如何提高津校小朋友英文水平

retriever

CCCM 發表於 17-3-8 12:23
回覆 jumphigh 的帖子

我就是平凡家庭, 目標是考好DSE, 因為無能力應付海外留學, 想小朋友英文好, 除左為 ...

ORT 分LEVEL 夠細，梗有本岩程度，口味當然好難講。

直資係收既人程度平均，所以可俾深D 佢地，不過批小朋友底子厚，咪又係因為多閱讀！

所以多閱讀，無捷徑。

重要係搵岩程度同興趣吸引到細路睇書。

bobbob

hkpapa852 發表於 17-3-9 12:06
如果小朋友對英文無興趣, 但依然可輕鬆應付校內英文科既試攞到高分, 咁有咩問題呢?

現實中, 英文叻D, 除咗 ...

於我仔嚟講，英文係acquire knowledge嘅工具，好多時佢有興趣嘅知識範疇只有英文做媒介，所以迫住要學好英文。

retriever

hkpapa852 發表於 17-3-9 12:06
如果小朋友對英文無興趣, 但依然可輕鬆應付校內英文科既試攞到高分, 咁有咩問題呢?

現實中, 英文叻D, 除咗 ...

英文好考試可以溫少一兩科。。。

miujoey

回覆 CCCM 的帖子

其實一日記10個8個字對於佢地係唔難的, 好輕鬆, 問題係點樣keep住唔好過了一排就唔記得個字, 我會用一個遊戲方法, 將學到的生字寫在小小卡紙上(過程叫佢一齊做,佢會好開心)然後全部放在一個袋好似抽獎咁, 因為已經學了幾百個生字, 就全部放在袋中,得閒無事同佢玩下抽卡仔睇下邊個嬴, 我多數扮輸比佢, 佢就好有興趣同我keep 住玩, 當同佢溫生字. 所以佢好鐘意挑戰我有時會主動去拎個袋來叫我鬥.  

retriever

CCCM 發表於 17-3-8 16:15
回覆 greentea000 的帖子

高手在民間, 廣納意見啫

津校都可以READER 教英文。不過學生底子參差，老師制唔過。

CCCM

回覆 hkpapa852 的帖子

我個人覺得有問題, 無興趣事倍功半, 越高年級問題越大, 考試叻又代表咩呢?

現實中, 英文好係工作上係絕對有分別, 任何工種都係, 語言係知識嘅鑰匙, 雖然英文叻唔代表你做野叻, 自我感覺良好係個人修養問題吧!

比較, 係因為同一個小朋友, 係唔同嘅塑造下, 可以有唔同嘅效果,我覺得人地英文真係叻d, 唔係葡萄, 只想效法當中嘅手法去幫自己小朋友, 早學習早享受

greentea000

retriever 發表於 17-3-9 12:36
英文好考試可以溫少一兩科。。。

我AL係咁做，不過小學、初中打基礎階段唔建議。

retriever

CCCM 發表於 17-3-9 12:48
回覆 hkpapa852 的帖子

我個人覺得有問題, 無興趣事倍功半, 越高年級問題越大, 考試叻又代表咩呢?

老實講句，職場上係唔少英文好，CPU 生鏽既人。但亦唔少係認為英文好係高D。唔止當事人自我感覺。。。

英文好對我來講係可以細路接觸更廣泛知識。

仲有，有人話英文係邏輯性較強語言。

CCCM

回覆 jumphigh 的帖子

同意, 唔係標籤或者賴, 津校有佢嘅條件限制, 正正因為明白學校同自己都有限制, 自己又想提供孩子能力所及嘅知識, 所以我想多聽大家嘅經驗, 我估計有好多家長教導有方, 讀津校嘅小朋友英文都好好.

綜觀大家意見都係要多閱讀, 但問題又出現了, 學校谷, 功課多, 何來咁多時間閱讀呢? 有時間又點吸引佢興趣呢?

miujoey

回覆 CCCM 的帖子

呢個又係吸引家長們肯比 $ 讀直資的好大原因之一, 就係少功課, 事實又真係多了時間,可以睇下課,小朋友又多了時間做自己想做的事情.

akys

retriever 發表於 17-3-9 12:36
英文好考試可以溫少一兩科。。。

而家咁多文科，語文底子好讀書會輕鬆好多。同一條題目，英文好嘅可以記key words，中間程度要記短句，差果啲要背成段。當年自己考CE，眼見同學讀書效率超高，自己曾經後悔小學初中冇打好英文底子（我喺一間中文小學英文top 5)。有孩子後，知錯能改，所以從幼兒開始中英文伴讀，務求兩科語文喺小學及初中階段去到行文流利水平，到高中，公開試時會讀得更有效益。如果孩子本身數底好，可以疊埋心水主攻兩科語文。

1998Ruby1998

回覆 retriever 的帖子

我就唔咁覺得英文係邏輯性強，因為我邏輯推理差，所以數學差，我中文都差。我覺得中文比英文更需要邏輯。

Feimum

CCCM 發表於 17-3-7 17:43
小朋友愛看中文書多一點, 而學校(津校)又教得好淺, 我比較過朋友直資的英文課程, 唔比尤自可, 比左好心寒,  ...

我認識不少小學讀津小的學生DSE 英文成績有5*以上的。很多醫生都是津小上傳統中學的。要語文好真是要多閲讀, 上youtube看英文卡通或肥皂劇, 都是很平的方法。

1998Ruby1998

回覆 akys 的帖子

語文好真係可以慳返好多。我見我好多同學背 LS 同其他科 vocab list，我睇完真係 O 曬嘴，起碼我唔太需要溫 LS 同英文。起碼一份 2 小時 30 分鐘英文閱讀卷我可以 45 分鐘內做完，proofread 時間鬆動。
父母一向都唔太理我中文，屋企冇中文書，自己又唔爭氣崇英排中，所以我中文上到高中開始好吃力，浪費左好多時間。

LeeCC

jumphigh 發表於 17-3-9 13:06
想孩子有進步，首先要放下標谶，根本唔係学校既问题，孩子能力唔係比学校規範嘅，冇学校会壓制学生唔比佢 ...

同意

akys

1998Ruby1998 發表於 17-3-9 17:50
回覆 akys 的帖子

語文好真係可以慳返好多。我見我好多同學背 LS 同其他科 vocab list，我睇完真係 O 曬嘴 ...

妳剛考完DSE，講嘢有說服力。我經常同人講呢個理念，聽嗰時大家都話好，但可惜唔去做。我覺得到高中應該係去精煉語文，唔係再花時間去讀，時間應該放多啲俾其他科目。

LeeCC

miujoey 發表於 17-3-9 16:37
回覆 CCCM 的帖子

呢個又係吸引家長們肯比 $ 讀直資的好大原因之一, 就係少功課, 事實又真係多了時間,可以 ...

吸引家長俾錢讀直資還有其他原因
課程安排已經吸引過津小，直資有科學堂，有實驗室做實驗，津小只得一科把鬼的常識，實驗系看教育電視睇人地做

直資初小電腦學coding，津小的初小電腦書教d嘢好似d小朋友系深山出來未見過電腦甘

LeeCC

IloveJJ 發表於 17-3-9 23:46
咁我哋津小都有做實驗，不過唔係分一科出來，係每個學期少少咁囉！

真系少少甘囉