我該如何做個母親

200904

回覆 IloveJJ 的帖子

多謝你的提點。其實，我並不是神校迷，也不是私校fans，當時有失落，是因爲覺得讓孩子經歷那麽多失敗，有些内疚。不過，更多的也是坦然面對，我也相信，天父有他的美意在其中。

多謝各位的提點，現在似乎又多些力量。


的確，神校其實並不適合她們。坦率地說一句，從家庭背景，學術基礎上，我們只是勉強合格，就算入到，對比之下，相信好強的她們會感到失落，在衆人中“隱型”。我心目中多是希望她們能入到優秀的津貼小學，在快樂的氛圍中成長。

longlokma

原帖由 babycherie 於 15-03-03 發表
其實入到神校的小朋友可以講係精英中的精英，考到的小朋友除學術外，在個人品格及思考能力都比一般小朋友強 ...

要攪清楚，神校入面係有精英中的精英，但绝对唔係入到既都係。考生是幼稚園BB,  要神先有能力預知他們日後是否best of the best！

Soundervolt

絕對同意！直/私小學揀過而取錄嘅學生只係該學校認為取錄者本身適合該校嘅學習模式或其他要求，當然每間學校對收生嘅要求都唔同，但並非什麼"Best of the Best"。

Jane1983

回覆 longlokma 的帖子

其實都係，我小朋友幼稚園有3個我認識的小朋友入神校，有1個真係sharp，但另外2個除了比較定，其他都係一般，不過有家姐在讀。

Soundervolt

神校神奇之處係可以將有能力嘅學生變為精英及喺小一之後幾年繼續去吸納其他學校嘅精英，用六年時間去令大部分上中學部嘅都係精英。小一時被取錄嘅學生當升中時雖然唔會人面全非，但好大情度上唔會係原班人馬。

mcl203

200904 發表於 15-3-3 09:15
回覆 IloveJJ 的帖子

多謝你的提點。其實，我並不是神校迷，也不是私校fans，當時有失落，是因爲覺得讓孩 ...

多年前同一已有小朋友既死黨閒談中...眼見死黨頗緊張小朋友小學學習過程
我話:"將來...我只要求小朋友讀一間師資好...名不名校不重要...唔使太緊張"
朋友即答:"係人都想入呢d學校...人人都想要既...呢d都变晒名校...咪又係年年都爭餐死"

多年後回想...好現實...好到位既睇法!!!

hkpapa852

Charlotte_mom 發表於 15-3-3 11:37
認真的, 樓主, 我會建議你再唸清楚自己想要咩

我唔係諷刺你, 亦唔係踩你, 請唔好誤會, 我好記得中學有位老 ...

多口搭下嘴:

妳呢句:
你唔係真係相信可以輕鬆學習吧!

我覺得係"有可能".... 只要家長唔理世俗眼光 (重要訓練到小朋友都係咁), 入到超谷既學校一樣能堅持己見, 唔催谷小朋友, 又唔理佢成績, 只求能愉快和學習到, 咁點得囉!

但..... 有呢種人嗎? 要做楊過同小龍女喎! 一個唔覺意做唔到小龍女做咗小籠包就幣!

ok3

想小朋友有個快樂童年? 做父母有邊個唔想!? 但現實係殘酷的........

mcl203

Soundervolt 發表於 15-3-3 11:40
神校神奇之處係可以將有能力嘅學生變為精英及喺小一之後幾年繼續去吸納其他學校嘅精英，用六年時間去令大部 ...

就算係DGJS...P6有10X 人...唔計P1--> P6換血...都少左2X-3X人畢業
朋友吹水話...唔知真定假...P1--> F3...得番1/3係以前P1同學

mcl203

hkpapa852 發表於 15-3-3 11:53
多口搭下嘴:

妳呢句:

有喎....屋企大把水...唔讀呢間可以轉國際/出國...或....有學習問題...屋企都係有水....讀到極限轉國際/出國
多年來樂在其中....自由自在...壓力係仲要考試...被老師話下欠交功課...問題不大既...happy learning~~~

200904

回覆 Charlotte_mom 的帖子

多謝你的坦率，我非常欣賞也非常感激。

原諒我還在努力觀察孩子到底適合什麽樣的教學方法。還在努力地了解各個學校的學習特色。我覺得，一方面，我希望給孩子們選擇一所適合她們的學校，不單單是我想她們進的學校，而是真的適合她們程度，及性格特點的學校。但另一方面，學校是開個公衆的，哪裏又有全面適合自己孩子的學校呢？再者，你認爲適合，想進的，人家校長又如何看法呢？

作爲母親，我只能努力奠定她們的品性基礎，知識基礎，在理想與現實之間取得平衡。

現在的陪讀，功利來講，希望她們多些詞彙量，多些知識層面，但更多的是，我希望在她們還需要我的時候，多些時間與她們共處，多與她們一起遊歷書中那遼闊的世界。與她們一起做奧數的題目，功利來講，希望多些數學技巧，在叩門階段有好的表現，但更多的是希望她們能領受數學的樂趣，帶領她們從不同角度來分析問題，仔細觀察，了解有時候即使答案只有一個，但解決分析的角度和方法可能有很多個。

寫這篇帖子，實在因爲有時候走得累了，迷茫了，希望有更多的同路人的支持，或者更多有經驗的，持不同角度的姊妹能夠指點，給與另一角度的思考。

真心感謝各位，令我豁然開朗，也令我能夠獲益良多。

mcl203

200904 發表於 15-3-3 12:05
回覆 Charlotte_mom 的帖子

多謝你的坦率，我非常欣賞也非常感激。

個人睇法....有點直接但現實

你既睇法/做法係裝備自己小朋友...迎接燦爛既將來...絕對係正確
似乎...要考慮現實存在既...有何方法去取得一張入場卷...用不用加幾張包裝紙整靚佢
未入到場...身懷絕世武功...都要其他人知你好打得先得

wtskina

到九月前一定有很多學位放出，有waiting 已是成功左一半，不用灰心。

bvbb

樓主, 妳已經做得好好, 至少讓小朋友有愉快美好的童年. 不要灰心, 或許成功抽到心儀小學,又或waiting list 成功呢!

分享吓, 大女今年讀小一, 冇報直私 (有細女跟尾), 所以只考慮津小.
結果, 自行失敗, 大抽獎時抽中乙二, 唯有叩門.
囡囡冇任何學術和比賽証書,但 但面試時成功令人留下好印象, 見校長成功取錄原因就是喜歡她有禮貌, 淡定和自信.依家讀得好開心呢!

努力, 加油 !

魚兒小寶貝

Charlotte_mom 發表於 15-3-3 11:37
認真的, 樓主, 我會建議你再唸清楚自己想要咩

我唔係諷刺你, 亦唔係踩你, 請唔好誤會, 我好記得中學有位老 ...

極同意！好矛盾！


其實你張兩件事糾結左一齊！你唔好懷疑自己，我認為你既教育方向好正確，人生係長途賽嘛！

考小學係另一回事，係獨立事件，幾十分鐘既面試喎!

我講白d，希望樓主唔好嬲，唔好介意。我建議你面對下自己，如果你只抱見識見識既心態，你及你既小朋友唔會有咁大既失落感。你話你只想入一間好既津校，係我miss 左定你冇提過呢，你係一開始無諗過入讀私校直資?  你提過小朋友好強，你不也是嗎?

攪清楚方向，亦要向心儀學校收風以往叩門情況，好既津校亦係大把人爭，d位更少，考既學術分分鐘深過考私校。放鬆心情，對自己及小朋友心理上打打底，考小學，做足準備，成功既因素有太多野左右，大小都盡左力也無愧吧！


我囝現小一，我偶然亦會感到迷茫，希望大家都能互相幫助，互相提醒！

魚兒小寶貝

200904 發表於 15-3-3 12:05
回覆 Charlotte_mom 的帖子

多謝你的坦率，我非常欣賞也非常感激。

噢~我出了帖才看到。我想請教你奧數的問題呢！朋友比左幾本小學奧數教程（啟導篇）我，我見第一冊裡面既內容，除左開頭一小部分，其他內容都涉及乘除數。。。我想問：那麼小朋友要先學懂乘除數囉? 還是好似sudoku 咁，有貼紙啟蒙? （即是有淺d既啟蒙練習）

200904

其實，可能我表達的不好。愉快學習，並非什麽都不學，或者懶散學習。而是以一種愉快的方式，啓發的方式學習，而不是機械式的學習。
我也教孩子們，成功路上會有很多的障礙，我欣賞的不是每次都滿分，而是勝而不驕，敗而不餒。當然，一份耕耘，也未必一份收穫，但不努力，不專心研究，永遠成不了大器。
我希望給她們多些時間，認識學術以外的東西，更多些時間消化，思考所學的東西。而不是填鴨式的教育。
我也明白這個很難，特別是入到小學，身邊的朋友或家長已有小孩在讀的，都說我的是空想。光應付作業，也是很吃力的事。所謂的閲讀功課，只是機械化的抄書名，快速閲讀，寫重點，已經沒有了享受，思考。