華小：轉直資料每年學費1000元

retriever

Soundervolt 發表於 17-4-10 13:01
如果驚政府或共産黨妨礙傳教，當年"校本條例"问题波濤洶湧都唔轉，都唔使搞到今時今日先至轉直資。呢個時 ...

老實講，而家形勢係差過當年。

仲有，當年無決心移民，而家想移民，大把人。

當年跟今日，無話唔可以下決心補做。

monodad

mcl203 發表於 17-4-10 13:00
負擔就算無問題...我可以問財仔借足12年...但佢未必收我...點算??....唔會哇哇叫...可能會瓜瓜嘈 ~~~:joyou ...

小弟愚見，睇嚟睇去，只係有一樣最重要嘅目標而有急切性去轉直資，就係收生權，而華小亦因為想保持同華中嘅直屬關係，亦無可避免地要跟隨華中轉直資以確保收生權在手令華中可以從華小中挑選到（好）學生係主要因素，其餘一切都係次要因素，問題係學校夠唔夠膽將主要因素開宗明義咁攞上枱面俾人睇，如果佢夠膽咁做，我100%支持。

mcl203

monodad 發表於 17-4-10 13:08
小弟愚見，睇嚟睇去，只係有一樣最重要嘅目標而有急切性去轉直資，就係收生權，而華小亦因為想保持同華中 ...

即係1蚊一隻雞....但店主要揀過D客先會賣
唔令仔令女唔賣...心情唔好唔賣...寸咀都唔賣...弓弓
又或扶助弱勢社群...每日限賣10隻....

Soundervolt

retriever 發表於 17-4-10 13:06
本帖最後由 retriever 於 17-4-10 13:09 編輯

老實講，而家形勢係差過當年。

如果係你所講既原因，咁點解同屬耶穌會既九華仲未有聲氣轉直資?

monodad

一間學校為咗辦學質素高，學生成績好，德育水平高本來就係辦學嘅本意，為咗達成目標而想盡辦法無可厚非，我認為無必要掩飾，當年眾基督教教會學校轉直資什至SPCS轉直資都冇用傳教因素嚟做原因，我覺得想要果樣講果樣對學校同公眾都係好事。

monodad

對於一D從來冇過輝煌歷史嘅教會學校，點解唔急於轉直資？佢地冇直資辦學嘅資格？定係冇重拾過往輝煌成就嘅需要？我想信大家心中有定論。

retriever

Soundervolt 發表於 17-4-10 13:15
如果係你所講既原因，咁點解同屬耶穌會既九華仲未有聲氣轉直資?

當年跟今日點解唔可補做？！

開始決心想做，點解要一齊做？！

即係係晨早好肚餓要食早餐，你問既然咁肚餓，點解唔食埋午餐？！

正如大家所言，九華成績不如以往，係鐵般既事實，點解同系耶穌會既九華又唔轉直資？

以上所謂同樣條件，但無發生同樣結果既反証邏輯，我唔係好認同。

retriever

monodad 發表於 17-4-10 13:08
小弟愚見，睇嚟睇去，只係有一樣最重要嘅目標而有急切性去轉直資，就係收生權，而華小亦因為想保持同華中 ...

哈哈，咁即係就算華記開埋口，話轉直資因為怕傳教受阻，你都唔會信？

話分兩頭，其實一直有爭論，以香港今時香港既富裕條件，教會係咪更應將資源多放第三世界，畢竟現世代神職人員係嚴重缺乏。

天主教較傳統，教友來源主要出自公教家庭，或者自小出身天主教學校。

如果學校傳教渠道不暢，教會資源或應更多放在其他社會服務。

mcl203

retriever 發表於 17-4-10 13:29
本帖最後由 retriever 於 17-4-10 13:29 編輯

當年跟今日點解唔可補做？！

九華有直小...唔係瓜 !!!.......

monodad

mcl203 發表於 17-4-10 13:14
即係1蚊一隻雞....但店主要揀過D客先會賣
唔令仔令女唔賣...心情唔好唔賣...寸咀都唔賣...弓弓
又或扶助弱 ...

其實有冇扶助弱勢社群並唔係轉直資嘅因素，大把富豪子弟都係讀津校，收$1000學費唔代表可以扶助弱勢社群，收生權喺佢手，除非有資產入息上限，有錢人唔準讀，咁就話勉強叫做扶助弱勢啫，如果唔係大家點知道佢收嘅都係弱勢社群？⋯⋯唔明白有咩關係。

monodad

retriever 發表於 17-4-10 13:38
哈哈，咁即係就算華記開埋口，話轉直資因為怕傳教受阻，你都唔會信？

話分兩頭，其實一直有爭論，以香港 ...

唔係唔信，但請將所有考慮因素一併擺上枱面，包括收生權。

另外傳教非只看富裕或貧窮，教會應該幫助貧窮人但傳教係不分貧富嘅，否則先進發達國家應該無人傳教亦唔會有教友捐獻俾教會去幫助貧苦大眾。

mcl203

monodad 發表於 17-4-10 13:39
其實有冇扶助弱勢社群並唔係轉直資嘅因素，大把富豪子弟都係讀津校，收$1000學費唔代表可以扶助弱勢社群， ...

你似乎睇唔明我講乜...我並非指津校...我係指轉左直資後...你有$都可以唔賣俾你
就算有弱勢社郡政策...強如某男女校...引用香港强/弱勢比例....究竟收左幾多%係可以有減免學生 ~~~

retriever

mcl203 發表於 17-4-10 13:39
九華有直小...唔係瓜 !!!.......

你幾奇怪，真係西瓜對西瓜，萍果對萍果？

華小只係跟著呀哥跑，嚴格來講，華小算唔算仲係耶穌會辦學？

monodad

mcl203 發表於 17-4-10 13:47
你似乎睇唔明我講乜...我並非指津校...我係指轉左直資後...你有$都可以唔賣俾你
就算有弱勢社郡政策...強如 ...

我明呀，所以咪話轉咗直資收平學費唔一定可以扶助弱勢家庭囉⋯⋯

mcl203

retriever 發表於 17-4-10 13:48
你幾奇怪，真係西瓜對西瓜，萍果對萍果？

華小只係跟著呀哥跑，嚴格來講，華小算唔算仲係耶穌會辦學？

我理得佢華小仲係咪耶穌會辦學...你指九華 Vs 港華 吖嗎...諗多次係咪 西瓜對西瓜，萍果對萍果？ ~~~

siden

盲嘅都睇到只有一個原因：收生權。

呢個原因冇乜特別，見怪不怪，因為在SKH名校見得太多。

同一個辦學團體，邊間轉邊間唔轉，你都要睇下有冇需要。成績keep到合理水平使乜轉？人地九華冇附小，油尖旺band1男生有幾多間揀？唔去QES都去九華。九華全收band1男生，只要教學不太差DSE都唔應該太up dup。

港華唔轉直資，就繼續收華小band2生，仲要本身校網有其他band1學校搶客，佢明顯比九華更需要轉直資。

只是用一個咁牽強嘅藉口，有些ugly。

Soundervolt

retriever 發表於 17-4-10 13:29
本帖最後由 retriever 於 17-4-10 13:29 編輯

當年跟今日點解唔可補做？！

你個比喻十分差……港華同九華同屬同一教會（耶穌會），如果單單為妨礙傳教問題轉直資就應該係耶穌會同一問題，兩間學校唔會有分別。今次港華轉直資衹係單方面行動，有心賣甩直屬小學，如果唔係嫌棄華小就會攜手公報一齊轉直資啦。唔使搞到華小仲要後知後覺又話轉直資。如果之前有共識就唔使搞到華小咁尷尬。

mcl203

siden 發表於 17-4-10 13:56
盲嘅都睇到只有一個原因：收生權。

呢個原因冇乜特別，見怪不怪，因為在SKH名校見得太多。

呢D咪係....西瓜對西瓜，萍果對萍果..............

monodad

siden 發表於 17-4-10 13:56
盲嘅都睇到只有一個原因：收生權。

呢個原因冇乜特別，見怪不怪，因為在SKH名校見得太多。

其實簡單D，學校話轉直資係因為傳教需要而非想提升學生成績（什至繼續倒退）嘅話，咁我想子女有12年時間充實屬靈生命而又無視佢嘅成績嘅話（例如音小），咁我咪去讀WY囉，相反，我著重成績而無視宗教因素嘅話咪唔去考囉，咁清清楚楚講明咪對大家都好囉

lovebb2

Soundervolt 發表於 17-4-10 13:59
你個比喻十分差……港華同九華同屬同一教會（耶穌會），如果單單為妨礙傳教問題轉直資就應該係耶穌會同一 ...

華小都幾慘, 好差嗎?