救命~普通話教中史

yuyueng

以前教中史既老師真系有心機教，堂堂都教到口沫橫飛，手舞足蹈，偶然再講下野史，當年自己會考同A Level 唯一奪A既科目，我仔3年既中史都系我自己教，所謂自己教其實我都系每星期用1小時同佢私人補習，我講佢聽，測驗考試前用2個1小時同佢溫書，歷史全部千篇一律，前因後果加一D特別元素，我仔測驗考試全部9字頭。
同佢溫中史同時我灌輸埋愛國教育。

fishballbaby

9284 發表於 20-10-7 16:20
本身阿女對中文任教的科目都興趣不大 , 平時都係睇慣英文STORYBOOK, 幾厚都睇哂, 但係一講到中文就.......  ...

我的情況和你差不多，雖然不是普教中和中史，已令我好煩惱。
阿囝他的生活也是用英文，他從小英文科和數學科也不用理他，但是中文就從小也沒有興趣，現在剛中一，面對的難題就是文言文和中史，他埋怨文言文太深，和中史太多嘢要記，昨晚才為了這些科目而鬧情緒。
現在唯有只是安撫住佢，也是說讀到中三，中四就可以甩中史。

王家爸爸

yuyueng 發表於 20-10-14 16:42
以前教中史既老師真系有心機教，堂堂都教到口沫橫飛，手舞足蹈，偶然再講下野史，當年自己會考同A Level 唯 ...

現在教中史，雷多，小心啲既老師，都係依書直說，唔敢多口。

gracelam

王家爸爸 發表於 20-10-20 12:14
現在教中史，雷多，小心啲既老師，都係依書直說，唔敢多口。

宜家教LS同中史都多雷，老師越嚟越難撈，之後又少左人大學揀教育呢科讀，惡性循環

October.

王家爸爸 發表於 20-10-20 12:14
現在教中史，雷多，小心啲既老師，都係依書直說，唔敢多口。

中史依書直說真係好悶，會搞到更加多人唔中意中史，不過，可能到時中史係必修都唔出奇。我係老師都唔多言啦，做咁多做咩，少做少錯，唔驚俾人投訴咩？

dingyan

如果唔太介意簡體字，有套半小時漫畫中國史可能可以讓小朋友有啲興趣，仲有套歷史穿越報就有啲書繁體有啲書簡體，内容可能都輕鬆，或者都俾到個大概印象佢哋。

anniya

中史唔會話好難嘅，我中學時期歷史課最好