家有自閉傾向的小朋友......

承承媽媽

hei媽,
咁你好快d見見承少啦~~
sunday evening 承少對住tin tin 同陸美講'我愛你~~!'

HeiMarie 寫道:
承媽:
承承真抵鍚, 同我"oak"佢2啖丫!!   

最近俊熙都肯講"愛媽媽"啦!   但話唔愛daddy wow    幾時再見承承? 等我問下佢愛唔愛ee先   

YRaymond

你地喺小朋友幾多歲大之時發覺佢地有自閉傾向 : 2yr, told by "Mother & Baby Healthy Center"

佢地有乜嘢行為舉动令你地認為如此 : Self-rotated, hit his head by himself (hit on the ground, hit on the wall), little eye-contact, little ask any question, will do tear his skin at somewhere 'worn'. Everyone must follow his pattern, otherwise he will make you crazy ......

leung_i 寫道:
各位媽咪：
唔好意思，我想問吓你地喺小朋友幾多歲大之時發覺佢地有自閉傾向嘅呢？
佢地有乜嘢行為舉动令你地認為如此？
(唔好意思咁問)

leung_i

YRaymond,

Thank you for your prompt response. :wink:

承承媽媽

leung_i,

我o個個係兩歲時d特徵開始明顯,另外因為我有朋友o既姨甥係有自閉症,佢亦曾經叫我小心留意承少,因為佢話覺得承少有d表現幾類似佢個外甥.與此同時我教會有朋友做過special education o既,佢都叫我留意吓佢,所以承少後來兩歲半由私家醫生轉介去評估中心做評估.

ultramom

tin_tin

承承媽媽 寫道:
hei媽,
咁你好快d見見承少啦~~
sunday evening 承少對住tin tin 同陸美講'我愛你~~!'

係啊~~ 好琳架~~~  :  :  :
另外, 承媽比e前索左好多 (e前e經很索ga la)    我們全給比下去了

tin_tin

leung_i,

Info from Heep Hong

自閉症和亞氏保加症兒童的特徵

基本上，自閉症和亞氏保加症患者均有不同程度的語言溝通障礙，社交發展與人際關係障礙及刻板的興趣、行為模式。

社交發展與人際關係障礙:

自我中心，不合群，很少主動與人分享感受或成就
難於理解身體語言、眉頭眼額、情緒變化及不明文的規則
較少與別人作眼神接觸或身體接觸
有時會做出不恰當的社交行為而遭人排斥或戲弄

語言溝通障礙:

不懂使用有意義的言詞與人交往
寡言，不懂用說話去表達自己
鸚鵡式地重覆別人的說話
缺乏音韻，代名詞混淆
用詞古怪，詞不達意，欠缺層次，對答不流暢
不善理解，尤其抽象的觀念

狹窄及刻板的興趣、行為模式:

活動刻板、單調、缺乏想像力
一些生活細節或遊戲方式很固執，難於適應環境的改變，例如活動編排，物件擺放或出入路線等，稍有變動便會煩躁不安甚至發脾氣
可能終日沉迷某些興趣，例如交通工具、八達通咭或財經資訊等，以致影響生活規律

leung_i

承承媽媽 寫道:
leung_i,

我o個個係兩歲時d特徵開始明顯,另外因為我有朋友o既姨甥係有自閉症,佢亦曾經叫我小心留意承少,因為佢話覺得承少有d表現幾類似佢個外甥.與此同時我教會有朋友做過special education o既,佢都叫我留意吓佢,所以承少後來兩歲半由私家醫生轉介去評估中心做評估.

承承媽媽:

多謝你的回覆！我問係因為我懐疑我叔仔個女可能有呢個傾向，我哋亦同佢提及過，叫佢留意多啲，同揾多啲資料；但係佢地兩公婆都冇乜反應！佢地個女兩歲兩個月喇，唔講野，亦唔明人地講乜野，見到人(親戚)好多時都會喊到九彩，點氹都唔得！攪到所有人都唔敢撩佢玩，怕攪喊佢佢父母唔高兴！
我地都有叫佢地不如去做評估，但佢地兩公婆都覺得我哋好似不安好心咁，而家我哋都唔敢再講！ :cry:

leung_i

tin_tin,

Thanks for your information.   :

承承媽媽

leung_i,

其實呢樣o野真係好難講,以我嚮呢個topic的日子,和阿仔學校有時做家長義工所見,的而且確有一些家長,是很抗拒別人覺得他的小朋友有特殊需要,實情亦我們都無能為力,因為家長第一個不接受小朋友有需要進一步幫助的話,其他人講幾多都是無用的.

leung_i

承承媽媽 寫道:
leung_i,

其實呢樣o野真係好難講,以我嚮呢個topic的日子,和阿仔學校有時做家長義工所見,的而且確有一些家長,是很抗拒別人覺得他的小朋友有特殊需要,實情亦我們都無能為力,因為家長第一個不接受小朋友有需要進一步幫助的話,其他人講幾多都是無用的.

承承媽媽,

你講得好啱！如果對父母抗拒的話，其他人真係幫唔到啲乜！但係佢地幼稚園老師都有同佢地講過，佢地個女样样都比其他小朋友慢，咁如果佢哋真係錫個小朋友，唔係都應該做番啲野咩？我睇過啲資料，話三歲前肯比training個小朋友，係好過三歲後先開始十倍！
我自己都係三個小朋友嘅媽媽，我都唔想見到佢哋個女咁，而家真係無乜人會敢撩佢個女玩，因為佢根本唔"騷"我地，一發脾氣就喊到收唔到聲！

jennyho

jennyho

各位:

真係好開心呀,亞仔可以繼續番暫託,而家都有兩三個鐘頭休息下,開頭擔心亞仔坐唔定,點知有一日倍埋亞仔一齊返學,佢可以自己坐定定,雖然都唔係可以坐好耐,但比之前真的進步好多,原來放開下手,比老師教下,真係比自己教好好多!真係多謝各位曾經比既意見!

          

YiHangMa

你哋好! 我仔仔27個月, 2月1日係大口環做咗評估, 醫生話佢有自閉傾向, 做評估前我同老公完全冇心理準備, 從來冇接觸過"自閉傾向"這幾個字, 好突然, 晴天霹靂, 唔知可以點, 後來我就係呢到睇到好多資料, 幫到好多. 仔仔移家係私人診所開始做治療, 好貴, 但冇辦法, 諗住一邊做一邊等政府, 幸好今日大口環打俾我話3月可以開始做治療, 但個治療只有5堂; 我想問點知個治療好唔好呢? 協康係咪最好呢? 還是間間都冇分別呢?

係大口環有個醫生介紹咗一本書俾我睇, 我睇咗少少, 覺得真係幾好, 我都想介紹俾大家睇下, 書名係"More than words" 作者係"Fern Sussman"，　香港冇得買，　可以上網訂，　但都幾貴要差不多６０蚊美金，　大家可以考慮下．

有時諗諗下都幾唔開心，希望大家可以係到分享下啦！  

承承媽媽

各位,

尋日承少學校華服日表演,一切都幾順利,睇見佢都有份表演,坐定嚮地下又無同圍走我已經好滿意,不過下午我返去學校預備上st時,校長同我講咗d插曲,都幾好笑......
話說承少o個班今次表演舞獅,本來老師想佢舞獅頭,不過佢舞過一次之後唔肯舞,咁啱又有同學想換崗位,於是佢就換咗去做打鼓.
到正式表演時,承少對住個鼓卻唔打,後面有人叫佢打鼓佢都唔打,之後佢講咗句:我要打呢個(指住隔離同學面前個鼓),呢個我o架!原來佢認住個鼓,唔係佢打開o個個就唔打,要嬸嬸換番俾佢,佢至肯打.同埋有時見佢停晒手唔打鼓,叫佢打佢又話:唔打住,原來係有人唱歌時唔打,只得音樂時才打,佢又居然做到喎......    (呢d當時我唔知,因為俾其他人遮住咗佢個位,我睇佢唔到,後來校長話我知我才知道,同埋下午佢地表演一次俾園內的同學睇時,我地特登試佢,佢又真係要揀番指定o個隻鼓至打) :  :  :
另外今日見到佢一件好趣致o既事:今日佢返學食完早餐之後,就除了鞋坐在地墊上聽老師講o野,老師講講吓佢忽然走去地墊邊拎地對鞋問:係邊個o架?原來有個低班小朋友的鞋和他那對是一模一樣的,那位小朋友拎番對鞋後,承少走去拎起自己對鞋,專登放遠d,但沒有相同鞋款放置的地方.我看見後告訴承少的班主任,原來承少試過俾別人著錯了他的鞋,但他認得自己的鞋(因為我有寫名),所以別人著了他的,他卻死也不肯穿別人的鞋,最後要由老師幫他找回他的鞋,他才肯穿.亦可能因為有過這個經驗,所以他會將自己對鞋和別人相似的鞋分開.

承承媽媽

YiHangMa,

我知承少係有自閉傾向時,承少都是在28個月大時.
其實小朋友這個時期知道他有自閉傾向的話,都算叫早發現,所以你可以幫他的地方就有很多,而且做得好的話,也很有果效的.
不知道你有沒有幫小朋友申請入讀全日制的幼兒園?如果沒有的話,你儘快去找一間,讓他即時入學,因為學常規和良好生活習慣,沒有比全日制幼兒園更好的地方.如果未有位,亦不妨讓他嘗試暫托,因為有學返好過無.
另外的所指的治療是指哪一個範圍的治療?語言?物理?還是職業治療?如果是言語治療,痙攣協會都是一個不錯的選擇,因為他們的收費比私人和協康都較廉宜,$400--45mins,協康要$600,但治療師都是非常好的.但要排隊,約要等3個月左右(不過有些地區可能需要等較長時間),另外如果你住香港區,你可以找一找明愛或協康的家長資源中心,他們定期都會舉辦一些家長課程.

承承媽媽

marie,

我唔記得早兩個月我有無同你講過,痙攣協會嚮2-3月開班,承少抽到有得上琴班,今日第一堂,情況都幾令人滿意,一來姐姐令承少肯坐定聽佢講o野,二來個姐姐識得對佢教重點,同埋第一堂就已經睇得出承少最大o既困難,因為上堂除了教佢彈琴之外,還要他一面彈,一面講番他所彈的那個音(其實只得兩個音,而且是用C,D來讀).要承少彈音不難,但要他一面彈一面講,即是要他立即將他所見到的講出來就最難,有時甚至沒有講,不過姐姐都好堅持要他講.
上完課姐姐話希望透過呢個訓練,可以增加承少睇和講的協調性.你有無興趣呀?好似話3月中開始派新一期活動啦!

HeiMarie

承媽 :
有興趣呀!  其實我都plan

jennyho

各位:

有個問題想請教大家,希望能比些意見我:
我個仔27個月大,係05年12月開始排 s 位,係亞仔評估當日,佢既表現真係幾差,醫生都話佢既情況都唔淺,於是就排 s 位,但係呢個零兩個月既時間,亞仔進步左,叫佢佢都采多左人,同佢去行街街,佢都肯拖住手慢慢行,無話四圍亂走,又肯坐定定,眼神接觸都多左,如果話亞仔唔係自閉症,佢就唔係,但話佢好嚴重又更加唔係,所以我想比亞仔試下 排番 i  位,唔知可唔可以咁做呢,如果可以我應該點做好呀?

希望有人能夠解 答下我丫

four44