馬頭涌官立小學家長請入來傾吓

Leolonglongma

helenting,

但你o個邊學校有無寫明寫20次手冊就記缺點呀?  所以我真係有d壓力, 唔知幾時會meet 到佢地o既"quota", 我仔仔都有3 個同學仔入了土瓜灣馬頭涌, 但HHB 就只有我仔仔一個.  佢上學時好擔心無朋友, 所以有時俾人蝦都"暗啞底", 怕告狀, 小朋友會杯葛佢, 今日坐佢後邊的小朋友上堂時不停踢佢 pat pat, 踢到佢覺得"急尿", 舉手去廁所又俾老師寫, 話佢小息唔去, 上堂去, 做家長的只可以回家後教他日後如何處理, 但手冊已寫, 不可以像粉筆字般擦去.  之前亦試過好幾次類似情況, 但最悲哀的是老師認定大隻仔無可能俾人蝦, 你跟她撐, 亦徒勞.......  所以很羨慕你們可以互相照應, 最起碼有事發生, 會知道事情較全面部份, 而不是單聽老師或小朋友一面之詞!

helenting

Leolonglongma~
咁又好似無咁嚴喎, 老師無講過寫20次手冊要記缺點, 好似ngyanting2000所講, 寫手冊係老師同家長溝通既方法, 所以寫手冊都係想家長提醒下自己個小朋友~~
但你個仔仔比人"蝦", 我諗你要同老師反映下喎, 點可以有咁架, 要叫老師注意下先得.  我見仔仔雖然有幼稚園同學同一間學校仲同一班添, 但佢已經識左幾個新同學, 而且我都無聽到仔仔話有同學"蝦"同學既野喎, 我諗你要認真咁同老師傾下個問題啦~~

ngyanting2000

Leolonglongma,

我都讚同helen的講法, 如果仔仔被同學"蝦"的話, 應該要同老師傾下個問題，我仔仔都係無幼稚園同學仔同班，就算幼稚園同學仔同級都得兩個，但仔仔都識左好多個新同學，返學好開心，小朋友適應能力好強，玩吓玩吓就識到朋友，唔好咁擔心．
同仔仔傾吓如果被同學"蝦"，就唔好怕，主動同老師講，你真係要認真ｄ咁同老師傾下個問題啦！

Leolonglongma

各位:

先要澄清我囝囝係mtc (hhb)o個家, 開學唔夠2星期, 老師已因校務處誤交資料而錯誤的致電予我, 老師將錯就錯的傾了幾句, 投訴我囝囝說話大聲, 轉堂出位, 上廁所, 和小朋友傾談.  我客氣的請老師明白他幼稚園是活動教學, 老師的"投訴" 在幼稚園內無干涉, 希望佢俾時間佢適應... 老師即打斷:"唔得
o架, 如果o個o個小朋友好似佢咁, D班長/老師咪好唔得閒...." 我囝又試過筆盒俾同學惡意破壞, 拗斷"板手扣", 臨時更換了一個孖住魔術貼的筆袋俾佢暫用. 衰仔貪玩, 拿了小的那部份(盛膠擦用)來拋, 拋到小朋友頭上, 老師再寫手冊, 緊接電話投訴:"拋到其他同學唔得O架, D家長會來搵我o地o家, 最近有個小朋友退咗學, 唔知係唔係因為佢呀...." 我聽到這裡, 個心好滾 就算小朋友曳, 也無做到十惡不赦的事情令小朋友退學, 而且學期初, 大把家長執位, 佢咁講會唔會太過武斷, 佢有無問過退學小朋友家長而下判斷?  (我之前亦有post 過), 我無再同佢爭論, 怕佢因為與家長言語不合而標籤自己小朋友.  隨後幾日每天放學都有老師電話, 心理威脅好大! 我有反映過, 小朋友俾人蝦, 好多時都係小息時間, 無老師o既時候, 但老師一口確定:"唔會o架, 你個仔咁大隻, 無人蝦倒佢o架........!"  咩理論??    如果事實係咁, 佢唔會因為唔就範(小朋友要食佢d紫菜, 已請了2塊, 唔想自己無得食而拒絕, 俾小朋友掃晒d紫菜落地, 仲話佢"自己的事自己做, 你自己執" 個仔喊住去執!) 另一次小朋友倒到佢成件校服濕晒, 佢話:"媽咪, 你知唔知呀, "yip"住好辛苦o架, 但我都唔敢出聲, 出聲咪又俾佢罰!" 我當時想喊, 點解小朋友對老師o既印象可以咁負面, 當時返學不足2星期!  小朋友小息時踢佢書包, 踢瀉水樽, 成個書包濕晒, 做家長都無特別去投訴, 我只想小朋友學到多一點包容, 但這些無法在老師身上學到!眼見電話/手冊不斷, 我主動在上班前約見班主任, 她是客氣了一點, 但仍舊要向我們證實他的觀察是對的, 帶我們看小朋友和囝囝在操場上排隊時, "犯規-傾談"..............!

helenting

Leolonglongma~~
睇完你咁講之後, 如果係發生係我既小朋友身上我都會好 其實點解老師會咁主觀既呢
你有無你仔仔傾過, 叫佢上堂要乖d, 唔好傾偈, 唔好走出坐位, 要坐定定聽老師講書
我仔仔幼稚園時都係活動教學, 但要比仔仔知道升左上小學就好唔同, 而且幼稚園時都有小一預備班, 所以我仔仔都好明白上堂要遵守d咩規則, 雖然知道有咩規則, 但我都知道小朋友好難坐得定, 仔仔都試過初初上堂時, 老師講書, 佢係度大大聲唱歌, 但比我話左2句之後就改善左啦, 我諗你除左同老師反映之外, 都要同你仔仔傾下先得...

ngyanting2000

Leolonglongma,

我睇完你的情況後, 我仔仔以前問幼稚園都係活動教學,可能係男仔的關係, 我仔仔都比較活躍,係幼稚園都唔係咁坐得定, 之後我同仔仔講上小學唔可以再係咁,大個細要乖啦,我仔仔真係可以做到,到e+為止老師都讚仔仔表現好好 你試吓同仔仔傾吓, 同仔仔玩獎懲遊戲, 不過唔好心軟,做得好要獎, 做得唔好就要懲.
我想問吓你哋間學校有無舉辦過家長會(由開學到e+), 有無同其他同學仔家長傾吓,了解吓學生上課的情況, 係唔係老師對個個同學都比較嚴厲, 所以動一動一就寫手冊及打電話, 你要好好去了解一吓!
老師好似安排過你到學校睇吓仔仔的上課情況, 係唔係老師講得咁差, 定過是老師太主觀......

YUNG媽

Leolonglongma,
我睇完你囝囝返學的遭遇, 感到很不開心.  小朋友上學應是快快樂樂的.  在這樣受壓的環境和誠惶誠恐的情緒下學習是不健康的; 長遠對學習進度都有影響.  現在連大人都感到壓力, 情況很差.
好似Helenting講, 同個囝囝傾下, 希望先做好自己. 其他的如同學的不是或老師的先入為主都即時改不了.
我囝囝沒有跟隨大大部份幼稚園同學直升小學, 是叩門入馬頭涌的. 初時我都好擔心, 怕做錯決定.  殊不知囝囝返學後好開心, 佢形容比我聽d老師'好善良', 學校又鼓勵正面讚賞小朋友, 佢已收到好多讚賞貼紙, 每天都好開心返學.

ngyanting2000

YUNG媽 & Helenting,

我想多口問一句, 獎勵貼紙係唔係日日都有比派比小朋友？

YUNG媽

應該唔係.

helenting

ngyanting2000~
我都覺得唔係, 應該係有好表現時先會有...
因為我都唔係見仔仔日日有既

ngyanting2000

ALL,

   [size=xx-large]中秋節快樂   

祝 大家有一個難忘的中秋節

Leolonglongma

我寫寫O下突然斷了, 係因為學校打電話來問要唔要幫個仔CALL 白車, 因為佢係學校撞到個頭流血, 當時止緊血.  我未試過碰到這種場面, 白車唔知車佢去邊, 問老師是否流很多血, 佢只說止咗血, 但唔肯正面回答我是否流很多血, 只將"個波"交俾我猛問CALL 唔 CALL 白車. 怕個仔唔知車去邊, 我叫學校等我, 我自己飛"的"同佢入私家醫院, 怕公立醫院要等好耐.  去到見到個仔校服都好多血, 好大塊紗布貼住個頭, 無再細問即刻飛"的"去浸會.  去到浸會姑娘問我有無睇過傷口, 我說"沒有", 一看之下真係心都"實"埋, 成3吋長, 最慘重好深, 好似小朋友筷子咁粗, 醫生話傷口好深, 一定要用粗的線去"連針", 個仔好驚, 即喊, 我自己都眼濕, 自己受傷好過佢捱.  說實在的無論事實真相是如何, 我從無想過追究誰, 局部麻醉, 連完針後(7-8針), 老師打來, 告訴我事情始末, "KICK'親我囝的小朋友情緒也很不穩, 驚到嘔! 我 的原因是老師除了第一句問我仔有無事外, 其餘都係話俾我知我仔跌倒係因為佢叫小朋友一齊比賽, 跑回班房, 個小朋友"KICK"親, 把跑在前面的囝囝推倒, 頭撞向牆和門框處, "界"開了額頭, 佢全程俾我O既感覺係話俾我知, 我仔係"咎由自取"; 而唔係打來了解仔仔O既情況.  只想我息事寧人; 好慶      , 佢唔打電話來, 我反而無事, 聽完之後真係忍唔住想喊.  但我都好唔客氣話俾佢聽, 我由始至終無想過追究小朋友或其家長, 學校可以放心, 跟住再無出聲, 由佢收線.  無愛心若此, 怎配為人師表?  我現在考慮的是否去投訴佢!     

我其實每次收到老師電話, 我都有同個仔講, 要佢守規矩, 話俾佢知小學和幼稚園之分別, 我相信佢係慢慢咁適應緊, 亦收歛了, 但有時玩起上來一興奮, 又會衝動, 忘形, 每次無寫手冊我都有讚佢, 不過我囝發展比較快, 佢好多時會再試大人
o既底線, 但如果佢同老師能建立一定的關係, 佢會好自覺咁乖, 仲會好合作. 幼稚園老師就能看穿這點, 用適當方法去引導佢, 教佢.  好可惜, 佢在小學裡, 暫時 未能幸運地再遇上包容的老師, 有家長建議我調班, 但個人會覺原班主任會很不是味兒, 其他班老師又會點睇有個"麻煩"家長之小朋友.....?

家長會要去到下星期五才有第一次, 但我是沒想到未到家長會已經發生今天的事.  老師其後再打來, 話俾我知已將囝囝情況通知對方家長, 對方家長希望打電話予我直接道歉.  我話道歉並唔重要, 始終係意外, 我是沒有想過去追究, 我問老師, 如果方便的話可以俾對方家長電話予我, 我直接打去, 和他的小朋友解釋一下, 令佢安心點, 也令對方家長釋懷.  老師竟然說:"始終係佢道歉, 應該佢打俾你, 不過你真係唔介意將你電話俾佢咩?" 我反問:"有咩咁大問題?"  不過老師o既思想, 真的要調較, 我都無話嬲對方家長, 點解佢要強調係對方家長道歉??? 唉! 如果阿仔可以在此學校讀下去的話, 我真希望佢明年有機會轉班主任!  May God Bless me!

YUNG媽

我覺得好心痛. 每天返學都要面對這個班主任, 日子好難過.

sai1031

Leolonglongma:
你囝囝好d未,小心d處理個傷口,但心裡面那個傷口就更加要小心及有耐心地處理.(雨後一定會有彩虹,加油!!!!!!)

Leolonglongma

sai1031,
很多謝關心, 姑娘說這兩天是傷口埋口期, 疤痕是避不了, 只希望它不會發炎, 有手尾便好了. 紗布在這兩天都不能拆, 希望能順利過渡, 也包括我和囝囝心裡的瘡疤!

HY412

Dear Leolonglongma,

抱歉打擾妳們 ! 囡囡在宣小讀緊 P2, 因為我住紅磡區, 所以經常留意紅磡區的津小, 萬一囡囡成績未達標都要找尋出路. 於是誤打誤撞進入妳們的 topic.

看見囝囝的遭遇, 我亦感心痛, 感到老師與妳都存在偏見, 學期剛剛開始, 怎樣捱到學期尾 ? 學校是否有輔導員/社工, 不如約見下, 可以幫到囝囝的. 有沒有可能轉班 ? 搵校長傾下可以嗎 ? 我覺得大人和小朋友都需要輔導. 囝囝在學校沒有好同學一起玩 ?  他除了驚個班主任, 對其他科老師怎樣 ? 有沒有心機上堂 ?

HY412

Dear Leolonglongma,

囡囡在 3 歲那年在家中梳化跳下跳下跌落地, 額頭撞在坐地風扇的鐵腳邊, 額頭亦爆開了 1 1/4", 縫了 7 針(幼針 ), 一個星期後才能拆線, 醫生給了一支去疤膏給她塗, 而家條疤痕是好平滑的, 但因為囡囡皮膚比較黑, 縫針位又晒唔黑, 所以望落有條疤痕.

意外真的很難避免, 千萬不要將意外與唔開心的事混在一起, 否則令囝囝返學會好大壓力的.

Leolonglongma 寫道:
sai1031,
很多謝關心, 姑娘說這兩天是傷口埋口期, 疤痕是避不了, 只希望它不會發炎, 有手尾便好了. 紗布在這兩天都不能拆, 希望能順利過渡, 也包括我和囝囝心裡的瘡疤!

Leolonglongma

DEAR HY412,

很多謝你的安慰, 說實在的, 連串事件發生, 作為家長的對老師都存有一定主觀看法(或者可說是偏見), 但始終是個別事件, 不應牽涉到整所學校和其他老師, 所以我不認同開新TOPIC 就此事去討論整所學校(個別家長, 懇請不要再就此事去一概而論紅馬其他老師, 著實對學校和大部份老師不公平, 恕我冒犯!).  如果紅馬沒有其可取處, 不會有那麼多家長心儀(包括自己在內, 無論跨區與否我都選她為第一志願!)  我係一個比較理智o既家長, 就算自己點唔開心, 我都有安慰囝囝, 話俾佢知要調校自己不當行為, 改變老師o既睇法, 融入同學當中, 希望佢真正融入學校生活中.  (因為單純為此而轉校, 不見得是理智的處理手法).  當然我亦有調適自己, 憤怒過後應該如何面對老師, 日後再有同類事情發生, 如何處理會較為恰當.  下星期我會再帶囝囝回幼稚園去當小義工, 每次回去, 和校長/主任/老師傾談後, 心情會平伏很多.  約學校社工也是在考慮之列, 但同樣係未去到那一步, 已發生了許多事情!  在此多謝各位的關心和意見, 亦要向helenting, yung 媽, ngyanting2000 你們道歉, 打擾了你們mtc的topic, 亦很感激你們在此讓我"呻", 多謝!

leolonglongma

HY412

Dear leolonglongma,

祝囝囝傷口早日復原, 做個開開心心上學去的小朋友 ! Maybe 個班主任模仿 "女王的教室" :-p ( 講笑 ).

希望有機會再在另一個 topic 與妳相遇

YUNG媽

ngyanting2000, helenting,
請問英文L.S. p.8-14是否派齊? 我囝囝欠p13.