聖羅撒小學家長

cameo

其實我都覺得學位問題,所以唔代表一定可以單靠叩門位入啊,叩門位多極都有個數嘛,若果人地誠意夠當然優先吧~
我個人覺得,真係博唔博就睇自己點打算,我自己最心儀係協恩,入到當然高興,入唔到又係預左,等同買六合彩咁o既心態,但我唔選佢自己又唔甘心嘛,所以大膽地將協恩同st.rose放頭,但第三志願我已好保守地選合一堂了(合一堂的校長其實同小女幼稚園相熟,關係友好,兼我當時做緊幼稚園家教會執位)...
所以博唔博,點去博,真係先考慮清楚,跟住就只可以等結果好了.........不過一點一定要提,就係無論想入邊間小學,一日未肯定個結果,唔好俾小朋友任何壓力及意見,佢地對升小一只係覺得"升班轉學校",家長講乜佢地聽乜,我女都係攪珠派位當日先知自己入邊間,之前佢問我都死唔肯講,只係答佢無人無快知結果,除非某d小朋友讀私校咋,所以佢係知道左入st.rose先開始俾佢認識呢間學校,包括上校網及我同佢介紹吓,,,,,,我覺得每一個小朋友都應該為左升小一而高興(唔一定入到第一志願先高興),因為又成長了啊~若小朋友會因為派位結果失望or傷心,絕對係家長o既錯啊,,,,,,,

Daisy媽咪

咪客氣啦, 我地都係過來人, 知亞媽既擔心架 ! 我黎熨仲要煩亞仔入幼稚園tim 呀 ! :evil:

cameo

scotia.nova ,
唔好客氣,,,,
大家當傾偈咋,,,hehehe~

Daisy媽咪

scotia.nova,
bk 人流咁多, 一定有d 好人, 亦都有d人比較 over-react 架啦 ! 其實亦都反映左st.rose 既學生性格.......我識幾個係st.rose 畢業既, 都比較平實,低調, 唔愛出風頭.... 我仲問左佢地, 如果你有個女, 會唔會比番佢地入st.rose, 佢地話會, 我至有信心比個女入去讀咋, 仲有一樣就係佢地同學仔之間好似d感情好好, open day 時, 我見d高年班互相稱呼家姐, 媽媽, 好團結, 唔似人地個d互相爭鬥, 好平和 !
亞仔 2004年出世, 男仔比較少選擇, 又加上佢冇家姐咁精靈, 到時佢又 得 "零"分, 都幾    !

Daisy媽咪

scotia.nova 寫道:
早晨...
Daisy媽咪... 又要       啦..
我想問st rose 駛唔駛要d 囡囡join n 咁多種activities嫁...
我自問唔叻+唔識教,所以中上既學校已經好開心嫁啦...
正如你地講... st mary+maryknoll 比我入到,都好驚,驚追唔到,到時比人kick out 就死囉,都唔知去邊好..
    

你話 "亞仔 2004年出世, 男仔比較少選擇, 又加上佢冇家姐咁精靈, 到時佢又 得 "零"分" ----- 又幾頭痛... 最衰係0分,好"sit"底

以我所見, 1,2 年班係唔係好多活動, 興趣班都係自由參與, 3-6年班應該會多d ! 不過都係等有經驗既人答你啦 !

cameo

scotia.nova ,
我覺得st.rose一年級生可以話"在職媽咪"都控制到吧~
其實我而家都叫"適應"左落嚟,因為開頭自己都好緊張個女返學o既事,自己都唔太清楚個女係去到咩水評,因為始終小朋友好需要適應期,所以唔知係個女資質問題,定係未習慣,所以都成日上嚟問好多野啊,,,hehehehe~
如果以小一計(因我唔識高年級的家長啊),佢地都無強迫要有咩課外活動,我亦同老師傾過,其實我女成績算中間,老師意見都覺得唔需要補習,連我話買本習作俾個女做,老師都提議不如睇多本圖書好過做習作......所以莫講話活動,就連學科上,老師都絕對唔鼓勵我地用"迫"o既方法啊,,,,,,
我自己都越嚟越鍾意間學校,老實講,我早早都預左升左小學d老師真係無咁得閒睇到咁多個學生,但意外地,班主任及科老師對我女印象都好深,只係學期頭我同兩位老師傾偈,做媽咪的聽得幾句已經知老師有幾留意學生了,因為佢地講我女的事全中,了解我女性格行為,及提供改善方法俾我,又俾意見我點同個女溫習,,,,我覺得老師真係好有心,唔係打份工~
若你真係想個女入,其實係開學時適應上俾多少少協助都ok了,因為佢係傳統教學,佢地重細,要重新習慣一套真正坐定定o既學習模式(幼稚園邊玩邊學啊),所以我女開頭都好辛苦o架.......坐唔定嘛,,,ahahaha

Daisy媽咪

cameo,'
完全同意   佢地雖然一班成近40人, 但老師都好了解佢地既問題 !   我估間學校真係有佢一套, 所以令D亞媽唔再去出面讀D更有名既學校, 一心一意把小朋友由KINDER 到 中學都讀 ST. ROSE !
不過我覺得今次份中文測驗卷比較深, 可能亞女D中文差啦, 佢D成績真係 真係要努力PICK UP 呀 !

cooyee

我個女都非常喜歡學校, 曾經有問過如果轉校好唔好, 佢竟然話就算所有小朋友轉, 佢都唔鍾意轉, 真係歸屬感強呢.

cameo

daisy媽咪.,cooyee,
我都覺得佢地對o既學校感情係我意料之外,因為始終我知要我個女去適應一套傳統教學係一件難事,做得到未必等如喜歡做嘛,,,,當初開學就因為要著運動衫整齊地"zip"件衫入褲佢都勁唔鍾意,因為佢自細勁大汗,所以幼稚園時學校都俾佢唔"zip"衫,,,,但上左小學就無可能係咁,,,,,,,開學時佢為過呢d小事而眼紅紅啊....因為佢真係大汗到今日廿幾度已經要著小背心的小朋友啊,,,,,但而家佢對校服整齊問題重緊張過我,俾我覺得佢係"真心樂意"去做好的啊!!!呢排又成日同我講去搵修女,又俾我睇佢畫左d畫去俾修女俾分,我覺得佢好enjoy學校生活啊!!
測驗卷派晒嘞,阿女成績進步左好多,但更令我開心係佢有緊張自己o既成績,覺得佢短短半年好似大個女左好多咁~
請問你地記唔記得測驗洗唔洗家長日拎成績表啊??thx~
嚟緊家教會攪o既旅行你地去嗎?我去唔到啊,我估阿女好失望了.......

cooyee

cameo,daisy媽咪

我個女換牙都去講給學校社工聽, 有一天和社工閒談, 竟然有很多小朋友都和我個女一樣呢.

cameo,

測驗唔洗拎成績表. 家教會旅行我會去的, 你不能去, 真係可惜. 5月6日木偶劇你會不會去呢?

心心媽

上個星期四我個女打完針回家就告訴我,有個六年級姐姐要去醫院,又話邊個邊個cry,佢自己都有流眼淚呢,講到很好笑!

我本來很不滿意呀女今次的測驗成績,不過和其他學校d媽咪對過卷後就發覺原來聖羅撒d試卷都幾深!妳地覺唔覺呢?

cameo

cooyee,心心媽,
我兩個活動都唔去呀....
其實我唔多識其他家長,更加無乜機會同其他人對卷,所以又唔知程度係點呀,但我家姐睇過我女d卷就話深囉.....
咁即係測驗都會有成績表,但就唔洗我地去攞,學校派返嚟呀?
我個女都有話打針當日有個六年級姐姐暈左呀,又話有人流晒血,講到好恐佈,,,hahaha,,,,我預左佢喊到死死吓,但佢反而唔提自己係咁講人地,,,,,,我一問佢"你今次無喊咩?"...佢即話自己進步左,上到課室已經收聲喎,,,,hahaha,,,,,醜!!
不過今次支針打完都幾勁,我聽到都幾個小朋友發高燒要早退or請假....我女隻手仔都痛左幾日!!

Daisy媽咪

各位,
亞女都有喊, 又話六年級姐姐打完針成塊臉紅哂, 然後暈左 !
我覺得份中文卷好深, 可能亞女d中文屎啦 !
以我記得測驗係冇成績表既, 但paper 回派返黎, 會計平時分, 但唔明平時分又唔計落考試住, 咁有乜用 ?
家教會既旅行亞女唔去啦, 佢之前一日有function, 會攪到好夜, 費事佢起唔到身 !

心心媽咪 :
你個女好似之前都係讀st.rose kinder, 你可唔可以講下校內既情形同程度 ? 我 好唔好將亞仔放係st.rose 呀 ?   st.rose 既男生會升去邊度讀多 ?

心心媽

今次支針真的很勁,我女隻手都痛左幾日,我地唔小心掂到佢,佢都痛到呱呱叫!

測驗好似唔計成績架,應該唔派成績表,不過測驗都咁深,考試都唔知點算! :cry:

我地都係唔去旅行同睇木偶戲....

心心媽

Daisy媽咪:

我囡囡讀了三年幼稚園,只在K3時先有機會同男同學一班.

我唔係好識佢地,不過去生日會同謝師宴時跟幾個媽咪傾過,有D係有家姐係度讀,細老跟埋,有個係媽咪本身係聖羅撒畢業,所以比仔仔係度讀.兩個都去喇沙,

又聽呀女講,老師上堂時有問D同學仔去邊樹讀小一,可能要做記錄,女仔大部份返聖羅撒小學,其次係MARYNOLL, ST. MARY,聖家等,而男仔只知有人派去喇沙!

不過妳個CASE,我覺得妳囡囡已讀小學,仔仔都唔可能跟家姐,幼稚園可考慮其他學校!