無offer 既媽媽千其唔好灰心！

Winghtsang

多謝大家安慰
我一開始唔係target直小，都係到k2果陣先突然想比仔仔試，呢一年只係自己教phonics，有係出面學trinity，我低估左考小原來係咁難，所以只能怪自己冇做好準備，雖然一直有做心理準備最後0offer，但心底裏仍然妄想或者我仔仔會好好運呢，結果當然是殘酷的。。

MsMJ

真心覺得， 私幼也好券幼也好，家長小朋友都要有努力，或者有運。唔好覺得名幼真係幫到你由無offer變有offer。 最重要的還是家長用心教導孩子。

别人可能不知道，名幼家長好早就目標明確，努力5年，或者可能有offer。 但其他人只看到小朋友件校服，冇了解家長的努力。

邪惡木馬

MsMJ 發表於 23-11-7 14:37
真心覺得， 私幼也好券幼也好，家長小朋友都要有努力，或者有運。唔好覺得名幼真係幫到你由無offer變有offe ...

件名幼校服，
未出世已經要準備playgroup，
先著得到名幼校服

Lightwriter

Winghtsang 發表於 23-11-7 14:01
多謝大家安慰
我一開始唔係target直小，都係到k2果陣先突然想比仔仔試，呢一年只係自己教phonics，有 ...

輪準備都差一截，更莫講私幼考小既學校配套，家長一手消息互通既network等等。其實有齊以上準備充足都未必考到，更莫輪準備不足既。

你係第一次考小嗎？我覺得新手媽媽第一次玩考小真係由有配套既私幼開始，好過係券入面盲中中，自己搏鬥。

Winghtsang

Lightwriter 發表於 23-11-7 15:41
輪準備都差一截，更莫講私幼考小既學校配套，家長一手消息互通既network等等。其實有齊以上準備充足都未必 ...

係阿，我身邊冇乜人有小朋友，只靠自己上網睇，學術完全唔知要考到幾深，而家得真道入到第二輪，但都係機會渺茫，如果自行入到我母校基華九龍塘我個心就定啲，只怕派得唔好要周圍叩門，過程真係好煎熬

tummypooh

其實如果你唔係要神級個幾間, 其他直私唔係想像中咁難。
除左某幾間超級注重學術的學校外，其他學校反而係睇小朋友的溝通表達能力。
我女啲中文認字差到冇朋友、冇報個啲咩鬼Trinity Oxford、冇面試班、冇學樂器、唔係名幼，結果都係考到架，你要神級個啲就冇計了

Jean1769

Winghtsang 發表於 23-11-7 14:01
多謝大家安慰
我一開始唔係target直小，都係到k2果陣先突然想比仔仔試，呢一年只係自己教phonics，有 ...

你會唔會諗得太簡單

見你打去spccps問幾時通知second in咁緊張。就算名幼大外補生對呢間都要看輕d啦。何況你自稱基層家庭讀邨幼。

Winghtsang

Jean1769 發表於 23-11-7 16:46
你會唔會諗得太簡單

見你打去spccps問幾時通知second in咁緊張。就算名幼大外補生對呢間都要看輕d啦。何 ...

其實我上面都認左我係低估左考小呢個遊戲，我冇接觸過直資，邊知道原來幾歲人仔就要識我哋以前小學先教既野@@？而家我知道啦，認清左事實了謝謝你。另外你話我打去問咁緊張，我報左7間，除左學校有講明幾時出result其餘我間間都有打過去問的，作為家長緊張有咩問題？你係想表達我小朋友讀邨校一定冇機會唔需要咁著緊嗎？呢樣我心知肚明，唔該哂你

Jean1769

Winghtsang 發表於 23-11-7 17:23
其實我上面都認左我係低估左考小呢個遊戲，我冇接觸過直資，邊知道原來幾歲人仔就要識我哋以前小學先教既野 ...

緊張—》增加職員工作量

人哋遲早都會通知你
個個好似你咁仲得掂

Winghtsang

Jean1769 發表於 23-11-7 17:25
緊張—》增加職員工作量

人哋遲早都會通知你

呢個post出黎係安慰冇offer既媽媽，我唔明你一直係到踩人有咩意義？

Jean1769

Winghtsang 發表於 23-11-7 17:32
呢個post出黎係安慰冇offer既媽媽，我唔明你一直係到踩人有咩意義？

我就無踩你
但你自己都話邨幼基層公屋家庭又無乜外補但考直私竟然咁高期望
係期望管理問題
玩乜遊戲都好，最緊要知自己位置
同埋衰d講，俾你入到直私都唔係件好事。你話自己節衣縮食先俾到個仔外補，直私大部分家長都資源充足，人哋講暑假去左歐洲玩你個仔呢？入到都可能自卑，仲未計你見其他家長個個扮得靚靚闊太咁款，你自己都可能會咁諗。呢個係非常現實的問題。

倒不如大抽獎係間津校努力讀書升中再去band 1A 學校好過啦

忠言係難聽，所以我講到呢度。安慰說話人人識講，有無用先得㗎！你以為插班好易咩？起碼級頭先插到好d的直私，甚至筆試機會都係好難。呢度成功的例子始終係小數。

fmf903

Winghtsang 發表於 23-11-7 17:23
其實我上面都認左我係低估左考小呢個遊戲，我冇接觸過直資，邊知道原來幾歲人仔就要識我哋以前小學先教既野 ...

我見你報db, SPCC 其餘5間係咪都一線熱門果啲？
如果是，落選好正常。
出面LH , BH, SC , CCKG 已千幾人可揀，父母背景好+ 出盡力幫小朋友，唔止外補，內補都好勁。
一般人要追上名幼學術要更加努力。小朋友圈子很重要，因為你身處劵幼，所以唔知出面水平。知道水平，先知道點追呀。

Winghtsang

Jean1769 發表於 23-11-7 17:38
我就無踩你
但你自己都話邨幼基層公屋家庭又無乜外補但考直私竟然咁高期望
係期望管理問題

係冇乜外補既，暫時只有trinity GESE grade3 distinction，phonics只學到magic e，自知學術未夠班，只憑小兒性格才對他有高期望，錯信有啲校長所講既展現童真，只要肯講嘢就得。Anyway多謝你既意見，我會疊埋心水等自行/大抽獎

sandra1004

Winghtsang 發表於 23-11-7 15:56
係阿，我身邊冇乜人有小朋友，只靠自己上網睇，學術完全唔知要考到幾深，而家得真道入到第二輪，但都係機會 ...

加油，只要你對一件事有追求，有目標係會有壓力的，不過，唔好比太大壓力比小朋友同自己，relax
我大女升小都直私考左4間，冇offer,派第二志願，然後叩門，叩門有幾間offers可以揀
到細仔都係讀番家姐間happy 券幼，最後有間直資收左
而且依家學位冇甘緊張，唔使太大壓力，relax

Winghtsang

fmf903 發表於 23-11-7 17:48
本帖最後由 fmf903 於 23-11-7 17:52 編輯

我見你報db, SPCC 其餘5間係咪都一線熱門果啲？

仲有英華港同播道真道同陳守仁，我已經知道冇咁大個頭唔好戴咁大頂帽，所以只係想圍下爐就算，唯有小學努力爭取去好既中學

Ckm0425

我個經歷都幾年前，小朋友而家都高小，都可以分享一下食全餐嘅心路歷程。女仔，普通私幼，學術中等，小朋友性格比較怕羞。

考直私 - 前後考了十多間，最後三間有offer，不過全部都係二線私校，神校三私一直一間都考唔到。當初考直私嘅心態其實係為大抽獎買個保險，讀唔讀心態上都係一半一半，不過叫有個安心。

自行 - 當時自行收了，不過比較過自行那間和私校offer, 最後放棄了自行那間，拎私校backup去大抽獎。

大抽獎 - 因為有私校offer做backup，所以選擇上比較進取，結果獲派寶校，喊咗一晚。

叩門 - 前後叩了六七間，最後一間都叩唔到，當時叩到懷疑人生，果段期間覺得自己和小朋友都好冇用，當時心情跌落谷底。

二線私校與寶校之間做選擇 - 咁有得揀梗係私校。

小一 - 小朋友過了一個好愉快的小一生涯，期間有嘗試裝備佢考插班，最後小二幸運地插了一間有直屬中學的學校，正式完成食全餐嘅過程。整個過程漫長又痛苦，但正正是這些經歷令自己更了解小朋友的強弱項。

Winghtsang

sandra1004 發表於 23-11-7 18:08
加油，只要你對一件事有追求，有目標係會有壓力的，不過，唔好比太大壓力比小朋友同自己，relax
我大女升 ...

謝謝你，我會同小朋友一齊努力，而家只係考小，仲有漫漫長路要一起走過

Winghtsang

Ckm0425 發表於 23-11-7 18:14
我個經歷都幾年前，小朋友而家都高小，都可以分享一下食全餐嘅心路歷程。女仔，普通私幼，學術中等，小朋友 ...

感謝你既分享，家長心態真係好重要，我心情低落既時候我仔仔安慰翻我轉頭，佢話唔緊要啦我哋繼續一齊努力，知道自己情緒會影響到佢，我而家都收收埋埋自己諗通就算，或者上黎放下負取下暖

fmf903

Winghtsang 發表於 23-11-7 18:12
仲有英華港同播道真道同陳守仁，我已經知道冇咁大個頭唔好戴咁大頂帽，所以只係想圍下爐就算，唯有小學努力 ...

播道 真道 應無咁難爭
凈低3間都係難
你應報多幾間2線。

SerenaYuen_FB

fmf903 發表於 23-11-7 18:45
播道 真道 應無咁難爭
凈低3間都係難
你應報多幾間2線。

播道而家都難呀，身邊好多家長都target 佢，因為佢英小，中學又升緊。真道係相對算易入的，上年計埋call 的應該有4,500個人起碼。
不過唔緊要啦，你而家先認清都未遲，慢慢追返上黎，一樣考到band 1 中學的，其實而家band 1 中學已經多好多，有1/3，我地個時得1/5 係英中je，爭崩頭。