將軍澳宣道會茵怡 Chat Room

kkwchow

Thanks for the info.

BOSKERMA

iwff,

好耐冇上嚟啦, 因公司同屋企都好忙呀, 睇都你好多小學簡介會嘅資料呀, 真係唔該晒你呀, 但我一個簡介會都未去過, 因多數簡介會都o係星期六, 星期六我同囝囝都最忙, 所以都唔知點算, 上次有一間可選閒日又遲咗報所以full晒, 我真係要"的"起心肝留意下d小學資料先得喇, 咁你暫時有邊間心水之選呀?

好似話下個星期二有得返學校玩水喎, 到時佢實玩到癲晒都似喇

iwff

BOSKERMA,

真的一段時間不見你上來了, 以為你有什麼事發生了, 好彩冇事。  

我去了優才的簡介會 , 我會報名的 , 它們7月14日面試 , 8月24日會知道結果。明天會去陸慶濤簡介會(你有冇報名呀?),我都會報考的。7月7日就報了東華三院王余家傑小學的學堂日。很多簡介會都係星期六的 , 所以一定要有取舍 , 你仔仔可以不用去 , 叫家人睇住仔仔先 , 你自己去囉!

我仔仔星期一都會玩水同泥沙 , 他們一定好開心的 , 舊年K1都有玩過。我會參加星期五晚的親子遊戲班 , 你有冇報呀?

Keep in touch.

iwff

BOSKERMA

iwff,

你話報名係未即是報名入學呀? 咁面試完8月24日如知道收咗, 咁10月個搞珠又點呢? 你點解有咁多簡介會資料嘅? 學校依家都冇最派有關資料啦, 重有邊度再有簡介會呀? 記住通知我喎, 唔該

依你囝囝今日玩水嗱, 今朝天氣麻麻咋。 咩原來玩水重有沙玩ga, 唔怪得囝囝話可以帶個摌仔返去啦。 我冇報到個親子遊戲班呀, 因要返工驚趕唔切呀, 你玩得開心d啦。

iwff

BOSKERMA ,

其實係 "小學雜談”的 topic中都有好多小學簡介會的資料知道的。我會報名面試的，全部直資學校都會係１１月第一輪自行收生派位前收學生的，若直資收了小朋友，就要放棄大抽獎了，因為直資都有政府資助，所以不可同時享有大抽獎了的機會，私校除外。

我除了報優才，陸慶濤外，仲會報播道，港大同學會（係柴灣是朋友推介的）等直資學校。我同老公都有共識若直資收了就會放款大抽獎的了，因為我們覺得直資小學的師資同教學方式會幫到小朋友不用壓力下學習，這是我們的見解。加上對將軍澳的津校信心不大所以不會後悔放棄的。但若我仔仔考不到直資小學，我覺得宣基，保良局馮晴或黃永樹都不錯的。

我下午打電話比仔仔，佢話因為今早下雨所以冇得換泳褲玩水，老師睇下可否安排暑假前另一日再玩，仔仔語氣有點不開心，希望學校真的可以安排一日再玩啦！

kkwchow

I have looked at the topic about EC from Parent magazine at Mcdonald.  It seems that at EC, apart from Chinese, other subjects will be taught in English.  I am afraid that the Eng. standard is not good enough that EC will accept our child.  Even if they accept, will they catch up?  

I have also enrolled the course on 7.7.07.  Let see if we will see.

BOSKERMA

iwff,

完全明白! 睇嚟你對囝囝升讀小一真係交足功課喎, 其實我同你見解一樣, 覺得直資小學的師資同教學方式會幫到小朋友不用壓力下學習，但心中仍未決定到俾佢讀直資或津校好, 聽你咁講, 我又對直資加了一分, 你話會報依幾間直資, 咁係咩時間報名同手續又點呢, 另外播道幾時有簡介會呀? 記住通知我喎,  

係呀你囝囝冇得玩水呀, 其實星期二我都以為佢冇得玩, 因當日11點幾又落起大雨, 我重同囝囝講你今日都係玩唔到水喇, 點知下午又好好天喎, 重有太陽添, 真係俾d天氣玩死呀! 我聽老師講,學校盡量會安排返冇玩到水嘅小朋友玩返ga。

係呢, 你囝囝評估時書包有冇一張紙蓋咗d印仔呀, 我囝囝話評估時如果啱晒老師會蓋個印俾佢喎, 唔知係未呢?

iwff

BOSKERMA,

優才書院已係今日截止了,你是否冇報名?咁可能要等第二輪了。陸慶濤7月開始報名,到時會有bk媽媽通知我的了,我再通知你啦!播道仲未知幾時有簡介會,但遲些bk小學topic一定會有人講的了,不用擔心。

我仔仔結果係星期二有得玩返水,但他主動同老師講自己有濕疹不宜玩水太久,好似玩了其他活動,不過都好開心。

我仔仔個書包沒有發現有蓋咗d印仔的紙喎 , 可能有不同的評估方法吧!我仔仔知道是評估週 , 很認真去做每個工作,老師昨天打電話比我話佢哭, 因為他對老師說不見了交剪擔心手工做得慢便評估不好, 老師告訴他之前對他的評估已做了不用擔心,他才放心不再哭, 真係比佢笑死。我仔仔是一個很緊張輸贏的小朋友,輸了會哭的,這也是我要去幫他面對的弱點。

iwff

iwff

Dear Boskerma,

保良局陸慶濤小學 08年小一入學申請
http://www.plklht.edu.hk/chinese/main/index.htm

你上去網址睇下啦 , 十月才截止。

iwff

芷欣mama

唔好意思打擾大家一下, 我見你哋煩緊小一嘅嘢, 而我就煩緊我囡囡出年入幼稚園d野, 因為這間幼稚園都係我考慮之列, 所以想問問大家對呢間學校既意見.....
Thanks a lot!!!!

iwff

芷欣mama,

茵怡幼稚園係一間好有愛心的幼稚園, 我仔仔有一個好開心的幼稚園生活。最初選擇這間幼稚園的原因係近我家,有好多人向我推荐(我2003年才搬入TKO對附近的幼稚園不熟悉)。當我參觀完學校後很喜歡它的環境,有露天playground及會堂,環境很乾淨及舒服,比起長期困在商場的幼稚園空氣好很多。我本身又是基督徒,學校的老師全都是基督徒及學校重視靈命的教育。

至於你可能會關心學校的課程深淺,以前有人會覺得學校課程較淺,但當我仔仔入讀後我又不覺得特別淺,當然比起九龍塘的幼稚園會有不同,但對3-5歲的小朋友來說是絕對適合的,K1只是畫線,K2才開始寫字。學校有native的老師教英文及普通話堂。

唯一問題是學校不容易報名的,因為每年學校會先收哂細佬妹報名,然後剩餘的學位是先到先得的,因為學校的面試只是形式上會面,基本上一定收的是不會選擇學生(有教無類的精神),所以每年都有很多人通霄排隊報名的(係寶林已很出名要排隊的了),我當年都要前一晚10:00排隊,主要係好多人想報讀上午班,你不介意的話下午班通常都報到的。

有問題歡迎再問。祝你找到一間合心水的幼稚園。

iwff

芷欣mama

iwff,
你既意見好有用, thx~
我噙日去睇咗佢哋個校舍, 都ok. 不過我覺得一個星期先得兩日有外籍英語老師既英語堂(每堂只得20-25分鐘) 及一堂普通話, 我覺得唔係好夠, 大家應認為呢? 而且之後升小一, 又係我考慮既因素, 唉..我會唔會諗得太長遠咗呢? 我知道呢間係一間好好既學校, 如果唔係都唔會咁多人報名啦~~

kkwchow

Glad to see the topic again.  After changed the cover, I can't find the kindergarten from 幼稚園一覽表

Up to date, I haven't received the notice from GT about the i/v time.

iwff

芷欣mama,

我好明白家長對學校的語言課程,我仔仔一直有菲傭照顧,所以聽同講問題不是好大,而普通話我由今年開始幫仔仔報了香港兒童合唱團的幼兒普通話班去培養他對普通話的興趣。

其實當初我報讀茵怡考慮的因素是近我家,仔仔不用一早坐校車返學,學校老師同嬸嬸很有愛心及關心小朋友,我只想仔仔有個開心快樂的幼兒階段。現在仔仔會報小一我不大擔心,我會幫仔仔報直資小學,而TKO的津校亦不是很差的只是比較傳統。

每個家長對幼稚園課程都有不同的要求,最緊要係適合自已的小朋友。希望可以解答到你的問題。

iwff

iwff

kkwchow,

我都係未收到優才的面試通知,我估下星期頭應該有了。

另外,除了陸慶濤外,柴灣的港大同學會小學都開始報名了,你去它們的網址睇下啦 !

iwff

芷欣mama

iwff,
其實我既諗法同你差不多, 都係想佢開開心心, 係冇乜壓力底下讀書, 培養到自信心, 不過我囡囡係比我媽咪照顧, 我諗佢係語言方面要落多d力先得.
你真係好有心回答我既問題, 都好幫到我.

kkwchow

Difficult to find the topic.  Push it up.

I had attended the i/v of GT school on Sunday.  It's very keen competition.  

Iwff,

Your i/v on Sat or Sun?   The headmaster said that they had 500 odd applications.

iwff

kkwchow,

我本來係星期日10:30面見優才的,但因為要返教會的聚會,所以申請改時間, 又好彩比我改到星期六10:30面見。Thanks God.

首先我覺得優才d老師及校長好有笑容,我們和老師面談的部分自己覺得好滿意(因為多數係老公答哂 )。接返仔仔時佢玩得好開心因為有糖派,問佢問了什麼問題,一時話唔記得, 一時又同我講話問了一些中英文字,砌拼圖及傾計等。總之仔仔見完係開心就算了。

我好清楚聽到校長今次介紹學校時講決定了2008年有兩班在TKO,兩班在MK, 所以我和老公最後決定只選擇TKO校舍,原因如下:

1. 不想仔仔坐太遠路程校車返學
2. MK的校舍太細,設施仍需改善,比較喜歡TKO校舍的學習環境
3. MK的環境附近比較"雜",不大喜歡

其實我很欣賞學校已好努力去改建MK的校舍比初小的學生,但有得選擇我仍然會選TKO的校舍的,入不到就算了。

我之後會報陸慶濤, 港大同學會,及等緊播道的簡介會資料。

今日係學校頒獎禮,唔知仔仔有冇獎攞呢? 我明天請了一天假,會係11:00回校取評核報告。

iwff

BOSKERMA

iwff,

hello, 好耐冇上bk啦, 一來忙一來bk改咗版面, 好難睇呀, 一轉晝面就走個私人信息出嚟, 都唔知點delete!!!

聽你口氣好似已選擇了優才咁喎, 咁你依家係未已經完成面試呢? 又幾時先知收唔收你囝囝呀? 我又係等緊播導o既簡介會, 成日想問我朋友有關消息, 但因佢最近升咗職, 忙到飛起, 所以都八唔到咩消息, 唯有等你通知我簡介會資料啦。

你琴日11:00a.m.見老師呀, 我3:00p.m.呀, 今次見唔面添, 9月1日家長會希望見到你啦。好開心今次囝囝攞到進步獎呀, 希望囝囝可以keep住下次攞個學術獎返嚟啦 , 不過琴日老師都有講升到k3, 會多好多嘢俾佢地做, 功課同程度都會提升, 叫我o係依個暑假再谷吓佢喎, 聽見老師咁講, 我都有d緊張呀, 希望囝囝能適應到啦。

係呢, 你幾時去日本呀, 玩得開心D啦

bwm

iwff, 芷欣mama,

唔好意思呀, 我想請教宣道會茵怡幼稚園,同播道會茵怡幼兒園是否同一間呢? 咁你又知唔知播道會茵怡幼兒園又好唔好呢? 因為我都想比我bb讀pre-nursery呀...

謝謝你們的解答呀!

[ 本文章最後由 bwm 於 07-7-19 16:46 編輯 ]