人話嬸嬸有講唔該，有人話嬸嬸趕時間要體諒，我都明，所以我第一句已經講左係“個別嬸嬸“，大家見到既嬸嬸未必相同，當然我都有遇到有禮貎的嬸嬸，所以都係果句，個別事件囉。

不過，唔想出現罵戰，所以我都唔再就呢個POST再講D咩喇，好多人PM黎鬧我唱衰學校，究竟係討論定唱衰，無謂再爭論，我相信學校正在改善，下次出POST會再話俾大家知學校改善左／我自己睇錯／小朋友開心上學的POST。

P.S. 返學呢段日子，感覺到老師係非常友善及有耐性，而學校既硬件亦相當完善

多謝收看

ylylylyl

忌廉烏冬 發表於 17-8-31 14:46
多謝咁多位既回覆同PM，有支持，也有評擊，但無論係支持定批評，我都好好咀嚼同思考，
唔讀都讀左，會抱正 ...

樓主加油！正面些看，凡事有磨合，才會推動進步。經此一帖文，相信學校也會留意作出改善呢。

孟母3000

supermom1 發表於 17-8-31 11:51
見樓主之前post全部都係投訴唔同學校！好難唔認同閣下是怪獸家長！
坐校巴小朋友因為沒有家長看管所以會優 ...

我有睇樓主舊post，佢complain過兩間學校，如無估錯，一間最後上哂報紙幼稚園要炒人。

另一間我都有上過，認同呢間學校唔好，呢間學校不嬲家長口碑都唔太好。最後我都未上哂堂就quit左。

hedhed

忌廉烏冬 發表於 17-8-28 14:06
之前考慮民生定學之園，民生我預左唔會教佢品德修養，但學之園明明係校長親口同我講過會注重呢樣野，但而 ...

民生好著重公民教育喎⋯⋯

halvard

回覆 忌廉烏冬 的帖子

樓主, 支持你繼續分享所見所聞
我覺得你已經好清楚舉例去表達你既擔憂

每人既立場同前設都唔一樣
無必要太在意 =）

我明白學校都已經辦學7年
學術成績好   表明重視德育
但眼見既細節並未能反映里一環
所以先覺疑惑同失望

日日番學幾個鐘
如果學校真系無視而任由樓主講既情況發生
做家長真系幾擔心
希望經反映後學校情況有所改善，小朋友開心番學

supermom1

回覆 auntie7 的帖子
認同！

ylylylyl

halvard 發表於 17-8-31 16:03
回覆 忌廉烏冬 的帖子

樓主, 支持你繼續分享所見所聞

Well said !  

leowongzone

民生有PN班???

leowongzone

點解樓主會由民生PN轉到LH???
民生有PN班嗎???

吉蒂小豬

leowongzone 發表於 17-8-31 17:19
點解樓主會由民生PN轉到LH???
民生有PN班嗎???

民生冇pn，樓主唔係由民生轉去學之園。
佢之前出過post 話民生call waiting , 民生vs LH, 最後㨂咗LH。
Anyway, 樓主，其實都㨂咗就唔好諗番轉頭，如果發現學校有改善的空間可以試下向學校反映下你的擔憂，可能會有改善，加油呀

nixphoenix

halvard 發表於 17-8-31 16:03
回覆 忌廉烏冬 的帖子

樓主, 支持你繼續分享所見所聞

認同

mimi222shi

呢間學校參觀完後，我地連表都無填
如果執品德禮貌最嚴一定係KⅩ。

pekovian

我小朋友之前都讀LH（唔同樓主同一間），經驗同樓主相反，個個小朋友乖乖排隊拍卡返學，校車小朋友會去隊尾排，老師出門口帶領。家長好自律企埋一邊，只會同仔女揮揮手目送佢地入學校，場面溫馨安靜。小朋友有禮貌，會主動叫人早晨！

樓主你果間好恐怖呀，原來唔同LH係咁大分別！

MrBeast

有fd 幾年前在澳運個間，也對電梯和校車上落有不滿，門口接送也是較混亂，不過我覺得只是小問題

Beautyabimama

pekovian 發表於 17-9-1 01:31
我小朋友之前都讀LH（唔同樓主同一間），經驗同樓主相反，個個小朋友乖乖排隊拍卡返學，校車小朋友會去隊尾 ...

我覚得樓主誇張囉。最初成版投訴，後又只話係校車姨姨。佢將學校歷年的貢獻全推反，但又要堅持係到讀，好茅盾囉。其實佢要轉校，現在都可以找到㗎，再唔係返佢話的愛心pn學校，都一定收番啦，佢個仔又乖又叻。

如果真係差，精明的樓主及其他家長都唔會選擇囉，大家話係唔係。

其實大家想清楚知道，自己去睇下咪知真定假囉。

heha345

。

maomaofafa

sweetbride119 發表於 17-9-1 09:19
謝謝樓主提出學之園返學放學的混亂場面，我們是LH上pg的家長，你所講的嘈吵場面是客觀存在的，有關小朋友 ...

同意
樓主只是分享在校所見問題
他的描述態度語句也可接受
根本沒什麼大不了
每所學校也有不足之處
這也是非常正常的吧
而且也有其他家長同意有這個問題存在
反而某些該校家長對樓主的負面評價反應過激
令人更加反感
希望某些家長控制一下自己的言論
不要動不動話人打手、怪獸、針對性的言論
否則只會令人對貴校感覺負面
同時鼓勵樓主向校方反映問題
希望能作出改善

貝珠

其實校長可以用行政手段去處理，可能校長覺得冇問題

jjkrist

回覆 maomaofafa 的帖子



樓主描述學之園情況客觀公允, 並沒有令人有負面感覺.

反而有些家長不斷批評樓主, 有事只能圍內傾, 討論區不要討論學校任何負面情況, 更令人不安