發展遲緩B媽媽(part 1)

urme1997

原帖由 valmom 於 09-4-23 22:23 發表
urme1997 and other moms,
我個女都係成26個月先可以自己唔扶野企1分鐘~~成19個月先識爬~~ 慢慢來~~~~ 我條頸都已經可以去長頸族度比試一下架喇~~ 呵呵~~~ 18個月個陣因為連爬都唔識, 我依家去覆診係見兒科入面既腦 ...

verdana
e....你囡囡都係入石圍角中心呀? 我囡囡都係喎

be

仔仔在上星期內一連做了3次綜合評估,私人、協康、cac,
協康和cac只是簡單的評估,但所評的範疇都是相似的.
結果也很有趣
私人:認為仔仔的delay情況嚴重,13個月大卻只有6-9   個月的水平,要排s位
協康:也是整體delay,但也接近12個月大
cac姑娘：只有站立一環不合格,其他沒有問題

究竟哪個最可信??

siukei17

仔仔終於開左學讀K1..
我4月至8月期間比佢返N班
返左2星期已經見到有好明顯既進步...
原本我唸住今年排S位排得黎都要出年先有位...
點知佢真係今年就有位....
經過一輪爭扎之後...我放棄左S位....
就如我之前講....BB最差最令我擔心既係語言同情緒控制...至於專注力....我發現只要有個佢好LIKE既目標,佢會好好多...
就好似最近買左過THOMAS玩具比佢,佢勁LIKE...
依家我每同佢做TRAIN之前,我都要同佢DEAL..做完先有得玩半個鍾...
咁佢就好快好快咁完成我要佢做既野...
連之前就算打佢都唔願意做既配對佢都做得快恨準... 而講野方面,佢依家都開始學講有意思既單音...EX飲,月(月亮),B(會飛既野).....仲有好味
亦開始會望下我地個口講野...佢學講野既動機明顯左...
亦都開始願意坐定定畫線同連線....


但依家返到K1,我又開始擔心佢好多野.....
又擔心佢跟唔到,又擔心因為佢遲緩同唔識講野會令到老師唔LIKE佢.....
始終佢常規方面都比較差...上堂又會大叫....讀N班時就時不時都會比人投訴佢整估同學....
最衰就真係咁大個都仲會訓地下...

其實我覺得喱間學校對阿仔黎講學既野會深...亦未必啱阿仔讀....但我老公堅持要比佢試左先...唔得先轉返去其他學校.......

我同老公講阿仔既問題..佢就一味同我會追得返...我成日唸如果追唔返...OR佢到4歲幾K2時都真係仲講BB話點算???

我依家好似用阿仔條路黎做賭博...

我係女仔

原帖由 siukei17 於 09-9-5 13:13 發表
仔仔終於開左學讀K1..
我4月至8月期間比佢返N班
返左2星期已經見到有好明顯既進步...
原本我唸住今年排S位排得黎都要出年先有位...
點知佢真係今年就有位....
經過一輪爭扎之後...我放棄左S位....
就如我之前講....B ...

我都好想比BB試下返N1, 睇下情況點先決定,話唔定有好大既轉變, 最多搵比較淺既幼稚園比佢, 讀左先算, 追唔到咪讀返S位, 但一入就S位, 我驚自己後悔, 萬一佢真係幼稚園度無問題既, 咁我一定後悔, 最多咪比佢出去訓練下, 所以真係想比佢試下

siukei17

其實我仔仔一路都返緊訓練中心架啦...
年頭時評估佢語言同認知得2歲左右(佢依家3歲半)
其實我自己都心大心細,又好似你咁唸,可能佢都得呢...
加上我自己去過特殊中心睇,同埋上過佢星期六既興趣班,
我又覺得阿仔又未去到一定要入去...
上次同心理e生傾開阿仔既問題,心理e生就話如果係唸住谷阿仔一定要追返人地既level,咁就可以入s位...佢話阿仔喱d咁既情況多數一年就會掉返出黎....同埋佢串左我一句...s位唔係幫你教仔架..... (當時社工都向度聽住...佢都打個突....)

我又唔想佢入s位...但又怕佢返主流其他老師or同學會唔like佢....唉..有時都唔知自己想點.....
到依家開左學...我真係唯有見行見步....
睇過下依家間學校d書,都好似幾深下咁...唯有自己向屋企同阿仔做多d ...希望佢同同學仔唔好差咁遠....

原帖由 我係女仔 於 09-9-5 21:23 發表


我都好想比BB試下返N1, 睇下情況點先決定,話唔定有好大既轉變, 最多搵比較淺既幼稚園比佢, 讀左先算, 追唔到咪讀返S位, 但一入就S位, 我驚自己後悔, 萬一佢真係幼稚園度無問題既, 咁我一定後悔, 最多咪比佢出去訓 ...

siukei17

其實早d比小朋友返學好d...
我仔仔得2歲時第一次做評估已經建議佢早d入學...
當時佢只係比人慢半年...
不過個時又唔想佢咁快返學...
到今年3月先決定比佢入學...但佢發展已經係比人遲左年半....

返學真係會學野快好多....

原帖由 我係女仔 於 09-9-5 21:23 發表


我都好想比BB試下返N1, 睇下情況點先決定,話唔定有好大既轉變, 最多搵比較淺既幼稚園比佢, 讀左先算, 追唔到咪讀返S位, 但一入就S位, 我驚自己後悔, 萬一佢真係幼稚園度無問題既, 咁我一定後悔, 最多咪比佢出去訓 ...

我係女仔

原帖由 siukei17 於 09-9-5 22:54 發表
其實早d比小朋友返學好d...
我仔仔得2歲時第一次做評估已經建議佢早d入學...
當時佢只係比人慢半年...
不過個時又唔想佢咁快返學...
到今年3月先決定比佢入學...但佢發展已經係比人遲左年半....

返學真係會學野快好 ...

你住邊架, 係咪全職媽咪, 可唔可以得閒交流下
msn: [email protected]

siukei17

我住屯門架,住職媽咪~~
我add左你啦~~

原帖由 我係女仔 於 09-9-6 00:26 發表

你住邊架, 係咪全職媽咪, 可唔可以得閒交流下
msn: [email protected]

kennistong

Dear all

有時唔知自己有冇選錯, 前幾日去joyful 接囝囝放學(暑假班), 見到一個家長係我上年11 月囝囝入學時認既, 傾左幾句, 佢小朋友係joyful 返左一年小努苗, 佢小朋友已經係完全catch up 返, 九月份返k1, 經CAC 再評估后, 唔再需要I 位同s位, 只係需要半年e位再觀察.  我依家想返轉頭, 如果我唔比小朋友由n1開始就去I 位, 留返係joyful……… 到今年九月先上k1, 我囝囝會唔會都可以完全catch up??

囝囝已經返左學兩日, 有d 唔習慣, 一來學校大裝修過, 二來係老師 好多都唔同左, 學生同老師 都要去習慣. 連ST 都換左人. 今年k1, 囝囝換左個新既班主任, 我佢講左兩句<via 電話>, 又係新來的老師, 仲有d 口音tim, 有d 擔心.

另外, 學校返左學都冇training 做, 要until d 評估做完先可以開工, 我問左兼收組老師, 要10月頭先有training………………….. 真係浪費時間.

urme1997

今日囡囡去威院做物理治療, 治療師幫囡囡做左個評估, 結果囡囡只達到1歲體能, 我聽到真係好唔開心, 因為囡囡快2歲了

annaanna

揀o岩揀錯冇人會知，每個小朋友都唔一樣，就算input一樣，吸收每個人都唔一樣﹗
唔好睇以前，最緊要依家盡量搵d 適合o既比小朋友啦﹗向前看嘛﹗
學校10月開始有training已經唔差，之前阿仔間s位，開始成個月後先評估，個幾月先開始有training咪又係咁衰....

原帖由 kennistong 於 09-9-9 16:57 發表
Dear all

有時唔知自己有冇選錯, 前幾日去joyful 接囝囝放學(暑假班), 見到一個家長係我上年11 月囝囝入學時認既, 傾左幾句, 佢小朋友係joyful 返左一年小努苗, 佢小朋友已經係完全catch up 返, 九月份返k1, 經CAC  ...

slh

Hi~

好耐冇上黎bk, 因為湊呀囡的太太, 整親隻手, 可能要休息3個月~ 之前好在有姨媽幫手, 但係我都要早d放工趕返屋企同呀囡食飯同沖涼~ 真係忙死人~

呀囡都係9月1日上堂, 初時我同老公都諗住佢會唔習慣, 但老師呢幾日有打比我地, 話佢冇扭計同一返學就記得老師d名~ (但係講得唔正).  因為頭2個星期仲係做緊評估, 要下星期先有個別的ST 同治療上. 下星期開始亦開始有游水堂上.  

不過你地講得啱, 唔知點解放完暑假d老師同姐姐都轉咗組, 跟開呀囡d姐姐同老師都轉了去第二組, 不過好彩而家佢過老師以前都有幫手証堂, 呀囡都幾跟佢.

valmom

可能阿女係落後得比較多, 我根本冇諗過佢入一般既幼稚園既可能性, 因為佢再學得快, 始終係慢人成年, 肢體方面又未發展得好好, 人地收佢讀, 自己都要同阿女跟得好辛苦. 所以好早我都決定入S位, 係S位度做密集訓練. 跟到先再轉出黎.

本來我都有擔心主流學校同同學會點睇阿女曾經讀邊間幼兒中心. 不過, 與其擔心呢D, 不如教阿女點去面對自己係同人地唔同好過. 事實, 阿女真係同其他小朋友唔同. 無必要要去隱瞞或者覺得唔好. 如果我地作為阿媽都唔敢面對小朋友係有唔同, 小朋友將來會點面對呢?

無論揀左咩都好, 小朋友都係需要我地支持佢行呢條路. 冇人會知如果當初唔咁揀佢既前路會係點... 呢個世界都冇咁多如果喇. 所以之前位媽媽講得好岩. 過左去既唔好再諗, 諗左都改變唔到已經發生既事.

至於換左老師.... 呢個間間學校都會發生. 係小朋友必然要學習面對既事. 回想我地以前讀書個年代都係咁~

so far我都真係幾滿意阿女間幼兒中心. 班主任間中就會打俾我, 話俾我知阿女既近況. 阿女依家認知方面快左D, 又肯跟人講野. 我同屋企人都覺得阿女又多左進步.

kennistong

Dear all
Thanks for your supporting!
一時之間見囝囝最近既步伐慢左, 見人地小朋友有咁好既成績, 不禁有d 不是知味. 唔係想比較, 只係想想, 是不是現有的training 不足.   至於換左老師 我都預左, 不過, 學校行政上一向都安排待唔太好, 透明度又唔多. 令我又覺得唔好點好.

囝囝依家1至5係返學, 一星期一次去做PT + OT, weekend 有 密集training 小組(PST,OT, ST), 大家覺得夠嗎?? ST 唔知加唔加好, 因為學校其實一個月都有3次ST, 最想係搵個好既OT 去解決囝囝搖身既問題.

你地有冇試過臚胝骨??   我又想try try.

Volmom
見你講亞囡有進步, 所有既付出都係值得拉!!!

[ 本帖最後由 kennistong 於 09-9-10 23:38 編輯 ]

weiwai

dear all
剛剛在cac做左評估, 結果令我又驚又喜

喜的是, e生評估左個幾鍾, 話呀女的智能非常正常, 己追上同齡小朋友

驚 : e生竟然話呀女的體能也與年齡相符??!
學校每個老師、e位的pt及我, 也説呀女大肌還爭幾個月能力.......只有cac e生話正確。鬼咩, 淨係叫呀女行幾級樓梯, 同踢幾下波, 做倒就話正常! 真馬虎
再見到樓上有mami話做過3處評估, 只有cac話正常!!!
唉..............
好彩佢冇cut我個e位姐

p.s. 語言仍稍遜於正常小朋友

[ 本帖最後由 weiwai 於 09-9-10 13:02 編輯 ]

我係女仔

原帖由 ck2005ml 於 09-9-10 15:04 發表
今天囡囡去協康做小肌肉評估, 慢了九個.  ot 話佢太少stimulation和生活體驗. 要每個星期做訓練.  我已看開一點了.  我會加油, 希望她會進步.  早上和下午叫工人帶她去公園玩.  學其他小朋友笑.  現在,她開心了好 ...

點解要做單方面評估既, 小肌肉評估..

咁綜合評估係仲咩架?定做完綜合先做小肌肉評估架?

[ 本帖最後由 我係女仔 於 09-9-10 16:50 編輯 ]

cecilau

講真, 以你的仔的情況來講, 讀s位係最好的, 而家你仔仔返普通k1, 可能真係會浪費呢一年的時間, 因為佢返學都會係dreaming 個隻呀.

我仔仔都係3歲半, 係s位讀左一年, 講野都開始有sentence 呀. 情緒, 專注力都比你仔仔好呀, 而家仲留係s位呀. s位老師的訓練真係十分足夠, 一定唔會俾小朋友dreaming 呀.

如有得罪, 請見諒, 只係害怕你浪費仔仔的時間呀.

原帖由 siukei17 於 09-9-5 13:13 發表
仔仔終於開左學讀K1..
我4月至8月期間比佢返N班
返左2星期已經見到有好明顯既進步...
原本我唸住今年排S位排得黎都要出年先有位...
點知佢真係今年就有位....
經過一輪爭扎之後...我放棄左S位....
就如我之前講....B ...

urme1997

原帖由 kennistong 於 09-9-10 10:07 發表
Dear all
Thanks for your supporting!
一時之間見囝囝最近既步伐慢左, 見人地小朋友有咁好既成績, 不禁有d 不是知味. 唔係想比較, 只係想想, 是不是現有的training 不足.   至於換左老師 我都預左, 不過, 學校行政 ...

請問臚胝骨是什麼 ??? 你囝囝除了返學, 還有私人上ot & pt嗎? 我囡囡快入s位, 唔知我是否需要搵私人訓練下呢?各位可否比d意見?

valmom

阿女已經開始讀S位. 不過私家既3T我依家只係暫停左OT.. 原因係時間唔夾.

ST個個係朋友黎, 佢又好錫我個女, 所以唔會停, 而且阿女係呢方面真係差得好緊要...

PT個個係朋友介紹, 成個centre d姑娘, 同佢有D客都又係好錫阿女. 阿女係某D關節同某D肌肉都係比同齡小朋友或者能力相近既小朋友近. 即係佢依家岩岩學行, 我當佢係1歲鬆D.. 佢都係比1歲鬆D既差D..

OT個個係排協康會既青蔥計劃. 本來跟開個姑娘好好, 都係好錫阿女, 只係佢得番平日阿女放左學既時間. 但係依家阿女放左學其實都好累. 叫佢係屋企玩下都仲可以, 要佢再集中精神做多50分鐘training, 實在負荷唔黎.. 所以要改星期六.. 不過, 星期六係黃金時間, 我估冇咁快排到. 唯有靠學校喇... 好彩S位學校都好多細節上係著重感統既問題, 又會訓練自理能力, 所以冇咁擔心...

我覺得返左S位之後繼唔繼續私人訓練都好睇時間上係咪配合得到, 同埋小朋友有冇咁既需要. 有時over左training係會有反效果.