發展遲緩B媽媽(part 1)

kennistong

dear ioi, volmom
我已經有做MRI 既朋友, 係一定打安眠藥, 1因為囝囝已經大過仔, 怕佢會突然間醒!! 我會等政府的, 因為我一向都唔想照, 只係佢比到我, 我咪照! 我寧願用d $去 training.

volmom
好消息wor!! 真係鄧你開心!! 返學之前懂行, 囡囡都是了解媽媽的心意, 知道媽媽辛苦了!! 給了你和爸爸一個父親節禮物!! 不過你要預左, 佢有時又會鍾意爬返, 果時我囝囝就係,懂行了, 又想爬返, 都唔知點解,當然, 我冇叫佢停, 因為爬係對佢地有幫忙.
至於講野, 慢慢來拉, 我唔同其他小朋友比較!! 只要佢係有進步同個gap 冇多左, 就ok la!!

Slh
有冇試過用fitball, 我個人覺得fitball 真係幾有用. 我前一陣子同佢玩得多, 再加埋train 佢jump 既動作, 做左3個月拉, 佢依家會原地jump, 當然係好細既動作, 仲會係jump 完回果下係唔穩, 有時會跌, 不過, 我已經好開心, 因為佢真係大個了.

Bbsinman
你係全職媽媽, 唔洗play DVD 拉, 多d 同囡囡去公園看看其實小朋友, 一來佢有主動性去參與, 二來比佢有多d生活體驗.


Dear all
我最近都幾忙, 因為囝囝學校既兼收老師(a)走左, 學校搵個part time 老師跟住先, 於是我同學校講, 佢地事前一d 都唔提出兼收老師會走, 直至老師last working day 果日, 學校先派通知. 令到我對學校既行政感失望, 而且, 冇一個SCCW 去跟返我地果6個小朋友 佢話會由另一個兼收老師(b) 同校長一同分擔, 我就同佢講, 學校既安排依家係影響12個小朋友及學校其他事情都有影響. 問佢幾時會請返個有SCCW 既兼收位老師, 佢又答唔出.

最后, 佢可能覺得頂我唔順, 張我囝囝由part time 老師跟轉左比兼收老師b 跟. 不過, 我依家同學校講, 佢地既安排依家係影響晒12個小朋友. 我要求佢係9月開新學期之前要請到新既兼收位老師, 因為佢地一旱已經收到了政府的資助.

另一方案, 就因為佢轉左兼收老師, 學校行政混亂, 令我有d 擔心, 由原來cut 左既training, 依家又要加返, 所以又忙於搵training 比佢.

bbsinman

ic. 佢呢d都識。
不過砌形狀好似唔得, 佢係亂撞，一個一個試, 試左幾次唔得就算。
入錢錢就只識個入口係橫放" ---- ", 如果直放就唔識入。

原帖由 urme1997 於 09-6-10 10:25 發表


例如 :
比煮飯仔比玩,佢會唔會識柸、 匙、碗等有乜用途
疊積木
比個玩具電話佢, 會唔會識放係耳仔到....等等

valmom

阿女都係一時時肯行, 夜晚我地返到去, 佢就唔肯行俾我地睇喇. 不過, 下晝個D時間, 奶奶都引佢行, 我估要兩三個星期佢先真係可以叫做識行. 我地月尾同佢去旅行, 希望到時佢識行就好喇... 我D骨頭真係開始頂唔順成日抱佢同彎身/ 跪係度/ 坐係矮櫈同佢行... 呢排痛得好緊要... 佢好多時候都係選擇爬. 不過, 我都由得佢, 爬下都對佢個腦發展好既.

我個女又係勁鐘意大金冷氣個廣告. 佢又係想跟住人地跳, 當然跟唔到喇, 不過好搞笑. 我地次次都笑到停唔到口. 佢又好開心~~

佢D bb話都好好笑, 又多左好多音. 所以我同老公都好開心. 望住佢既進步, 真係點辛苦都值~~~

kennistong

Volmom
慢慢拉, 我地既小朋友, 學行了之后, 仍是要抱的, 囝囝上年6月行了, 到依家都係成日叫我地抱……. 真係要比多d 時候佢呀!!!

slh

hi kennistong,

其實我地之前都有諗過搬, 不過如果搬咗過香港島, 又要諗放學邊個湊佢, 而家係住係我地附近的呀太太湊, 而且兩個姨媽放咗工會幫手同佢做training (有時拖住佢行吓, 吹吓樂器, 認吓物件的名稱), 如果搬, 冇人幫手啦~  所以都唔知點算~  

不過呀囡返咗幾個月, 都好以適應咗, 就算起身時扭計, 都唔會扭好耐, 通常都可以係原定的時間出門口~ 同埋佢會上校車後訓一陣~

頭先呀婆打黎話已經宣佈小學同幼稚園停課2週, 真係怕佢放完兩個星期後返學嘜都唔記得???

kennistong

Slh
我依家都開始看看d 小學有冇岩我囝囝, 雖然仲有成3-4年甘長, 不過, 有時間就留意下, 如果有需要, 我地會考慮搬既!!
我都明白有家人幫手就係最好既. 所以你都係唔好想太多.  

Dear all
突然話停課, 連佢安排了星期六的小組都要停… 依家擔心呢兩個星期唔知佢係屋企會點??!!!

anan3388

各位想呻幾句, 若覺得煩者勿看, 唔好意思...

話說同仔仔去個中心評估左, 個社工就打電話黎約我上去, 佢話中心建議左e位同s位, 咁我就問,可否排埋i位, 因為依家仔仔仲細, 可能進步ok呢。佢話唔得, 唔同隊。咁我問, 若到時佢有幼稚園收佢, 咁佢已讀緊左e, 可否繼續讀。佢話"唔得", 話若排左e&s, 派左s位就會無左個e位, 除非我唔排s位啦!結果我諗來諗去又週圍問人, d人話無可能會無左個e位, 於是我又問返個乜野社工(話時話, 佢第一次打電話俾我, 話我個仔響間"野"到做左評估所以打黎跟進 @@ "間野"...唉), 個社工話, 係派了s位就無e位。於是我同老公傾左好耐, 決定左一個做法。去到社署第一次見呢個乜野姑娘社工時, 佢先話, 其實派左s位可以唔要, 保留e位到6歲。我嬲到! 其實佢若知道的話可以通知返我, 等我唔駛煩左幾日又遲左幾日, 但佢無, 在我上去時佢先講, 仲要我呻左佢幾句, 佢先講, 哎呀sorry... 我真係好激氣呀~我無諗到咁基本既野佢都會搞錯, 仲要咁既態度...

呻完好左D~ 我同自己講, 算啦, 要激氣多多都有得激, 呻完就算, 唔好俾d無謂人影響自己既心情~ 謝謝聽我呻...

kennistong

anan3388
算拉, 你果個係評估中心的社工定係地區社工? 你已經好拉, 我果次差d 攪到連個I 位都冇埋.  事情已完了, 開心點吧!!! 有什麼事情, 多上來吐吐氣.

bbsinman

hi, 唔好意思。我想問下咩叫 I/E/S 位？係點排架？定係要社工先可轉介架？

頭先我都去左dr. Xong度買鞋, 因女女開始試行跑步機，姑娘話佢原本對鞋唔好。我去到先發展女女要著22號既鞋。我仲以為女女隻腳係偏細添。

原帖由 kennistong 於 09-6-12 15:24 發表
anan3388
算拉, 你果個係評估中心的社工定係地區社工? 你已經好拉, 我果次差d 攪到連個I 位都冇埋.  事情已完了, 開心點吧!!! 有什麼事情, 多上來吐吐氣.

[ 本帖最後由 bbsinman 於 09-6-14 08:24 編輯 ]

anan3388

要醫生或心理學家做左評估, 同埋同你填張form2 fax 去社署, 社署就有社工聯絡你排位, 排咩位係睇個評估既建議定, 一般都排一年半載...

kennistong:
謝謝。係呀, 呻左唔激了~

話時話去左政府cac見左姑娘, 雖然姑娘只係初步見下唔係見左好耐, 但係姑娘俾返個意見話我個囝囝應該係某些方面發展慢左d, 但應唔係好似係a仔...其實自己都覺得囝囝呢個月又大個左進步左, 真係好開心~

不過無論佢係唔係a仔都好, 希望依家做既東東都幫到佢, 佢8月中應該會返樂天啦~希望佢返得開心啦

[ 本帖最後由 anan3388 於 09-6-16 20:03 編輯 ]

valmom

bbsinman
e位即係早期訓練. 係俾D未有學返或者返緊一般幼稚園但又要接受訓練既小朋友, 唔駛2歲都可以去既. 一星期可能去1次或多過一次, 視乎情況同治療師既安排.
i位係兼收位, 即係個D幼稚園/ 幼兒中心有一半學生係一般小朋友, 有一D係有特殊需要既小朋友. 呢D學校會定期有各治療師係學校同小朋友做訓練同跟進. 而老師一般都有多D經驗接觸特殊小朋友, 例如我地呢D既小朋友.
S位即係特殊幼兒中心. 係學校入面有各治療師長駐, 同所有小朋友都係要進行密集式既訓練. 當然老師都會教一D小朋友應該要識既野既. 因為目的都係想小朋友最後融入番主流小學.

其實評估既最大用途就係安排小朋友接受以上其中一種既訓練方式. 如果小朋友問題唔係好大, 好多時會安排e/ i位, 有D甚至得e位. 如果問題大既, 就會安排e/ s位.
e位好多時都係過渡性質.

如果小朋友係接受以上其中一種訓練時突然有好大既進步, 個定期評估會有機會轉介小朋友去另一D既訓練. 即係讀緊s位可能轉去i 位, 讀緊i 位可能去e位~~ vice versa.

初初我聽到阿女要讀s位都好難接受. 始終都係特殊幼兒中心, 甚至好多朋友都叫我其實不如俾阿女遲多一年先入學, 讀番主流幼稚園. 不過, 理性D去睇, 阿女係真係需要密集式既訓練. 入讀主流幼稚園即係剝奪左佢接受密集式訓練既機會, 因為自己再安排多私人訓練+醫院既都唔夠係學校既多. 而且, 係佢咩都落後人地既情況下去返學, 學新野, 係咪又真係係心理發展上對佢係好呢?? 會唔會只係不停製造挫折感俾佢呢?? 佢學野咁慢, 主流學校既老師根本唔識照顧佢亦唔會體諒佢. 我怕佢過早被老師定型為蠢同麻煩既學生... 呢D都係我最唔想見到既野.

[ 本帖最後由 valmom 於 09-6-17 22:53 編輯 ]

bbsinman

Hi, Valmom/anan3388,

唔該晒。我明白晒了。

咁我女女宜家15m大，我地想女女2y返學。而我一直都無搵社工跟進。但咁我宜家女女早前係評估左係肌肉張力低。宜家經物理治療後，佢都算係有進步。但仲未識行/平衡仲好差(爬爬下都會撞地)。咁我應該點好呢？因我唔知見社工 / 排i/e/s 位要等幾耐。我亦唔知我女女日後會唔會持續進展。咁我應該搵定社工幫手先或應該遲d先算。而佢暫時認知方面，我估算係ok。但遲d就唔知了。

原帖由 valmom 於 09-6-17 22:50 發表
bbsinman
e位即係早期訓練. 係俾D未有學返或者返緊一般幼稚園但又要接受訓練既小朋友, 唔駛2歲都可以去既. 一星期可能去1次或多過一次, 視乎情況同治療師既安排.
i位係兼收位, 即係個D幼稚園/ 幼兒中心有一半學生係 ...

valmom

bbsinman
一般都要排好耐, 所以我會建議你依家排左先, 到第日唔駛咪唔要個位, 冇損失, 如果遲D先排, 阿女就可能3歲先入到學, 同你原意有好大既出入. 不過, 就算依家排, 都唔一定可以俾你2歲入學既... 要睇你揀咩區同個區多唔多小朋友需要呢種服務.

不過要排就要社署社工幫你搞, 而一般既社署社工唔係好清楚排位既野, 係評估中心個D會好D.. 而排位係要政府評估中心既報告, 所以最後返番去個問題, 就係去左評估中心見醫生未呢?

我個女就排左1年, 仲要係排到s位, e位都係冇聲氣.. 依家我揀左s位, 就即係冇e位架喇~

bbsinman

valmom,

非常多謝你詳細既資料。我初初真係一舊雲咁。好多野都唔知點好。Thanks.

評估中心個姑娘話已安排左物理治療。話我女女暫時唔需要排任何位。叫我只要專心訓練女女肌肉發展直至識行先考慮讀書問題。話下年年頭會再打電話跟進。
希望女女快d追返, 快d識行啦。

原帖由 valmom 於 09-6-18 18:49 發表
bbsinman
一般都要排好耐, 所以我會建議你依家排左先, 到第日唔駛咪唔要個位, 冇損失, 如果遲D先排, 阿女就可能3歲先入到學, 同你原意有好大既出入. 不過, 就算依家排, 都唔一定可以俾你2歲入學既... 要睇你揀咩區同 ...

[ 本帖最後由 bbsinman 於 09-6-19 17:59 編輯 ]

valmom

bbsinman

唔駛客氣. 初初我都係一舊雲, 都有好多資料係呢度既媽媽分享番黎~~~

唔駛排位住都係一件好事黎架, 即係佢其他方面都跟到, 只係行唔係好好, 咁同佢做多D有關既訓練喇~~~~

加油呀~~~

slh

hi,

放咗成個幾星期唔洗返學, 呀囡就病足一個星期, 又咳又喉嚨痛, d燒又退吓燒吓, 攪到差d要去流感中心......

唔知係因為唔舒服定係放假放得耐, 佢成日發脾氣同小小野唔鍾意就郁手打人. 呢個星期仲成日唔肯坐 po po 柯尿, 除咗朝早起身嗰次因為太急至係po po柯, 其他時間坐多陣都唔肯, 今早仲坐咗成半個鍾都唔柯, 我問佢係咪留返呢賴, 佢仲大大聲答"係呀"..... 激死人~

bbsinman

slh,

唉, 我大女都係, 岩岩放左1星期假, 情緒已經好大問題, 好易喊，又話掛住d同學, 又話掛住邊個。昨日一日都喊左幾次。又駁咀。真係激死人。

Valmom,

你都講得岩, 唔駛排位住都係一件好事黎既。不過女女一定要持續有進展先得，否則, 如果到時先發現真係追唔到先排, 都唔知幾時先有書讀了，因佢話下年年頭先再打電話黎跟進。

原帖由 slh 於 09-6-21 23:43 發表
hi,

放咗成個幾星期唔洗返學, 呀囡就病足一個星期, 又咳又喉嚨痛, d燒又退吓燒吓, 攪到差d要去流感中心......

唔知係因為唔舒服定係放假放得耐, 佢成日發脾氣同小小野唔鍾意就郁手打人. 呢個星期仲成日唔肯坐 po p ...

kennistong

Bbsinman/slh
我囝囝都係一樣, 放左假1星期, 情緒唔好多, 容易左發脾氣, 再加上冇麥洞動, d 感統又有d 問題, 本來想叫工人帶佢去樓下平台的公園玩下, 點知連平台公園都closed. 依家都唔知點好!!!!

如果再係冇學返, 我又要想想要不要安排其他training 比佢拉, 最慘係…. 又要交學費, 又要比training $$, 真係一d 唔可以預計既支出.

urme1997

原帖由 lormy 於 09-6-24 01:00 發表
我個仔被醫生評估係發展遲緩, 但我唔想排政府 (因為好耐), 有邊d 私人機構可以有同樣既治療呢? 我d 朋友既小朋友都無呢d 問題, 我完全無接觸過, 真係唔知點做好 .. 好徬徨 ... ...

協康會有個"青蒽計畫"