家有自閉傾向的小朋友......

承承媽媽

歡迎兩位新家長,
希望兩位多d入嚟分享d經驗過我地啦~~

承承媽媽

Marie,

呢個禮拜六呀~~!
放飛滋的話...........收你double呀~~!   
仲有,5:00太子A出口等

承承媽媽

Janet,

呢幾日唔見你現身呀?
好快d出現啦~~

jennyho

喂!承承媽,我pm左我個電話比你喎,做咩無咩聲氣架? (星期六)

jennyho

各位:

想請問各位為小朋友搵幼兒園時,會否向校方講明,小朋友係有自閉傾向呢? 唔知係咪一試即收,定係試過好多間先有學校肯收呢?  

係擒日我致電一間有兼收位的幼兒園,想比個仔返下幼兒園,問下佢地收唔收插班,佢地話有位,但我再道明我個仔係有自閉傾向,就搵左校長傾,校長就講了好多野,但意思係叫搵過其他playgroup又好咩都好，但我都想試下比個仔去見下，就約左今日去，我又行錯路，好辛苦先搵到間學校，好勒先到校長勒，唸住會坐底，同個仔玩下各樣啦，點知只係望下個仔，求其問下佢，個仔當然無采佢啦，就一路同我講佢地ｄ位都好ｆｕｌｌ，而且一班成三十幾人，未必適合我個仔，一路長扁廢話，總知就係唔收，咁我就帶住個仔走人，係行番屋企個時，我ｄ眼淚己經不受控制，都無理有無路人見到，我覺得佢地點解唔認真睇下我個仔先呢，靜係知佢有自閉傾向就標籤佢，我真係覺得對我個仔好唔公平，返到屋企我都仲咸左好耐，個心先平復到．

我真係覺得自己好無做，咁容易灰心，只係試過一間庶，希望有一間幼兒園肯收佢啦！



                      

hinhinmummy

JENNYHO

你的情況我都試過

但果次我係無講明軒軒有a, 只係帶佢去interview, 還要吾係k1, 係n1(佢當時應該可以讀k1), 點知吾收, 未見之前話有位, 見完之後話full

跟住, 我再去另一間有i位的nursery, 當然搵間收生不足架啦, (以依家香港的出生率甘低, 大巴吾出名的nursery收生不足), 甘佢地係不知情的情況之下收左軒軒  , 當然紙包吾住火, 好快佢地就知道, 約見我, 兜兜轉轉甘問我佢係屋企有無講野呀? 譇於此類的問題, 跟住差吾多上學期完的時侯, 我直接同老師講, 佢已經做左評估, 等緊s位

好彩佢地無踢佢出校, 可能軒軒可以坐定定, 係遊雲law, 到學期完的時侯, 佢都叫做講到一兩個單詞, 但你話學吾學到野, 可以話你聽, 你當佢去見多d小朋友, 同多d人相處, 叫做有人看下你個仔, 好的學校/有愛心的就會關心下你個仔, 如果吾是, 好似軒軒果間甘, 係條尿片褲入邊再著條un un都試過law  

比心機d, 再搵................

jennyho

hinhinmummy:

其實我覺得你好大胆，隱瞞學校 ，可能你個仔可以坐定定啦，都可以呃住先，但我個仔唔得呢，佢最鐘意走去（禁制），見到電話又禁，電腦個keyboard又禁，又鐘意去開門，所以去搵學校真係好難，其實我而家都係搵ｄ有ｉ位個ｄ學校架，真係一問就話有位，但講埋有自閉既就唸過先，再加句排緊ｓ位，就．．．．．．．，唉！係咪我太老實呢！其實我講明，都係想佢地如果肯收，都會留意多ｄ佢嘛！

我唸個天會有安排架啦！

pcsiauw

唔好意思, 我路過架咋...

jennyho, 我覺得果間幼兒園唔收你個仔, 你應該高興都黎唔切啦, 咁無愛心o既學校, 如果你個仔去左果度讀都要喊三聲呀!

比心機慢慢搵一間好o既為止, 一定會搵到架, 唔好灰心, 加油加油!!

hinhinmummy

jennyho

其實吾係大膽, 係迫於無奈, 講到明的話, 佢地實吾收, 講真, 亦要體諒下, 佢地要照顧多一個'特別'的小朋友, 要搵多一個人手, 可能真係兼顧吾到

但係做父母既呢, 又好無助, 好慘

試下啦, 吾好講, 入左去先算

佢問到, 你支吾以對

當佢地叫係帶佢去評估時, 先講, 都拖得半年到既

你住邊區?

jennyho

hinhinmummy:

其實我都知，但係我個仔好難呃到佢地架，佢又鐘意周圍走喎，問佢野，佢又唔多采你，就算唔講，都睇到架 ．
不過我會試下唔講，睇下佢地收唔收先！

我住深水埗區架，有邊間好野介紹呀！


pcsiauw:

講真丫，我見到間學校，真係好想佢地收架，又大又乾淨，可惜丫，可能好似學你話齋，入到去都未必好好咁對我個仔啦，我走個時，個心不其然咁唸起’與光同行’一句對白：正常學校邊會岩你個仔丫！：

hinhinmummy

JENNY

軒軒都看到架, 其實有經驗的老師, 尤其間school有i位既tim, 接觸得一兩個week都會看到, 軒軒入去的時侯, 真係一張白紙, 叫佢又無反應, 又吾識講, 問佢野又吾識答, 連排隊去廁所都吾識, 還要著片片...................

總之吾好講, 扮傻扮吾知.................

hinhinmummy

hm, 我諗住如果港島區, 搵返軒軒以前果間之麻, 因為吾駛interview

或者你試下搵下保良局果d nursery啦

hinhinmummy

還有, 如果真係無學校收的話, 不妨諗下暫託, 例如好似去協康等, 一星期托幾日, 另外的兩3日, 搵d playgroup/私人training比佢, 等佢吾駛虛渡光陰

jennyho

hinhinmummy:

唔洗ｉｎ，係咪學校黎架？

真係好失禮，其實係未評估個時，我都有帶個亞仔去見ｋ１架，個時咩都無講比ｄ老師知架，點知個老師好簡單咁比架車仔亞仔，叫佢比番我咁簡單，佢都唔采你，靜係係度走黎走去，個老師都話，個仔仲細，不如你遲多一個月再黎過丫，個時唸住搵間咁（炸）既都唔收，唉！都唔知搵咩先好囉，收尾去做埋評估，先知有自閉．

真係希望會有一間肯收佢啦！

pcsiauw

jennyho,
其實你眼見到o既同裡面係點樣o既好可能係兩回事, 其實讀咩學校都唔緊要, 最緊要係有適合o既導師去帶領你個仔, 等佢可以得到最好o既支援!

學 hinhinmummy 話齋, 報下 playgroup 先, 好過響樹虛渡光陰呀

jennyho

我睇過晒我附近個ｄ，無一間係保良局喎！

我都排緊明愛，不過要等到３月，恊康暫託就快ｄ好似今個月中有，但又唔知有無我個仔份！



                

jennyho

pcsiauw:

playgroup我都試過，不過全部小朋友都係無問題個ｄ，我個仔一去到，又係搵門走，好在ｄ家長無投訴．
咁你有無好既playgroup介紹呀？



個仔而家都係恊康做緊訓練同言語治療．

jennyho

想請問下，暫託係咪將收到既小朋友，２－６歲ｇｒｏｕｐ埋一齊玩架，因為我問過一間係咁架？

pcsiauw

jennyho,
我都搵緊 playgroup 比我個囡...我個囡o岩o岩做完歲半健康院果d綜合測驗, 醫生話我個囡ge發展比同齡ge小朋友慢, 佢寫左封轉介信比我去唔知乜乜體能智力測驗中心, 果度會有一班專業ge乜乜治療師幫我個囡做訓練喎...同埋又叫我響 lee 段時間搵下 playgroup 同亞囡一齊上, 話對佢有幫助喎...唉...我搵過一d playgroup, d 時間好難預, 因為我係 working mami, 星期六又要長短週, 根本好難同佢去 playgroup...但係為左個女, 可能要犧牲一下我d年假咯......