發展遲緩B媽媽(part 1)

slh

昨天返學校見OT, 討論佢之前上堂的進度.  跟住老師話明白到d小朋友在停課的期間冇training, 小朋友好容易退步, 所以特別安排一個星期1堂個別training (1個鐘pt, 30min 兒童導師), 雖然呢個安排都幾好, 但因為係個別安排所以冇校車接送~  我地住沙田, 學校係簿扶林, 都幾煩~

yeeyeemum

Hi! slh,

咁啱你係住沙田，我都係住沙田，而幫我個仔做Training嘅幼兒導師亦都係沙田區，如果你有興趣，可以搵佢幫你個小朋友做訓練，我可以send資料俾你架，請留email address就可以。

原帖由 slh 於 09-7-3 13:52 發表
昨天返學校見OT, 討論佢之前上堂的進度.  跟住老師話明白到d小朋友在停課的期間冇training, 小朋友好容易退步, 所以特別安排一個星期1堂個別training (1個鐘pt, 30min 兒童導師), 雖然呢個安排都幾好, 但因為係個別 ...

kennistong

Slh

雖然係山長水遠, 但始終都係學校既老師, 跟開佢知佢d 脾氣會好d, 如果係短時間, 我個人唔建意你為左交通既問題又另外搵一個去train 佢, 囡囡又要去再適應過, 成日轉來轉去, 仲擔心佢會唔會有恐懼.  我會建議你的士去, 的士返(call 的可能會平d), 可能都唔洗一堂既費用.

anan3388

豬流感都搞到我地停左成個月咁滯, 後來覺得唔驚得咁多, 於是照上, 不過, trainer 帶左口罩真係無咁好 lor, 但無法啦~

話時話呢個月仔仔都進步左好多, 佢會自己由一數到十, 又認得d數字, a-z都基本識, 入形狀又叻左好多, 可以自己入圓形星形長方正方三角半圓等等, 又開始捉人地同佢玩 peekaboo, 拍手,拜拜都開始識了, 而見到人都多左望下人地~我呢個做阿媽既都開始放心左好多, 當然, 我地會繼續同佢訓練啦~

不如同大家分享一下我地在6月同仔仔做左乜啦~
1. 因豬流感, 只上了一堂 1hr 訓練, 不過因為借左教具返屋企, 所以差唔多日日有同佢玩~

2. 每星期返2日(2 hr 每次)自由d既 playgroup, 因為大部份時間算係自由行唔駛坐定定, 只有兩段唱遊做動作時間, 所以佢適應得唔錯, 意外地佢鍾意唱遊, 依家都認得d歌同動作添

3. 一星期三日游泳訓練班, 佢最鍾意呢個活動, 頭幾堂都驚ga, 但之後就得左, 可以只帶水袖自己游, 佢個樣仲好有自信 tim, 真係開心~

4. 俾多 d omega3 天然食物佢食. 因為坊間的東東我都唔敢試, 所以只係加 d 三文魚, 橄欖油, 同阿麻籽俾佢食, 都食得唔多ga~

5. 同佢講野講得簡單d, 同埋重覆多d

6. 投其所好: 雖然有人話成日 ABC 唔好, 但因為佢太鍾意abc, 所以我地一邊教佢一邊加d方法同佢玩。入形狀呀, 併版都用埋abc, 引佢玩~搞笑地俾人話我望子成龍, 我心諗我寧願佢一個字母都唔識但係識手指指或叫食奶奶 不過解釋都無謂, 投其所好較實際~

7. 成日讚: 肯去做下就即讚佢, 拍哂手咁, 只係注意住佢做到既東東, 做唔好唔好理, 繼續幫佢做, 做到有一日佢會自己識做(好似入形狀, 開頭係捉住手仔幫佢一齊入)~咁樣大家都開心d

希望我地一齊繼續加油啦~

anan3388

STEP~

我覺得姑娘都幾好, 不過最重要係我地自己偷到師點教仔仔同埋日日同佢玩中練, 練中玩~ (其實到依家為止先上左3堂only....都兩個月了~)

[ 本帖最後由 anan3388 於 09-7-7 17:08 編輯 ]

anan3388

知既就知, 唔知既就唔知, 都係唔開名好 d

話時話我覺得雖然私人訓練係唔平, 經濟許可能夠個個 week 上當然好啦, 但係就算只係上到一二堂都好, 都學到點可以教到仔仔~d 錢係值得俾 lor~ 個人意見 only

valmom

之前同阿女去左旅行, 返到黎又忙到死, 都唔得閒上黎添.. 一次過追幾版...

阿女停左冇返playgroup又冇咩野, 可能始終唔係返學, 佢冇D停課後遺症.

反而, 去完旅行, 可能真係刺激左佢多D... 佢行既時候穩陣左好多, 間中都肯唔扶野行幾步... 不過嚴格來說, 仲未可以叫識自己行..
而講野就發多左好多音, 間中我地都有D驚喜架... 佢試過係我老公放左一隻手要佢自己一隻手拖住我老公行時, 大大聲講"你唔係呀?". 笑死我地... 尋日工人同佢講開個貼紙上有ABC既時候, 佢又大大聲講"D".

依家好期待8月中返學佢會有咩進展.

呀, 最近開始去上一個為期10個星期既兒童心理學既課程. 雖然講既係一般小朋友既發展, 不過當中都有D得著. 遲D再同大家分享一下~~~

yeeyeemum

Hi! ck2005ml,

你check了email未呀！幫我個仔做開訓練的導師很好，佢教阿仔之餘仲教埋我點樣返屋企做家居訓練去延續訓練阿仔，我從中又可以偷下師不少，佢都係係協助做左好多年，所以，佢絕對可以幫到你，又唔駛等咁耐。

原帖由 ck2005ml 於 09-7-12 23:19 發表
我今天去樂天做評估, 話囡囡gobal delay.  其實我都知....唉,  佢話要做intensive training.  我要上班, 奶奶唔幫手...媽媽有病.. 我不想工人帶bb... 老公又唔去面對... 協康排期中, 我打算星期六去做ot.  請問有沒 ...

kennistong

Dear all
囝囝已經返左7個月既n1, 其實都有得著, 唔知係在學校學, 定係老師教, 依家A-Z 已經認得八成, 係我寫個英文字比佢看, 佢自己讀返出來那種. 其中有幾個英文字, 好似”Z”, 佢唔係講”Z” 既, 依係講”Zebra”, 我自己就覺得好奇妙!!
數字我未有時間test 佢識幾多! 返學多左, 見佢好鐘意唱歌仔.  當然拉, 好多時我係唔明既. 只係有一日, 聽佢唱NGO, 唔係好明, 打開佢本唱遊歌, 先知佢係唱BINGO, 其實好多時, 我都好想同佢唱佢d 唱遊歌, 但唔知隻歌既音, 所以都唔知點唱??

有進步, 但仍然係有未改善的地方, 就係佢既體力同肌肉低張既問題, 按佢既ago, 係要學一步一及樓梯, 不過, 連2步一及自己行都未得, jump 又係, 有意識想jump, 但都係未jump 到.  PT 既治療師話仲未得, 叫我地比隧道佢爬, 打算呢星期去買條隧道拉. Sigh…..

豬流感就攪到我地d planning 亂晒, 原本安排左3T 小組比佢星期六上, 又停左, 好彩佢八月尾放暑假的活動冇影響, 如果唔係, 我都唔知點好!

囝囝依家d schedule 都幾密, 2星期一次ST (學校既), 2星期一次OT, 1星期一次PT, 學校會係星期五派 training  既野比我地星期六同星期日同佢做, 學校常律學習中星期一有英文, 星期三係數學, 星期五係工作紙, 仲有間唔中要返醫生覆診. 加上佢係返全日, 回家已經係5:30pm, 食d野, 沖涼, 玩一陣玩具, 之后等埋我地一起吃飯, 一起吃生果, 做小小training 就要去sleep 了.  有時連功課都做唔切.
你地可唔可以分享下你地既時間表??

kennistong

原帖由 valmom 於 09-7-10 19:43 發表
之前同阿女去左旅行, 返到黎又忙到死, 都唔得閒上黎添.. 一次過追幾版...

阿女停左冇返playgroup又冇咩野, 可能始終唔係返學, 佢冇D停課後遺症.

反而, 去完旅行, 可能真係刺激左佢多D... 佢行既時候穩陣左好多,  ...

Valmom
兒童心理學既課程 我有興趣wor! 可唔可以比d 資料我呀?? 我都想join!

進展問題, 平常心拉, 我估佢有幾大既進步, 因為S 位始終係密集既training, non-stop, 仲有係在學校, 老師一定會迫佢地做, 唔同係屋企, 知道我地可以蝦.
Anyway, add oil! 你下星期會唔會去生日會, 如果去, 我有d 野比你.

[ 本帖最後由 kennistong 於 09-7-13 13:25 編輯 ]

yeeyeemum

Ok！請check email. 希望幫到你。

原帖由 ck2005ml 於 09-7-13 10:47 發表
對不起, 我收不到 email.  何不何以再email 一次給我.  謝謝幫忙..  


ck

slh

Hi Kennistong,

你囝囝的進度都幾好喎~ 我呀囡就差d 啦~ 可能佢的視力差, 所以學起野上呢都係會慢d~  

上個星期五返學校過別training, 老師攞咗條繩綁住架車車, 老師未教佢點玩, 呀囡就自己拉咗條繩攞咗架車車~ 其實我地冇教佢咁玩過~  唔知佢係邊度學返黎!  佢真係好奇怪, 有d 野, 教極到唔識, 好像扶住d 野起身, 佢成日都唔記得要成隻腳踏實個地下, 淨係有腳尖, 攪到論論盡盡至起到身~  好多時都要我地提及同佢講"要放好d隻腳仔先"..........

呀囡同你囝囝一樣, 都係未識行, 不過已經比之前好, 拖住都行到幾步, 但成日行行吓就用腳尖同d步伐行到亂晒......

致於講野, 都係有d字講得好清楚, 好像"係呀", "我要", 但其他就好像太空話, 聽唔到, 不過我就好多時都估到佢想講咩 eg "呀播" 係想叫人播d歌仔佢聽~  呢兩日仲同呀爸一齊唱abc, 不過就真係唱到五音不全, 笑到我死死吓.....下次一定要錄咗佢至得......

kennistong

Slh
我囝囝已經識行, 不過唔穩, 點唔穩?? 會好容易比人撞趺果d law!
都係果句拉, 體力唔夠, 肌肉張力不足!
我囝囝講野都係一般, 佢like 既就講, 唔 like 唔講, 好似前2 日, 同佢坐車車, 佢同我講, “我要seatbelt”.
你講開拉條繩, 前一陣子, 我買左隻玩具狗比佢, 之后比左條繩, cool 住隻玩具狗, 佢就拉住隻玩具狗周圍走, 好彩唔係真既, 如果唔係, 一定死!! 因為隻玩具狗已經比佢玩死左!

Dear all
由去左兼收組有個家長會開始, 我個人輕鬆左. 雖然唔係有實際上既幫忙, 但心靈上感覺好了, 好像多了一班同路人一起互相支持. 如果你地小朋友學校都有呢d 家長會, 我都建議你地參加.

小山竹

大家好...我的小MIKA差5天就足9個月...

一定要雙手SUPPORT先坐到...而且不能坐直(2星期前係完全唔肯坐...一坐就向後SLIDE DOWN)

不過呢個星期學識爬...同其他同月齡BB的爬法差別不大...仲學識由扖轉坐&坐轉扖(用雙手SUPPORT坐/同坐唔直的坐)

朋友的朋友是職業治療師...睇過MIKA...話佢轉身動作唔正確...由背部帶動(其他BB由腳仔帶動)...扶她企時...無論手仔OR腳仔郁都會成身一齊郁(其他BB手郁就手郁...唔會成個身一齊郁)

她除了食得少(最多5OZ...無論粥OR奶...再多一定嘔)...出生7.5LBS...現在15.9LBS...生長線由出生的75下跌到現在10...

其他O野好精靈...發好多音...開心會BABABA...唔開心MAMAMA...要食蒙蒙蒙...好鐘意同人玩...攞到細粒的餅仔(未識自己放入口)...好早識左手轉右手

這是肌肉張力低嗎?
d肌肉好軟？腳好易打開成一字碼？
係未有BB同MIKA情況類似...只是MUSCLES發展唔好...其他野好OK

健康院轉介她去CHILD ASSESSMENT CENTER(FOR唔識坐)同兒科(FOR身長線跌足三條)

valmom

kennistong,

星期日個個? 會去呀~~ 到時你黎認我個女喇.. 我唔係好記得你個小朋友係咩樣... =P (舊年你係咪冇去?)

我依家個個係浸會大學既School of Continuing Education搞既兒童心理學既course, 800蚊多少少總共20小時, 係發聽講證個D, 所以冇考試壓力. 如果你對呢D有興趣, 下次我再報呢類野既時候我搵埋你一齊去上堂喇~~

今次呢個我半為工作半為私人既..

kennistong

原帖由 小山竹 於 09-7-13 21:54 發表
大家好...我的小MIKA差5天就足9個月...

一定要雙手SUPPORT先坐到...而且不能坐直(2星期前係完全唔肯坐...一坐就向後SLIDE DOWN)

不過呢個星期學識爬...同其他同月齡BB的爬法差別不大...仲學識由扖轉坐&坐轉扖(用雙 ...

小山竹

我唔太識, 唔敢答你, 不過, 如果已經轉介了, 就等醫生看看吧!! 你去醫院見醫科時, 唔好同佢講你已經轉介CAC, 你叫佢寫紙比你去做物理治療la!  因為CAC 做評估, 要等半年. 如果醫生肯寫紙轉介物理治療, 你再去問下治療師, 看看他的意見拉!!