名幼定附近幼稚園？非常掙扎...

dragonwarrior

原帖由 taktakchichi 於 13-05-29 發表
方便透露你住那一區再跟你分析嗎?

冇所謂!住緊馬鞍山!


不過如果有需要，都可以搬既，為左個B，在所不辭

Ononma

Dragonwarrior,

跟你相反，我最想讀的學校都係 Ma On Shan!

dragonwarrior

原帖由 Ononma 於 13-05-29 發表
Dragonwarrior,

跟你相反，我最想讀的學校都係 Ma On Shan!

really?

可否分享一下!

我本身好馬鞍山，但如果冇較好既學校收我仔，因係十一月細B咁會試搵其他區呢

Ononma

都係超級 Happy school 一間，仲應該有大部份家長不喜歡的 Hea 校。
其實你個仔係細 B, 都考到名校，咁叻仔，吾使喊啦。

樓上D posts 嘅意見吾錯，睇下自己想讀咩類形小學，會容易D決定到。

dragonwarrior

原帖由 Ononma 於 13-05-29 發表
都係超級 Happy school 一間，仲應該有大部份家長不喜歡的 Hea 校。
其實你個仔係細 B, 都考到名校，咁叻仔 ...

Aiya, sorry ar...我仔六個幾月咋未考到學校呀

令你誤解左添!again, sorry...

miss0217

原帖由 dragonwarrior 於 13-05-30 發表
Aiya, sorry ar...我仔六個幾月咋未考到學校呀

令你誤解左添!again, sorry...

樓主，你唔好怪我嚇你，我諗你最好做定功課搵學校同埋有心理準備要BB做大B，因為學校多數先收大B，甚至唔收小B。我亦有朋友（都係住馬鞍山），報10間得三間見，最後得一間有offer。而之前我都講我仔仔係細仔（11年10月尾），報8間得4間見，其中一間係唔見11同12月小B，安排下年至interview（好彩我仔仔早幾日出世）

taktakchichi

dragonwarrior 發表於 13-5-29 14:31
冇所謂!住緊馬鞍山!

你住馬鞍山, 小學校網係89, 中學係屬於沙田網.

如果你唔諗住考小學, 日後你只可以等教育局派下面其中一間官津學校俾你:

http://www.edb.gov.hk/attachment/tc/edu-system/primary-secondary/spa-systems/primary-1-admission/school-lists/2013canet-89.pdf

咁你要諗下, 日後個小朋友讀呢幾間小學你有冇所謂, 如果無, 當然唔駛諗.

另外, 最好再諗一下日後升中

升中派位類似升小一派位, 但學生由呈分試分 Band. 到升中時, 因為要和其他區合併同分 Band, 如果你個小朋友讀緊一間次一級的官津校, 成績如果唔係全級頭10名, 隨時已經變咗做 Band 2 學生.
升中派位係根據學生 Banding 緊派, Band 1 先, 根住 Band 2, 最後 Band 3. 所以如果入唔到 Band 1, 派位機會及選擇又小咗.

當然, Band 1 不等於個學生日後一定好成功, Band 3 亦不等於個學生無用, 但你心中介唔介意自己的小朋友只係 Band 2, 甚至 Band 3?

個人認為, 無論名幼定普通幼稚園, 大多數對小朋友而言, 都是 Happy School, 小朋友都會享受學校裡的生活.
如果發現小朋友不喜歡上學, 並不一定是學校的問題, 反而可能係家長期望的問題.

像你朋友的經驗, 為何他們要小朋友去讀SC英普班? 返學2年才發覺適應有問題這似乎是家長的責任 (因為學校每個學期都會有家長日, 每次中英文老師都會跟家長討論他們在學校見到小朋友的問題和建議家長應該做的事)

讀名幼主要是讓小朋友有較好的競爭力, 可以自己去選擇小一 (考直資/私校), 甚至叩門時也會有點優勢.

都係果句說話: 決定小朋友讀邊類型幼稚園, 請先想清楚日後你期望他讀邊類型小學.

考小一在K2下學期已經開始, 唔會有好多時間同機會俾你中途轉方向.

littlecatmiko

我喜歡活動教學的學校，注重品德培養，要培養小朋友有良好閱讀習慣，有自信、獨立和自己解決問題，我不喜歡太谷太注重學術的學校，尤其話教深一年嗰d, 返學個個都係三個鐘，你自己要取捨。
樓主你bb是細b, 如果你想今年報出年14/15年pn, 你要有心理準備你不會有太多學校選擇，好多學校都係收31/8前出生的小孩，你可能要等多年做大b。
甘細個，返學最好自己接送，他在學校裏自然會學懂自立，你無須要擔心。

Ononma

誤會左潻，見樓主咁擔心以為要現在決定讀邊間。

其實睇返樓主講，搬屋都在所不遲，咁根本吾會存在 「名幼定附近幼稚園」呢個問題，相返，全港九新界以及離島你都可以報讀，只要你喜歡就得啦。讀到邊間，就搬去附近，咩問題都無。

petercck

你家陣唔玩，第日考小學、考中學咪一樣要玩。
天涯海角，沿門托砵，逐間叩門先會知道滋味。

dragonwarrior

原帖由 miss0217 於 13-05-30 發表
樓主，你唔好怪我嚇你，我諗你最好做定功課搵學校同埋有心理準備要BB做大B，因為學校多數先收大B，甚至唔收 ...

多謝你比定D心理準備我呀!

其實我都已經有心理準備，佢可能要做大B，因為都問過附近既KG，我仔要插班，好睇開學後有冇人退學

唉，唔緊要啦，冇學返的話就帶佢返多D playgroup la...好好彩都仲afford得起既

dragonwarrior

原帖由 taktakchichi 於 13-05-30 發表
你住馬鞍山, 小學校網係89, 中學係屬於沙田網.

如果你唔諗住考小學, 日後你只可以等教育局派下面其中一間 ...

多謝你咁詳細既分析!

嘩!乜K2下學期已經開始考小一架啦?!真係太瘋狂啦!咁我而家問定大家既意見，睇黎都係有遲冇早!唔通真係要響懷孕時諗定?!

我有朋友之前仲話我諗多左添!婚都未結原來我唔係咁多餘架咋!

其實我響阿仔個幾月大既時候已經同我的小學老師徵詢過意見，佢當然係神級老師，而家教緊中學啦!我都話明非常掙扎，亦非常佩服老師對兒子升學既看法。他的兩個兒子，現就讀沙田區某所band 1 英中，以老師既能力，即使要讓兒子就讀國際學校也沒問題，要是考神級明校，機會也很大。但他偏偏只讓孩子讀屋企樓下既幼稚園同小學，說是區內不錯既學校。他著重孩子既品德，故十分關注學校既校風，同校長既「質數」！

佢一見D校長，已經知佢地係咪真心錫學生，當然，教育界其實好細，老師人面咁廣，未必一定要見過校長都可能會對佢有所認識。老師最終選了那所中學給兒子，都真係因為知道校長係真心關心學生，亦有能力樹立良好既校風。若果能對一間學校有咁深入既認識，而自己既孩子亦係能力所及，做家長的都真係好安慰了

我聽完佢講，都好希望可以佢咁，不用太趨谷孩子，孩子有快樂既童年之餘，德智體群美都可有均衡既發展!

其實我之所以會掙扎，係因為我認識了一位星媽，都識了十多年，算不上很熟，但自從我有了小朋友後就傾多左好多計。佢女女...點講好呢?簡單介紹，超名幼（由K2開始嗰間），之後神級女小，年年全級第一，而家去左超級國際學校，因朋友不太信任DSE。一個咁叻既孩子，係咪比人谷爆，日日返屋企做功課至深宵，課外活動塞爆時間表呢?事實的確唔係咁。朋友從小培養孩子既品德，亦給予孩子許多學習既機會。一係唔學，一學就要搵最好既老師。雖然係咁，佢都好尊重女女既意願，阿女一句真係唔鐘意學琴，真的讓她放棄。朋友苦心一片同我講，幼稚園都好緊要架!要讀好少少既!

唉...見到人地咁成功，亦咁好心同我分享成功心得，唔通我能夠容許我個仔流住兩行鼻涕，著住開朗褲通山跑咩?!

dragonwarrior

原帖由 taktakchichi 於 13-05-30 發表
你住馬鞍山, 小學校網係89, 中學係屬於沙田網.

如果你唔諗住考小學, 日後你只可以等教育局派下面其中一間 ...

講開banding，已經唔係介唔介意咁簡單，係我基本上好難接受我仔讀中中!（如有小朋友讀band2 and band3 學校既家長，在下冇心冒犯，請見諒）


入大學其次，最緊要校風純樸，仔仔千萬唔好學壞，要救返真係好辛苦


仲記得當年家長晚會，我攜同我爹出席。圍圏坐，班主任先問我地幾個學生，你地認為父母最擔心你既係乜呢?我地幾個都答，學業啦!怕成績退步。輪到家長答，我爹竟說，乜都唔擔心，最怕佢學壞!

真係要到左呢一刻，做左人地既媽媽，先明白我爹當年既想法

dragonwarrior

原帖由 littlecatmiko 於 13-05-30 發表
我喜歡活動教學的學校，注重品德培養，要培養小朋友有良好閱讀習慣，有自信、獨立和自己解決問題，我不喜歡 ...

我都覺得咁細個，自己接送返學放學較好，只怕寵壞了他，又怕他變裙腳仔!如果係女，嗲D都冇問題，但我個係仔黎架，我好想佢tough D

dragonwarrior

原帖由 Ononma 於 13-05-30 發表
誤會左潻，見樓主咁擔心以為要現在決定讀邊間。

其實睇返樓主講，搬屋都在所不遲，咁根本吾會存在 「名幼 ...

我有個好朋友為了女兒，從馬鞍山搬左去港島!好偉大呀!因為我個好朋友仍在沙田區工作!


女孩子好似多D選擇，有較多一條龍女校!男仔就辛苦D啦!


如果我仔真係要響離家較遠的地區讀書，會認真考慮搬家。但現階段仍希望佢能響區內上學，近D四大長老呀!

dragonwarrior

原帖由 petercck 於 13-05-30 發表
你家陣唔玩，第日考小學、考中學咪一樣要玩。
天涯海角，沿門托砵，逐間叩門先會知道滋味。

我唔想逐家叩門呀!

bamalamb

原帖由 miss0217 於 13-05-30 發表
樓主，你唔好怪我嚇你，我諗你最好做定功課搵學校同埋有心理準備要BB做大B，因為學校多數先收大B，甚至唔收 ...

我情況同你一樣，報7間得4間有得in，仲要當中有兩間撞時間，即係得返3間。好彩最後3間都收咗！10月底B真係未必可以等下年做大大B的，好多學校都截到10月31。

taktakchichi

dragonwarrior 發表於 13-5-31 08:11
講開banding，已經唔係介唔介意咁簡單，係我基本上好難接受我仔讀中中!（如有小朋友讀 ...

中中唔一定係唔好, 好似培正, 金文泰, 香島, 呢D都係 Band 1 中中, 培正學生仲係第一年新高中試中文成績最好嗰批.

官津小學因為收生自主權有限 (只有叩門時才有自主權), 學生質素可以好參差.
直資和私立小學因為要通過面試甚至筆試, 最後取錄的學生的水平會較接近, 如學術能力太低, 品德較有問題的通常都會被淘汰, 所以咁多家長係升小一時去考直資/私校.

但要考直資/私校, 就要從幼稚園起開始努力.
好彩的話, 能在幼稚園入讀和"龍校"相關的幼稚園, 就更加安心了 (如培正, 基本上小學係收番所有幼稚園學生, 又有直屬中學).

如果真的考慮搬, 但又唔係一定要target嗰D所謂"神校" (其實好多神校已經轉咗做直資或者私校), 其實沙田, 大圍也有不少好的官津校, 如呂明才, 沙田官立, 不一定要去龍城區(九龍塘)或香港島.

miss0217

bamalamb 發表於 13-5-31 09:04
我情況同你一樣，報7間得4間有得in，仲要當中有兩間撞時間，即係得返3間。好彩最後3間都收咗！10月底B真係 ...

無錯, 有時覺得最唔底係10月, 講真11, 12月我都仲可以話留下年做大b, 但10月底, 表現未必夠大b之餘, 仲要未必做到超大b....

mamath

dragonwarrior 發表於 13-5-31 07:59
多謝你咁詳細既分析!

嘩!乜K2下學期已經開始考小一架啦?!真係太瘋狂啦!咁我而家問定大家 ...

你老師的case和大家不同. 她是教師, 將來子女都易入自己教的津校, 根本不用在幼稚園時谷