DELETED

mrsjacky

原帖由 bobbbby 於 11-11-21 15:22 發表
兩個故事分享
故事一：
學生甲就讀普通小學（非傳統或地區名校），成績名列前矛，升讀普通中學，成績繼續名列前矛，但公開試成績普通，未能升讀大學，現在是一位普通基層職員~~~
故事二：
學生乙就讀普通小學（非傳統或地區名校），成績名列前 ...

我信，小學唔敢講，但自信呢樣野，我幾肯定名校中學(講緊係傳統名校，唔係地區band 1)係栽培到，我公司有好多傳統名校生(因為老闆同高層都係名校畢業，慣性請返師弟妹)，呢d名校生係好有自信，而自信係黎自佢地既母校，不論佢地成績係好top定只係普通甚或只係同事眼中既高分低能，佢地都係好有自信，有優越感。與此同時，公司有一班黎自各區band 1既同事，佢地既成績部份可能好過名校既同事，但佢地無咁自信(唔係話佢地無自信，只係你唔會用佢好自信黎形容佢)，佢地會覺得一山還有一山高，自己係叻，但世界有好多叻人。最自卑既，都係一班來自內地既專材生，佢地最低調。

我覺得讀名校小學既效應唔大(尤其中學去返普通中學)，但名校中學既效應係好勁！我身邊既好朋友有一位係黎自傳統名校，佢成績好，但出社會做事後成就普通，但佢既自信係冠絶朋友之最。

[ 本帖最後由 mrsjacky 於 11-11-22 04:38 編輯 ]

mrsjacky

原帖由 橫風王道 於 11-11-22 01:11 發表
我始終想我個仔入名校，原因只得一個，就係“唔賭唔知時運高！”

我鍾意你呢句，最緊要子女同父母都放得低，咁就吾怕leg得起。試過得就得，唔得咪隨遇而安lor，you never know!

SCKnight

原帖由 mrsjacky 於 11-11-22 12:33 發表


我信，小學唔敢講，但自信呢樣野，我幾肯定名校中學(講緊係傳統名校，唔係地區band 1)係栽培到，我公司有好多傳統名校生(因為老闆同高層都係名校畢業，慣性請返師弟妹)，呢d名校生係好有自信，而自信係黎自佢地既母校，不論佢地成績 ...

我又唔覺得內地交換生冇自信噃！相比本地大學生，佢地英語能力較高、主動性較强。我間公司喺香港都有四千員工。

mrsjacky

原帖由 SCKnight 於 11-11-22 05:08 發表

我又唔覺得內地交換生冇自信噃！相比本地大學生，佢地英語能力較高、主動性較强。我間公司喺香港都有四千員工。

可能間間唔同，佢地唔係無自信(只係唔會外顯自信)，同本地生相比，佢地係低調好多，可能廣東話唔正，而且我公司好講一個人夠唔夠smart，內地生始終無香港人個腦轉得咁快，但講到成績，最叻真係佢地呢班。

tumtum

I came from a 傳統名校，when I was studying my grades were only average, not top of the class, but I am super 有自信，有優越感 ，"而自信係黎自佢地既母校" - exactly!  Because when I was growing up, every time when people asked me which school I went to and when I mentioned the name, they would all go "wahhhhh..." with great admiration.  So how can you not be 有自信，有優越感 if that is the kind of response you get all the time re. your school

Therefore, for my kids, I will consider only 傳統名校, not because of what they can learn academically from there, but to build up this 自信&優越感 which had helped me greatly in everything that I do.

augustgoose

其實我覺得, 家長唔應該用小朋友的考試名次來應定佢叻唔叻, 其實考試和測試都有好多外圍因素影響佢成績, 家長想子女入名校, 我好同意,因我都鍾意佢地入名校, 我只覺得名校一般校風都幾好,同佢地就算谷d學生, 我只當幫小朋友打好基礎, 如果父母好介意名次,其實入名校和非名校都冇咩分別, 班班都有人會考最差,而身為父母如都只看一兩份卷嘅成績就定自己個小朋友唔叻, 我覺得對佢地太唔公平啦~~~

khashley

我都係名校出身，記得一次考試有98分，以為自己好叻，原來人人99，100分滿分！拉curve得B! 好彩我爸媽一句：「問心無愧」，之後我便不再care成績，盡了力便算。所以做名校父母一定要明白事理，否則日日7-11都唔掂

我是一個爸

原帖由 khashley 於 11-11-25 19:01 發表
我都係名校出身，記得一次考試有98分，以為自己好叻，原來人人99，100分滿分！拉curve得B! 好彩我爸媽一句：「問心無愧」，之後我便不再care成績，盡了力便算。所以做名校父母一定要明白事理，否則日日7-11都唔掂 ...

所以係名校內就好似係少林內練緊絕世武功咁，個個身懷絕技，師兄弟比武勝負一招間。但一下山，一般門派就身都埋唔到
。 (純粹講笑）

joeyxlma

原帖由 apple8356 於 11-11-21 15:55 發表
就算子女努力溫習，由於名校個個都係精英，小朋友只要1個測驗偶一失手，就變成全班成積最差果幾個，真是壓力無邊，跟住無哂心機讀書 ，然後惡性循環，名校其實只是一個壓力煲。



這些事情在正常的學校是不會發生的，因為 ...

thanks for reminding...但係都係收之後的事...

唉瘋

其實每間學校都有人考第一或第尾。
求學其實除咗求知識，相信亦要學識面對失敗或挫折，無家長想小朋友包尾，但係出面社會天大地大，大家要接受失敗更重要。
個人意見，不喜勿插。

Kungfuli

"克己讓人非我弱, 存心守道任他強"

bobbbby

但係宜家唔讀傳統名小學，好難可以升上傳統名中學，尤其是部份傳統名中學，已經轉為直資，要入讀必需經過面試，除左要學術成績好，仲要有突出嘅運動／音樂成績，先有機會考入，唔似得以前，只要學術成績好，再加啲運氣都可以派位入~~~

原帖由 mrsjacky 於 11-11-22 12:33 發表


我覺得讀名校小學既效應唔大(尤其中學去返普通中學)，但名校中學既效應係好勁！我身邊既好朋友有一位係黎自傳統名校，佢成績好，但出社會做事後成就普通，但佢既自信係冠絶朋友之最。

OHIMESAMA

原帖由 長生不老 於 11-11-28 00:46 發表
仲要個個身懷絕技? 有好多大抽獎派入嘅唔掂個喎.

咁經interview入既就一定掂?津校全都唔掂?
我相信咩學校都好, 有好既老師再加上父母既配合小朋友一定唔會差得去邊名次唔代表一切!

BonusB

tumtum 發表於 11-11-22 13:31
I came from a 傳統名校，when I was studying my grades were only average, not top of the class, but I ...

我敢肯定，阿Q都係畢業於傳統名校，逆來順受，有份優越感撐住，永遠都咁開心！

ysnmama

就是神級學校都一定有人考第尾.