06, 禮賢 K1上午班同學媽咪會

yypiano

Hi, all,
多謝各位關心。
我唔係全職媽黎架,之不過我好多時間係屋企做野,都好趕架,唔得閒理佢地架,有時工人顧住yy,就真係連飯都煮唔到,而家已經叫做好d,yy大咗,唔係好似細個咁周圍捐、爬高爬低。

呢個禮拜我直情亂晒籠,好多野都趕唔起,好彩係幫我老公手咋,唔係實炒魷。因我主要用電腦做野,所以可以係屋企做囉,但係難度都好高架,因為唔可以成日離位,離得耐就會做唔切。

我有時做到攰就會上黎8下,果d時間我多數係做緊野。

不過而家我又要趕住出去啦。

焯媽媽

我是自己帶孩子返學及放學, 因為我實在唔放心焯焯自己搭校車, (未足三歲), 我自己唯有辛苦d, 自己帶返學, (因早上交通很塞車, 及因為是返學返工時間, 很難搭車)自己然後返工, 姐姐接放學, 或自己帶返學放學, 實在很辛苦, 因要約7:45出門口, 但我很享受, 可以多些時間照顧孩子..

焯媽媽

dns 寫道:
各位媽咪你地交左膠樽未？有幾多媽咪會番家長班呢？

多謝提醒, 我即刻開了支飲品, 待洗淨後, 放在書包..

焯媽媽

fi-fi 寫道:

另外....第一日咋,我個囝就唔見左個毛巾樽喇 我估陸續有黎

我在孩子的用品上貼上名字的, 因此沒有此情況..

龍柱

昨天交左膠樽啦!

另外我唔會報家長班lu, 因為我老公好似10月開始就每個月有兩個早上要番學, 費事成日自己一個番啦! 失去家長班的意義! 留番d quota 比真正有興趣的家長啦!

dns 寫道:
各位媽咪你地交左膠樽未？有幾多媽咪會番家長班呢？

龍柱

其實咁多位老師中, 我最鍾意孫老師, 好可愛, 好適合做幼稚園老師, 唔知到K2-K3會唔會有機會做班主任呢?

fi-fi 寫道:
你地有無打電話比老師八下今日小朋友個情況呀????
嘻...我係一個煩人,所以打左去煩老師lu~~本來只係想知個囝有無喊就已經足夠 但孫老師實在太健談喇,所以都打擾左佢好耐 從老師口中得知,今日幼信班係有小朋友喊嫁
另外....第一日咋,我個囝就唔見左個毛巾樽喇 我估陸續有黎

yy,
我真擔心個跟車嬸嬸當埋yy係敵人呀

mendynam

你哋個個小朋友就好啦 個個都肯自己上校車, 我同我老公尋晚都買可穎上車會喊, 到咗今日等車時佢都無乜特別, 我以為我哋估錯 但好可惜校車一到, 我諗住佢會拖住我上車, 點知佢隻鞋底好似蹅咗AA膠咁"痴"到實 個個都上晒車佢都唔肯行, 要我夾硬抱佢上車比保母ee, ee 話得ga la你走啦, 當時我好想走, 但我個女一边喊一边隻手拉到我件衫好實走唔甩, 我要好大力拉開佢隻手先走倒 :tongue: 今日放學佢好開心話比我知保母ee比咗粒糖佢食, 跟住我問佢ee係咪好鍚你呢? 佢話無呀! ee都無鍚我塊面 真係比佢笑屎 咁我又問佢聽日上車會唔會喊, 佢話唔會, 真係希望今次佢講嘅係真我就放心 我仲有問佢返學開唔開心呀? 佢話開心   我問响課室有無小朋友喊, 佢話有兩個, 我問佢其中一個係咪你? 佢話唔係 我再問頻果組有無人喊, 佢又話無 : 佢仲話有個小朋友好嘈 我問佢係咪你尋日話嗰個小朋友呀? 佢話係, 真係比佢笑c

mendynam

kaman-wingyee,

如果穎怡返嚟同你投訴可穎成日踼佢張櫈你要話我知, 因為同佢返學嗰兩日面向老師嘅時候, 可穎就腳多多成日都踼穎怡張櫈, 我已經叫咗佢好多次唔好, 但佢一無聊隻腳就痕 所以, 如果佢又踼穎怡你真係要同我講 你問我仲有乜嘢comments呀? 我唔知你哋覺唔覺得課室有蚊咬, 我嗰兩日响課室都比蚊咬咗四五啖, 尋日同校車叔叔短短响門口傾咗十分鐘倒, 我又比蚊咬咗十啖, 唔知係我野蚊, 一或學校真係比較多蚊呢

tyty

dns 寫道:
龍柱：

咁佢錯吾晒喎！欣欣都話老師有教ＡＢＣＤ喎！
佢仲教我讀ＡＢＣＤ喎！但教錯晒我！

[quote]由 龍柱 於 2006-09-06 19:19:04

我都話德揚有時講d野要諗

fi-fi

焯媽媽,
所有帶返學校ge物件我都貼哂名嫁喇,個毛巾樽仲要蓋一個label,樽身一個label,連毛巾我都燙埋名添嫁喇....老師話可能係其他同學仔唔小心收埋入書包喎 唔緊要喇,都係幾蚊貨仔啫

Carmanbb,
我要呀...唔該!!!我pm你我個醫貓喇
知宇個樣,明白哂喇~~佢指定動作+表情呀嘛,佢張張相都咁樣嫁,肉酸c :tongue:

dns,
家長班本應都好想參加嫁(聽家長日時....),但前日拎到張主題表時就諗左好耐......因為最尾尾果5-6個主題囉,我淨係有興趣有關教育小孩果d topic咋,如果承諾左參加就要返足,否則好似好衰咁,所以我無報到呀....或者下年會有唔同睇法,到時再報喇

mendynam,
完全想像得到當時上車個情景呀,係咪肉都赤埋呢?真係想即刻抱返佢落車......但係真係唔得囉,要硬住心腸 我估如果由我親自送知宇上車都會有咁ge情況出現嫁,所以唯有我佬or婆婆送上車囉 :-|

yypiano

hi all,
yy今日同我講佢驚個跟車保母,我同佢講,保母都係為你好,唔想你跌親。  佢有d憂慮,但今朝同司機通電話,話佢會係下星期調走,可能係好事卦。

焯媽媽

[quote]
龍柱 寫道:
其實咁多位老師中, 我最鍾意孫老師, 好可愛, 好適合做幼稚園老師, 唔知到K2-K3會唔會有機會做班主任呢?

[quote]

我都同意，開學第二日因何老師病了，孫老師代堂，見到她可愛的笑臉，我都喜歡她．

yypiano

焯媽媽,
孫老師今年係第二年教呢間幼稚園,何老師就教咗好多年啦。

焯媽媽

今日返學時，看到搭校車返學的小朋友，因下毛毛雨，因此都幾狼狽，如小朋友搭校車的話，請家長教兒童用手仔保護個頭仔，並教兒童入課室後要抹乾身．．

焯媽媽

[quote]
yypiano 寫道:
焯媽媽,
孫老師今年係第二年教呢間幼稚園,何老師就教

kaman-wingyee

Hi mendynam,

我覺得可穎都幾乖喎, 我又唔覺得有蚊釘, 尋日穎怡上校車和在學校都無喊, 青衣線的ee好好又有安全帶(因為唔係架架車都有), 我問佢開唔開心, 佢話開心, 不過到問佢同邊個玩, 佢又話唔知.

我知可穎有讀N1班, 穎怡呢2日成日提住要返以前間學校和老師, 我都唔知點算, 擔心穎怡係咪唔鍾意禮賢, 可穎有冇呢個問題呀?

可穎改咗英交名未呀?  穎怡叫 Karina.

KLLP

[size=small]要帶膠樽    , 我完全忘記了...何種款式呀, 請話俾我知   

dns, 龍柱,

timothy 都話我知冇人喊wor      另外, 佢話李老師係播卡通佢地睇wor (係貓和老鼠), 的小朋友仲睇到好開心   

龍柱

KLLP,
老師沒有特別指明, 應該普通的500ml蒸溜水樽就可以了!

另外, 德揚無話有卡通睇wor! 問佢有無唱Mickey Mouse, 佢話無, 淨係唱"BB歌(不再是BB)".  佢又話昨天無禮物送ar     後未我發覺校服有個貼紙, 唉! 貼紙咪禮物law!!

KLLP 寫道:
[size=small]要帶膠樽    , 我完全忘記了...何種款式呀, 請話俾我知   

dns, 龍柱,
timothy 都話我知冇人喊wor      另外, 佢話李老師係播卡通佢地睇wor (係貓和老鼠), 的小朋友仲睇到好開心   

TungTungB

龍柱,

我今日送囡囡上車時, 見到你囝囝好乖坐係車上, 仲捉實個扶手添   

龍柱

yypiano,
yy今日有無喊ar? 乜野環境ar?

yypiano 寫道:
hi all,
yy今日同我講佢驚個跟車保母,我同佢講,保母都係為你好,唔想你跌親。  佢有d憂慮,但今朝同司機通電話,話佢會係下星期調走,可能係好事卦。