發展遲緩B媽媽(part 1)

valmom

kennistong,
哈~~ 真係唔好意思, 佢搬左我都唔知.
我個女依家逢星期六都要去言語治療, 隔個星期六會加埋物理治療. 雖說做治療既時間唔係好長, 不過對一個小朋友黎講, 我覺得已經好夠.... 星期六同日既時間我地依家反而會帶佢出下街, 睇下其他既野. 所以音樂治療真係未有時間幫佢安排... 我當初想報其實係因為阿女一聽到音樂就好開心, 跳晒舞咁, 當佢情緒有時不穩既時候, 我一唱歌, 有時佢會冷靜到落黎, 所以先想用音樂睇下可唔可以幫到佢.

be,
我就唔清楚如果小朋友去排左CAC係咪就買唔到保險.. 不過, 我個女就真係無買既, 因為我同我老公既公司都有包埋家屬醫療保險....

urme1997

原帖由 bbsinman 於 09-8-4 11:42 發表
hi, 有人曾經提議我問下朗x社。因佢有d活動係適合以下情況既小朋友。請問有無人上過？

我們能幫助孩子突破他的現況
經常發脾氣、表現過份的冷靜或激動
在家滔滔不絕，但出外或在校沉默寡言
缺乏安全感及自信、膽怯、懼 ...

我囡囡係朗研社返左6個月, 佢地有個4人小組, 我見有D小朋友脾氣大, 叫佢坐又唔肯, 但返左2個月左右都有改善, D姑娘個個都好好人

anan3388

原帖由 momomo0303 於 09-8-6 01:25 發表
我打過去邁步(佢話佢係金鐘既), 佢話要等油麻地另一個同事覆我, 因為我問佢有咩課程啱我小朋友...不過佢就話都係要排, 冇咁快, 可能真係好full啦! 不過report都要$4000, 我睇下智能測驗中心個邊俾個咩期我先...始終 ...

唔駛客氣, 不過佢又真係貴左喎~ 可能多左人去啦, 唔知呢~

至於訓練協康都要排評估, 所以你可以找多幾間比較下

同埋真係自己開始 train 下佢呀~ 有用 ga, 一日20 min. 都好

加油

piglet_baby3

大家好!我係新加入既mami,最近發現呢個topic,令我知多好多資訊.
我個仔16個月,1歲開始擔心佢遲緩,今日收到心橋既電話,下星期有位可以做評估.
發展遲緩既小朋友經過訓練後可唔可以完全追到進度?(當然我知道唔係一朝一夕),我好擔心阿仔既發展.

[ 本帖最後由 piglet_baby3 於 09-8-7 18:16 編輯 ]

kennistong

原帖由 piglet_baby3 於 09-8-7 18:06 發表
大家好!我係新加入既mami,最近發現呢個topic,令我知多好多資訊.
我個仔16個月,1歲開始擔心佢遲緩,今日收到心橋既電話,下星期有位可以做評估.
發展遲緩既小朋友經過訓練後可唔可以完全追到進度?(當然我知道唔係一朝一 ...

Hi
你去心橋做評估, 你有冇問佢佢既報告可唔可以去排政府既e/i/s 位? 如果唔可以, 我唔建議係去做, 去心橋做評估都要HKD600, 如果係甘, 我會建議你去step 做, 佢地個報告可以排排政府既e/i/s 位, 你可以慳返半年時間, 直接去排e/i/s 位.
尤德的評估你又可以再做, no big deal.

在等待政府既e/i/s 位時,你可以用step 既報告參考, 去報與你囝囝合適既training.

kennistong

Be,
我小朋友係由一出世就買左保險, 不過, 當時佢因為有一隻手伸唔直, 我都有同保險公司申報, 最后, 保險公司都比我地買, 不過, 就唔包因為果隻手產生既病.

你依家呢個  case,  保險公司九成會要你小朋友做body check, 因為你要申報你小朋友出生時患先天斜頸, 呢一part 就一定唔保, 至於發展遲緩, 我估佢仲係一歲, 好多普通醫生都唔會發現. 不過, 個問題係你係邊到做物理治療?? 物理治療是因為患先天斜頸 or  因為大肌肉的發展落後??  第2點係最關鍵!

piglet_baby3

多謝你既建議.心橋有講個報告只係好似check list 咁,未必適合其他機構或政府用.佢話評估完,如果有需要可以繼續响心橋做訓練,你知唔知心橋既訓練ok嗎?
我都有喺尤德排緊,不過要最快半年先有得做進一步既評估.
如果係咁,我下星期去心橋check完,有需要既話我再去step做評估啦!!(因為我老公好唔贊成去step,佢唔覺得阿仔問題咁大)

原帖由 kennistong 於 09-8-7 18:17 發表



Hi
你去心橋做評估, 你有冇問佢佢既報告可唔可以去排政府既e/i/s 位? 如果唔可以, 我唔建議係去做, 去心橋做評估都要HKD600, 如果係甘, 我會建議你去step 做, 佢地個報告可以排排政府既e/i/s 位, 你可以慳返半年 ...

jencheng

Be,

如果你單是發展緩慢, 買醫療保險應該沒問題, 保險份form都唔會問你這問題,  但若曾3年內做過電腦素抽/x光等等就要申報.. 最近我替囝囝買人壽及危疾, 香港人壽就因囝囝是發展緩慢,曾照MRI,雖report 正常但都唔保, aia就要問醫院先取報告才決定, 好彩一早買咗醫療保險,  所以我都建議你越早買醫療越好,

原帖由 be 於 09-8-5 23:47 發表
大家好!我有一問題急欲請教各位
小兒剛足一歲,出生時患先天斜頸,個半月大便接受物理治療,到半歲時斜頸問題基本已康復,但亦開始發現大肌肉的發展落後於正常bb,7個多月才會一邊翻身,9個月才開始會坐穩,至今一歲了,不會 ...

kennistong

原帖由 piglet_baby3 於 09-8-8 00:28 發表
多謝你既建議.心橋有講個報告只係好似check list 咁,未必適合其他機構或政府用.佢話評估完,如果有需要可以繼續响心橋做訓練,你知唔知心橋既訓練ok嗎?
我都有喺尤德排緊,不過要最快半年先有得做進一步既評估.
如果係 ...

piglet_baby3
我只係希望你用一份$$會可以多種用途 if needed. 因為一來去做評估要比$$, 2來係要時間, 3來如果心橋個報告真係講小朋友要做training, 你又要去step 再做, 又要再等.
我冇係心橋做過training, 不過有掛過, 但佢地既size 冇協康甘大, 所以一定會有比較.

valmom

今日阿女返學喇~~~
佢就仲傻下傻下唔知做緊咩... 剩係知有好多小朋友同佢一齊玩, 好開心咁.

D老師真係好有耐性. 比我地做父母更勁~~~ 佩服~~~~

我估呢D都係因為S位既老師真係受過訓練, 而且係特別有耐性同細心. 將阿女交俾學校既任何一個職員我都好放心. =)

星期四正式上堂, 唔知到時佢會點呢...

kennistong

Volmom
好多人講MT 係可以幫助小朋友講野同情緒, 其實兩者都是熙扣的, 因為不懂表達, 情緒就不好了. 所以我希望對佢有幫助拉!!
不過, 我都要等10月之后先同佢join, 因為依家佢真係太多既training!

S位既老師真係好好, 好專業, 仲有係好好耐性, 佢地對小朋友既付出, 往往比我們家長的更多, 因為這班都不是他們的孩子.
恭喜你呀, 呀囡正式上課了!!

kennistong

Dear all

今天ST 同我講左上個月做既評估,

做評估時係2歲7個月
認知: 2歲4個月
言語理解: 2歲1個月 (輕度至中度遲緩)
言語表達: 1歲9個月 (中度遲緩)

有開心, 有唔開心, 開心係因為認知冇退步, 唔開心係言語表達仲係差好遠

valmom

kennistong,
唔算差好遠~~
有好多之前唔係發展遲緩既小朋友剩係言語方面既delay都有D遲成年~ 所以唔好唔開心~~
其他方面佢都跟得好貼喇~~~~ 恭喜你呀~ 你既努力付出見到成果喇~~~~

阿女今日上左一晝堂. 我奶奶話佢好開心好合作, 無扭計
今晚我問佢上堂做左咩, 佢雖然唔識講, 不過好似真係聽得明我問咩, 佢順住次序做番D動作.... 我見到都好開心.. 個刻其實有D感動, 好想攬住佢喊, 不過驚嚇親佢~~~
下星期就返全日, 唔知佢到時又點呢...

kennistong

valmom
Thanks for your support!
亞囡好叻wor! 識順住次序做番D動作!! Good!! 仲有呀, 佢返學仔唔喊都好叻ar!好多普通小朋友返學第一日都會喊既!!

你講得岩, 叫做有d成果. 我希望佢真係一到三歲就係一隻開寵雀!! 佢跟得貼其實有d 功勞係我家既工人, 工人好鍚佢, 同佢去完做治療, 回家后有時間都會同佢做. 當然我係冇期望過既, 可能佢都係當同囝囝玩only.

另外在兼收位中的老師, 上次囝囝轉左兼收老師后我都有d 擔心, 等我仲去step 幫佢幫左8堂3T 小組, 不過, 末開課就遇上H1N1, 要推到9月先有得上.
呢個老師都跟得我囝囝幾貼, 交足功課既!! 早知係咁, 我就唔同佢去step…. Hehe, 我都會看看上完8堂之后如何, 如果好, 我都會再上.

weiwai

進度不錯呢!

只是言語有少少delay不用太擔心
我女, 樣樣都有d OT, PT, ST 樣樣齊
又難教

原帖由 kennistong 於 09-8-12 15:07 發表
Dear all

今天ST 同我講左上個月做既評估,

做評估時係2歲7個月
認知: 2歲4個月
言語理解: 2歲1個月 (輕度至中度遲緩)
言語表達: 1歲9個月 (中度遲緩)

有開心, 有唔開心, 開心係因為認知冇退步, 唔開心係言語表達 ...

piglet_baby3

阿仔(16個月大)今日去左心橋做評估,佢除左大肌肉,其他都delay.姑娘話佢太細,所以判斷唔到佢差幾多,下星期開始上綜合訓練.
大家覺得心橋既訓練好唔好呀?
協康會都覆左我,星期五有一個位做training,但係可惜星期五我一定要番工,去唔到.所以可能要再排多兩個月先有星期六既位.
如果協康會同心橋比較,係咪協康會好好多呀?

piglet_baby3

kennistong,
多謝你上次既意見,我唔去step係因為我老公唔肯,佢唔認為阿仔有問題,佢只覺得阿仔太有性格,所以乜都唔做.我唔想同佢有太大爭執,為左阿仔我地之間已經有好多分歧.
今日同佢一齊去完心橋,佢都明白阿仔真係比正常發展稍遲,佢都肯正視呢個問題.
見到係個仔既進度追得咁好,我都要好好努力.
謝謝你啊!!

kennistong

Weiwai
我囝囝仲有返醫院做PT and OT, 醫院OT 同我講, 佢大約係差3至4個月, 至於PT, 佢只係同我講仲要做training,因為仲有慢, 但慢幾多… 冇講.
Coming Friday 會去joyful 返學拉, 因為學校放暑假, 希望佢有進展. 而9月初every Saturday去step 上3T 小組, 我對呢個小組都有期望, 希望佢有進步.

kennistong

Piglet_baby3
令男人肯正視呢個問題真係一d 都唔容易, 一步一步拉!!
邊間中心做都係睇邊個治療師, 同埋係人夾人緣, 我只可以建議你搵一間近係家的, 因為小朋友去做training 已經係好倦, 如果仲要佢坐太耐車, 就會影響佢training 時候的表現.

如果真係安排唔到, 你自己幫佢做住d training 先, 如手眼協調, fisher-price 有隻pigger bank, 你去看看, within 200, 可以比佢入, 岩佢年齡玩既, 先係train 直入, ok 左再train 橫入. 再train colour.
另外, 呢個套圈都係train 手眼協調平衡, 呢個圈唔易玩, 因為佢個底部唔係平既, 當你一接觸, 果玩具會搖擺.
http://www.fisher-price.com/tw/products/product.asp?id=33358

積木… 先係放高, 之后係排火車.
入珠珠. 不過, 要大粒d.
大d 可以玩套杯, 套杯可先玩圓形, 由三隻玩起, 最多10隻, ok 了, 轉正方形套杯, 正方形比買形難, 因為有角, 要用手轉岩個位先套到.
切切玩具, train 手婉力+認知.
再大d, 去玩具反x 城買有粒”的” 既拚圖, train 前2指.
仲有呢個:
http://www.fisher-price.com/tw/i ... ;pos=1&id=40378
比佢入圓形, 正方形, 等等, 仲可以train 埋認知.

唔一定要買有牌子,我都係買similar 既產品, 最重要係安全!

呢d 全部都係我之前train小朋友時用的, 我估都要最少花你3-6個月既時間去train 佢!!

一天多做幾樣, 小朋友專注力唔夠, 每個玩具玩-5-10分鐘已經係好多! 慢慢來拉!!  Add oil!

piglet_baby3

thx!!
等我呢幾日出去搜羅呢d玩具啦!!

原帖由 kennistong 於 09-8-17 11:31 發表
Piglet_baby3
令男人肯正視呢個問題真係一d 都唔容易, 一步一步拉!!
邊間中心做都係睇邊個治療師, 同埋係人夾人緣, 我只可以建議你搵一間近係家的, 因為小朋友去做training 已經係好倦, 如果仲要佢坐太耐車, 就會影 ...