讀國際學校一定要去外國讀書嗎？

Star.Star

但係講左咁多，
我觀察身邊唔同既國際學校既香港細路，
都係唔多講中文，讀同寫更加唔洗講，讀兒童簡單文章都唔掂。
想得這麼理想⋯

964000

Star.Star 發表於 21-10-19 07:46
但係講左咁多，
我觀察身邊唔同既國際學校既香港細路，
都係唔多講中文，讀同寫更加唔洗講，讀兒童簡單文章 ...

佢地互相係唔會講中文，始終first language 講慣英文，但如果同番講中文的人係會講中文，你小朋友唔講中文了？其實如果IS小朋友在講中文，你跟本唔會知佢在IS讀緊，我小朋友唔講D人都以為佢是local school，不過佢好多local 同學的確少講中文，反而大陸家庭，日本家庭都會和父母說PTH/日語，呢啲真係屋企做成的。

其實好介意中文真係讀番local school好啲，起碼first language定左係中文先，父母定好多。正如好介意英文就讀IS，因為local 的英文課程係比較淺，佢哋一樣好多外補。

Star.Star

964000 發表於 21-10-19 09:51
本帖最後由 964000 於 21-10-19 09:58 編輯

佢地互相係唔會講中文，始終first language 講慣英文，但如 ...

我屋企全部人講中文，我小朋友識講，但甩甩cut cut，聽得出啲文法同字眼係英文轉過來。
我識好多同校、不同校既直情唔願講中文。
佢地家庭唔講中文嗎？唔係的，至少父或母一方係全中，又送去外補，
但小朋友就係完全無視中文。

所以我認為未讀既家長唔好一心諗住自己講中文、或者送出外補，小朋友長大中文就至少達到小學生水平。

964000

Star.Star 發表於 21-10-19 10:11
我屋企全部人講中文，我小朋友識講，但甩甩cut cut，聽得出啲文法同字眼係英文轉過來。
我識好多同校、不同 ...

要4歲前轉到中文台，即係父母和小朋友互相講中文，我當年都落了些功夫，例如當時專join d唔識英文只說中文的興趣班，不過我都明白唔係人人做到，或太遲做。
我最近挑戰難度， term break join了一個要識看中文才玩到的活動，平時IS父母會避開，我就係要佢知道要應用下中文

ckmammy

Star.Star 發表於 21-10-19 10:11
我屋企全部人講中文，我小朋友識講，但甩甩cut cut，聽得出啲文法同字眼係英文轉過來。
我識好多同校、不同 ...

我個仔喺美國出世長大，屋企我地同佢講中文。學校無中文堂， 只係一星期喺唐人街上一次中文班。讀完三年級嘅中文程度都係等於 LS 小一。 佢中文都流利，但鍾意用英文答我。 當時我都有鬧過佢，如果再用英文答我哋就要罰。

佢完全唔識/唔會睇中文書。直至 G4 回流返香港讀國際學校，我比佢私補中文， 一星期補三堂。到 G6 又識咗幾個香港朋友打機， 逼住講廣東話。而家 Gr 8 已經轉咗channel全部用廣東話，亦會自己睇中文書。 我仲講笑反問返佢仲記唔記得點講英文㗎， 因為太耐冇聽佢講英文了。而家中文程度已經追到 LS 六年级。

我想講嘅係就算喺美國大，或者讀國際學校一樣可以學到中文。

Star.Star

ckmammy 發表於 21-10-19 10:56
我個仔喺美國出世長大，屋企我地同佢講中文。學校無中文堂， 只係一星期喺唐人街上一次中文班。讀完三年級 ...

你小朋友係由一個完全唔需要中文既環境，去到一個佢覺得好多中文既環境，而大部份國際學校既小朋友係一直處於佢地冇需要用中文既環境，
冇環境轉變所帶來既衝擊，情況已經唔同。

ckmammy

Star.Star 發表於 21-10-19 11:24
你小朋友係由一個完全唔需要中文既環境，去到一個佢覺得好多中文既環境，而大部份國際學校既小朋友係一直處 ...

喺香港接觸中文真係好容易， 亦有大把途徑去學。一打開電視又係中文。喺學校只係每日七個鐘頭講英文，其餘時間都係圍繞中文。 我小朋友喺一個無中文語境嘅環境生活咗頭八年都學到 LS 6 年级程度。如果香港學生喺香港讀 IS 都學唔識中文，最大責任係家長，無想盡辦法去做。

Star.Star

ckmammy 發表於 21-10-19 11:55
喺香港接觸中文真係好容易， 亦有大把途徑去學。一打開電視又係中文。喺學校只係每日七個鐘頭講英文，其餘 ...

你咁講又唔啱。我識好多家庭係已經講中文又有外補，家長都響屋企幫手溫習。家長責任所以學唔好？咁聽話一定順你意願就人人考試滿分啦

ckmammy

Star.Star 發表於 21-10-19 12:05
你咁講又唔啱。我識好多家庭係已經講中文又有外補，家長都響屋企幫手溫習。家長責任所以學唔好？咁聽話一定 ...

學識同考試攞滿分係兩回事。 你認識嗰班家長喺屋企有講中文，亦都有外補，但係補幾多，喺邊度補都有分別。 如果家長已經盡最大努力， 只可以講係個別小朋友資質唔夠好， 而唔係讀國際學校就學唔識中文。

Star.Star

ckmammy 發表於 21-10-19 12:25
學識同考試攞滿分係兩回事。 你認識嗰班家長喺屋企有講中文，亦都有外補，但係補幾多，喺邊度補都有分別。  ...

你話曬大部份讀國際學校既小朋友或者你小朋友係天才啦
人地家長就唔夠努力，方法又錯，小朋友資質又唔夠好啦
唔洗咁大口氣既，謙虛有禮比中文學得好更重要

melobi12

回覆 ckmammy 的帖子

我覺得你講得好好
雖然我唔識好多讀IS o既小朋友，但我認識好多外國長大o既人，其實要做到聽講流利似乎好多人都做得到 (除非只係我識親啲人都係資質特別好)。寫方面就好睇個人修為了，雖然好多未必寫得出啲字 (講真現代人打字之後好多時都執筆忘字)、打唔到倉頡，但佢地會用拼音打字 ga。中文好唔好，前提係有冇機會接觸同用中文...

o係外國尚且可以做到咁，o係香港一街都係中文，其實只要小朋友唔係抗拒中文，我都唔明點解會話「大部份國際學校學生中文都好差」。搞到我都好驚我教我女中文呢條路好難行，因為我女就係o係o個啲唔教中文、好多外國學生o既學校。

不過我女仲細，我都係試驗階段，到底屋企自細同佢用廣東話對答 (雙向，然後學另一位家長咁講，我會正常講嘢，仲會用俚語成語) + 廣東話朋友play date + 廣東話興趣班 + 中文書伴讀，加上一街都係中文，見到咩字都講下、寫下，最終會學到幾多中文呢?

又既然到5歲都仲肯用中文(聽講讀寫)，咁佢去到咩年紀會突然變成抗拒中文、唔肯再上一直上開o既興趣班、唔肯同玩開o既朋友玩? 呢樣我真係想請教輩俾啲心理準備我。

Radiomama

Star.Star 發表於 21-10-19 10:11
我屋企全部人講中文，我小朋友識講，但甩甩cut cut，聽得出啲文法同字眼係英文轉過來。
我識好多同校、不同 ...

你的小朋友讀幾年班？獨生子女還是有多過一個呢？

我的觀察是，如果家中多於一個孩子，而他們又全部在國際學校讀書的話，他們都只願意用英語溝通。

但若是獨生子女，只要父母日常多點用廣東話溝通，情況較易轉變；孩子雙語發展會較佳。

我兒子也是在小學前集中用英語，但之後慢慢調教番啲中文。有志者事竟成，不用太早下判斷。

Radiomama

melobi12 發表於 21-10-19 13:42
回覆 ckmammy 的帖子

我覺得你講得好好

如果我話keep住在家因材施教、不強迫、不補習，睇吓中文卡通節目，講吓中文故事書、順其自然，做得到嗎？
上述方法可以讓孩子在聽講讀方面有禆益，至於寫，則仍是弱項。不過我已經收貨。

annie40

ckmammy 發表於 21-10-19 11:55
喺香港接觸中文真係好容易， 亦有大把途徑去學。一打開電視又係中文。喺學校只係每日七個鐘頭講英文，其餘 ...

學習，也是緣份吧！
錯過，往往不是緣份未到，而是緣份到了，卻又輕易放手，沒有堅係下去。書到用來方恨少，有日孩子必然會感謝媽媽曾經的堅持。

ckmammy

melobi12 發表於 21-10-19 13:42
回覆 ckmammy 的帖子

我覺得你講得好好

你小朋友咁細而又喺香港生活學中文唔難。只要 keep 住屋企全廣東話對話，睇電視要睇中文台。盡量同佢睇中文書，如果可以私補就盡量補幾多得幾多。 反正國際學校小學都冇功課，大把時間日日學中文都得。 上興趣班都要選中文教嗰啲。我相信一定學得識。 未必可能同 LS 程度同步，不過距離唔會相差太遠。

每個家庭對小朋友學中文要求都唔同。或者我要求比較高， 唔單止要識聽識講， 我都要求我小朋友將來至少睇得明金庸小說， 基本知乎者也嘅文言文都要識。

fijimum

ckmammy 發表於 21-10-19 11:55
喺香港接觸中文真係好容易， 亦有大把途徑去學。一打開電視又係中文。喺學校只係每日七個鐘頭講英文，其餘 ...

我好認同你嘅講法，學習語文並非從單一渠道學校得來的，家長的協助（正確方法）和其他外在環境嘅幫助都對小朋友嘅學習有好正面既影響。

呢個post開始有啲離題，某些人轉移左視線不停貶低國際學校嘅學生中文好差，如果覺得自己子女中文差，應該積極諗辦法改善，並非一概定論其他國際學生中文都係差去令自己感覺舒服啲⋯⋯

melobi12

Radiomama 發表於 21-10-19 14:16
如果我話keep住在家因材施教、不強迫、不補習，睇吓中文卡通節目，講吓中文故事書、順其自然，做得到嗎？
...

做得到的，暫時都有做緊。

只係最近成日都會諗，係咪時候報外面嘅中文班？

之前試過喺屋企教中文，個女對讀寫興趣不大，但近來試吓轉用有人話較悶嘅基礎漢字500，佢反而好似幾有興趣，晚晚瞓覺前追住睇，有一日仲自發拎左啲部首字咭出嚟用手指寫。

咁細個，唔知我應該繼續自己教，定出外上堂好，始終我唔係咁專業…

Star.Star

fijimum 發表於 21-10-19 15:33
我好認同你嘅講法，學習語文並非從單一渠道學校得來的，家長的協助（正確方法）和其他外在環境嘅幫助都對 ...

我？你錯重點了。我係講眼見例子（校外校內）。我小朋友中文係普通，差過本地好多，但響國際學校小孩之中中文算幾好。
而且我地將會移民，中文聽同講接近流利、讀寫識好簡單都冇問題。
所以冇讀國際學校又唔移民唔去外國升學又中文唔好既壓力。
但如果咁打算既家長就要三思。當初冇計劃移民的我，唔會咁行呢條路。

melobi12

ckmammy 發表於 21-10-19 15:19
你小朋友咁細而又喺香港生活學中文唔難。只要 keep 住屋企全廣東話對話，睇電視要睇中文台。盡量同佢睇中文 ...

好慚愧我自己都冇點睇金庸小說，揭開過但冇興趣… 文言文更加怕，如果我女超越到我我都會好開心

我要求低啲，我細妹只有香港初小中文程度（當年初小應該冇而家啲初小咁高程度），到外國後只有一星期一堂中文班，但佢鍾意睇書，所以佢喺中學時都睇晒我媽屋企成個書架嘅亦舒小說，我諗起碼有200本，我覺得咁都幾好㗎喇。

不過諗返起，培養閱讀興趣真係好重要，興幸我媽咪都幾多藏書，我地細個冇嘢做都會隨手喺書架揾本書出嚟讀下，讀下讀下有時會發掘到鍾意嘅書。

當年我睇第一本Harry Potter係我媽睇緊嘅中文譯本第二集。有一日我好悶，隨手攞起櫈上面嘅Harry potter睇，一睇不得了，停唔到係咁睇，睇完走返轉頭睇家中已有嘅第一集中文版，之後第三集先開始買英文版睇。

真心要以身作則閱讀，唔好淨係要求小朋友睇先得。

mandy_ng207

964000 發表於 21-10-19 09:51
本帖最後由 964000 於 21-10-19 09:58 編輯

佢地互相係唔會講中文，始終first language 講慣英文，但如 ...

佢哋真係會認對象轉台嘅，我仔而家參加會所興趣班，成班男仔只講中文，佢一句英文都唔會講，雖然佢啲中文都係半桶水，有時會鬧出笑話，但係冇人知道佢係讀國際學校嘅
自從參加多咗用廣東話嘅興趣班，識咗講中文嘅朋友之後，我仔嘅廣東話會話突飛猛進，冇咗嗰種「西人味」。
佢而家初小，不過我諗如果高小先參加呢啲班，就難啲轉台啦