05年入讀主流小學的障礙兒童家長~請進!!

bandband

STELLA,

我都成日緊張啦!無嘢既!下次俾你笑番我喇!

不過今日同你一齊响圖書館睇書,我覺得你都好好心機咁同個仔講故事,不過我都FEEL到你係有啲緊張既...正常既!只要囝囝仲有興趣去圖書館,相信唔會有咩問題...之前我仲心急過你啦,咪搞到個仔之前有啲怕咗去圖書館,搞到我要氹佢氹咗成個月,家吓佢至咁鐘意咁主動日日叫我帶佢去圖書館咋!所以你會見到我唔多迫佢讀字,都係等佢問,佢問我時,有時我會專登問番同一條問題轉頭,等佢自己試吓諗答案,我暫時覺得咁樣做法效果唔錯,至少佢真係無咁被動/剩係睇公仔啦!始終我唔想刻意灌輸佢咁多知識,我會俾哂啲材料佢,等佢慢慢提起興趣去發掘去諗嘢,而唔係一味被動式咁等我話個答案俾佢知,咁樣我會覺得對佢日後學習會有大幫助.所以頭先你會見到我坐响度,由得個仔自己搵書番嚟睇,唔理係多字定係少字定係深,總之佢攞到埋嚟就'陪'佢去睇,其實今日佢攞嗰啲書咪正路囉!早輪佢係咁攞啲好厚既百科全書,睇成粒鐘都係嗰本,直至睇哂問哂問題為止... 睇到我怕(咁真係好攰好眼瞓嘛---我)~~!!!    頭先响圖書館我都唔敢講嘢嘈住人添...唯有番嚟响度講解番俾你聽...嘻嘻!!!

stellacl 寫道:
Dr. T and bandband,

唔好笑我啦....有時緊張先至可以鞭策自己麻...  

joey媽媽

各位
    你地仔仔係學校功課能自己起字頭嗎 今日個輔導老師同社工主動要求見我,足足又傾左成個鍾     主要講下呀仔連拿起支筆都唔想,問我有甚麼方法處理?又說他上P.E堂唔聽指示走左去,所以又暫時變個別訓練聽吹B.B指示先,以免發生危險.後來,又講佢地會盡量少入課室協助仔仔,因其他同學會覺得奇怪及其他家長可能會有好多描述,(其實我心想講到呢度,是否已有家長投訴呀仔呢?我想問但又唔敢問.)而家諗諗下都係唔得,等我明早搵個社工問個究竟先?

跟住,咁我未又順便問埋佢用唔用錄音機作溝通工具,佢話都可以 :wink: 所以我明天即趕去買番部用先.

今晚我都係用左35分鍾陪個仔做左4 樣學校功課+1 樣輔導老師功課,我覺得都OK GA LA,只不過佢唔肯集中聽老師指示.攪到而為佢咩野都唔得咁   其實治佢方法實有,只是看學校肯唔肯幫我做而已

kmwun

joey媽媽

暫時仔仔功課唔算多。英文寫copy book無需起字頭，另外寫大細草A至Z，無起字頭，只跟指示做。中文有本學校自製的寫字書，學執筆，同筆劃。另外寫過自己中文名同學校名各三次，只係有指示無起字頭。

joey媽媽 寫道:
各位
    你地仔仔係學校功課能自己起字頭嗎

bandband

各位,

頭先我又去雅蘭街度見職業治療師,我囝囝評估出嚟係'動作協調障礙'...只有四歲程度,聽完係有啲唔開心架喇...連職業治療師都話無可能跟得番同年紀小朋友,依家佢地安排咗我地去九龍醫院度做職業治療,希望真係幫到顯霖啦!

我要去湊顯霖番學喇~!!!今晚再詳談!

kmwun

bandband

職業治療會幫到架，俊希都做咗兩年職業治療加物理治療，未排到早期之前都有去過九龍醫院度做職業治療，啲姑娘都好好。而家早期都refer返九龍醫院跟物理同職業治療。顯霖唔使做物理治療即係比俊希好啦！

bandband 寫道:
各位,

頭先我又去雅蘭街度見職業治療師,我囝囝評估出嚟係'動作協調障礙'...只有四歲程度,聽完係有啲唔開心架喇...連職業治療師都話無可能跟得番同年紀小朋友,依家佢地安排咗我地去九龍醫院度做職業治療,希望真係幫到顯霖啦!

我要去湊顯霖番學喇~!!!今晚再詳談!

joey媽媽

kmwun:
    我已買左你果部錄音機,不過型號係350貴果隻,因有朋友識人,所以價錢平左d

我個仔學校功課已寫好多英文句子 中文生字就各寫3 次 睇落我呀仔功課都好多好似比你們深好多咁

joey媽媽

各位,

頭先我又去雅蘭街度見職業治療師,我囝囝評估出嚟係'動作協調障礙'...只有四歲程度,聽完係有啲唔開心架喇...連職業治療師都話無可能跟得番同年紀小朋友,依家佢地安排咗我地去九龍醫院度做職業治療,希望真係幫到顯霖啦!

我要去湊顯霖番學喇~!!!今晚再詳談!

[/quote][size=x-small]我唔會介意佢程度去度邊,最緊要繼續都會有職業治療跟進.大家加油啦!治療師好貴ga,你當定期去評估都好呀.

joey媽媽

各位,Dr.T
    請求大家意見
  今日接個仔放學,社工叫我星期五家長會可否向自己家長分享仔仔情況,[size=x-small](因社工同校長商討後,看我是否意願)其實,事原已有家長同校方講仔仔一d唔好嘅事，呢個可能係誤會，但ｄ家長已一個傳一個 雖然,唔係好嚴重,但校方問我需唔需要藉住呢個機會同家長分享下呀仔嘅自閉情況. [size=x-small]大家點睇,我暫時應承左,但我其實唔知個後果,你們會點做呀?

bandband

kmwun & joey媽媽,

今日做完評估番屋企都仲以為自己無乜嘢架...不過到湊完個仔番學,再打俾老公話俾佢知評估講啲乜之後,我就好似缺堤咁忍唔住啲眼淚ba ba聲喊哂出嚟~ 又係响m記度喊(成日有乜唔開心同老公呻時,個人都唔知點解身處m記)~ 醜C怪~~!!!嗰刻先至知原來自己係咁MIND & DOWN~! :cry:  :cry:  :cry: 可能就係職業治療師講一句:"我個仔咁樣可能係天生,就算我地幾盡力TRAINING佢幫佢教佢都好,佢都唔會追得番同年紀小朋友既程度..."...好似判咗死刑咁,點都番唔到身,好似我點努力都係嘥氣/徒勞無功...我並唔妄想個仔大個做唔做到一個好叻既人,但至少,我都係想佢大個咗都可以養得活自己,開開心心好似一般人咁過日子...我好怕佢乜都唔好(動作協調障礙,自閉傾向,社交差,言語發展緩慢...),搞到佢日後長大後唔能夠融入到呢個社會,到時佢會好痛苦好難生存,我真係唔想咁,明明以為自己好硬淨好堅強好識諗,但今日真係好似俾人星咗一大巴咁,無地自容,評估出嚟係咁啫,但我都竟然可以咁傷心...

我一路用TISSUE遮住塊爛面偷偷地喊,一邊聽我老公點安慰我同聽佢既見解同分析(我老公最興咁,次次一講無停口,今日都係佢講,我都無出聲),,,慢慢我至舒服番啲,無咁難過...

但真係好希望我仲撐得住,至少我都仲有信心去教好個仔,個仔係乖仔嚟,學似我老公咁講,我地唔好睇死個仔唔得先囉!或者真係好似老公所講,細個叻既人,大個咗未必係叻;細個蠢既人,大個咗都可能係好聰明又受歡迎...我都希望係咁,雖則知老公係氹緊我,但我都希望個仔大個咗係開心既...

呻完又再喊完喇~~~!!我無嘢架喇~~!!!大家一齊頂硬上啦!

kmwun 寫道:
bandband

職業治療會幫到架，俊希都做咗兩年職業治療加物理治療，未排到早期之前都有去過九龍醫院度做職業治療，啲姑娘都好好。而家早期都refer返九龍醫院跟物理同職業治療。顯霖唔使做物理治療即係比俊希好啦！

[quote]
bandband 寫道:
各位,

頭先我又去雅蘭街度見職業治療師,我囝囝評估出嚟係'動作協調障礙'...只有四歲程度,聽完係有啲唔開心架喇...連職業治療師都話無可能跟得番同年紀小朋友,依家佢地安排咗我地去九龍醫院度做職業治療,希望真係幫到顯霖啦!

我要去湊顯霖番學喇~!!!今晚再詳談!

[/quote]

kmwun

joey媽媽

今日英文已經要寫句子啦，三句各三次。中、常識，數學、電腦都有功課，好彩每樣唔算多。不過仔仔第一次的英文功課要做correction，我放工返到佢已經將今日的新功課寫在correction下面，卒之要重新寫過，我只有深表同情！

joey媽媽 寫道:
kmwun:
    我已買左你果部錄音機,不過型號係350貴果隻,因有朋友識人,所以價錢平左d

我個仔學校功課已寫好多英文句子 中文生字就各寫3 次 睇落我呀仔功課都好多好似比你們深好多咁

kmwun

joey媽媽

我會選擇講。我問過輔導老師，佢地遲d會同同學仔講，不過考慮佢地太細，可能唔會同佢地講自閉，而係講番小朋友實際d o既問題，例如論盡d，社交差d等。蕊展方面亦覺得可以咁講，有溝通會好d，但有時d人對自閉又好大反應。

joey媽媽 寫道:
各位,Dr.T
    請求大家意見
  今日接個仔放學,社工叫我星期五家長會可否向自己家長分享仔仔情況,[size=x-small](因社工同校長商討後,看我是否意願)其實,事原已有家長同校方講仔仔一d唔好嘅事，呢個可能係誤會，但ｄ家長已一個傳一個 雖然,唔係好嚴重,但校方問我需唔需要藉住呢個機會同家長分享下呀仔嘅自閉情況. [size=x-small]大家點睇,我暫時應承左,但我其實唔知個後果,你們會點做呀?

kmwun

bandband

我們每一個小朋友都是獨一無異的，做人最重要的是開心，如果與普通人一樣，但活得不開心又有何用？！如果做一個普通的...壞人又有何用？！我們可以做的就是讓我們的小朋友感受我們對他們的愛，被愛的人會懂得愛人，一個被愛著、又懂愛人的小朋友不就已經很幸福了嗎！笑番啦！

bandband 寫道:
但真係好希望我仲撐得住,至少我都仲有信心去教好個仔,個仔係乖仔嚟,學似我老公咁講,我地唔好睇死個仔唔得先囉!或者真係好似老公所講,細個叻既人,大個咗未必係叻;細個蠢既人,大個咗都可能係好聰明又受歡迎...我都希望係咁,雖則知老公係氹緊我,但我都希望個仔大個咗係開心既...

呻完又再喊完喇~~~!!我無嘢架喇~~!!!大家一齊頂硬上啦!

wewangwang

Bandband,

你的心情真是白份白理解,我們做家長的,見到小朋友叻叻就會開心了幾天,見到他們唔掂就很心up,點都好,最緊要唔好對自己和囝 囝失去信心,只有自己最了解到自己小朋友的强弱處,所謂天生我才,上次在漁民你說你仔仔可以自創模型,我當時的反應就是你仔仔好聰明,好有創意,我兒子就冇這種天份,慢慢來,明天會更好的.

還有’動作協調障礙'具體是指那些動作??.個職業治療師點會咁講野,無建設性又無鼓勵,小朋友的潛質怎能低估,真是
    

joey 媽媽,

不知你仔仔在校的實際情況,很難俾意見, 選擇性講都啱嘅,籍此機會認識其他家長都好既,記住俾多D誠意打動下佢地
:wink:  :wink:

Dr.T

能夠講清楚自然係好事,但我最擔心最伯越描越黑,因為老實由你把口講出黎某些"啷黎"家長可能會覺得你在護短 咁就重難攪...

個人覺得學校似乎對我地嘅小朋友唔多認識,此舉(將你同小朋友擺上檯)有卸膀之嫌...如果一定要出席的話最好搵到個對孩子有相當認識嘅人坐陣,一來壯你個膽,二來你對孩子的情況他人一定會覺得主觀而不太信任...如果以前跟開d社工能夠來當然最好,否則講野真係要好小心

重有個家長會係全班定全級???如果係全級的話,可以由你以一個普通家長的身份解釋得到給百多人知道小朋友的情況的機會甚低...如果可以選擇的話,我會只出席自己班的聚會

joey媽媽 寫道:
...社工叫我星期五家長會可否向自己家長分享仔仔情況...我暫時應承左,但我其實唔知個後果,你們會點做呀?...

ALAL

BANDBAND﹐ WINNIE﹐

我仔在九龍醫院OT的時間是星期一3﹕45PM﹐看會不會一齊。

DR T﹐
你給JOEYMA 的意見很PRO﹐事情不是我們C9想的那麼簡單。JOEYMA 請小心處理﹐不過我相信學校都是有心加強溝通﹐但方法就要針著下。

DR T﹐
我會在十月和學校開會﹐講關於仔仔在校的問題﹐輔導老師﹐班主任﹐或者可能各科老師都會出席﹐我誤識講野﹐可不可以教下路﹐有甚麼要注意﹐可提出甚麼要求﹖(學校是私校而不是造融合﹐有好多野要我提出要求﹐都幾AO頭 )

仔仔問題是專著力弱﹐往往不知上堂先生在講甚麼﹐手仔協調及自理能力教差﹐被動. 會誤見或帶漏書本功課。這學期班主任會CHECK 手冊﹐吃飯有高班遮遮幫﹐下學期沒有這些了﹐重會開始麥書。謝謝

joey媽媽

我都覺得好煩tim,我而家起身喇 各位早晨

ALAL
   多謝你咁辛苦打咁多字出黎 你間學校都係咁好呀,可以見到輔導老師﹐班主任﹐可能同各科老師學校開會,我而家都係來來去去係社工及輔導老師咋,班主任係好少見