開學出出post：有關小學生功課量

S-Kwok

YolandaTam 發表於 18-10-29 10:12
咦？乜 A 仔唔係好似我老公咁：
1)成日當人哋講晦氣說話係講真
2)永遠唔明字底弦外之音

我仔係A仔，但佢好鍾意睇小說，近期連延鿋攻略嘅劇集、小説都睇。 現實生活中，佢係十分固執、生活上唔識變通，眉頭眼額唔識睇。
例如： 今年小五，佢哋可以去中學部食飯，朝早返學可以買定飯票，午飯時就可以直接去取飯，開學初時，仔去取飯時，ee同佢講佢買嘅飯已經賣晒喇 （即係唔夠人快去攞餐）, 叫佢揀另一樣， 佢所揀嘅又超過佢原先揀嘅，ee叫佢去收銀處補錢，如是者一來一回， 再擺到飯時，扒兩啖已經夠鐘， 遇事不懂隨機應變，不明白時間有限，應該要在選擇中揀取自己接受到，快手可以有飯食。
又例如： 曾經喺中文作文堂時，因不滿老師話佢寫得慢，結果佢全堂怒視老師。

S-Kwok

不下筆，結果當然係字數不足，不合格。
又試過中文作文堂因堅持要寫晒自己嘅點子，結果超時寫唔晒，以上種種都因為固執而影響生活。
佢嘅固執，連教育心理學家都話佢係十分典型嘅A仔。

S-Kwok

YolandaTam 發表於 18-10-29 10:12
咦？乜 A 仔唔係好似我老公咁：
1)成日當人哋講晦氣說話係講真
2)永遠唔明字底弦外之音

以你描述，你老公都應該係A， A仔有好多不同類型， 一般係不懂眉頭眼額、固執、不懂玄外之音... ...

YolandaTam

S-Kwok 發表於 18-10-29 10:41
以你描述，你老公都應該係A， A仔有好多不同類型， 一般係不懂眉頭眼額、固執、不懂玄外之音... ...
...

我諗係，亦坦白同佢講咗我嘅懷疑，佢反應係：哦，係咪係囉(無所謂的語氣)。
我唔當我老公嗰款A 仔係病，只係特固執，唔多懂人情世故而已，只要凡事對佢哋坦白，當佢哋執住一兩個字眼死拗嗰陣及時澄清，佢哋唔難相處。
因為親戚多，大家互相猜忌，從小我就要睇人面色，就係因為喺老公面前我可以唔駛估估吓，有話直說，唔知就問，我先至選擇佢。

S-Kwok

YolandaTam 發表於 18-10-29 10:53
我諗係，亦坦白同佢講咗我嘅懷疑，佢反應係：哦，係咪係囉(無所謂的語氣)。
我唔當我老公嗰款A 仔係病，只 ...

其實A仔好可愛，相處不用猜，坦白便可，做老公係一個好人選

YolandaTam

IloveJJ 發表於 18-10-29 11:20
佢係你講嗰幾樣。
我仔睇金庸，係欣賞佢描述武打場面，又喜歡欣賞中文字詞既優美。
...

嘩，希望唔好嚇親你哋：咁佢上中學科中文要小心，要靠古文拉分喎，白話文永世都問弦外之音同情感描寫。小女同佢啲數理叻嘅同學一遇到呢啲都投晒降，我諗對A仔嚟講更係丈八金剛摸不著頭腦呀！

S-Kwok

IloveJJ 發表於 18-10-29 11:23
我都覺得你講嗰啲方法可行。我仔其實現在專注力已好咗好多，有時覺得無聊會發下夢，其實我接受到，佢做功 ...

請教如何克服做功課專注問題？

YolandaTam

MNIF 發表於 18-10-29 11:24
俗語説，人無兩個你，除非我係你。論知識學問，生活品味妳已經相當不錯，如果有時間研究一吓哲學書藉，提升 ...

多謝鼓勵。 C兄果然係閱歷豐富      我之唔係有情緒病囉      。
食過情緒藥，成個人蠢咗，哲學未必睇得掂，但而家我都學緊睇化啲，我信耶穌嘅，睇緊教會歷史，仲有一啲舊約智慧文學：上帝對冥頑不靈嘅以色列家同中世紀大公教會都恨鐵不成鋼，但佢派一個又一個嘅使者勸戒，從不放棄，不斷俾機會 -- 愛，就該是這樣。我學習緊接受小女唔似我，我語文能力過得去，對文學歷史藝術音樂都有濃厚興趣，但佢喜歡嘅係科學，技術，歷史就愛閱讀不愛學習。

YolandaTam

IloveJJ 發表於 18-10-29 11:35
佢哋學校開始學緊古文，我見佢unseen估字既意思好叻呀！啱好多，佢好鐘意啲論語、古詩嗰啲架，我又唔擔心 ...

非常好，請繼續努力。
佢有睇朱自清，老舍等人作品嗎文言文嚟講，世說新語啲故事十分有趣，推介

YolandaTam

IloveJJ 發表於 18-10-29 11:43
無呀！等我買俾佢睇下，我唔識架!都係睇你哋介紹就買。

老舍，你或者睇吓好讀有無得下載吖，俾佢試睇吓先？嗱，世說新語就真係建議你買，我四十幾歲人睇起都會心微笑，就算令郎唔得閒睇，你都可以睇吓㗎，唔會嘥。

YolandaTam

IloveJJ 發表於 18-10-29 11:47
睇開啲，每個人都唔同，我同我仔既喜好都完全唔同，無所謂呀！

上次睇套韓劇，個角色話：點解父母要去打 ...

佢有佢自己嘅路要行。