救世軍樂民幼兒園家長會

datoumimi

各位樂民救世軍家長：
我可以加入這個大家庭了，我個仔2006九月入讀救世軍，因去年12月沒有位插班，要等到九月才有位，但到時已經二歲八個月了不知會否太大了呢？但我又鐘意救世軍的教學法，所以等到九月就九月啦！

有沒有媽咪比到意見？

承承媽媽

datoumimi,

都唔會太大呀~~!係唔係返n2呀(九月時)?

datoumimi

承承媽媽：
是返N1(預備班）
N2是不是足三歲才可上呢？

shirleylaw

hi,救世軍幼兒園家長
我住大角咀,
但又好似樂民救世軍幾好咁!
可唔可以樂民/海富同時報咗先架!
你哋報名時bb幾大呀?
請指教

承承媽媽

datoumimi,

你個小朋友是否年尾出世?
如果係~~咁佢今年12月尾前足3歲都可以讀n2,不過我就覺得,你唔介意o既,俾佢由n1開始都係好,因為始終年尾仔/女,同人地年頭o既差咗一年,學o野有d真係會差少少.
從另一個角度睇,好似我個仔都叫年頭仔(4月),佢同埋另外一d同佢一樣都係屬年頭o既仔,都比年尾o個d情緒/學習能力都好d.

承承媽媽

shirleylaw,

當然可以兩間一齊報.
我個仔讀咗年半,我就覺得學校方面好好,做了很多功夫來幫助我和我個百厭仔,所以我好多謝學校o架~~!

如果你是想07年入讀的話,就要儘快報名啦尤其(n1)~~!因為以我所知,呢兩年樂民都有很多人排,所以你早d遞表會好d.

datoumimi

承承媽媽,
多謝您的回答，你仔仔很可愛，讀N2嗎？
我仔是12月尾出生，我現在也這麼想，照比佢讀N1，因為他也未介片。

shirleylaw

承承媽媽
多謝回覆呀!因第一次做人阿媽,乜都唔識!
咁真係唔好諗咁多!報咗先!!
但咁多人排,會唔會好難考呢?
想問(n1)係咪預備班,駛唔駛陪bb上?
我真係乜都唔知

承承媽媽

shirleylaw,

是的!n1是預備班.
跟據前兩年我的經驗,所有(n1和n2)的新生都有適應期,開學首三天可以由家長陪同上課,之後的三天就只有小朋友上課,家長離開,但都仍是返半天學.再之後,就會由老師通知家長,延長個別學生留校時間.如果家長沒有假期/不方便小朋友只返半天,都有過了首3天的家長陪同上課日,就立即返全日的亦有.

shirleylaw

承承媽媽
唔該哂你!下星期四快d去報名先!

朱朱仔

Hello, 大家好,我係N2插班生朱永晉媽咪。

承媽,德媽 熹媽 正媽,靜媽...
我終於搵到你地呢個討論區,我翻查過記錄,原來你地個會有o甘耐歷史,哈哈...

承媽:
我個friend仲問緊disneyland D飛,如果真係半價,唔知有幾多同學仔可以一齊去呢?

我得閒就會上o來留多Ｄ言喇...拜

朱朱仔

datoumimi:
我個細仔都係03年11月尾出世,而家都報左今年9月返樂民,可能會同你個仔一班呢。
我聽完承媽講,都覺得應該俾佢由N1開始讀好d,如果佢一入去就讀N2,佢會好辛苦,N2會教英文拼音,認中文字(如洗手間,因我大仔在讀N2),試問佢到時2歲10個月O唔OK?我細仔就應該唔得,因佢而家先開始講野多左(遲左),同埋都幾怕醜,如佢入N1,佢會係大仔,如入N2,就係最細個幾個,做大仔好d,呵...    

承承媽媽

各位,

我想問吓,你地依家同d細路溫書,嘔血無呀?
我o個個......同佢溫中文,都無乜問題,亦都基本上佢認得晒,一同佢溫英文,佢唔識讀o個d生字,叫佢讀多次,隻衰仔就同我講:我讀咗啦~~我讀咗啦~~c都唔肯讀多次,激死我呀~~!       :tongue:

朱朱仔

承媽,
我頭先叫阿晉返屋企寫字,我叫佢寫a-z,同1-10,英文字就有D唔記得,要人提,數字又係,個10先激氣,教極都唔入腦,又讀1零,又讀1"O(英文)",跟住叫佢寫COPY BOOK,寫一個要讀一次,佢都唔夠專心,做完無端端就去便便,唉...
晉晉D中文唔多掂,有部份要睇圖片,唔認得全部,...
不過頭先叫細佬做畫線練習,佢竟然識,仲都幾直,不過佢不嬲有少少左"有",我都唔知叫佢用左手定右手...

datoumimi

朱朱仔：
你好，你兩個仔都很可愛。
我都覺得讀N1會好D，能力好Ｄ學習會好Ｄ，至少信心也大了。
希望多Ｄ交流。
我個仔以前都很怕醜，我現在給他上playgroup,沒有以前那麼怕醜了。我個仔都是時左時右，都由得他，不過聽講未有咁快肯定旳。你個仔都好"口力“，畫到直線和連線。我試過叫佢畫由一點到一點，佢很有性格地畫Ｄ抽象畫。

朱朱仔

但係我個仔講野仲係差d,而家都剩係講幾個字,成句句子,如:我要xx,就唔得,要拆開講,而家要好努力教佢講多d,你個仔講野點架?(佢應該都幾好啦,有返playgroup)因我記得阿哥以前呢個時期已可講句子,我諗細佬真係遲左。

承承媽媽

晉媽,

溫書都未係最激死,我呢排發現,佢唔知幾時,嚮邊樹學咗讀 W 做 dup b u (正確發音係dubble u),我改極佢都改唔到,尋日同承少上完小組返學校,話番俾老師知,周老師即刻教佢,教咗幾次都未改到.......佢返屋企坐車時,仲好得戚咁 dup B u, dup B u, dup B u 添呀~~~!   

cctc

晉媽,你好,我係德媽,歡迎你上黎呀,我好耐都冇開到黎睇lu..原來多左一個新客人,嘜晉晉咁叻嘅,佢已經識寫哂a-z,德德一個都未識寫,點算 :cry:   我而家仲係俾緊線條訓練比佢做咋,尤其是彎線,都係畫得唔多滿意,唉....真係唔知幾時先可以有所進步

datoumimi

朱朱仔：
我個仔講野OK!你試下每晚講多Ｄ故事比佢聽，佢會學多Ｄ點表達自己的詞語的，我個仔就係咁學識用“但係“"仲有““我最鐘意“等詞語的意思。
還有每個小朋友發展不一樣，有Ｄ小朋友佢明白但係就係唔肯講。到佢Ｄ"data input"差不多就滔滔不絕了。

承媽：
你唔使咁激氣，你個仔知道你激氣，佢就覺得更好玩，便不停的講錯的發音，你下次講比佢知正確發音後，如果佢再係故意發錯音，你就要引開話題，等下次有機會時再讀，但不要故意突出“Ｗ“這個字。也可賣些ＣＤ是正確發音的比佢聽，佢聽多了便會改。
我個仔也是一樣，有些時候他偏要讀錯音，如果我激氣佢就覺得好好玩，故意讀多幾次。如果我唔理佢，下次就會讀番正。
以平常心對佢就得。

朱朱仔

承媽,
下次等我試下扮老師教承承讀"W",睇下佢玩唔玩野,可能係學校聽到其他小朋友讀,覺得好得意啦,下次等我試,

德媽,
想當年,晉晉3歲半時都未識A-Zor1-10,都係佢剛返學後每日叫佢返到屋企後,寫copy book,寫完先可以玩,o甘佢就寫,到而家都係,放學返o來最少寫一頁,但係剛開始寫字時,真係激到我眼火爆,寫A,跟住虛線都OK,自己寫,就亂鬼哂,叫佢寫條斜線都倒轉,激到我,而家諗番,我當時發脾氣係多餘,其實係需要慢慢o來,唔可以第一次俾一板"A"叫佢寫哂就寫哂,要佢練多D寫,最緊要佢肯寫,同埋德德都鍾意巴士,你話呢架6F,5A,點寫呀?佢仲可能有興趣,晉有時都自己諗下今日o係街見到幾多號巴士,佢自己用畫板or紙寫出o來,ok架,慢慢o來,總之唔急得,而家可開始學寫啦!