面試班的感受

HK-CR7

lambeanmama 發表於 21-8-24 18:35
身為過來人，我覺得面試班的作用是：
1. 俾小朋友大概知甚麼是面試；對慢熱內向小朋友尤其重要。當然有好多 ...

好同意你第二點, 因為面試班老師應該會知道名小既要求, 而報面試班個班家長正正就係將來既主要對手, 咁報面試班就可以大概知道自己小朋友係處於咩水平去作出補救, 但如果個老師只識批評又無教點改善既, 就可以搵第二個了

honeybunny8

回覆 lambeanmama 的帖子

好同意你講法。其實各貨應各客，又唔係全部人須要用面試班幫助自己嘅小朋友，但面試班亦都有佢哋嘅價值，亦有好老師同冇咁好嘅老師，家長要自己決定。
以我個人嘅經驗，大嗰個考 K 時幾乎全軍覆沒。結果我俾佢入咗間 Happy School，快快樂樂咁到K2。K2 時幼稚園老師話佢太慢熱，從來唔舉手參與課堂活動，好擔心佢，所以 K2 下學期開始我俾佢去九龍塘某出名面試班。對於我呢個在職媽媽來講，實在無時間上網搜尋資料同 keep track 各學校報名日期，係靠面試班老師提供。面試班老師又能夠話俾我知小朋友有啲咩地方需要大力加強，又提供埋中英文認字表（e.g. 我絕對唔會諗都要教小朋友18區嘅名），大概嘅學術要求範圍，上堂時好有耐性咁鼓勵我嘅小朋友參與，令到佢慢慢會開始舉手，大膽喺其他小朋友面前發言。又有教係坐姿、衣著、儀表、自我介紹各方面嘅基本要求，我都係照做，有備無患。
最有用嘅真係老師每堂課下課之後，都會同我詳細解釋我小朋友嘅表現，同埋我返屋企可以點樣幫佢，有幫我睇 portfolio 比意見。我見有好多家長冇問得仔細，又有啲係長輩/工人姐姐帶嘅完全唔問老師問題，咁雖然大家一樣俾咗咁多堂費，獲得嘅益處就一定會少咗啦。我肯虛心請教、不恥下問，老師就會關照我多啲，我俾錢都俾得開心。
老師就一定會集中講小朋友有啲咩不足嘅地方，唔通你淨係想佢話俾你知好好咩？如果我個老師係咁乜都話俾我知好，我會覺得佢冇乜幫助。但係佢話唔好嘅地方，又唔係如果改唔到就一定全軍覆沒，只不過係想你進步得幾多得幾多，盡量喺個面試遊戲之中佔一啲優勢。
我個小朋友喺模擬面試排名度唔係咁好，所以我都有心理準備。出乎意料之外嘅係佢兩間所謂嘅神校都以 N 無身份有 direct offer，其他一線直私嘅都收，全中，絕對係面試班嘅功勞。真係，我哋連家長面試嗰part都上面試班，因為我先生完全 hands off，佢都需要 training。
到細嗰個，因為佢有 siblings priority ，我淨係俾佢係屋企附近一間面試班係上一個暑假，等佢都適應下面試模式。對比起上嚟，面試班嘅老師成日讚佢，冇咩建設性嘅 feedback，反而因為我經歷咗大嘅，所以自己識得執返細嘅 performance。如果淨係靠呢個成日讚嘅老師，細嘅都未必入得返。
面對老師嘅 feedback，要用正面嘅心態去睇件事，知道老師都係盡人事姐，並唔係personal嘅。我哋幫小朋友，都係盡力而為，到咗嗰日都係靠佢哋自己嘅表現。得唔得都冇咩好埋怨，
有啲小朋友上咗小學先真正發力，插班去插得好。放輕鬆啲，就唔會影響到親子關係啦 ❤️

HK-CR7

honeybunny8 發表於 21-8-26 12:11
回覆 lambeanmama 的帖子

好同意你講法。其實各貨應各客，又唔係全部人須要用面試班幫助自己嘅小朋友，但 ...

多謝你既詳細分享, 介唔介意PM我邊間面試班? 我都煩惱緊上邊間, 謝謝你

chanchancat

作為家長當然明白 你的心情, interview class 有時不如你所想地鼓勵 小朋友, 但是老土都要講一句, 其實真正嘅面試係仲殘酷, 基本上唔會有人好有耐性地 慢慢發掘 小朋友的特質, 就算對住傳媒講到有幾好聽，幾日裏 見幾千人, 真係唔會有太大嘅期望佢哋會好有耐性, 遊戲既然係咁樣，就只有玩或者唔玩, 或者, 呢個都係一個讓小朋友成長嘅機會. dont know which interview class you are attending...but if a teacher can indicate which part the students need improvment to me, i am okay. 不過我是明白那個心情的。

mumumma

我本身都好緊張個女，晚晚放工就谷個女練故事、練對答，老豆又幫唔到手，最後要個老師見到我個女表現同之前唔同左先話俾我聽，叫我留意下，而家完全交俾老師，我就負責帶個女去玩

celinechan117

lambeanmama 發表於 21-8-24 18:42
家長，你要了解殘酷現實的真相是再活動教學的直私，都係想收一批能做到收放自如，該活時活，要靜時靜的小 ...

十分同意你的講法
只要睇吓某熱門活動教學幼稚園收生的criteria 便知一二
嗰D學生先係直私中意
離不開大B，聽指令/定的學生

蚊蚊mosquito

yukili1111 發表於 21-8-26 00:33
我覺得坊間面試班嘅模式和類型林林總總，不如穩一個私人老師針對某一個學校去訓練好過啦，我以前上面試班都 ...

同意
如果上出面d班唔岩小朋友
我覺得搵私人補習老師上門仲好
但前題都係要家長跟，除非請到好老師每星期3天以上

wansfamily

aiko_0428 發表於 21-8-24 18:21
回覆 yeeling0101 的帖子

其實常識好廣泛，有好多野都可以學，正如解難能力都有幾百樣要解，唔通就要識晒 ...

大約自行閱讀什麼程度的書？有冇考Cambridge ？
老師話小朋友英文邊方面弱？

fairycatcher

我成日都話，面試班真係人夾人。我自己小朋友有上面試班，好慶幸遇到一個又好又有要求嘅老師，我係真係睇住小朋友一直咁進步。但係我可以話，我有朋友上同一個老師，結果佢就同樓主一樣，越上越沮喪，仲開始懷疑人生，結果佢幫小朋友轉左去令一間面試班。

我同意上面咁多位家長嘅忠告，面試班唔係萬能，家長返到屋企一定要跟進，咁樣先至可以事半功倍。我朋友就係太忙，平時冇時間，所以小朋友根本一直原地踏步，冇進步過. 對於第一次面對小一面試遊戲嘅家長，面試班嘅作用，係話俾我知道而家小學會考D咩題目，平日自己可以點樣train , 同埋睇吓其他小朋友嘅水平。
我相信樓主係一個盡責嘅媽媽，所以小朋友一定唔會差得去邊。既然已經嚟到考小直路，希望你可以忘記面試班嘅經歷，盡力裝備小朋友，放鬆面對結果

jennifertam20

今年啱啱遇上疫情，牙仔根本冇機會上面試班，我自己教佢，一樣都考得唔錯。當然我曾經都懷疑過人生，你而家只係啱啱開始，唔好俾咁大壓力自己。加油啊。

jennylady

回覆 aiko_0428 的帖子

我仔上過幾堂面試班但因為我開始遲
和疫情關係我只上了幾堂就停了
老師評語就真係好差
講到個仔好唔掂

但最後我仔有好好的offers

老師一定講到你小朋友好差
否則點叫你繼續讀
要比信心小朋友
加油

kpc2015

最慘有家長信哂依的學店！以為小朋友曳不努力！重責怪！ 影響子女感情同家庭關係！睇下楊局長學唔學到中國加強監管下？

Cckhsw

aiko_0428 發表於 21-8-23 18:17
回覆 ipki 的帖子

有呀，好同唔好都會講，但到後期接收到既就係佢表現唔好，我真係越聽越唔想聽，我都好無 ...

媽媽要明白，唔能夠將個人期望放大，亦唔能夠將個人期望放落小朋友身上。都係果句，你盡佐力做好你本份就夠。你要學習調節心態，至於情緒方面，更深層次嚟講，一切都只係出於你嘅恐懼。你係獨立既人，小朋友亦一樣係獨立，無論日後係點，都會有最好最適合既安排比小朋友，小朋友會有自己條路，學習長大嘅路好漫長，做好媽媽本份就好啦。關注自己情緒源頭比較重要

JlIl

你自己同小朋友對答吓好過啦
同埋執番d禮貌 出入同人講早晨唔該 多謝bye
k3教埋加減數 寫字寫靚d
已經好好

ojoj18

bbellchung 發表於 21-8-23 18:25
本帖最後由 bbellchung 於 21-8-23 18:26 編輯

唔講差啲，點嚇到你怕繼續課金。萬一考唔上，佢又可戴定 ...

講得岩, 呢d面試班閂埋房門都唔知做乜, 家長送到就要即走. 又貴又唔透明職員梗係話你小朋友唔好啦, 到時冇校收, 佢就話你責任, 同佢冇關. 就算係小朋友坐得唔好, 比左幾千銀, 都係你地有責任教啦. 又可嚇怕你, 繼續要課金. 商業活動, 都係......錢!

piglover

aiko_0428 發表於 21-8-24 18:21
回覆 yeeling0101 的帖子

其實常識好廣泛，有好多野都可以學，正如解難能力都有幾百樣要解，唔通就要識晒 ...

係唔係佐敦果間樂X，呢間出名踩學生㗎啦。

honeybibibibi

aiko_0428 發表於 21-8-23 17:29
上面試班上到作為媽媽既我真係好沮喪，大家媽媽有無同感？初初原意諗住可以比小朋友熟悉下面試既應對，但無 ...

我明。
不過當時呀囡唔係上緊面試班，而係寫作班。
每堂都話囡囡寫野唔夠creative，又唔夠主動呢樣果樣，又叫我同佢轉班，可能上返reading班會適合d。
上到連作為家長既真係對小朋友都無曬信心，仲好唔開心。
結果唔再學，再從新出發，效果更好。