- 在線時間
- 1 小時
- 最後登錄
- 07-10-16
- 國民生產力
- 0
- 附加生產力
- 0
- 貢獻生產力
- 0
- 註冊時間
- 03-5-12
- 閱讀權限
- 10
- 帖子
- 435
- 主題
- 16
- 精華
- 0
- 積分
- 435
- UID
- 10347
 
|
Re: 05年入讀主流小學的障礙兒童家長~請進!!
各位,
今日囝囝既班主任同我傾咗好多嘢~~!!!  事緣個仔頭先放學排隊嗰陣無啦啦攞個飯袋盅隔離同學個頭,咁人地亞媽實鬧啦,咁老師至知(之前老師都睇唔到發生乜事),然後老師同我講番(嘻,我遲咗接仔),我見到個仔喊到眼紅紅,初初仲以為個仔又怪我遲到至喊,事後至知有件咁既事,老師話覺得我個仔好介意人地搞佢,就算人地係無心,佢都好大反抗會打人,講到呢度,我都開始同老師有少少坦白咁講番以前個仔既情況,但我亦好強調個仔真係比以前改善咗好多(咁係事實嚟嘛),講吓講吓,我地又傾到囝囝既情況(讀書....etc.),見個班主任都好積極去了解同我傾,我好開心呀!我仲重申,話有咩事隨時打電話同我傾,甚至約個時間叫我嚟學校都可以,個老師都應承咗~!
之後,我帶個仔去圖書館,  我又治到佢"無厘頭問題"既毛病喇!佢又是明知故問同一條問題,我即刻扮番佢轉頭話:"咦?我唔識喎!咩嚟架?用嚟做咩架?你話俾我知吖!" 個仔知我响度玩嘢,即刻忍唔住笑咗出嚟,我仲係咁迫問佢(學佢咋),佢好無奈咁答番我轉頭(當然係啱既答案啦!佢識既!) 
到撘巴士番屋企嗰陣時,响車上面,我囝囝突然好語重深長咁同我講:"媽咪!你唔駛擔心我架,知唔知道呀?我已經大個咗,我會乖架喇！"  係咪咁感動呀...亞仔...!出到冧功呢招?!  雖則唔知佢係講真定講假,但聽到呢句,我已經覺得好開心,我會信佢既!番到屋企,佢又真係自動自覺除鞋將對鞋放番入鞋櫃度(之前日日都要我鬧住咁叫佢收好對鞋架),然後我諗住幫佢除校服,我除咗最頂嗰粒後,佢又同我講:"媽咪,得架喇!等我自己嚟吖!(笑到甜甜地咁望住我)"結果佢真係自己搞掂!...  你話!個仔係咪真係識諗咗吖喇~~~!!!  |
|
發表於 05-9-9 18:38
[size=x-small]所以佢係屋企嘅時候,就係我放假日子喇 
[size=x-small]你個仔又肯坐定同你練琴真好. 
係呀...不過印尼工人已經算乖架喇!只係有啲包拗頸而已...
), 老師話佢問過各位老師仔仔上堂表現, 老師都話好好, 英文老師仲話仔仔d英文叻叻添, 但上堂唔專心, 訓係張台度, ut 椅子 等等都可以係提醒下 draw 番佢既attention. 老師安排左d小四大姐姐同佢一齊小息同埋食lunch, 等佢適應左學校生活先, 然後再幫佢識班中同學, 老師比左我好大信心, 仔仔都好鐘意d老師, 暫時我都覺得好安慰...